米拉 (已結業)

以前在附近上班，不久就會跟同事叫下午茶，作為奶茶聯盟的成員國，當然會點盟友的奶茶。多年後重回舊地，就點了個最基本的「黑糖珍珠奶茶」，重新品嘗昔日的風味。茶底夠濃，珍珠夠Q，店主依舊仲好細心問我是不是外賣，要不要加袋裝好。以前可以很方便的拿回公司喝，現在已經回不過去了，於是跑到附近的晒草灣球場，給自己五分鐘幻想一下身處仍然可以呼吸自由空氣的台灣，一邊看球，一邊享受這杯不知道日後能不能再喝的黑糖珍珠奶茶。

之前試過係外賣平台order過呢間台式飲品嘅奶茶，覺得幾好味，所以我今次就決定買佢😆高纖胚芽奶茶 (少甜）$21欣賞呢間小店嘅其中一個原因係 - 佢有胚芽飲！佢啲胚芽又香又脆口，唔會一遇水就冧個款，如果胚芽份量可以多少少就一定更滋味(或者另外加多份胚芽)另外，奶茶底偏向似台灣餐廳即沖個款，同平時嘅ShareTxx 或者台式飲品店唔同，我個人係好鍾意呢款奶茶，又唔會太甜😍😍😍 老闆態度又nice,價錢又抵，大家記住去飲，支持小店！💛

建議：微糖已經好夠甜 😋珍奶癮起，路經觀塘東廣場，揀左係天仁對面既Mila 💛 之前都聽朋友講，依間好好飲今日就黎試一試真偽🥤 點左最基本既珍奶 (微糖 走冰) $19容量唔係好大杯，不過都夠飲😌 啲珍珠夠煙韌，有口感。重點係個茶底夠濃👍 奶既份量岩岩好，值得下次再encore價錢都幾親民🥳 對比起連鎖店，有時真係小店好飲好多🤭

係觀塘返工，有時lunch口痕想買杯野飲周圍台式飲品店平均30起跳一杯偶爾一次係openrice搵到呢間小店，見到咁平就lunch完去買。去到睇餐牌好多選擇，正當仲諗緊飲咩，店員叔叔有禮貌話叫我慢慢簡，最後簡左胚芽珍珠奶茶。只係22蚊...味道仲要非常不錯。見到呢間小店仲有賣其他小食同包，下次再黎試下。不過要留意呢間小店係只係提供外賣。

放工後要喺觀塘上運動班，之間只有少少時間，又肚餓想喺附近搵小食，見到米拉可以在OpenRice嗌定外賣，就試吓佢呢份外賣自取餐，可以預好時間，ready拎餐先去囉唔使等，方便忙碌的都市人。/今次揀左一個費城芝士牛肉包，配低糖凍綠茶，唔太甜，啱晒要減糖嘅我。/費城芝士牛肉包🌟本身諗住食個 light meal叫包，點知個包比想像中大件，最後要留番一半落堂食。面包烘烤好表皮仲脆脆地，入面加左芝士同牛肉，配埋芥末醬，味道幾夾，係美國風味啊。🇺🇸🤣

今日去勁多人介紹嘅平民食堂東廣場。行左一個圈，其實啱食嘅舖頭唔多，又唔係話特別平架。我地啱啱食完鹽水雞真係好口渴，一定要飲返啲野。珍珠奶茶控嘅我見到呢間一位出名嘅KOL介紹嘅台式飲品店，個名叫米拉。佢就開喺一間連鎖店對面，望下個Menu真係O左嘴，因為係出奇地平，一杯珍珠奶茶都係廿蚊有找。我叫左杯胚芽珍珠奶茶，叫左少甜少冰。唔係誇張唔係賣廣告，呢間係我飲過有史以來最好飲嘅珍珠奶茶。奶茶中茶味偏濃，奶都適中。要讚一定係珍珠！好煙韌，淋身好有咬口！呢間小店完全可以擊敗對面間連鎖店！就價錢就已經打敗左啦～老闆係一個上年紀嘅叔叔，親力親為，好熱心嘅老人家。仲問我杯野得唔得，我飲住點頭，心裏頭大叫掂到爆啦！呢間舖頭我已經幫襯左兩次，第二次買左杯俾朋友，佢都讚好飲。喺觀塘住同返工嘅，又鍾意飲珍珠奶茶嘅一定要去試。

