糖水佬甜品

营业中

休息中

去深水埗打完邊爐，第一時間就諗起糖水佬， 上次食完之後，每次經過都諗起佢嘅雪糕榴槤飄香 上次我地食榴槤飄香， 其中一個friend叫咗雪糕榴槤飄香， 我地隔離飯香，見住人地嗰個留晒口水.今次我地唔會揀錯， 我地3 個都係食雪糕榴槤飄香， 要朱古力味~ 一上枱嗰陣，見到都好開心 真係好好食， 一路食， 一路由心笑出黎，真係大滿足~ 簡直係飯後甜品嘅至愛呀！！其實有飯就好食喇，而家爆咗第四波，又要閉關。 呢個武漢肺炎沒完沒了， 一路係咁爆-->清零-->爆-->清零-->爆-->清零-->爆。。。。。 而家仲話中咗會有5000蚊，驚死爆得唔夠勁咁。。。。。。 singapore個travel bubble仲好笑，未吹個bubble出嚟就爆咗， 簡直係天大嘅笑話~ 垃圾！！！！！

喺深水埗食完野，梗係要食返碗糖水做一個完美嘅ending啦難得咁耐冇理過深水埗，搵一間冇食過嘅甜品，見到糖水佬人氣都幾高，就入去試吓先今日唔知點解勁想食中式甜品，所以同女朋友仔一人叫咗一個中式甜品，食中式甜品感覺上好似養生啲<喳咋$22>女朋友叫咗個咋喳，超級大碗成個湯碗咁，勁多唔同種類嘅豆豆，幾抵食，不過真係太甜啦，食到一半根本就食唔落口<芝麻糊$22>芝麻糊感覺好少少，雖然唔算又香又滑，不過最少甜度可接受，而且份量有幾大幾抵食

一場到深水埗食完晚飯又點少得糖水呢， 途經好幾間甜品舖， 到最後決定入糖水佬甜品。 大約八點幾已經坐滿客人， 在等候外賣的客人也很多。 當晚想食中式糖水，紅豆沙混合桃露$29 和椰汁星州喳咋$22。 兩碗糖水都大大碗， 超份量的。紅豆沙混合桃露～ 滿口合桃香味口感細滑， 紅豆沙有沙狀口感。椰汁星州喳咋～ 雜豆的份量很多，椰漿在面作點綴， 令到整碗喳咋味道更昇華。小店價錢親民， 份量多， 甜品有水準， 性價比高。糖水佬甜品地址: 深水埗桂林街143號地下G號舖 (近福榮街)

下午茶想揾間深水埗糖水店tea一tea, 見到個meau上甜品多款式, 中式酉式糖水都有, 就跟朋友揀左呢間同朋友一睇個meau, 就被雪糕榴櫣飄香同楊枝甘露芒果布甸吸引榴櫣雪糕飄香@$48呢到超有驚喜,本身雪糕有士多啤莉, 綠茶, 曲奇揀, 揀左曲奇味, 估唔到手掌咁大既曲奇雪糕,  一泥有好香既榴櫣味, 配上啖啖清香榴櫣肉非常入口上甜品的速度都好快, 員工亦友善楊枝甘露加芒果布甸@$44呢款甜品就比較普通, 楊枝甘露甜度適中, 但芒果布甸在底不夠芒果味, 撈左楊枝甘露都係無咩味道

打完邊爐， 點少得食甜品 由d細街行返出嚟， 我地企響深深甜品同糖水佬中間， 大家爭持不下， 最後。。。。 都係其中一個fd話事， 行咗入糖水佬一入到去坐低， menu又係好多嘢揀， 但係我地有榴槤detector, 已經幫我地揀咗。 我地諗咗好耐， 揀緊雪糕榴槤飄香定就咁榴槤飄香。。。。 結果都係問姐姐， 雪糕係咩味， 原來都係其他雪糕， 唔係榴槤雪糕， 所以我地3 個就咁食榴槤飄香， 另一個fd就雪糕榴槤飄香點知個雪糕榴槤飄香一上枱， 我地即刻嘩一聲。。。。 咁多雪糕嘅？！咁我地3 個都唔執輸， 即刻隔離飯香， 抽水先咁我地就變咗4 個都係雪糕榴槤飄香 榴槤味好香濃， 舊榴槤肉都好大舊， 好味， 夠凍~ 好正

飲完茶係深水埗行下 天氣實在太熱啦 見到有間糖水佬就打算入去食個糖水消下暑啦 人都就快要溶啦咁見入面都幾滿座咁 就入去試下餐牌上面都幾多選擇咁我地就簡左哈密瓜大菜糕同埋什果西米露哈密瓜大菜糕 d哈密瓜都算新鮮 但係個大菜糕就好失望😕同幻想完全唔同 好硬好膠唔通透什果西米露就更加失望 d水果一睇就知係罐頭水果都唔緊要 但係仲要好似係放左好耐咁 d邊都氧化左🤨好酸都唔好食真心唔推薦仲諗住入黎涼下抖一抖消暑 真係失望左😭

