米線陣 (加拿芬廣場)

营业中

休息中

今日去食米線，冇人招呼，自己坐低點餐跟住個佳應就淨係黎放低碗麵，筷子都冇。環境差，一坐低就咁死左隻小昆蟲，點知食食下又見到第二隻，真係好嘔心。味道其實可以的，本人幾鐘意佢既麻辣湯底，非常可惜米線份量又少，女仔食完好快就再次覺得肚餓，唔值。真心希望可以改善衛生同埋份量問題。

中午1點去餐廳  都唔係好多人兩個人可以坐四個人嘅枱左右都冇人坐 好闊落 以食米線來講都幾貴 但勝在坐得舒服又唔使排隊 去到坐低 用手機落單 自己拎餐具同水 叫左個清湯魚腐冬菇米線$48包飲品魚腐幾爽滑 冬菇新鮮 清湯都唔會冇味加左個生菜 $10有兩小棵 但完全係一棵菜 冇分開一塊塊 睇黎連洗都冇洗 我諗女仔個口細啲 都唔會吞得哂另一碗係蟹柳札肉擔擔麵$54蟹柳應該係北海道果種 札肉冇咩特別擔擔麵就唔好期望好似上海嗰種咁濃郁 但都幾好味既

偷工減料因為地點方便所以平時放工有時都會過嚟食米線。個人鍾意食辣所以平時都會叫口水雞。今日叫咗口水雞嚟到竟然份量只有一半。我即刻同嗰waiter講話份量太少，我平時黎都唔會少到咁，只有碟嘅一半。仲要大部份都係骨。呢一疊嘢足足$44.但係連一隻雞髀嘅份量都冇。個waiter同廚房講個廚房超大聲話冇個喎一setset點會少啊 真係好後悔冇影相比大家睇。廚房態度好差。同時我聽到隔離枱話啲冬菇酸咗..... （呢個唔係我食所以我都唔可以肯定）。唔會再嚟。

#foodreview 唔推薦嘅早餐—-米線陣今日返工前經過尖沙咀諗住搵下有咩早餐好食，甘啱就係地鐵站隔離，所以就貪快行咗入去。基本上現時餐廳嘅早餐都冇咩特別黎黎去去都係嗰幾款，不過都有分別既。1️⃣沙嗲牛肉即食麵照圖所見都可以見到個面係未煮得夠所以見到仍然係黐埋一舊嘅，咁麵質一定係偏硬啦，更加唔需要去希望個面有味道，因為個湯底好淡，牛肉就好鞋好老，仲要冇沙嗲味。失望🙍‍♂️2️⃣牛乳粟米炒滑蛋配法蘭克福腸滑蛋偏老，可能太猛火或者因為提早煮定所以翻熱時將佢煮得過熟。法蘭克福腸就有啲凍完全係室溫腸當刻食到真係好失望。服務人手看似唔太足夠，都需要一啲時間先有人落單不過啲嘢食落枱都唔會好似大排檔咁扔落嚟，係連鎖集團嘅一啲服務標準所以係基本冇加分。用餐環境算比較窄，因為佢要同大家樂一齊兩間餐廳共用一個地庫雖悉佢嘅座位偏少但坐位都比較窄。餐廳位置方面地鐵站一出轉彎就係，非常方便餐廳定位$37平民價位===

米線陣番茄湯底幾好味，仲有粒粒蕃茄，米線口感煙韌索湯，配料都幾好味！再加埋杯凍檸茶簡直係正到暈，價錢又唔係太貴，都可以接受，如果諗唔到食乜嘢有時候食米線陣都幾好！

簡簡單單又一餐食個輕鬆午餐自己叫了個一人餐都好大份                                                                                                                                                                                                                                                                                                                           62蚊有飲品，海南雞，米線，青瓜                                                                                                                              個雞唔算太肥 個調味不會過濃恰到好處

政府頒佈禁止晚市堂食，為期七日。呢一晚好想食青瓜豆漿，所以就去左食米線陣。第一次聽青瓜豆漿可能會覺得好怪，但飲落個種清新的感覺，令我久唔久就會心思思想飲。今日，叫左二人餐，包兩碗兩餸米線＋一個菜＋一個小食＋兩杯野飲。我地每人個米線再加多一個餸，夾埋都係$157。米線嘅餸，我就大推黑醋豬軟骨，豬軟骨好淋而且啲醋味入哂落去，酸酸地咁好開胃。其他餸就正正常常咁。小食就揀左海南雞，但冇影相。

味夠鐘番工，決定係附近食個早餐，醒一醒神，去左中港城既米線陣食個輕型早餐。點單形式用上掃描QR CODE 自助下單，方便環保♻️。醒晨早餐（HKD 33): 雪菜肉絲米粉（可轉湯底做蕃茄湯）配牛油🧈餐包，而蛋可以簡不同形式，如炲蛋、滑蛋而且很多都不需要加錢。雪菜肉絲非常夠味道，不會太咸，米線🍜好焾身，不錯👍🏽呀婆都食到。奶茶☕️香濃，入口順滑，可惜差點奶味，茶底濃厚。總結：早餐有咁既質素算不錯 👍🏽滑蛋有蛋香同牛奶🥛味

