米炊 (AIRSIDE)

营业中

休息中

啟德𝒜𝒾𝓇𝒮𝒾𝒹𝑒都開咗一段日子，終於有機會去行下嚕！月初時因為去左機電工程處既開放日，行完有免費Shuttle Bus去啟德站，如果係平日唔會特登過嚟行商場。之前聽見好多網民話𝒜𝒾𝓇𝒮𝒾𝒹𝑒裝修風格似平民版既𝒦11 𝑀𝓊𝓈𝑒𝒶，去到又真係有少少似，主色比K11較淺，可能商場尚算新，好多店鋪都未開晒，雖然話似K11，但係小妹唔知點解覺得呢度有少少似深圳萬象天地🤔嚟呢度當然點少得尋覓美食既蹤影🤭🤭男朋友話要食飯，於是乎搵下呢間又望下果間，終於揀到間未見過既餐廳《米炊》，原來係一間食日本靚米既日式餐廳！餐牌選擇都唔少，我地分別揀左兩份主食+兩款小食及兩杯飲品：〽️烤牛脷芯w日本十六穀米配番茄燒汁 $138牛脷芯烤煮得幾好，有咬感，如果煮腍啲就更加好，旁邊既配菜反而更好食，慢慢食都好飽🤭〽️烤牛肉漢堡扒·太陽蛋w北海道七星夢美人米配蘋果燒汁 $138餐牌推薦《100%手工》漢堡扒，理論上應該唔差同幾好食，可惜呢度得個名🥹漢堡扒煎耐左太dry，浪費左啲牛肉🥹，而且唔夠醬汁，即使拌飯又好，肉食沾醬也好，味道唔差架，不過有改善空間！〽️追加吉列蠔(1件） $18😂本身諗住會擺埋落主食隻碟上，點知另外搵

Airside 入面都算多餐廳. 呢間嘅入座率都算高.咁今日即管入去試吓.其中一個朋友叫咗澳洲M4和牛肉眼扒蛋包飯, 絕對唔值二百幾蚊. 整體非常一般應該唔會再試。特別想提係服務員嘅態度.有一位着黑衫應該係manager嘅女士都幾大聲，指是啲員工帶客入座。佢係離遠指揮，所以好大聲其實可以細聲少少。佢啲員工大客坐低咗個位佢認為滿意都要叫個客起身掉位，但係佢就冇行埋去講唔好意思淨係好遠咁指手畫腳感覺好冇禮貌。另外佢都有帶頭同其他員工批評啲客，都幾明目張膽咁講，批評啲客麻煩。就算個客人已經離開咗餐廳或者佢坐得遠啲，當事人聽唔到但係你比其他啲客聴到都唔好。希望公司管理層睇到正視呢個問題。

同姪女閑逛新商場，選了這家裝修簡約，有點日系feel的餐廳食lunch，結果。。。。中伏了食物端上來時是很吸引的，但食物放進口便露底牌了😖烤北海道帶子虎蝦蛋包飯點菜時，侍應問我要什麼汁？有日式咖哩、萫茄、奶油磨菇及蘋果燒汁，心想選了帶子虎蝦，就揀個無咁濃既磨菇汁啦。。。。點知真係淡如水，既無奶油味，也無磨菇香，連磨菇影都無，只是稀溜溜的普通預制剪袋白汁底，比茶記既白汁都不如。帶子可煎多1分鐘，蝦倒是不錯。烤七味黑豚爽肉餐牌說是烤，其實是上粉炸，仲要炸到硬掘掘。唯一可取是蛋及飯，咖哩汁還可以😔價錢不算便宜，但這質素真的不值，很明顯工場預制，店舖剪袋的料理。

今日第一次去見到呢間裝修咁靚～餐牌賣相都OK ～即管試吓啦～點知就中伏～點咗個黑豚肉蛋包飯～啲黑豚肉差過大家樂10倍～價錢相差幾倍～諗住叫個鹽燒鯖魚收$140 10應該都正常呀～點知一食落直頭係$15塊雪藏鯖魚係難食～啲飯仲要得一啖仔～唔會有下次～谷鬼氣，冇影相

