米米食

营业中

休息中

最近在家吃多，通常煮下簡單野或者買外賣，是晚又叫了米米食，用熊貓app叫方便快捷，大概半個鐘就有得吃。叫了牛肉飯x2，雞飯x1，再加一份炸薯條，哈哈，不夠銀碼不送嘛，而且這裡的曲曲薯條好好味。第一碗燒汁肥牛飯，飯一大碗再加上大量肥牛。第二碗同樣靚仔，肥牛嫩滑多汁，洋蔥吸滿牛油好正，最好味係啲珍珠飯，軟綿綿有飯香，食落飽滿有咬口，就算無餸都可以食到一大碗白飯。照燒雞扒飯都好大盒㗎，雞扒炸得香口，照燒汁甜甜地好味呀。為左湊夠數嘅薯條，外賣雖然淋左，但曲曲條本身好有薯味，凍左都好食。連續叫左幾餐米米食，佢啲飯太好味啦，好多人讚佢個炒飯，下次試下先。

飯桶表示：想食呢間元朗黃店好耐啦！🙋🏻‍♀️呢間米米食其實就喺正千色隔離。佢哋有得堂食，不過就得幾個位，同埋位置係店外面，所以最好當然係外賣拎番屋企食！🥡.本身我好鐘意食鰻魚，所以一定要豪啲叫原條鰻魚😍見到店主(?)真係擺條鰻魚上個爐到燒㗎～鰻魚並唔算好肥厚，但食落都啖啖肉，而且冇細刺。.鰻魚炒飯入面都有唔少鰻魚塊，飯粒炒得粒粒分明，唔會太腍或太硬，食落感覺唔油膩。飯量好多！可以分兩餐食都得😂我食完之後飽到上心口，飽咗好耐🤣.原條鰻魚可以揀跟白飯或者炒飯，呢到嘅炒飯好似係招牌菜，所以我當然叫炒飯試吓😁如果想慳啲可以淨係叫鰻魚炒飯(唔跟原條鰻魚)，咁好似係五十零蚊～隨飯仲送咗蘋果一個🍎🤣