米線陣 (荃新天地)

营业中

休息中

今日（10-11-2024 Sun） 同老公去買餸前食過飯，我哋行到嚟呢頭唔知食乜嘢好，走入嚟荃新天地地下，發覺好多食肆都執咗，而原本係KFC嘅都變咗我哋未食過嘅米線陣， 於事入嚟食下，坐低睇完menu掃QR code落單，咁我哋就要咗：2. 叫午後之選加$3.00嘅凍奶茶呢個味道較淡。2分1. $50.00午後之選嘅重慶酸辣湯豬扒鴨血米線我只試佢一件鴨血，湯就酸唔係好辣，不過可能我係淨係舀面嗰浸；鴨血係滑嘅但係就冇乜味；豬扒我冇食到，因為老公話驚我會覺得辣，同佢係冇剪開成塊上，其他我就冇問。3. $58.00嘅人氣米線～大大碗特盛米線，加$4.00要擔擔麵湯底呢個材料有鯰魚片，牛丸，芝士腸，魚蛋，豬，牛，雞肉片，豆卜，雞翼，蘿蔔，唐生菜，韭菜，火腿片，香蒜炸醬同酸菜。鯰魚片滑亦唔腥；魚蛋係爽但唔係實，鬆鬆地；雞肉片係粉紅色，僅僅熟；雞翼中間都紅紅地，味道我覺得係滷水雞翼，幾入味；豆卜唔腍又唔硬；香蒜炸醬好好味；米線都彈牙嘅；擔擔麵湯味道唔夠濃；其他都正常冇問題。3分服務：全部都係年輕人，亦全部都有禮。抵食係2.5分

行去米線陣吃下午茶餐，因為有迷你下午茶選擇，適合胃口細的我。下午2時開始有供應，四款麵食，有鮮蝦雲吞米線、鮮蝦雲吞魚蛋米線、瑞士雞翼香辣肉醬撈麵，紅燒牛面肉麻醬番茄麵，配熱飲一杯，不用加一，我覺得價格不貴。同樣價錢，我認為牛面肉性價比高些，所以選了紅燒牛面肉麻醬番茄麵，自已掃碼下單。先來熱奶茶，茶味不太濃，口感一般。然後麵來了，一個欖型碗內盛載了紅彤彤的番茄肉，份量不少，你是每吃一口麵都可以同樣吃上茄肉，茄肉綿綿密密，甜甜酸酸，令人開胃。牛面肉有好幾片，肉質冧滑，容易咀嚼。說是有麻醬但吃不到辣的感覺，只有濃郁的番茄湯味。麵是用光身的快熟麵，口感爽爽彈牙，全碗麵的熱度適中，不會燙口。平平地可以吃到一個質素不差的下午茶是不錯了。

今日嚟咗食呢間位於荃灣楊屋道1號荃新天地地下FC1-2號舖噶米線陣，點咗招牌大汗豬扒香濃擔擔湯米線，大汗豬扒面嗰層炸到脆卜卜，裏面嘅豬扒肉味濃，肉質彈牙有肉汁， 一啖咬落去還聽到少少脆脆嘅聲音，配上少少嘅辣椒粉好惹味，如果放落擔擔米線嘅湯，吸收左湯仲正，湯入面芝麻醬嘅香配埋豬扒又係另一種風味。米線煙韌，因為湯汁比較濃稠，每條米線都掛咗湯汁，加上上面嘅榨菜係甜嘅，唔係平時食開嘅鹹榨菜，都幾特別，口感豐富。呢餐食完真係有少少汗

We used to have Mixian Sense during the old days. It’s one of the cheapest and delicious noodle options you’ll find in big shopping malls. I like their fried pork chop and rice noodle soup the most. This time they seasonal menu has Vietnamese pho soup base so I picked it with my favourite pork chop. The soup was fragrant and easily digested, there were a few slices of lime, white onion rings, herbs and red chilli. It went well with the noodles, fried pork chop and Vietnamese sausages. Like usual

呢排經常到荃灣工作，在荃新天地底層，經常吃這間米線陣。最近冬天。，新出咗一款胡椒豬肚雞湯湯米線。。於是今次就試吓。開頭仲擔心會唔會好辣，點知吃上去只有少少辣，味道很香甜。而且有時食得太多蕃茄湯都好厭。哈哈，所以今次試吓呢個清淡啲嘅豬肚湯。仲有幾隻蜆。，蜆都洗得好乾淨冇沙。另外每次都會叫很多小食，今次叫咗皮蛋同埋豬扒。這兩副小食是推介的。總括而言，這間米線陣地方很大，坐上去亦很舒服，平均每人$50左右。性價比高。。

環境：今次去呢間米線陣位於荃新天地1期，我比較鍾意去呢個商場，多嘢食多嘢行，今次去行街晚餐就選咗呢間米線陣。座位之間闊落，乾淨企理冇異味，上菜速度都好快胡椒豬肚湯米線見到係新產品就即刻試下，首先份量非常多，花甲同豬肚雞都有好多，基本上份量一個人都非常足夠。湯底方面就唔似我哋平時喺大陸食開嗰隻胡椒豬肚湯，呢碗嘅湯底就比較清甜，冇咁重口味，大陸嗰隻就比較重口味，濃味一點，所以我覺得又想食到胡椒豬肚湯嘅味又想清清地，呢個係唔錯嘅選擇大汗豬扒同皮蛋，豬扒入嚟淋身新鮮熱辣上枱，不過皮蛋就比較偏辣總結：荃灣區荃新天地一期有好多好嘢食好多野買，呢間米線陣質素都唔錯，值得推薦

