粗店燒烤

营业中

休息中

呢度唔知幾時開咗間燒烤店，睇到網上面啲圖片好似好好食咁，特意在沒有那麼多人的時間段，來這裏吃的。（大約下午5:00左右嗰啲時間段。）環境好大，座位嘅位置都唔會好迫，啲嘢都擺放得好企理，間舖好有設計感，一包包‘’吊‘’住嗰啲係紙巾覺得咁樣吊住好得意，生平第一次見。😂依一間舖叫嘢食係用QR code落單嘅，方便我依啲正宗i人。每張枱上面都有放竹籤嘅筒，辣粉同埋孜然粉，仲有牙籤呢啲基本嘢。本身見到有個爐喺度，以為係自己燒，點知原來係廚房整完出嚟之後放喺個爐果度，個作用係幫啲嘢食保溫。（覺得呢一個點幾貼心。而且依家冬天唔快啲食嘅話，啲嘢食真係會凍。✨叫咗好多嘢食有羊肉、牛肩肉、菠蘿、燒生蠔韭菜、土豆片、翠玉瓜、牛舌、雞軟骨、多春魚、仲有涼面。（因為啲嘢食係斷斷續續嚟，所以冇影晒。加咗辣粉嘅嘢食 真係超級好味強烈推薦✨-燒生蠔🦪店員攞到出嚟嘅時候熱辣辣🔥，仲要吹兩口先擺得入口，好多汁 我屋企人超鍾意食，佢搶着嚟食 叫咗兩次 總共四隻，我淨係食得一隻（無奈接受🫠-涼面 之前我喺大陸食過呢隻麵，內地人整到出嚟個面唔凍唔熱，但感覺呢度啲面涼啲，食起嚟可能因為有溫度加成，所以覺得好好味😋- 羊肉 我本

餐廳位於豉油街地舖, 小店主打多款串燒及海鮮生蠔及炸物, 全部即叫即燒, 絕對是聚會及宵夜之選✨自行掃ǫʀ下單, 圖文並茂、非常方便👍🏻餐廳會細心地先擺放暖盤, 將串燒保持適當溫度, 枱上設有辣椒粉及孜然粉, 調製個人口味今日點了串燒🍢烤雞翼 烤雞肉串🐔 金菇肥牛卷 烤雞軟骨(一份2串)烤爆汁五花肉(一份2串）烤美國牛肩肉(一份5串) 泰式小豬頸肉(一份5串）串燒水準整體不錯, 醃製後味道很入味, 熱辣辣香氣十足, 烤美國牛肩肉口感柔軟、散發滿滿肉香, 特別喜歡泰式小豬頸肉, 肥瘦適中、烤過後更惹味 海鮮原隻魷魚王 醬汁鹹中帶香甜微辣, 經過涮醬炙烤後, 魷魚ǫ嫩彈牙, 香氣四溢烤新鮮生蠔🦪 (一份2隻) 生蠔肉質肥厚, 鮮嫩爽口肥美, 搭配蒜蓉一同烤制, 味道更加濃郁小食椒鹽魷魚鬚🦑 炸至金黃色, 外酥內嫩,口感香脆可口, 必點推介👍🏻粗店烤粟米🌽 賣相非常吸引, 切成一小塊加上了辣粉及沙律醬, 香甜惹味炸黃金小饅頭 滿滿煉奶加上黑芝麻, 內裏口感很扎實飲品哈爾濱啤酒🍺 食串燒一定要配啤酒小店服務很親切, 環境寬敞舒適、有點像居酒屋, 令人很放鬆, ᴄᴘ值高, 值得再回顧

