影片
港铁北角站 B1 出口, 步行约3分钟
继续阅读
营业时间
今日营业
11:30 - 18:30
星期一至日
11:30 - 18:30
以上资料只供参考，请与餐厅确认详情
相关文章
「糕點時光 Time To Gold」是一間致力保存傳統糕點文化的獲獎社會企業，提供糕點銷售及寄賣、技能培訓、體驗工作坊及資訊分享等服務，希望在提供服務的同時，促進婦女及長者就業👍👍傳統糕點予人「老土」、「廉價」的印象。「糕點時光」為懷舊糕點加入新元素、新形象，研發創新口味，同時午餐還有健康美味嘅食物和飲品，最新仲推出咗最愛嘅刈包，而且我好喜歡佢哋門口設有座位，非常有懷舊風味，可以一邊品嚐美食，一邊望住條街，慢活一下🫶▪️沙嗲牛肉刈包 $ 68刈包以點心蒸籠上枱，型格又有風味，沙嗲牛肉就是港人最愛嘅傳統風味，牛肉超香沙嗲味，而且肉質軟腍又入味，配料有酸菜更加滋味，刈包煙靭又軟熟，包住沙嗲牛肉超美味👍▪️川味口水雞刈包 $ 62這個帶點香辣的口水雞口味，雞絲嫩滑又惹味，配上酸菜、紅洋蔥和青瓜，和熱辣辣既刈包味道超夾，午餐夠晒飽肚▪️海鹽芝士奶蓋茉莉飄香 $ 48這個茉莉香茶沒有糖分，就帶一點清香啱晒我，面頭放上味道香濃的海鹽芝士奶蓋，充滿鹽香，配搭茉莉茶清新又美味
继续阅读
北角最近新開一間外形橙色好打卡able嘅cafe📸一直bookmark好想試吓，今次終於嚟拜訪，原來係主打傳統糕點社企 - 糕點時光嘅主題cafe！佢哋一直為基層長者同金齡婦女提供工作機會，同時傳承製作多款傳統糕點嘅手藝，好有心🥰Cafe環境好懷舊，室內外都好啱打卡，室外位置仲係pet friendly添🐶呢度有售多款傳統糕點小食，好似菲林卷、飛機欖、DIY糖蔥餅等，另外亦有淮山麵、碗仔翅等鹹點。趁住開心果熱潮，而家仲推出期間限定嘅開心果祭💚開心果控一定要快啲嚟試吓😎期間限定大熱開心果祭🎉🍡開心果脆脆糖不甩 $68見到店員即場整，糯米團幾煙韌有咬口，花生碎換上開心果碎好正🥳重點係搭配嘅開心果沾醬，勁香濃，烘焙味好香😋🍡爆餡開心果糯米糍 $13糯米糍同樣煙韌，唔會黏牙，厚度剛好👍🏻𥚃面嘅開心果碎好爆餡，幾香口，完全唔甜😽🍵濃香開心果牛乳 $48開心果味好天然好香，都係開心果控必試item😆推介指數（10分為滿分）：8分
继续阅读
我哋成日聽到廣告話入面講「溫度、味道、態度」一間出色嘅cafe 可以做到感動人心背後隱藏住好多心思同毅力⋯呢度就有一間喇😊Time to play 定 Time to work ?No no no 🙂↔️係Time to Gold 先啱Time to go and have some 糕！😄致力推動退休人仕同家庭主婦等金齡婦女就業嘅社企 - 糕點時光之前喺西營盤Ztoryhome 有試過佢哋嘅果凍印象唔錯恭喜佢哋終於有屬於自己嘅茶室👏🏻除咗拿手嘅糕點外新店仲有供應多款正餐、甜品同特色飲品有刈包、糖醋豬軟骨紅米飯、雞腿拌麵等等、選擇都唔少🍚重點係款款都見心思、味道同賣相兼備除咗餐點、小店預計日後仲會舉辦唔同類型嘅工作坊做到真正咁連繫社區、加分加分👍🏻🔖 Peeled Orange Bun 🍊點心一上檯老師即刻「嘩！」咗聲😲係有「橙皮紋」嘅點心呢！😆連果椗都好似、咁像真得唔得㗎大家唔好以為佢係奶皇包喔～佢係要搣嚟食嘅、搣開係咩？留個小小驚喜俾大家自己去發掘吓🔖 熊貓包包🐼另一款大人細路見到都會大叫「卡娃衣衣衣～～」嘅點心🤩入面係流心黑芝蔴餡黑芝麻餡濃郁又滑一滑、好味😋🔖 傳統港式五香牛雜港式元素又點少得佢難得可以優雅地食牛雜～又稔又入味、當餐前小食唔錯～🔖 糖蔥餅DIY Set糖蔥餅大家可能食得多自己落手包又有無玩過？