竺扶大班燒味

营业中

休息中

我真係好鐘意食茶記，難得入到大埔，去朝下聖先↔️深受街坊歡迎嘅大埔燒味人氣店鋪竺扶大班燒味✨原隻古井燒鵝脾上湯瀨粉燒鵝燒嘅火喉控制剛剛好，燒鵝皮脆，鵝肉juicy，用上自家祕制陳皮醬醃制雌鵝，食得出古早味道瀨粉粗身，食落滑不溜手✨常餐鮮茄牛肉公仔麵配火腿奄列＋厚多士鮮茄湯底濃郁，每塊牛肉都大大件，入口嫩滑，奄列蛋好有蛋香味，份量大大份✨熱奶茶奶茶用黑白奶沖配，奶味香濃，入口醇滑店舖卡位坐位舒適，燈光明亮，職員態度好好，有別於一般嘅茶餐廳，唔怪之得咁受歡迎👍🏻

**竺扶大班燒味**🍽️由藍帶廚神主理✨ **至尊燒鵝**🦆和**金牌叉燒**🍖被譽為大埔最好食的燒味，果然名不虛傳。 每到午市，這裡經常大排長龍，深受附近街坊的喜愛🏃‍♂️。 餐廳位於大埔住宅區，讓人感受到濃厚的人情味，這也是其魅力之一💖。 我在下午茶時間肚子特別餓，點了**燒鵝髀瀨粉**🍜，吃得非常滿足，味道鮮美！😋 這裡的燒味茶餐廳是香港人經常光顧的地方，來到香港必去朝聖之一。 他們的**古井燒鵝**選用5斤半的雌鵝，配以自家秘製陳皮醬醃制，完美復刻古早味道👍。 別忘了試試他們的奶茶☕，選用來自荷蘭的新鮮牛奶「黑白奶」，奶味香濃，入口醇滑。 **大埔廣場地下戲院對面**🎉

燒味之魂肉罷不能竺扶大班燒味（大埔店）下午茶時間，見好多人叫燒味，點了叉燒燒肉飯🥣，下午茶迷你少少，都夠飽，蜜汁叉燒🥓好好味，燒肉脆皮也唔錯，佢旣芥辣汁比較少見，好配。杯奶茶亦好香滑，☕️店多座位不用等，只收現金。

每逢午餐經過這裏，必定會有人在排隊，這次我們下午兩點過來，打算避開人群，想不到裏面還是全院滿座，等了一會兒才有位置。這間冰室以燒味出名，所以我們點了兩個燒味飯：黯然銷魂鴛鴦飯 $65《半肥瘦叉燒+冰燒鳳凰雞》一定要大贊這個冰燒鳳凰雞！！ 鳳凰雞的雞皮配上特製香料，燒出來脆脆的、甜甜的，十分惹味，詢問之下才知道醬料有菠蘿、紅黃椒、青檸、蒜蓉等！完全是心機之作！！！ 半肥瘦叉燒肥瘦相間，看上去一點也不油膩，吃下去不會太靭，也十分好吃。燒鵝五寶飯 $78《燒鵝+叉燒+燒腩仔+玫瑰紅腸+鹹蛋半隻》侍應哥哥說他們的燒鵝是用5斤半的鵝，再用自家祕制陳皮醬醃制內籠，製成古早的味道，所以吃起上嚟跟外面的不一樣。燒腩仔的外皮也十分香脆可口，肉也不乾，燒得剛剛好！玫瑰紅腸不會太鹹，另一重點是五寶飯的餸也太多了吧！！！！！這間冰室的燒味真的很好吃！！下次來要試一試他們的沙嗲牛肉麵和下午茶呢。

🩵鵝脾叉燒雙拼飯附送例湯，係足料既老火湯～ 有粟米、蘿蔔、豬肉，鵝脾叫左色切，咁大隻脾攞住食，皮係脆口既，好爽🫢 叉燒肉質好軟淋！超高質！🩵大班玫瑰豉油雞叉燒雙拼瀨粉下午茶時段，雙拼都只係$40，CP值極高😍 豉油雞幾入味，雞肉唔會鞋口，色澤好靚，呢碟叉燒比較瘦，但肉質絕對唔乾柴，瀨粉煙韌，唔錯～🩵上湯浸菜心午市時段，加$18可以有清甜菜心一份，新鮮爽口，上湯味道比較清淡，中和左肉既油膩感☺️