💛黃店🔱今次要介紹嘅食物就係位於觀塘 ！📜”米拉 (觀塘)📌 地址:觀塘成業街7號東廣場地下45號舖🕐營業時間: 1100-2000 🍽分店地區: 觀塘📝評價💬📢 1️⃣布甸珍珠奶茶$22又平又大杯既珍珠奶茶😍😍正呀！東廣場多野食個個都知 小店你又知吾知🥰🤣 今次試左呢個正正的💛 布甸珍珠份量均勻 兩種感覺都有齊曬💕KS評分 5分最高🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰💰🏵回購指數:❤️❤️❤️❤️

平時中意飲台飲，見東廣場有間又多人排隊就試試。價錢好平，中意飲奶綠嘅我嗌咗杯半糖熱嘅珍珠奶綠一試。一飲，就有陣茉莉味係口腔。飲過咁多間珍珠奶茶嘅舖頭，好少會飲到一間茶味咁重嘅舖，仲要係奶茶。好多舖頭嘅奶茶茶味都唔會太出，但依間真係好少嘅香茶味嘅珍珠奶茶，而珍珠亦都口感好好，唔會太軟而又有咬口！平日嗌開微糖嘅我，覺得依間嗌半糖味道好啱，而珍珠有啲甜味，飲落唔會覺太甜或太淡。唔錯唔錯！絕對會再買其他一試！

2個傻佬去觀塘行街，諗食咩最煩， 好啦大家都諗住普普通通就去比較集中嘅東廣場~ 小廣場黃店聚集比較方便…兜咗個圈決定咗去食鹽水雞， 叫完嘢食我去買嘢飲，行去另外一間黃店Mila~ 珍珠奶茶， 佢都好踢腳喎…一個人又要收錢又要沖茶~ 冇事冇事我等得， 雖然佢咁踢腳， 但係靚仔都好細心顧客嘅需要，沖茶見佢都唔係求求其其~ 呢啲係良心， 等多十零分鐘啦~ 拎到，味道唔失禮，我自己飲黑糖珍珠奶，黑糖都算重手落但唔會過甜，奶比較爽身~唔係好sticky到個口好立個種，夏天飲都有爽嘅感覺~宏觀黃店都係有人排隊， 咁當然我覺得去到今時今日黃店嘅出品其實係越來越平穩， 大家亦都因為理念去互助，係相得益彰~

平時飲得最多嘅係珍珠奶茶，今次見到舖頭推介 #冰鎮珍珠咖啡 所以決定試吓。少甜味道啱啱好，冰鎮所以唔駛擔心咖啡味被沖淡❤️$19一杯算係物超所值，老闆仲要好好人，見前面個嗰嗌咗好多杯，所以靜靜雞整咗我嗰杯先🤫你地知好嘞，唔好話俾人知呀🤐👌lol

相對連鎖食店比較多的「觀塘」大型購物商場「a.p.m」，位於「a.p.m」對面的小型購物商場「東廣場」，「東廣場」地下位置裡面反而有不少名不經傳，但是價錢便宜的平民食店。例如「觀塘廣場」地下，就有一間主打手調台灣飲品，以及有不少台灣麵包食品，開放式餐檯餐櫈台灣菜食店，食店的名稱叫「米拉」。「米粒」大部分舖位用作廚房去製作食品飲品，餐檯餐櫈就放在店門外面。由於「米拉」的檯櫈都被擺放在店舖外面，所以食客需要先選擇好食品飲品，然後先付款購票，然後在「米拉」店外等候廚房店員製作所有食品和飲品，恰巧我光顧時有食客使用餐檯，導致我花了時間，站在店外等候座位。我好不容易等候到，坐在「米拉」店外檯櫈用餐的食客，終於用餐完畢跟離開檯櫈，我馬上找張餐櫈坐下，立刻跟「米拉」的店員付款和點餐。「米拉」屬於台灣菜食店，所以「米拉」裡面的招牌食品都是以地道台灣食品為主，包括有「台灣刀削麵」、「台式厚多士」跟「台式香腸」為主。至於「米拉」「台式食品」以外的食品，則多數是麵包食品。所以「米拉」下午茶的麵包食品套餐裡面，除了「美式熱狗」食品之外，就有製作一款名稱在美國都十分流行，食法類似「熱狗」的麵包食品，叫做「費城芝

