影片
以上资料只供参考，请与餐厅确认详情
影片
相片
烟韧花生糖不甩拿铁（左）、紫薯鲜牛乳（右）
+1.1K
+75
食家推介
相关文章
星期日去咗一间装修劲怀旧嘅社企餐厅食tea.餐厅嘅环境好啱打卡.烤天贝伴蜜糖芥末酱刈包 （HK$72)之前食过传统刈包, 里面系夹住又厚又肥嘅腩肉.今次第一次试夹天贝!睇Menu先知, 天贝系超级食品.蛋白质超高, 啱晒减紧肥嘅我.份量比想像大, 包入面嘅蜜糖芥末酱带点芥末清新味, 食落感觉好fresh.食嘅时候要小心, 啲汁好容易流晒出嚟.除咗刈包, 个set仲有砵仔糕同前菜.我好耐冇食砵仔糕喇.虽然细细件, 但系里面都几多豆.甜度适中, 口感亦唔会太腍, 几好食.酱煮鲜菌天贝 (HK$58)我哋都叫咗个小食.有多唔同种类嘅菇.菇同天贝都好入味, 酱汁浓郁, 我觉得好啱送饭.天贝嘅质感有啲似薯仔同淮山, 几特别.港式糖水x烟韧米麻糬(HK$68)依个系我最期待嘅甜品!· 黑白芝麻糊芝麻味好香.芝麻糊配米麻糬, 味道好似食紧芝麻汤圆咁.· 椰香紫米露紫米露好穊身, 入面仲有芋头添.成个糖水暖暖哋, 食落好舒服.· 特浓开心果糊绝对系我嘅最爱!开心果味好浓麻糬好烟韧, 食完好满足.真心推介!夏日爽甜凤梨乌龙梳打 (HK$45)闻落劲香凤梨味, 饮落好清新.好啱夏天饮.蝶豆花柚子梳打 (HK$48)卖相劲靓.味道清爽唔太甜.我觉得系必试!整体嚟讲, 呢间餐厅嘅菜式好有新意, 健康又好味.
继续阅读
这间咖啡店位于北角幸福大楼，同时亦是一间社企，专门聘请金龄妇女给予就业机会。食物主打传统糕点，每日新鲜手工制作，推广港式传统甜品文化，最近更推出多款全新菜式。酱煮鲜菌天贝 - $58天贝是印度传统食物，由黄豆制成，营养成份媲美鸡胸，是超级食物之一。一块块天贝扎实且有嚼劲，有独特的发酵风味，还有多种杂菌爽滑弹牙，吸饱咸香的酱油。烤天贝伴蜜糖芥末刈包 - $72刈包类似于馒头，松软有弹性的，内馅夹著天贝、蕃茄及生菜等，还有香甜的蜜糖芥末带点辛香，清新又轻怡。前菜&甜品黑醋木耳青瓜酸甜爽脆，而砵仔糕软硬适中好细致，有米香及红豆的软糯。港式糖水米麻糬 - $68一次过有三种口味，每杯也有软糯绵密的米麻糬，烟烟韧韧充满嚼劲，有浓郁的米香。特浓开心果糊浓郁又顺滑，带有浓厚的坚果香气；黑白芝麻糊质地好浓稠，有芝麻的颗粒感；椰香紫米露黏糯且浓稠，有紫米的香甜味。蝶豆花柚子梳打 - $45梦幻紫色的蝶豆花，伴随著酸甜的柚子蜜，有丝丝柚子皮，口感好清爽。爽甜凤梨乌龙梳打 - $45乌龙茶甘润不苦涩，又有香甜微酸的菠萝汁，清新爽口。
继续阅读
北角开咗一间良心社企店， 主力支持长者同妇女就业，十分有意义。 最紧要系 ，好有香港地道风味， 有70-80年代既拨轮电话、旧式水壶等， 再加上一啲依家买少见少既香港传统糕点，真系好值得去试下🫰🏻🥙 烤天贝伴蜜糖芥末酱刈包（$72） ： 熟我既人都知我都会系特定日子食素，依个食物就岩哂我🤩🤩 天贝其实系以黄豆发酵而成， 含有好多既营养 ，包括蛋白质、维生素B12等等，对素食者黎讲非常友好！ 天贝加上生蕃茄、生菜配合蜜糖芥末酱及刈包，口感十分丰富同甜甜地几特别！ 绝对值得一试！ 跟餐仲有前菜同甜品 ，饮品加$30🥤 糯米丸子艾草拿铁： 听个名几特别， 艾草对女性黎讲有保养作用👍一黎补充营养低脂肪，岩哂我减磅既人， 另外仲暖宫活血， 舒缓M痛。饮落唔会太甜。🥣 酱煮鲜菌天贝（$58） ： 同样以天贝做成，加上杂菌同酱汁， 口感唔错。🥧 怀旧糕点九宫格拼盘（$98） ： 依样绝对系必食甜品之一，有齐9种香港地道传统甜品，包括砵仔糕、白糖糕、菲林卷、花生糯米糍、叮叮糖、花生糖、流心双薯西米糕等。 样样都好怀念😋😋 个人最中意砵仔糕，因为细个成日都食😍，同埋细细个咁好易入口。依间除左系素食人士既天堂，仲要有宠物食得既糕点😝 除左堂食，仲可以外卖，买埋番屋企当宵夜都得！