今晚去咗大埔搵嘢食，去左大埔廣場地舖呢間食燒味店，掛出嚟嘅燒味好靚，好多時午市都大排長龍，今日夜晚去到，雖然係平日，但都幾乎坐滿，深受一眾街坊歡迎。除咗燒味之外，晚巿都有小菜提供，而且好多選擇，啱晒一家大細嚟食。燒鵝切雞飯果然係招牌菜，燒鵝同切雞都好好味，真係鵝有鵝味，雞油雞味，唔係講笑😝好香有質素豉汁蒸䱽魚另外試埋佢呢個豉汁蒸䱽魚小菜，蒸魚雖然要等，但係都值得等，䱽魚好大條，而且夠新鮮，豉汁好惹味。而且仲送埋個例湯，例湯好足料有飯有湯有小菜，滿足的一餐。

竺扶大班燒味（大埔）地址: 大埔安泰路1號大埔廣場地下61-62號舖 街坊話呢間餐廳的燒鵝一試難忘，今日同老公來試試，果然係好介紹，覺得相當不錯。❤️燒鵝脾瀨粉這裏的燒鵝是必試菜式之一，每日新鮮出爐，燒鵝的外皮酥脆，金黃誘人，肉質鮮嫩多汁，散發著誘人的香氣，瀨粉的Q彈口感，與燒鵝形成完美的搭配，令人回味無窮。❤️公司三文治麵包烘得香脆，用料豐富，有厚切午餐肉、火腿、蛋、蕃茄和生菜等，特製的醬汁則為三文治帶來了一絲酸甜，食完大滿足！整體來說，這裏環境乾淨企理，光線充足，有卡位坐得很舒服，食物選擇多，所以甚受街坊歡迎，午市經常大排長龍，而且他們的燒味是每日新鮮出炉，下次如果想食燒味，極力推介來這裏一試！#笙扶大班 #燒味 #古井燒鵝 #香港 #大埔##周星馳 #食神 #黯然銷魂飯 # 叉燒皇

晚餐選擇咗好耐冇食嘅燒味😍，收工就喺公司附近睇下有咩燒味店好食，見呢間網上評價都唔錯👍原隻至尊古井鵝脾雙拼飯｜$118聽聞呢到燒鵝幾出名，即刻叫碗燒鵝脾飯黎試下😍價錢唔算貴，燒鵝脾雙併都係$118👍鵝脾皮夠脆‼️肉質嫩滑😍仲要夠大隻😋雙併我揀咗燒腩仔🐖，陣皮燒到超脆😍，肉質又唔會太肥又唔會太瘦👍黯然銷魂鴛鴦飯｜$65(半肥瘦叉燒+冰燒鳳凰雞+煎雙蛋配大將燒肉汁+鳳凰辣汁)我覺得呢碗飯真係幾抵‼️有叉燒又有雞仲要配兩隻蛋😵🍳🍳🐖🐓叫得黯然銷魂飯🍚，叉燒梗係最主要啦，佢哋叉燒雖然唔太肥，有啲瘦，但一啲都唔鞋，都幾淋下👍仲有佢嘅鳳凰雞🐓，肉質都幾嫩滑，加埋辣汁都幾惹味😋仲要每碗份量都幾多，食完一碗都勁飽🫃服務員姐姐仲好體貼問你頭唔要例湯🥰每人送一碗例湯🥰真係幾抵😍佢除咗燒味外，夜晚都有小菜食🍲，價錢都唔貴，好多都係$100樓下😃，下次可以試下😋

今日約左老友去大埔行街 shopping ，順道去位於大埔安泰路1號大埔廣場地下61-62號舖的竺扶大班燒味食午餐，餐廳係大埔燒味人氣店，果然坐無虛席，店員態度良好，好快就安排座位給我們，真係人情味濃厚👍，深受街坊歡迎！我點左個 冰燒鳳凰雞飯 $48，配獨特醬汁（用蒜蓉、青檸、菠蘿、紅黃椒等調製）十分好味，餐飲係凍檸檬茶 $3（跟餐）；老友點左個下午茶餐：至尊古井燒鵝飯$45（指定鵝胸+$8）共$53，配上湯浸菜芯 $18，餐飲係熱駌鴦（跟餐）；另外點左個 金牌銷魂叉燒皇（例牌）$88。整體黎講係高質燒味，燒鵝皮脆肉嫩好味道；半肥瘦叉燒好香口，冰燒鳳凰雞的雞肉嫩滑，配秘製醬汁，十分好味道。

