影片
港铁元朗站 A 出口, 步行约10分钟
继续阅读
电话号码
23771980
营业时间
今日营业
06:00 - 22:00
星期一至日
06:00 - 22:00
公众假期
06:00 - 22:00
公众假期前夕
06:00 - 22:00
以上资料只供参考，请与餐厅确认详情
出街食早餐，去到邊，都係去茶記最好。今次經過一間新式裝修嘅冰室，都要排隊，即刻想試。睇下餐牌先。等緊嘢食果陣，發現舖頭環境幾好幾舒服。今次我地比較肚餓，所以兩個人，叫三個餐share食。沙爹牛肉麵 配牛奶炒滑蛋 牛油多士$42沙爹牛肉麵湯底好濃，有花生香，牛肉都算多塊。公仔麵係一個驚喜嘅地方，呢款麵比較粗，又煮得爽口，有少少出前一丁嘅感覺。炒滑蛋有奶香，留有好多蛋汁，點香脆嘅牛油多士就好適合。(歐陸早餐)牛奶炒滑蛋_炒什菇_茄豆多士 拼牛扒 $45呢個早餐好豐富，有埋沙律，各種營養都齊全。什菇炒得好香，可以炒走本菇嘅苦味，又唔算太油，非常用心。不過牛扒可以俾少少汁會再好啲。餐蛋治 $28餐蛋治一樣普通嘅食物，都整得用心。雖然都係車餐廳版本圓形大罐午餐肉，不過放落麵包之前，有煎過；同埋雖然都係滑蛋，但有炒得硬啲，唔會太多蛋汁，方便俾麵包夾住🍞都係注重細節嘅表現。凍檸茶＋$3甜度茶味酸味都平衡到，最欣賞係仲有金屬匙羹，可以舀走檸檬核。Total:$118
继续阅读
見到個晚餐牌有香蒜翡翠腰果炒一口牛睇個名好似幾吸引咁就叫咗個C餐同埋熱奶茶試吓個餐牌寫住奉送白飯+嘢飲點知返到屋企打開見到得個餸同嘢飲 竟然漏咗個白飯諗住就咁食就算啦點知啲牛肉冇牛味都算 仲要勁鹹又好韌有兩嚿牛韌到咬唔爛咁濟冇白飯根本就食唔到啲餸又加咗好多蒜 啲蒜又係好鹹搞到啲配菜同腰果都好鹹不過好彩啲翠玉瓜唔鹹都叫做食到 個餐$88但係一啲都唔好食呢個價錢 應該都有好多其他選擇不過杯熱奶茶就正正常常 冇咩特別
继续阅读
係正值周末晚餐嘅時候嚟食，啱啱好入咗做最後一枱，之後都開始見到出邊有人排隊了福建炒飯因為近排唔食得雞蛋嘅關係，就叫咗廚師幫手走咗雞蛋，但估唔到佢變咗白飯，連炒都冇炒過雖然配料係好多，有蝦仁、香菇、翠玉瓜、帶子、蘿蔔等等，睇落健康又豐富，但調味略顯普通，食唔到香濃嘅醬汁味，適合較鍾意清淡口味嘅人。魚香茄子肉鬆炆米粉反而魚香茄子炆米又幾出色，鑊氣超足嘅同時茄子軟糯入味，魚香調味料岩岩好，唔會太鹹又唔會冇味，而米粉嘅熟度都啱啱好，唔會太腍，下次嚟可能都會再嗌佢！
继续阅读
呢個土魷馬蹄蒸肉餅真係太好味！肉餅滑腍，土魷的鮮味配合馬蹄的脆口，口感層次非常豐富。蒸出嚟香氣四溢，每一口都能感受到海味和肉香，絕對唔會膩。加埋啲醬油，送飯一流，係茶餐廳必試嘅經典選擇！如果你鍾意海鮮同肉類，呢道菜一定要試！
继续阅读
入開元朗打波，約埋波友食飽先出發，就嚟咗米杍，第一次嚟，幾驚喜，質素比一般冰室高雲彩拔絲咕嚕黑毛豬頸肉($108) - 好特別，好少見咕嚕肉用豬頸肉，口感爽脆，調味唔錯，擺盤又靚芭堤雅菠蘿炒飯半蒜香龍蝦尾($128) - 大大件龍蝦炸得啱啱好，炒飯夠鑊氣，配埋菠蘿、雞肉、腰果同提子乾，味道有層次，賣相亦好吸引蜜椒金薯一口牛柳粒($92) - 牛味香濃，調味好好，甜甜地帶少少鹹辣好惹味，完全唔韌，口感唔錯，薯仔好綿密好好味雜果賓治($30)、凍奶茶(+$9) - 滿滿嘅生果，梳打水，好解渴；奶茶茶底香濃，口感順滑，甜度啱啱好餐牌提供嘅選擇好多，特色小菜好吸引，想食簡單啲嘅一般茶餐廳常餐、炒粉麵飯等等又有，總有幾款啱你口味，試完就明點解咁多人等，好彩我比較早嚟到，晚飯時間可能要排一排隊，餐廳坐滿人嘅關係，唔係好方便影環境相，下次嚟開呢附近一定會再嚟食
继续阅读