影片
营业时间
今日营业
11:30 - 21:00
星期一至日
11:30 - 21:00
公众假期
11:30 - 21:00
以上资料只供参考，请与餐厅确认详情
优惠
95折
【亚洲国际餐饮集团】$50美食现金券
$47.5
$50
食家推介
今晚无印姐煮饭，又要烦恼去边度揾食。平日都是去中式食肆，今晚和妈咪去咗一间特色的餐厅。我哋叫了龙虾米汤海鲜泡饭，想唔到龙虾汤十分有水准，充满浓浓的龙虾香味，饭内又加上碎米的的口感，十分有特色。另外又加了蕃茄汤薯粉，配加生菜及牛肉，清甜的蕃茄汤配嫩滑的薯粉，入口适中，既美味又饱肚。今晚食了这简单的食物，已经十分满足。
继续阅读
昨日晚上在附近揾食，无意中见到呢间，见到餐牌都几吸引，有汤饭，泡饭，麻辣，都系六十几，仲有鸡煲，就试吓入去，环境都几宽敞，听音乐就知道系百分百的😂😂，叫咗一个椰子鸡汤饭，不小心加左咖哩鱼蛋@$12，和柠茶。椰子鸡汤的比例很好，系用啡色的椰子，鸡有鸡味，而且肉质紧，饭用珍珠米，一匙饭连汤👍。基本上汤系份量好足，食完个饭仲有汤剩，所以饮埋杯柠檬茶就搞到成肚水，临走前，有个厨师脸带笑容，主动讲byebye 👍。
继续阅读
果度环境很大，坐位好多。见好多人坐卡位，我一个人食，所以坐埋一边，坐左系收银旁边。枱面没qr code ，所以我在转角果边叫侍应比张qr code 我。点知有位类似经理的女人，声音还比我大，态度差劣话：得得得，你坐系果边，我睇你唔到！我坐系门口收银旁边，你系咪应该要睇到呢。如果唔想客人坐果边，可以贴张告示出黎叫人唔好坐。而唔系嫌人麻烦。自从渔乐转左呢间米线后，变得冇咩吸引力，食物普通，食过1,2次未必会返转头。而且附近起码有3,4间连锁米线店，周不时会出新款。至于汤底过甜，味道又单调。d𩠌白烚一样。米线个碗好大碗，感觉有7成系汤，3成料。食唔饱。令人觉得便宜又大碗既假象。一间餐厅，服务质素和食物质素都唔合格，足够令人唔会再去。
继续阅读
长沙湾有唔少茶记选择， 行到呢边有个商场 见到呢间米籽就走入去食，环境算唔错又宽敞，坐得舒服，一啲都唔迫既。最终系拣左醉鸡配饭 热柠檬茶。醉鸡配饭，呢个味道感觉非常一般，而且酒味有啲唔够浓，虽然碗够大，但鸡份量唔算多因为好多都比较多骨既，而且食落去又唔算入味，感觉差了一点。。。热柠檬茶，自己始终比较钟意饮有柠檬既柠檬茶，呢杯都算是冲粉或冲剂之类，没有柠檬系份入边而且要加9蚊就觉得有啲贵了。如果唔加野饮，呢个餐50几蚊值唔值就见仁见智啦。整体黎讲，呢个醉鸡有啲失望，柠檬茶始终有柠檬先岩口味。
继续阅读
长沙湾新开咗一间餐厅（原来都开左几个月🤣）平时放lunch有时间都会上去揾地方饮下茶，估唔到饮茶楼下开咗间啱学生哥食饭嘅餐厅，就系米籽啦！一入嚟就有姐姐安排左张四人枱俾我哋，呢度系扫码落单的，都几方便。估唔到原来入面都几大㖞！好多人食，特别多学生🤣午市坐到满晒！好啦，我哋几个人嚟食，一开始见到有龙虾汤泡饭所以都好想试下嚟到见到橙红橙红嘅汤饭，忍唔住即刻不左一啖嚟饮，正！虾味几浓㗎！汤底有小小结结地，但又唔会太结，所以配埋啲饭食都好match!见唔见到个羹入面有啲透透地明色嘅饭？其实佢唔系饭🤣🤣系啲脆脆嚟！口感真系好得意，如果你哋食就趁早食，因为浸耐左可能冇咁脆😉另外，呢个饭都有好多配料，有啲木耳，碎菜，菇，重点系佢啲虾都几大只，同埋有鱼片肉喺入面！所以都几丰富！我就嗌左呢个酸菜鱼饭，除左拣饭仲可以拣米线🍜佢都有几多鱼肉㗎！其实配菜都多🤣🤣好多芽菜同酸菜，钟意食嘅可以嗌嚟食。个汤底都算唔错，都够辣！点解我嗌饭？识食一定系嗌饭！😎😎因为我会一啖饭，加埋啲汤，等啲饭索晒啲汤汁，然后加一块酸菜鱼，一嘢放入口咁先最好味！杯嘢饮就冇乜特别，大路嘢梳打都冇死🤣不过我惊甜就嗌左少甜咁解，食辣嘢加饮冻野就啱晒！😎
继续阅读