本身約咗人食晚飯，但中午食得太飽臨時決定食甜品/小食算，係和你eat見到此小店餐牌，越睇越有興趣決定去試下朋友帶我穿過觀塘廣場，第一間見到就係米拉，門口已經有好多人等緊，當時得老闆一人落單整嘢食我第一次嚟東廣場，原來都幾多良心小店兜完一圈決定買杯飲品再食小食！我太耐冇飲台式飲品又選擇困難，都問咗好幾條問題先成功落單。雖然好忙，但老闆都答得好有耐性最後仲同我道定歉話遂杯整要等一等奶綠加水晶珠珠 $22好似冇見到menu有淨奶綠，直接同老闆講唔飲紅茶想要奶綠，佢好爽快話冇問題個茶底好香應該係茉莉花茶？水晶珠珠以為會係圓圓小姐個種白珍珠，我好鍾意架！但呢間口感更似寒天，咁啱我其實本身比起珍珠更好寒天等緊出飲品時去埋阿土伯order鹽水雞，感覺等得都唔算太耐，但實際都應該得10-15分鐘已經約定朋友下次嚟觀塘，一定要帶我嚟東廣場要再食呢兩間

東廣場真係有好多食店, 呢間店細細間做外賣為主, 老實我之前成日行過都無視咗佢... 😅今次係因為突然想飲珍珠奶茶, 行過見到佢張海報上既珍珠奶茶好吸引, 再望望menu佢有好多款式既飲品&午餐. 咁今次就試下啦!佢強調係用新竹既米粉, 咁就揀個鹵汁雞腎併鴨胸, 飲品點咗杯胚芽珍珠奶茶, 微糖少冰. 米粉果然好幼滑, 個湯望落無咩味咁, 但飲落都好夠味的, 鴨胸OK, 但雞腎可以再煮淋啲, 而家偏硬咬到有啲攰. 😆杯胚芽珍珠奶茶好好飲. 茶味夠濃, 因為珍珠本身都有甜味, 所以微糖啱啱好. 👍🏻佢既飲品類真心平又唔錯. 就算唔買餐單點都OK的!

雲浮烏龍·雲浮即係芝士奶蓋，我覺得佢個芝士鹹鹹地幾岩我口味🤤🤤不過個茶底就爭d，唔係幾夠茶味，可以改善下·除左茶飲佢仲有包呀，湯麵呀，小食咁，lunchtime外賣都唔錯👍🏼

小妹已光顧此用心的小店多次,已儲滿2張印仔卡, 先謝謝貴店的老闆所贈送的免費飲料!小店的飲料非常好飲,若你喜歡調配出個人獨有的味道,你可選擇menu以外的飲品,稱作special.老闆會非常樂意為你調配並給予專業的意見, 例如: 金桔檸檬可配百香果綠茶,和芒果荔枝綠茶.上次,我便點了以上兩款飲料,並跟老闆說想加黑糖珍珠,此時老闆會友善地提供溫馨小提示:例如:加水晶珍珠會更好,因為黑糖珍珠好令飲料太甜.結果,我加配了水晶珍珠,果然,加了水晶珍珠非常好飲~口感有點爽脆,而且不會搶走水果的香氣.另外,朱古力奶茶也是必點來飲的~因為朱古力,奶茶味道很濃郁,一飲我便愛上~我很喜歡加配仙草,黑糖珍珠,這種配搭非常正~不得不說的是,老闆及員工的態度非常有禮,誠懇.老闆會記得小妹喜好,記得我喜歡小甜,很細心~謝謝老闆,員工, 我真的很喜歡貴店的有高品質保證,溫暖的人情味~請各位多多支持用心經營的小店~我也會繼續光顧的.加油~