在Airside 嘅一間日式餐廳食晚飯。係商場裡邊許的多餐廳當中選擇了這間簡約日本風的餐廳。餐廳裝修簡約讓人感覺很放鬆。價錢不算便宜，但份量還是相當足夠的。點了兩份日式咖喱旋風蛋包飯飯香濃郁日式咖喱餐廳表示是按日本傳統做法以香蕉、蘋果、洋蔥、蕃茄、薯仔等多款蔬果。但是本人認為以日本咖喱來說，當天吃的咖喱相對比較辣。蔬菜沒有添加其他味道濃郁的調味料而選擇了比較簡單的作法。如果沒有沾咖喱的話味道比較清淡。燒原條八爪魚鬚加上檸檬本以為會加添鮮味，但是並沒有提升香味反而檸檬的酸搶走了食物本來的味道。八爪魚鬚偏硬，需要大力地咀嚼。價錢：$98

夠膽收人西餐廳價錢 連花園餐廳都不如嘅質素個蛋包飯只不過係銀咖喱級數加隻蛋同等價錢喺尖沙咀食個份量都多成倍配菜嘅西蘭花同椰菜花好似都未整熟咁嗰個所謂烤香草橡果黑豚扒食落去仲差過大家樂雜扒個飯黐立立所謂蘋果燒汁根本就係茶餐廳嘅燒汁入呢間餐廳食嘢真係要俾啲想像力咁難食嘅嘢老闆都可以改到個咁冠冕堂皇嘅名改啲咁樣嘅名欺騙消費者呢間嘢完全埋沒良心八爪魚仲韌過擦子膠咬到我塊面嘅咀嚼肌都出晒嚟欺騙消費者嘅金錢返完成日工食到呢間嘢真係好想喊我真係求其食個銀咖喱都冇咁嬲

到Airside逛街兼午餐，經過一輪篩選之後，決定在米炊用餐，因為單點食品只在三時後供應，最終點了2個午餐。雖說是套餐，食客依然有多種選擇，例如米飯種類、醬汁和雞蛋的煮法。完全正確的選擇，熟成後的肉眼扒不但肉質鬆軟，而且肉味濃郁，以質素及份量而言，這個價錢著實可以，旋風蛋也嫩滑可口，只是蘋果燒汁有點強差人意，牛腰柳拼牛脷同樣是不錯的選擇。職員告知單點牛脷套餐只有3塊牛脷，而雙拼則是以1塊牛脷換來數塊牛腰柳，實屬精明之選，雖然牛腰柳的肉質不能與熟成肉眼相提並論。伴餐的咖喱汁香中帶小辣，比蘋果燒汁美味得多。餐飲只可選洋甘菊花茶或咖啡，洋甘菊淡非常清淡，咖啡則屬正常。

平時鍾意帶住寵物周圍去嘅我🐶🐶，上次喺中環IFC食完已經念念不忘令我，今次竟然比我喺啟德Air Side呢個商場見到有呢間餐廳😍😍😍即刻二話不說走入去再食😍入到去環境依然都係好舒服，好清新，店員都非常有禮貌，由於我個朋友遲到，坐咗喺度成個鐘，店員見我凍到成隻蟹咁，即刻比杯暖水我👍 好窩心，等待朋友到達後⋯⋯⋯即刻帶返個肉眼咖喱蛋包飯😍，唔使15分鐘已經秒食完，水準依然，朋友都讚好，下次會帶埋狗狗一齊嚟👍👍👍😊😊😊