每份有齊三塊糖蔥、三塊餅皮、三款配料！鍾意傳統嘅可以落花生椰絲餡🥜鍾意咸咸甜甜嘅可以配紫菜肉鬆🐷鍾意新奇好玩刺激嘅仲可以加爆炸糖呢😆💥有得食又有得玩～ 開心💕🔖 艾草Latte 💚唔好見到綠色就以為係抹茶嘛🍵人哋係艾草呢～英文係Mugwort 🌿（今日一齊學多隻新英文生字📚）艾草可以食可以入藥功效多多平時艾草用嚟整草餅大家可以試過原來仲可以用嚟做特飲喔入口甘甘哋保留咗艾草濃郁嘅草本味頂頂仲有三粒糯米小丸子🍡當成一道甜品食都仲得呢😄
继续阅读
呢間試業中的Cafe 「糕點時光」原來係本地新興社企開立，佢哋以鼓勵金齡長者及婦女再就業同活化傳𠄘中式糕點聞名，之前都幫襯過佢哋門市，佢哋理念咁有意義而家仲開埋茶室當然第一時間支持吓啦. 💪🏻位處北角鬧市中的內街錦屏街靜靜地，橙色門面好搶眼，內裏裝潢簡約文青得來又帶點懷舊風味，室內仲有不少舊時代物件好有特色，好啱打卡. 餐牌簡單一頁紙，主食/小食/甜品/飲品各有幾款. 亦有午市/下午茶套餐. 每個套餐有兩款前菜、一個主食同一份甜點. 是日甜品係迷你砵仔糕味道清甜又軟又糯，呢個真係兒時的味道❤️⭐️糯米丸子艾草拿鐵三粒自家製丸子好煙靭. 拿鐵奶味好重又帶點獨特艾草香氣. ⭐️大理石黑芝麻牛乳黑芝麻好香濃，牛乳好順滑. 好味又養顏. ⭐️五香梅菜扣肉刈包刈包賣相精美，上桌時香噴噴熱辣辣. 扣肉肥瘦適中唔油膩好香梅菜味. 生菜清爽可以中和減膩，刈包軟綿綿. 飽肚滿足之選. ⭐️藥膳醉雞腿伴涼麵夏日清新之作，有營養補身又好味道. 雞腿充滿酒香咬落啖啖肉而且好有嚼勁又不失嫩滑，涼麵掛滿藥膳湯汁甘甘甜甜好開胃. 好清新輕盈.⭐️奶蓋沾醬手工糯米糍擺盤精緻. 有兩款口味，分別係焙茶栗子同抹茶紅豆糯米糍. 表層好香茶味，咬落有爆餡栗子蓉或紅豆粒口感煙煙韌韌，沾上香濃奶蓋及粉紅脆脆，別有風味. ⭐️DIY動手包糖蔥餅拼盤滿滿懷舊氣息，估唔到今時今日竟然可以堂食糖蔥餅，自由配搭DIY好玩好食，可以配搭椰絲花生碎、肉鬆、仲有爆炸糖包住嚟食同新世代融合，餅皮薄而鬆軟，整體口感鹹鹹甜甜味道多層次好特別. 🚨留意番小店八月初正式開幕開，首週可以加一蚊就買到一個即包手工爆餡糯米糍‼️記得唔好錯過啦😙 如果唔夠喉仲可以買返屋企食㗎，因為佢仲有荃灣/南昌/尖沙咀零售門市可以選購多款手工自家製糕點，亦有網站平台足不出戶好方便，選擇真係有好多款㗎. 近期仲有港式糖水月餅早鳥優惠🥮另外餐廳都有有不定期舉辦糕點工作坊，到會服務、訂製回禮等.
继续阅读
糕點時光係一間香港嘅社企，以金齡婦女同長者為主力，以中式傳統糕點為主題嘅cafe💪可以坐喺度嘆茶食糕，除咗為基層長者同婦女提供工作機會，同時希望達到文化保育嘅目的✨最近喺北角區開設cafe，終於唔使喺Pop up Store先買到佢哋嘅產品😮💨輕食午市套餐主食 (連前菜及甜品各一份)藥膳醉雞腿伴涼麵: 藥膳醉雞腿好嫩滑🍗 藥膳味滲入雞腿 仲有杞子! 涼麵幾幼 好吸汁🙌🏼 醬燒黑糖豬軟骨紅米飯: 豬軟骨好有咬口，用微甜醬汁煮幾惹味🤤 仲有豐隻溏心蛋😆 配紅米飯幾健康😋- 前菜: 青瓜 + 木耳- 甜品: 砵仔糕好煙韌，唔甜 有紅豆🫘正宗🫶🏼飲品糯米丸子艾草拿鐵: 糯米丸子精緻可愛🍡 艾草味散發淡淡香氣!大理石黑芝麻牛乳: 黑芝麻香濃 面層有厚泡沫 甜甜地好舒服💞📢開業首星期 8-14/8 極筍優惠‼️$1/一件即包手工糯米糍，煙靭爆餡，由金齡師傅即場製作，保證新鮮😋
继续阅读