位於大埔既竺扶大班燒味，無論係午市定晚餐，經常需排隊等候，足見其受歡迎程度。今日同２個大埔友黎食下午茶，特別試左傳說中既黯然銷魂鴛鴦飯，半肥瘦叉燒色澤誘人，肉質爽口勁JUICY，搭配冰燒鳳凰雞，外皮香脆，內裡柔嫩，令人難以抗拒。兩隻太陽蛋既加入，令呢個黯然銷魂叉燒增添了滑順既口感，配上秘製既燒肉汁同鳳凰辣汁，味道層次分明。通常下午茶比較細份，但竺扶既茶餐份量卻相當大方，黃金西多士外層炸到金黃色，切開後，內裡係軟熟既麵包，濃郁蛋香味，配搭粗粒花生醬更添口感。乾炒牛肉要炒到乾身而且不油膩，係好考廚師既功力。竺扶既牛河堅好食，材料豐富，牛肉經過快炒，保持鮮嫩，河粉吸收哂醬汁，炒得均勻，質感Ｑ彈，芽菜同洋蔥既加入，加添了清脆口感。無論係咪大埔既朋友，經開大埔，不妨試一下竺扶，性價比幾高。

一定要食呢個燒味飯！！這碗叉燒燒腩仔飯真係好抵！✨叉燒的色澤金黃，表面微微焦糖化，咬落去時口感超嫩滑，肉質鮮美，每一口都令人陶醉。叉燒散發出迷人的香甜味，特別適合喜歡甜味的食客。🥩🔥燒腩仔更是這道菜的亮點！🍖外皮香脆，咬下去時會有爆汁的口感，內裡的肉質軟嫩，口感層次分明，令人一試成主顧。搭配的白飯更是無可挑剔，飯粒吸收了豐富的肉汁，讓整個飯碗的味道更加出色，令人吃得停不下來！🍚😍這碗飯不僅視覺上吸引，味道更是滿分，對於喜愛豬肉的人來說，這道菜絕對值得推薦。

我一向間中會幫襯，新開業個陣開頭真係唔錯，今年夏天時去過一兩次，唔知點解長期冇冷氣，食到人好辛苦，一係就熱到要自己開小風扇，一係就對住個吹風機，食風，淨係冷氣呢個問題已經唔想去；隔左段時間今日再去，真係o咀，第一，冷氣依然弱，天氣冇咁熱都算，我晚上7:30左右到，我3個人，有卡位佢唔俾我，個個白頭髮侍應話卡位係6人位，但張枱寫住4人坐位，全場唔full ，而且每張卡位坐緊2-4人，加上態度已經麻麻，咁都得，我覺得俾人歧視，我已經差啲想離開，我選擇咗忍，我見之後黎嘅人客都係咁，咁多位係要逼人搭枱，即刻諗起微辣茶記秘事，俾人影響咗心情，本身想叫下乳豬、燒鵝髀開心下，即刻冇mood，加上環境真係比之前污糟咗好多，枱枱凳凳都好油，結果求其叫個雙併燒味，切雞、有胳肋底毛！有4條好長好粗嘅雞毛未掹走，真係燒味舖罕見。有例湯，好鹹，好明顯冇之前咁足料，飲完好頸渴，有個男侍應執枱，見到佢好求其，啲食客食剩嘅廚餘跌晒落地，佢都無動於衷，但係想講而家間餐廳好污糟。D侍應服務態度&質素都好差，見到幫襯嘅人越嚟越少係有原因的，個人認為，間餐廳可能好快玩完。BTW，我已經唔會再幫襯呢間嘢

呢間既燒味由佢開張既時候幫襯到而家，一直以黎都覺得佢既叉燒係唔錯，間唔時都會幫襯下佢既午市同下午茶堂食，但次次一買外賣就會出事，平時都會算數由得佢，今次真係嬲到唔出食評都唔得。今次買左乳豬外賣，$230價錢絕對唔係平，返到屋企打開個盒完全係嚇左嚇，基本上有七成都係窿到變黑色皮，$230得個幾嚿仲要比啲咁既貨色我？乳豬味道得個死鹹，個皮又完全唔脆，真係出邊求其一間燒味舖都好食過佢👎🏼👎🏼睇住呢盒嘢真係好難唔躁，店家咁樣做生意真係好唔要得🥴 真係唔怪得個個都要北上消費呢間餐廳永遠都係搵外賣客落手，極搵笨，大埔街坊自己睇路咪中伏。

特登喺沙田去大埔買咗個雙拼燒鵝叉燒飯外賣，返到屋企打開見到黑色皮嘅燒鵝，打返去舖頭問，有位男士回覆話啲皮係咁燒到咁樣黑黑地係正常可以食，點知試一試係燶咗苦嘅味道啲肉又乾。越做越差，仲博人買外賣睇唔到啲燒鵝咁燶，太唔老實了。

而家d員工西口西面，行過三次叫佢都扮見你唔到，漏單錯單層出不窮。所有垃圾紙巾就咁掃落檯底就算，室外三十幾度餐廳裡面只係開幾把吊扇，今時今日做生意咁嘅態度，唔怪之得無人肯留港消費以後請我都唔去。