今日嚟到旺角呢間人氣爆燈嘅「粗店燒烤」，試吓佢哋嘅嘢食係咪真係好似網上講咁正！😎 環境：簡約日式風，燈光柔和 ✨餐廳裝修以簡約日式風格為主，木質枱櫈配搭灰色牆身，感覺幾舒服。💡 燈光柔和，營造出一種輕鬆嘅用餐氛圍。🪑 牆上掛住唔同嘅菜名牌匾，幾有特色。🖼️ 整體環境尚算寬敞，枱與枱之間都有一定距離，唔會覺得太逼夾。😌食物：惹味燒烤，驚喜連連 🤩烤雞皮（一份2串）：烤得皮脆，調味啱啱好，唔會太鹹，食落好惹味！😋 $22真係抵到爛！💯烤美國牛肩肉（一份5串）：牛肉味濃郁，肉質鮮嫩多汁，燒烤嘅香味好突出，令人一試難忘！🤤 $45呢個價錢都算合理。👍烤雞肉（一份2串）：雞肉嫩滑多汁，調味恰到好處，唔會太乾。🐔 $28抵食之選！👏烤大漠羊肉串（一份5串）：羊肉冇乜羶味，肉質鮮嫩，調味帶少少辣，好惹味！🌶️ $45性價比高！👍金菇肥牛卷（一份2串）：肥牛包裹住爽口嘅金菇，口感豐富，味道鮮美。🤤 $32值得一試！👍泰式小辣豬頸肉（一份5串）：同普通豬頸肉唔同，呢個多咗一份泰式風味，酸酸辣辣，好開胃！🌶️ $45都唔錯！👍蒜蓉烤原條茄子： 茄子烤得軟腍入味，蒜蓉香味十足，好送飯！🍚 $38必點之選！💯

呢間旺角嘅港式串燒店真係好抵食，每串串燒低至$7，呢晚就同友人嚟咗食啦🤗串燒♦️烤美國牛肩肉呢個牛肉肉味超級香濃🐮 尤其係佢有少部份嘅肉會有少少牛嘅脂肪，唔會齋瘦肉乾身🤣 ♦️烤大漠羊肉串羊肉串食落口唔會太羶，加埋佢嘅調味真係好夾，略帶少少辣，不過就好啱我嘅口味🐑♦️泰式小豬頸肉個人幾鍾意呢個豬頸肉，因為佢烤得夠乾身，但係食落口又夠Juicy🐷♦️烤雞軟骨每粒雞軟骨都幾大粒，呢個烤得好乾身，食落口好美味，令到我好想加單嗌多幾串😝♦️烤脆雞皮呢個雞皮一串都有好多，不過佢呢一種串嘅方法令到雞皮唔算好乾身🐥 雖然唔算好香口嗰款，但係就冇咁熱氣，而且燒過嘅油脂感都低啲。烤新鮮生蠔一份有兩隻，可以選擇芝士或者蒜蓉味，我哋今次揀咗蒜蓉味，上面嘅調味仲加咗少量嘅辣椒，所以食落口更加惹味🌶️ 蠔肉都算幾大隻，入口Creamy🦪粗店烤粟米諗住食咁多肉，嗌返少少蔬菜食吓🌽 呢份烤粟米已經切開咗，等我哋唔使食得咁狼狽。用上少少芝士粉同埋香辣粉調味，不過其實主要都係食到粟米嘅香甜。芝士撈公仔麵雖然呢個好邪惡，但係好推介大家嗌呀，上碟時熱辣辣，芝士份量又夠多，鍾意多汁嘅我都覺得足夠撈晒成個麵🍜 炸黃金小饅頭一份兩個適合同朋

寒冬刺骨，最適合約埋一大班朋友圍爐取暖!今次嚟到旺角食串燒 ，呢間鋪頭勁抵食 ；豬、牛、羊10蚊都唔使就有一串，仲要唔同時間嚟會有折 ，啱晒同一班friend嚟食宵夜 ，又可以飲下酒食下串燒一樂也!食物種類都唔少，有海鮮、肉類、蔬菜同小食等。今次試左海鮮(燒生蠔、扇貝、烤魷魚、海中蝦、秋刀魚)，牛肉串、雞軟骨、虎皮尖椒，堅辣同好食，必食之一，怕太辣，要自己刮走籽去。而錫紙類別蔬菜，都有粉絲底，入晒味，好好食。總括黎講，食物質素唔錯又好味，侍應服務周到，上菜速度快(好彩有個火爐仔可以烘熱住食物，唔使怕食唔切而攤凍晒，有機會可以再encore!

