米子寿司グルメ

营业中

休息中

啱啱裝修完嗰陣時覺得呢度開日本菜幾正, 即刻過去望下..但係睇落淨係啲顏色都已經覺得超唔新鮮... 塊魚又薄又乾身， 價錢又唔係特別平 (其實咁嘅貨色直頭係貴)... 雖然覺得樓下有壽司買幾正, 但係真係買唔落手 🙄🤢

之前已經諗住叫呢間新開嘅 壽司店，見太多人就無叫到，但職員跟我講下次可以q r code預訂，所以我今日就 喺q r code預訂，真係好方便， 去到唔需要等另外食物方面 ，生蠔真喺好新鮮好肥美海膽正到老公都贊不絶口，牡丹蝦又鮮甜又彈牙，三文魚腩刺身啖啖都好肥美， 食完口腔仲有陣魚油脂香， 認真好食 火焰蟹棒壽司 火槍燒過香口又美味，仔仔好like. 另外牛脷同埋 翠玉瓜都色香味俱全,大件夾抵食 所有食物都好新鮮，性價比非常高， 值得推介

今日叫咗鰻魚炒飯48蚊， 又有 前菜又有麵豉湯抵食👍🏻👍🏻， 食落去鑊氣十足😋😋，環境裝修格調簡潔，服務效率亦算很快。估唔到呢個價錢可以食到性價比高的食品。

這幾天中午和同事都在港灣豪庭食這個牛肉飯真係做得幾好食又大碗牛肉又多又多汁真係幾唔錯 價錢又合理仲有叫了個三文鱼腩邊這個真低食30元有三隻又熱味道好做的時間都好快 值得再去食

今日行入商場發現有間壽司舖開咗， 見到啲價錢咁平心郁郁買咗啲壽司返屋企試吓，諗住呢個價錢質素唔會太特別，點知食落又幾好食壽司口感唔錯，壽司飯唔會太硬醋味幾香，另外牡丹蝦好新鮮好好味😋見到傳單上面仲有好多炸物及燒物下次可以再試下。

佢唔係正常壽司店路線，而係快餐店外賣式，叫完之後擺托盤返嚟。啲魚生好難食又唔新鮮，不過好平，適合喺屋企開party買返去食(但我覺得爭鮮仲好少少)。反而刺身就正常價錢正常質素但都唔算係好食，同超市嗰啲差唔多。唔環保全部都用即棄餐具，又冇熱茶得熱水，完全稱不上一間壽司店，真心覺得超級市場嗰啲仲好過佢。諗住熱食會好啲，點知金菇肥牛卷嘅金菇可以唔熟，炸雞軟骨可以唔熱唔脆又冇味，仲要整成20分鐘但係其實冇乜客。希望佢哋只係因為係新開所以質素先咁差，但唔睇好將來會有改善，尤其係呢啲食物已經唔需要啲咩技巧。除非佢哋轉返去正常路線又改善質素，否則我應該唔會再嚟食。PS.嗰1分係比魚生但只係因為正常質素