继续阅读
之前见到介绍呢间系食香港怀旧小食9格摆盘好靓 特登约埋朋友嚟食嚟到发现仲有新出草莓冰糖葫芦系列店面色调主要系以鲜艳橙色作为设计入面好多装饰都有香港传统味道拨轮电话、旧式水壶/电视/风扇摆设最近4月仲有姜涛生日应援布置本身系间社企 唔系姜糖都会支持- - - - - - - - - - - - - - - - - - - - - - - -1. 草莓冰糖葫芦糖不甩呢个糖不甩创新得嚟又估唔到咁冇遗和感糖不甩个糯米整得软糯 食落系有咬口但又唔会黐住啲牙 下面舖满花生碎碎仲加咗啲草莓果干 甜中带酸 多咗清新口感同埋上面有啲大粒又红草莓冰糖葫芦伴碟草莓果肉好甜 外层冷却糖浆唔会好硬/黐牙2. 草莓冰糖葫芦奶盖冷泡茉莉呢杯冷泡茉莉上面有粒草莓冰糖葫芦点缀 已经好靓 都几打卡able 奶盖味道唔算好浓饮到冷泡茉莉嘅茶味系超级清香先淡淡茉莉甜 后微回甘 有冰更加清爽3. 怀旧糕点九宫格拼盘呢个拼盘应该承载好多人嘅回忆入面9款怀旧糕点都系细个食过包括双薯流心西米糕、流心芝麻卷香浓黑芝麻/开心果/手炒花生糯米糍砵仔糕、叮叮糖、花生糖、白糖糕- 西米糕馅系绵密嘅黄心蕃薯&紫薯蓉配支西米酱吱入个馅度 做到流心效果- 芝麻卷本身用咗黑芝麻整 好似菲林所以都会叫菲林卷 仲会配支黑芝麻酱都系吱入入面 流心又有双重黑芝麻味- 糯米糍入面啲馅系好饱满 咬开好多碎碎尤其花生口味系手炒嘅 食落更脆更香- 砵仔糕好特别 用咗古代瓦碗同竹签做装饰要自己刮边挑起砵仔糕 黄糖红豆唔会太甜- 叮叮糖、花生糖口感香脆 同细个食味道一样- 白糖糕就比较软糯、口感烟韧 带有纯正嘅甜
继续阅读
推开「糕点时光」嘅大门，瞬间跌入咗一个时光交错嘅甜蜜宇宙——呢度唔止系一间社企小店，更系金龄妇女用双手编织嘅传统糕点梦工场，仲系「姜糖」今个月必到嘅打卡圣地！🎂💖 🌸 草莓冰糖葫芦系列之一｜「草莓冰糖葫芦奶盖冷泡茉莉」【冻】春日恋爱感满满嘅饮品🍹茶味清香，少许回甘。冰糖葫芦士多啤梨极香甜，真系想食多几粒🍓富创意又好饮！🍋金桔柠檬百香果梳打【冻】｜夏日透心凉！金桔同百香果嘅酸甜×柠檬清香，气泡感十足，解腻首选✨ 🎁 怀旧糕点九宫格拼盘｜穿越老香港，简直系味觉时光机⏳： 🥜 有三款手工糯米糍1️⃣ 开心果糯米糍｜💚 外皮软糯，内馅系伊朗开心果磨成绵密酱，坚果香爆炸～ 2️⃣ 花生糯米糍｜🥜 经典永不败！炒香花生碎混砂糖，用料十足。3️⃣ 黑芝麻糯米糍｜⚫️ 芝麻控必食！自家炒芝麻磨酱，浓郁唔会太甜。4️⃣ 黄糖红豆砵仔糕｜🔴 用竹签「笃笃」先有灵魂！黄糖焦香+红豆起沙，口感Q弹似记忆中嘅街边档～ 5️⃣ 白糖糕｜☁️ 发酵到完美蜂巢孔！微酸蜜香，十分怀旧。6️⃣ 紫薯番薯西米糕｜💜 双薯联手！紫薯蓉+番薯粒+西米三重奏，椰奶香偷偷升华～ 7️⃣ 手工花生糖｜🥜 即制即切！蔗糖焦香包裹脆口花生，花生味香浓。8️⃣ 啄啄糖｜🐦听就听得多，不过真系第一次食呢款怀旧糖果，好特别！9️⃣黑芝麻卷｜「菲林」系细个饮茶🫖时会叫嘅点心🖤充满儿时回忆。💐 咁啱遇到姜涛生日应援，全间餐厅都化身成「姜糖甜蜜屋」室内布满姜涛嘅靓相同poster! 我见到好多姜糖都打卡打得好开心💖呢度嘅魔力，在于将传统糕点变奏出新灵魂，又保留住老香港嘅温度。坐喺复古花砖枱前，食住砵仔糕望住姜涛嘅招牌派心相，突然明白——幸福，就系咁简单✨
继续阅读
您可能会有兴趣的...