同朋大友飲嘢閒談後, 意猶未盡, 決定今晚試下燒烤咩先~ 由上至下:烤美國牛肩肉 $45 (一份5串)烤脆雞皮$22 (一份2串)烤翠玉瓜$18（一份2串）烤牛五花趾金錢展 $24 (一份2串)烤爆汁五花肉（一份2串） $28左: 焦糖鮮菠蘿 $22/串右: 芝士撈公仔麵樽裝忌廉 $15芝士撈公仔麵 $48鹹鹹香香, 一啖接一啖, 好快就食晒喇~我哋都鍾意食, 覺得下次要一人一客, 會更過癮更飽肚呢!我哋 encore:烤美國牛肩肉 $45 (一份5串)因為佢真係幾唔錯! 香口得來又咬口~朱古力煉奶麻糬 $38呢個好味啊~熱辣辣 外脆內軟; 香甜軟糯, 味度同質感都啱啱好啊~ 好似糍粑咁架~佢一件我一件, 不知不覺間, 就食曬喇~ 蒜蓉烤原條茄子 $38呢個好細心呀!!! 預先幫客人界開咗一坑坑, 好貼心~ 真係第一次輕鬆就可以夾到一絲絲茄子出嚟食! 開心!如果可以再濕潤啲, 就更Perfect!吉烈炸蠔 2隻 $28估佢唔到有沙律醬 個醬咁攪笑嘅~結果, 唔食蠔嘅佢可以獨享兩枚~

原來係大陸集團 唔怪之得就係大陸嘅味道 啲調味都係一式一樣啲肉啱啱嚟已經燒到乾晒好硬 好難咬 仲刮損個口味道還可以 香口 人工味 食完會勁口渴 飲好多水嗰種但食材就好麻麻 都係靠調味先放得入口服務一貫香港食肆文化 就係冇咩服務店員黑口黑面 講多句句都冇嘅 放低唔會講放低咩肉有朋友唔食羊嘅 唔小心食咗羊串啲面類好細份 冇咗之前一鍋嘅麻辣燙好難食得飽覺得呢個食材質素真係算貴四百幾蚊一個人都只係啱啱好食飽因為佢啲麵啊 飯啊太細份 串燒又貴 又少肉 抵食一定冇佢份

今日同朋友聚舊，去咗旺角嘅一間燒烤店餐牌上面有好多唔同款式嘅肉類選擇，十分豐富😋入到座見到一舊物體吊喺天花板上面，以為係暖燈，點知原來係紙巾🤣✨夜市炒飯✨炒飯採用濕炒方式，加上粟米、椰菜同辣椒，十分惹味不過真係有啲辣🥵✨串燒類✨叫咗牛五花趾、美國牛肩肉、雞皮同雞軟骨，每款都曬上辣粉同孜然粉，調味適中牛五花趾比較薄，比較普通；牛肩肉反而就好厚肉，唔錯；最欣賞雞軟骨同雞皮，雞軟骨好脆口，雞皮十分重油香🤤燒菠蘿都唔錯，超級多汁😋😋茄子超級大條，撕開佢一絲絲療癒🤪🤪✨海鮮類✨生蠔同扇貝雖然比較細隻，但係都好新鮮，用蒜蓉同辣椒調味，啖啖肉😀總括而言，一間好平民化嘅燒烤店😋

喺新寶睇完戲喺隔離搵嘢食 見到這間燒烤店就入去坐低食下野時間尚早所以唔使等位每張枱上都有個布袋仔原來係包紙巾，呢個設計都幾貼心 舉起手就拎到紙巾掃qr code落單都好方便朋友一嚟到就見到藍妹生啤買一送一燒翠玉瓜， 仍然好juicy燒烤店係一定要叫燒矮瓜大大份食完都係唔夠喉燒土豆， 別有一番風味燒菠蘿， 上面仲有一啲焦糖，食落脆身夠甜烤美國牛肩肉五串先至45蚊好抵食朋友一見到炸饅頭就話要食睇相都知好夠脆最尾想叫多少少碳水化合物，就叫咗這個夜市炒飯， 都幾特別，有少少羊肉的騷味朋友一見到雪櫃有玻璃樽裝可樂又話要叫我就見到這個朱古力煉奶麻薯， 我覺得有少少似糍粑感覺， 煙煙靭靭皮脆內軟整體覺得餐廳通風整體都覺得好好，食完成身唔會有陣油煙味，坐得都好舒服

