糖印.甜品 (已結業)

牛奶芋圓西米露 👅4/10 $28#牛奶 見到佢用明治奶 冇得批評啦呢個就～#芋圓 大粒 彈牙 一碗有十幾粒 我比佢合格啦#西米 一啲都唔彈牙 一睇就知冇過過冷河。。。。真係難食到我避開啲西米唔食佢好攞命 又唔彈牙 一咬就爛曬好似唔知食緊啲咩野#小丸子 我冇expect過佢會有小丸子的但真心唔好食 個口感一般般 但未到KAM但好大陣糯米粉嘅味好多糖水舖啲小丸子都唔會有呢個味：（.味道👅： 4/10賣相👀：6/10扺食💰：6/10.好抱歉了 食過一次就有咁嘅體驗所以我應該都唔會再encore

今日過黎搵朋友，專登過黎買，第二次黎試芋圓小丸子，真係好好食啊！芋圓好大粒，有蕃薯味，有芋頭味，講真比外面品牌好食好多，同埋$30真係好大碗，全碗都係料！今次叫左皇牌一號+小丸子，小丸子味道很不錯，夠甜夠彈牙，我可以講黎買甜品必點系列

仙草同芋圓都好好食。已經係第二次幫襯，好足料一個人食隨時食唔晒。因為佢算收得夜放咗工都仲可以買到。仙草唔太硬夠味，質感厚身滑滑。出邊好多會員都係冇味同埋好硬，佢軟硬度適中有咬口同埋每隻圓（番薯圓、芋圓）都有自己嘅嘅味。紅豆大粒入口溶 加埋椰奶 唔會太甜好食！$28 合理價錢另外有買個楊枝甘露，芋頭西米露，因為係請朋友食所以唔太清楚。不過都好大碗。見到佢做promote買二送一送綠豆沙或者紅豆沙。所以而家都係會買兩碗之後三至四個人食。紅豆沙都算好食！

今日放工經過買左碗糖水返屋企食，西瓜好甜好好食，小丸子都好好食，係珍珠唔係好甜，芋圓都好彈牙，配埋椰汁確實岩哂而家天氣食！員工仲話而家買任何兩款甜品，再送多碗綠豆沙！超抵！下次一定再試

正在酒店隔離中，今日第一次用app叫外賣，選叫了撈麵和招牌燒仙草。本來沒有什麼期望，但一打開蓋子，知道有驚喜了。我是個紅豆控，食盡天下無數紅豆，而這小店的出品，是屬於上佳誠意之作，加入燒仙草的淡奶，份量不多不少，燒仙草比起我在倫敦唐人街吃的，好吃太多倍，令我有一種回到家的幸福感覺！今日送來的撈麵，奉上香濃醬汁，是久違了的街頭美食。香港是個美食天堂，絕對不是浪得虛名！有賴這些良心小店不斷努力，我們才能繼續用方便的外賣服務、實惠的價錢，享用最具親切感的美食！謝謝你們！

夜晚諗住口痕叫啲糖水同撈面食下糖水難食都算， 諗住撈面都唔會差得去邊點知黎到想撈勻個面先發現原來味精又無，鼓油都無，成個面用水烚完就咁入碗7仔都好食過佢，好心做生意比啲良心想打電話去問清楚到底係落漏左定本身就係咁點知電話打極都無人聽食完仲要3個人都肚屙 ，唔知除左難食之外 ，衛生仲要幾差平時行過望到個門面都正正常常 ，無諗到試完直頭覺得應該執左佢唔好開店害人唔係講笑，如果鍾意食伏野真係可以叫外賣 試下

外賣甜品，一碗凍既糖水但唔凍，一碗撈麵但汁又冇調味又冇，會唔會太過份打電話又冇人聽，食撈面淨係俾隻匙羹，諗住碗野白雪雪要撈下個底，乜都撈唔到，隻匙羹唔知點用尼食公仔面

皇牌3號+一份芋圓$389點幾去到個後生姐姐同我講已經冇晒黑糖珍珠同小丸子 ok冇問題話會轉芒果同埋椰果俾我結果入邊剩係得椰果一粒芒果都見唔到仲要落單嗰陣話要走紅豆結果都係冇走到拎到返屋企打算放入雪櫃一陣再食結果一打開成碗野杰撻撻 食落去仲要酸酸地啲芋圓仲要好似未熟成粒粉咁 賣相十分之冇食慾我加咗芋圓點知成碗得三粒！！！我買呢間糖水係主要想食芋圓佢淨係比三粒我。。。之後先見到碗野嘅包裝上邊寫要1小時內食用我之前喺第二啲糖水舖買嘅芋圓糖水放入雪櫃最多都係硬咗唔會成碗變酸。。。都唔知入邊嘅材料加咗啲咩點解落單嗰陣唔講清楚。。。諗住試下新野點知超失望真係好難食 亦都唔抵食不可一不可再。。。

本來係 food panda 見到呢間店啲相同擺盤幾靚，就叫咗兩碗試下。送到嚟見細細碗都覺得無咩所謂，畢竟30幾蚊碗唔貴。點知一食落去，個雜果芋圓仙草完全無味，似係無落糖水同椰汁，都算。食第二碗芒果西米露，頂佢個肺，啲西米露又傑撻撻又澀，完全食唔到落口。懷疑自己今個星期係咪做錯咩壞事先今晚中個大伏，食碗糖水想開開心心，換嚟嘅係極度失望。希望店家睇到 comment ，請好好反省一下食物質素點解會咁差，好好用心改善，收得顧客錢就要尊重食物，尊重自己嘅招牌，咁差唔會有回頭客。其他人想試就要有 「我不入地獄誰入地獄嘅心態」，祝安好 God bless you 🙏

伏中之大伏！食左個招牌燒仙草 沙冰底，係水喉水冰底，冰冇味仲要佔左個碗既一半！仙草冇味  又少  芋圓又淋 又有怪味 簡直不知所謂 千祈唔好去食 食左包你懷疑人生 28蚊拎去捐都唔好蝕比佢lol

糖印(熹記舊址)，第一次幫襯，一次都嫌多！第一次就梗係叫個招牌試吓啦，嘩！真係打開都唔想食，離夜飯都噁埋出嚟呀大佬……糖水都可以難食，點能夠唔同大家分享。本本就係名將版嘅糖水店，快去試吓，唔試無機會，應該好快執。

紅磡差館里新開一間糖水鋪，招牌好靚好可愛！店舖招牌燒仙草，足料夠份量！有芋圓，仙草，紅豆，好好味道！仲有其他飲品都好特別！芒果冰砂同西瓜冰砂都好好飲，飲完好涼快好爽

紅磡差館里新開糖水鋪，價錢大眾化，用料足抵食，芋圓黑糖珍珠好好食，店員好nice，下次會再試！再買多一杯招牌黑糖珍珠厚鮮奶，好多珍珠，又夠奶味，比想像中好飲，一定要買