一去到，首先點咗碗辣醬牛腩米線，嗚呼～啖啖肉，牛腩叉燒咁滑，煙韌有嚼勁，飯前先點嚟開胃，絕啦！辣醬香得嚟唔會辣到嬲，啱晒唔識食辣嘅朋友。緊貼仲有三色腐皮卷，就係爽口得滯，腐皮咬落去Q彈Q彈，夾埋d 雜錦餡料，晒晒之選呀！😋跟住嗑咗碟金沙豆腐，豆腐外層酥脆內裏嫩滑，啖啖都係咁滑溜，個人覺得淋上面嗰啲蛋絲正宗過滿漢全席。😍簡單講，我喺呢度啖啖滿足，食物新鮮味美，而家諗返起啲口感同味道，肚仔都立刻成日響起喇！想食平民價錢但又想食得開心，啱哂黎呢度解饞，推薦嗒！👍

其實本身好鍾意食米線陣,見佢做左melody合作就更心動想去！當日去好多product已 sold out, 真係有人氣！menu都係 melody樣🤣🤣好可愛！咁我就叫左櫻花蝦茄湯米線x辣雞扒 $68 同加配左特飲 粉紅甜心，其實就係紅石榴西柚 $18。食物水準都好，飲品幾好飲添！ 而且食夠$80仲送 melody folder!!

今天我與太太光顧米線鎮，打算利用手機點餐。我們這些年長者豈能通曉此技術呢？於是我們尋求服務員的幫助，點了兩份豬扒擔擔麵。然而，我們等待了漫長的時間，至少超過半個小時，才等到上桌。可是，讓人難以置信的是，當我太太正在享用美食的時候，竟然在面中發現了蟑螂！這簡直是無法容忍！於是我詢問服務員該如何處理，結果那位女服務員竟然直接奪走我面前的食物，將其倒掉，好像想以此了結一切，甚至沒有給出任何解釋。直到過了5分鐘，一位胖胖的經理才過來問我是否需要換一碗或退款。這種無禮的態度已經讓我失去了食欲。我已經向衛生局報告此事，並告誡大家遠離這家餐館！這樣的服務質量簡直令人發指！我做了一首詩來表達我心中之憤...食館名譽高聲傳，蟑螂竟伏其中潛。老夫太婦欲點餐，手機猶難通技巧。侍者代點兩碗面，等待時光漫長延。夫人納食驚惶間，蟑螂浮現吞咽難。詢侍應解決之法，面食奪去不解釋。胖經理遲才前來，換碗退款方提議。無禮態度令人憤，食欲全失心頭亂。急報衛生局立案，告誡眾人遠離關。此餐館服務如此低，質量堪憂令人悲。

平時中午或者下午茶有陣時會嚟食，可以40幾蚊食到一碗正常好食飽嘅面，服務質素一時時，整體服務質素編好，尤其下午茶出餐同買點單速度都好快，店員都有禮貌，但係黑色衫店長成日講嘢好大聲，有陣時唔識手機落單問佢落單都黑曬面，出邊熱水凍水成日都冇，如果唔買嘢飲真係口渴成餐。

5月3號13-14點荃灣店里就餐，因牛肉片唔熟，舉手適店員，岩岩開始兩店員假裝睇唔到（眼神對視到都睇唔到？），之後有人過來，同佢溝通之後將米線拿走，處理方法就係唔熟嘅牛肉片米線只加湯仲係加水？再次端上來嘅米線就係湯多佐冇其它改變。去佐其它分店食過都服務唔差，唔係要幾好服務，但係基本服務都冇，呢次主要黑色衫嘅店長同埋一個白色衫店員，其他店員都有禮貌嘅，平時很少差評，主要係服務態度有問題，希望貴店改進。

啱啱同朋友一齊收工勁肚餓😭經過咗荃新天地米線陣，我本身就係米線愛好者，一於入去試下🤣我同朋友都叫咗風琴豆腐串串X風味鹽酥雞 香濃擔擔米線，果然係佢哋嘅人氣湯底，好香花生味🥜再加埋榨菜同花生碎冇得彈。入邊仲有個豆腐串，將擔擔麵湯底精華吸晒入去，我本身都唔係幾鍾意食豆腐🫣呢個真係值得推介呢個set包埋鹽酥雞，外皮炸到外脆內軟，雞肉勁嫩勁Juicy，食到停唔到口🤤小食亦都包埋香蒜茄子，微微酥炸嘅茄子配上又幼滑蒜蓉同秘製醬汁，非常惹味。特飲係非常解膩嘅雙檸可口可樂，入邊有檸檬同青檸，簡直係雙重清爽。仲有得揀正常或者無糖添🤣**凡惠顧主餐牌/季節性餐牌米線，即可+25加配組合價，享用小食香蒜茄子(單點價22元)和特飲雙檸可樂(單點價22元)

今晚俾第二間野既服務激到嬲嬲地，過來簡單食個米線陣算。覺得呢度既店員服務好好好!!! 店長會推介食物，店員會走來問候關心，侍應生/姐姐送餐都好有禮貌。食物口味唔係要你嘩一聲個隻，但咁既價錢我OK，性價比值！如果老闆見到，請讚下你啲員工鼓勵下👍🏻from:一家三口普通平民(絕非打手)

食過好多次啦!每次服務都好好!經理細心周到又好禮貌！所以忍唔住要上嚟讚下！係有陣時等食物會耐咗啲！但有咁好嘅服務態度我都會繼續幫襯！如果繼續有大汗雞扒就好啦！我非常鍾意食

離哂譜地服務差！唔係要五星級服務但係食物、飲料、所有野都掟落枱面！想叫野食扮睇唔到十問九唔應有個疑似係店長既女人先誇張鬧d員工都不突止仲話埋客人咁麻煩下次唔好黎