粗店燒烤今次係我第二次回訪呢間「粗店燒烤」，佢哋間燒烤店門口係有一級，想去食嘅輪椅人士記得要自備斜板，今次入去發現座位佈局唔同咗，座位好似少咗，感覺闊落咗，每個座位上仍然保留住吊住紙巾方便食客抹嘴抹手，呢個係佢哋咁多年嘅特色！1.烤雞翼（1串2隻）$18（8/10）呢串烤雞翼烤到雞翼外皮有少少脆，不過雞翼面頭孜然粉可能落得太多有少少咸，一串有兩隻烤雞翼！2.烤雞軟骨（一份2串）$22（9/10）呢份烤雞軟骨烤出嚟雞軟骨唔會乾身，雞軟骨又唔會咬唔到太硬，粒粒軟骨咬到卜卜聲，一份有兩串雞軟骨！3.鹽燒牛舌心（2串6舊）$56（10/10）呢串鹽燒牛舌心外面有少少脆，而牛舌心入面都幾嫩滑，保持肉汁，唔會好似其他店舖燒得好乾身，又鞋柴，1串有3舊牛舌心，我叫咗2串，實在太好味！4.金菇肥牛卷（4串8舊）$64（10/10）呢串金菇肥牛卷個牛肉鮮嫩，唔會乾身，金菇好juicy，1串有2舊金菇肥牛卷，我叫咗4串，實在太好食！5.烤蒙古羊架（2支）$76（10/10）呢個蒙古羊架睇起嚟以為好硬又瘦，點知咬落去唔會乾身，有肉汁流出嚟，羊架帶少少肥，最唔鍾意羊架好瘦，今次無叫錯呢個蒙古羊架，簡直係必食之

今日同朋友去咗旺角一間串燒店食宵夜佢哋主打即叫即烤串燒，用上唔同的肉類同海鮮，加上東北風味的香料，燒起來特別惹味得不得了😍而且價錢合理，人均只需 $200-300 就可以食到飽，真係超值☺️🔸 烤美國牛肩肉 咬落去肉質鮮嫩，味道十足，必食推介😀🔸 烤爆汁五花肉 肥瘦適中，每一口都爆汁，非常惹味👍🏻🔸 烤雞肉串 雞肉味道香濃，搭配特製醬汁，真係唔錯🔸 泰式豬頸肉 豬頸肉帶有一點甜酸味，非常開胃🤤🔸 椒鹽魷魚鬚🦑魷魚鬚外皮酥脆，內裏嫩滑腍身，加埋椒鹽，惹味到不得了，真係食到停唔到口😆🔸 烤扇貝用上新鮮扇貝，加上大量蒜蓉，烤得好入味粉絲都有充滿蒜蓉嘅味道🔸 娃娃菜清新又爽口，係幫助消化唔錯嘅選擇🔸 炸黃金小饅頭 外脆內軟，加上煉奶，好好食😋🔸 焦糖燒菠蘿 🍍焦糖味道好香，加上甜甜的菠蘿，美味既甜品

環境方面:8分環境很寬敞，無論是一大群人還是二三小聚，人與人之間都留有足夠的空間，不會說背碰背，手臂碰手臂的。冷氣溫度也很舒適，落地玻璃令視覺效果也很開揚！食物方面(2人份量)：雞軟骨(2串) $24.0-椒鹽惹味如果再多D我會更開心,粒粒有肉有軟骨,很有嚼口雞皮(2串) $24.0-香口嫩滑,自己再加點七味粉的話更有滋味五花肉(1串) $18.0-口感鲜嫩,味道腌得很濃郁,適合我這種口味重的人雞中翼(1串) $24.0-燒雞翼我中意食~~多汁嫩滑還帶點鹹香~非常好雞骨腸(2條)  $38.0-好無知的不知道雞骨腸是什麼,食落發現是豬肉製成香腸連著雞骨,味道唔會很鹹,幾滋味的烤生蠔(2隻) $38.0-這個我感覺一般烤魷魚(1串) $22.0-很有咬勁,適合慢慢嚼,我這種牙齒一般的讓了給朋友烤大扇貝(2隻) $58.0-超喜歡這個,有點甜鮮味,一人吃了兩隻韭菜(1串) $16.0娃娃菜(1串) $12.0-沒太大特別錫紙トト蜆 $56.0-蜆肉出乎意料的大粒,雖然味道有點淡,但食落很有口感蜜瓜味荳奶(紙包) $15.0可樂 $18.0

