影片
以上资料只供参考，请与餐厅确认详情
经kkday 买有优惠都要300几蚊一位， 标榜已经半价及有A4 和牛食。一入到去，d姐姐脸口已经好差，加左$10 有任饮啤酒，刺身讲就话任食，但其实刺身每次只可order 2款及每款只可叫4至6片，所以要不停分开好多次落单，同时质素麻麻，带子⼀粒开3片，虾都未溶得晒雪就比你，同埋都系平价cheap cheap 款。 A4和牛更加揾笨，好怀疑唔系A4, 就算系 入口咬唔开，衰过烧肉Like。 雪糕都系比d cheap cheap 唔好味嘅你食，全程所有野无质素可言，试过⼀次算了。
继续阅读
呢日同专程喺屯门过去粉岭 男朋友去食叫咗个最贵嘅放题餐本身对呢个放题好有期望，食都系食最贵𠮶只肉，日本牛小排同A4𠮶款牛肉，食完之后劲嬲两款肉都好韧，韧到至橡筋咁完全咬唔到，我系后生嘅，都咬唔到啲肉唔好话老人家上咗年纪𠮶啲炸物嚟讲叫咗个榴梿炸弹，个榴梿炸弹外皮塔晒落去，淋到黐孖筋而且佢个烧肉炉都几揾笨，烧嘅范围极细每次烧肉嘅时候每块肉嘅生熟程度都唔一样，火候极度唔均匀没有下次 黑名单的餐厅上嚟食嘅朋友仔，真系要三思
继续阅读
完全冇理过人感受，正当我同朋友倾紧偈嘅时间系咁叫人走，完全态度唔好，香港嘅服务态度好令人费解，之后就直接对张单过嚟，冇谂过去到咁嘅地步，全部仲要冇讲，唔该同埋通知声，真系好接受唔到，麻烦真系要反省一下，重点系冇讲有限时仲唔够个半钟，叫人点样帮衬你，仲要放人入嚟俾压力我哋，因为我哋冇走到，咁可以为咗下一单嘅生意，我都未食完，不断系咁收人啲餐具食物我食紧都仲要问要唔要，不断系咁喺我哋身边周围转，其实你哋有订座有需要，系咪需要通知一声有冇讲食几耐？加上咩都冇讲，就即刻同佢哋讲有人订位，我真系好失望
继续阅读
食物质素好一般，当日我一行数十人落去饭局，叫了个和牛刺身放题，刺身好麻麻，切得非常薄冇口感，一粒带子分切两三片系基本，完全冇口感，每次叫野食又最多衹可以叫9样野而每样野又衹可叫1数量，成张枱5~6个人次次黎得几块野够鬼吃，手机落单个app又麻鬼烦，又要退番出去先入到去，落单时间多个吃野，有人重要吃到肚痛，和牛餐啲和牛冇牛味，雪又融得未够，完全唔觉得系吃紧和牛，全日黎得最快最大碟系4条羊架，真是摆满成只碟，唔系够多人已经俾佢KO，就连啲酱料都俾得孤孤寒寒，如果谂住吃放题正正常常吃得尽兴，呢间真是真心唔好去帮衬。
继续阅读
见到网上平台有限时买一送一优惠，晚市烧肉放题$199/位，另外每位收原价加一即$39。见网上平台评价唔差，加上喺粉岭开左咁耐都未试过，决定星期五去食🤔。BOOK左星期五晚上8点，估唔到全场爆满😯 即刻有少少期望🤓望完个餐牌后发现，餐厅本身只有$248、$348同$448三个餐，根本我地呢个声称原价$399嘅餐🤔。网上平台呢个特别餐，系可以食到$248所有野同$348嘅刺身，另加寿喜烧汤底。一坐低，职员就送上每人三片牛肉，由于无讲系咩部位、等级。牛肉油花唔差，入口油脂爆棚!!😏 之后任食就当然无呢个等级嘅牛肉啦😅除左已经售罄嘅厚牛舌外，澳洲和牛肉腿肉、安格斯板腱、牛五花、一口牛都系任食。不过质素就麻麻。海鲜方面，除售罄嘅盐烧虎虾外，仲有非常咸嘅壸渍鱿鱼须、鲭花青、蟹柳、同埋我个人觉得算系比较好嘅急冻半壳帆立贝。枱上有一樽已调味蒜蓉，加埋落去一齐烧就最正😋。豚鸡方面选择唔多，我地只试左黑豚肉、无味嘅芝士鸡肉、两款无腌到入味嘅手羽、好难食嘅两款火鸡肾。除左可以喺出面拎嘅生菜盘外，QR都可以点半油金菇、髀菇、好酸嘅菠萝、翠瓜、牛油粟米等。主食叫左正正常常嘅胡麻乌冬、樱花虾葱饭、葱玉子饭。呢度嘅炸物完全唔掂，炸到好深色、好干、好硬、好界口….😣呢个餐最好嘅系刺身，即系$348个餐嘅刺身全部都叫得，当中甜虾同赤虾都唔错😋。如果想食又热又湿嘅野，都仲可以点寿喜烧，不过跟嚟果盘牛肉真系连佳宝最平嘅肥牛都不如😂自助区除左无糖盒装茶外，仲有啤酒；甜品除左杯装啫哩外，仲有好稀嘅红豆沙、三款牛奶雪糕杯；前菜都有螺肉、中华沙律、泡菜、四季豆。总结，食物质素麻麻、选择唔多、餐厅烟气味大，不过上菜快，又会主动换网。人均$240，试一次就够。
继续阅读