排隊極度混亂。2人顧客排首位，即使有枱卻不斷安排3-4人顧客入座，無視2人顧客需要，兼且不作解釋，非常不尊重。服務差劣！非常氣憤！浪費時間！不會再考慮這間餐廳！

如上題，日式裝修，大家樂質素的食物。我平時好少寫食評，但今次真係忍唔住。首先安排座位有問題，明明好多張枱但係唔入客， 要啲客喺出面等同排隊， 我排咗20分鐘左右，滿心歡喜入到去， 啲伙記都好有禮貌嘅，可惜啲嘢食真係大家樂質素， 我食塊雞扒嗰時， 心裏面只係想到大家樂早餐雞扒煎雙蛋個塊雞扒，一模一樣。無語...啲蝦係百佳雪藏白蝦未完全解凍情況下煮熟的，無味。帶子一樣味道好淡，mushroom 好咸，大家唔好比佢外表呃到

呢間係中環同尖沙咀都有分店所以諗住啟德呢度開咗就一於試試✨食物質素比起其他咖喱專門店冇太大驚喜🥲但勝在環境舒適 可以比寵物入袋或坐車陪食🫶新開嘅關係飲品選擇唔多 而且價錢進取 較為失望🙍‍♀️總括嚟講 可以一試但不值得再二訪了🫣ᥫ᭡ 𖧐咖喱旋風蛋包飯(喱五)旋風炒蛋味道濃郁同香滑～牛脷厚切 口感非常好☺️但安格斯牛腰柳口感一般比較靭 咖喱汁亦唔係好夠送飯𖧐桃味梳打對於呢杯嘢飲性價比真係好低 只係將桃味汽水加冰倒入杯 連裝飾都慳返😅就價值$68

輕視顧客，不專業的服務。服務態度惡劣，毫不尊重顧客，連最基本的禮貌都冇！令人失望！上菜速度慢到離曬譜，等佐成六個字先上到菜。價格與體驗成反比，唔知點解在香港咁樣D店都可以繼續開落去。

這價錢中等檔次，但想行日系精緻的店，一坐低燈光用了白光，已經感覺店品味唔對路。menu見菜式很多，已經疑惑，因為只有港式茶餐廳才那樣貪多務得，怎知一點菜，菜牌上的牛脷、漢堡扒、三文魚、肉眼扒都提供不了。（是週日7pm）晚飯平均200蚊人頭一碟飯價冇任何湯、沙律飲品。我的飯咖喱汁像只用辣油調味，雞扒、豬扒粉漿厚、硬，調味一味濃烈胡椒粉味。其蛋包飯是飯上就咁加滑蛋毫無風味可言。配菜是白烚椰菜花、西蘭花、車厘茄這典型港式茶記、快餐做的水平，老實我前晚在大X活69元扒餐的配菜還稍微好少少。一次冇回頭。

滿心歡喜試下新野，入到正常點餐，我地見到賣相好好，三人入座叫左三個套餐都系牛肋柳，唔同汁，點知只上了兩個餐，第三個餐等了成個鐘都無上到，中途追了三次都無得食，最後都無上到，我地成個餐都無食，最後職員完全都無諗住留住顧客，直接影響信心。漏單又不正視問題，就是賣相幾好都無用，無法留住客人。。。。。。。。。。。。。。。。。。。。。。。。。。。。。。完

歧視大型犬隻的餐廳。餐廳職員指犬隻可進入餐廳範圍，唯獨大狗需要坐於寵物車內並完全拉上拉鍊，小型犬隻則不需要。上述安排完全歧視大狗，屬差別對待。職員語氣亦不友善，服務態度顯示非常不專業。相反商場內其他餐廳能夠做到真正寵物友善，不會對大狗額外施加苛刻要求。補充:原本第一次詢問時，職員指狗隻可內進，只須坐於寵物車內便可。我們亦理解這項安排。然而於之後攜同再回到餐廳，職員一見是大狗，便立刻改變安排，在額外加上大狗要拉上寵物車拉鍊困在裏面的條件。大細狗的差異對待實不專業，在於寵物友善的商場內亦顯得做法不進步。