係洗衣街公園及仕德福酒店中間無論旺角或油麻地MTR 出口都只需5分鐘室內裝修通風明亮 無任何油煙味或悶焗冷氣夠大仲有冰凍$48兩杯藍妹生啤!清新唔苦又順滑為免食物上枱太快涼 每枱都有個熱板保溫炭火串燒火喉及功架了得不會未熟或過焦特別係各種肉類來貨新鮮 調味又不會太重手各款燒好就分別上枱 保證即叫即燒保持熱度枱面更有香味十足的辣椒碎及孜然粉 重口味人士可以任落推薦結尾來一個色香味美既夜市炒飯 美味又滿足!美國牛肩肉 大漠羊肉串 泰式小豬頸肉各款肉串$9/串 每款MOQ 5串不同肉都有各獨特既調味烤熟度掌握得好、選取富油脂部位不會硬實難分雞翼$18/串、雞軟骨$22/2串味道唔錯但最重要係焦香味足辣辣地既調味配上冰凍生啤絕對係最佳CP鹽燒牛舌芯 $28/串厚度十足又爆汁既肥美牛舌外層略甜又帶少少鹽度 好食到停唔到口蒙古羊架 $38/支來貨幾靚又偏肥既羊架 燒得比其他肉更焦香而不會太重羊騷味爆汁之餘又啖啖肉 連骨都慢慢品味蒜蓉烤原條茄子 $38落左大量蒜蓉及醬油調味 味道幾好仲香氣十足 茄蕊份量多D會更好夜市炒飯 $58賣相十分吸引而且份量幾足感覺似宵夜的炒糯米飯但稍加改良每粒米飯都沾上甜味

食燒烤唔一定下下都要返內地食嘅 香港自己都有高質唔錯嘅燒烤店👍🏽 店舖就位於旺角,對比特登返內地食慳返唔少時間 食完附近仲大把嘢行,可以響應夜繽紛😂😂其實呢間店我已經食過幾次,店內店外裝修風格都幾唔錯,有feel嘢食方面我點咗雞肉串同雞翼,粗店嘅燒烤啲雞真係冇得頂,特別係雞翼,裏面可以保持到嫩口之餘又做到表面乾脆,有少少微微焦嘅口感,我應該淨係雞翼都點咗兩三次😂 ,另外羊肉串同牛肉串肥瘦啱啱好,燒完之後油脂嘅香味好重,食過就知舖頭唔係用啲好平嘅貨,對比大陸慣常用合成牛合成羊,一分錢一分貨係好明顯,茄子整體質素OK ,夠大條😂,不過炒飯一定要試,好味性價比高,完全夠兩三個朋友食都OK,搭支可樂飽晒

今次去咗旺角呢間串燒店，一入到去，就見到藍妹啤酒買一送一，個心情即刻好咗！啤酒冰冰涼涼，飲落去清爽無比，啤酒嘅香氣配上串燒，簡直係人間美味。先講講椒鹽薯條，炸得金黃香脆，外脆內軟，每一口都帶住椒鹽嘅香味，咬落去有一種爽口感，真係食到停唔到手！再嚟就係燒扇貝，扇貝新鮮多汁，帶住一陣海洋的鮮味，肉質彈牙，搭配少少蒜蓉醬，真係一流。燒蠔就更加唔使講，蠔肉飽滿肥美，燒到啖啖都充滿汁液，咬落去鮮甜無比，仲有一陣煙燻味，配埋蒜蓉醬，真係好過癮！而燒蝦就更加吸引，蝦肉鮮嫩，燒得剛剛好，肉質彈牙又爽，原味已然好正味道升華！