做完facial感到好肚餓，隔離就有間米線陣，粗粗地食住先老公已經係店內等待，人不多，可以坐張四人枱，好舒服下午茶時間有套餐，老公食多少少，佢既雞絲粉又好似少左的，男人食就唔夠，佢話都夠凍。餃子只有三隻，菜肉餃都so far so good,米線軟左少少，湯如果多少少更好。我的係豬扒米線，老公見到心心眼，好大塊，無炸粉，好熱要小心燙口，忘記左走青，如果中意芫茜一定好開心，但我很一般，湯米線熱烘烘，天氣乾濕下個口都唔錯，味道唔算太咸餐飲有檸蜜唔洗加錢，夠曬滋潤

又係星期六，做完瑜伽又嚟一個快閃午餐，今日選擇左去米線陣食米線。呢間連鎖店價錢大眾化，有飯有麵(可加錢轉薯粉/烏冬)，有辣有唔辣任君選擇。店內環境清靜，坐位寬敞，人不算多。開放式廚房一目了然可睇晒，衞生程度絕佳，客人望到食得開心既安心。今日揀左個清清地嘅清湯蘿蔔牛展米線，可能牛展炆嘅時間未夠耐，所有有啲韌，湯底清淡，食完不覺口渴。午餐免費有杯餐飲最近米線陣做緊會員招收，會費只需$150，如果成日食的話，可以考慮下。

自細都好喜歡番茄的味道，因為蕃茄酸酸甜甜很開胃，所以每次食湯粉嘅時候都會偏向選擇番茄味道的米線，今日嚟到米線陣，叫咗碗豬軟骨番茄濃湯米線，先嚐嚐一口湯，頗濃郁，滿滿的蕃茄肉，豬軟骨十分淋，有2-3舊，有骨膠原的軟骨，亦有一塊腐皮，米線不會淋過頭，好味

以前吃過這家店的米線，感覺偏鹹，味精偏重，在尖沙咀吃早餐選擇不多，天氣熱，不想走太遠，見這裡早餐價錢平，就決定再試試(蕃茄濃湯雞脾肉米線)。結果。。。。蕃茄好鹹，多味精，食完好口乾。最估唔到！！雞脾肉，呢個點煮都滑既部位，竟然係又老又鞋，不能想像佢係點樣煮，完全冇質素可言。果然，大集團連鎖店不太著重食物質素，下次不會再光顧！惟一值得欣賞的是員工服務態度好。可是對一名食客來說，連最基本的食物質素，最容易烹調的雞脾肉也未能做好，實在不值得再光顧。

豬頸肉蕃茄麻辣湯米線($41)豬頸肉爽口，份量都唔少。蕃茄酸酸甜甜，配埋麻辣湯，唔錯，辣度剛剛好，既麻又辣。惟米線同腐皮都偏硬，煮得再腍d會更好。(個人口味: 3.7/5)雞脾肉麻辣湯米線($39)雞腿肉有5件，唔柴。麻辣湯揀左小辣，開頭微辣，越食越辣，不過都係蕃茄麻辣湯底既味道更豐富。至於配料既肉碎真係一粒粒，唔係超碎個隻，唔錯。尼碗既米線同腐皮都比另一碗腍，或者下次落單時可以同侍應講煮腍d米線。(個人口味: 3.3/5)

因為公司就在附近關係，所以很多時候都會去依間米線陣食Lunch，加上種類繁多，湯底都有唔同選擇，蕃茄麻辣、酸辣。。。今次我選擇自選配料，冬菇、鹵水雞翼米線配蕃茄麻辣湯，冬菇尚算入味、雞中翼炆得非常淋，而且足夠鹵水味，湯底濃郁，可能有蕃茄既關係，中和返，唔會太辣我朋友就選擇了她喜愛既芝士腸加豬大腸，加錢仲可以轉稻庭烏冬添，豬大腸肥度適中，不會太肥，烏冬口感滑嘟嘟，好吃😋總括，我認為依間餐廳岩香港人口味，價錢合理，而且多選擇menu上還有多款麻辣既小食，喜歡辣既朋友唔好錯過啦

米線是香港人愛吃的主食之一🍜，特別是夏天，總想清清淡淡來一碗。今天午餐時間來到米線陣，吃了一個午餐套餐〔濃茄雞脾肉貢丸米線〕，+$10 可配小食，我選了〔紅油珍珠餃子〕。————🍽【環境】環境舒適，地點方便。店內有大量卡位，枱與枱之間的空間亦足夠，不會有「逼逼gip gip 」的感覺。—🍜【食物】.〔濃茄雞脾肉貢丸米線〕🍅我是蕃茄湯底的愛好者，要有一碗酸甜咸平衡的蕃茄湯不容易啊！米線一上嗅到偏小小酸的蕃茄味，在夏天口淡淡的胃口下亦見開胃。加了辣椒油便是整個湯底的提升囉👍🏿(愛吃辣的請舉手🙋🏾‍♀️)。🍗雞脾肉偏爽，稍稍的overcooked，失去了雞脾肉的軟稔。但勝在份量搭救👍🏿🍢貢丸細細粒，有3粒，爽口又彈牙。.〔紅油珍珠餃子〕🥟$10有5粒很不錯啊👏🏿👏🏿 加上紅油該有的芝麻，蔴油，微辣的都有👍🏿 推介💫！—👨🏽‍🦰【服務】說真的，這種連鎖式餐店也不會期望有什麼服務，所以他們的服務使我驚喜🤩 店員皆醒醒目目，殷勤有禮，落單/需求說一次便可以了。值得一讚👏🏿👏🏿—食米線最怕吃到底時，只有米線沒有餸😩，但這家份量充足，價錢合理👍🏿CP值高。食得多譚仔，食下米線陣也不錯😆😆