上次去深水埗食甜品🍮試了對面「深深甜品」叫做OK👌🏻，未至於可以俾笑哈哈🙂今次就試了「糖水佬」🍮一開始原來已經中伏的開始入門口前已經有個「阿叔」在門口食煙🚬而呢個「阿叔」我唔知佢係「糖水佬」定係嘜水，但一定係員工。入到去坐低前，用隻有煙味臭手😷拎住枝溫度槍幫你量溫度🌡我入嚟係食甜品😓唔拿喺嚟食你二手煙🚬完全不是尊重客人👎🏻睇了一輪有咩食🤔就點咗西米露、木爪唔知咩唔駛2分鐘已經上枱、係唔駛「2分鐘」絕對係求拿佢整出嚟👎🏻食吓食吓望入去後場有另一個中佬個口罩😷全程戴在下巴不是好好戴住就係度整作食物完全無視衛生、無視疫情😤咁嘅員工質素咁嘅食物質素真係唔會再幫襯下一次

深夜路經深水埗，又開始想食野，當然就一定要食下糖水佬附近要用小小時間搵停車位，不過都多位，好快有，糖水佬好快就有位，上糖水又快，樣樣都想試，最後都係簡左一碗凍渣渣，一碗芒果小丸子，一個香蕉船(香草加朱古力雪糕)美味的不得了。香蕉船上面個兩塊餅乾有點兒太林，可能已經放左一段時間，見意就唔好食個兩塊野但成個香蕉船都好好，大大雪糕，生果又足，好滿足芒果小丸子超好咪，d丸子好彈牙，好有口感，又一超滿足糖水。

食松記嘅鮮什果涼粉就食得多喇，今日嚟試下呢一間。個雜果涼粉嚟到，個份量係比較多嘅。但係可惜味道，真係一般般啊，因為佢嗰啲涼粉汁好似水咁，比較淡。另外嗰啲生果又唔係好甜喎。

🏙🎆🎇論香港地道本土特色的夜景，首選當然是沿彌敦道一帶由頭到尾(地鐵紅色線)的尖沙咀，旺角，太子，而彌敦道的分叉位兩邊的深水埗站和石峽尾站其實都是差不多，因為都同屬的深水埗區。選的深水埗區，當然是因為拍照後可以去食糖水做宵夜啦。雖然會肥🙈，但在冬天也想吃點熱熱的甜點來暖暖身。🏣來到有30多年歷史的糖水佬，做的都是老式的廣東糖水，新派其實都是各種廣東糖水(是凍的)再配上各水果而成，雖然價錢不便宜，各糖水單點最低價格也要22元。如加了生果的就28元，但是糖水底就是凍凍的。。。。寒風冷冷的香港夜晚溫度是13度，當然是點了熱騰騰糖水啦，加上當晚是🎉✨初七人日，就理所當然額外加了十元的湯圓啦，湯圓是芝麻夾心餡來的，軟綿綿大大粒。配上了蕃薯糖水，和芝麻糊，簡簡單單享受寒冬的宵夜，暖意在心頭。

榴槤飄香：上枱時榴槤飄香，榴槤肉蓉很多，香甜美味，加上西米融合，好好味！榴槤控不可錯過。椰汁黑糯米：椰汁非常多，10分喜歡！黑糯米軟硬適中，煙煙韌韌，配合大量椰汁混合一起，口感豐富，吃完一碗之後非常飽肚。啫喱大菜糕：非常有特色，一半啫喱另一半大菜糕，店員會先問要否加花奶。當然，加上花奶更美味，不過大菜糕本身冇乜味。西瓜冰：西瓜冰非常甜，也夠凍，解渴之選！下午二時開門，已經有很多人幫襯，店員有禮殷勤，樣樣甜品都精緻，是一間受歡迎的甜品店！

雖說男朋友嘅愛心宵夜糖水應該好感動 但係呢個杏仁露嘅質素真係不得不吐槽下。.係熱辣辣嘅 不過一打開外賣盒已經覺得 d杏仁露好結實 真係”結塔塔”咁嘅feel～ 感覺d粉好似未散均勻咁 一團團。 食落d杏仁味唔算好濃 但亦唔會太甜。.不過個芝麻湯圓就真心好甜啦 食咗一個已經食唔落。 .食完之後 覺得條俐好乾 要飲d水。.其實之前試過其他糖水都唔錯 但唔知今次嘅杏仁露係咁。 其實係因為呢間舖深夜一點半仲有營業 所以先揀呢間。.不過都幾失望下。

深水埗有好多選擇糖水就近都有幾間見到有間叫糖水佬坐無虛席 應該好食就黎試試糖水佬點知中伏伏 仲要係大伏我地叫左楊枝甘露 芒果西米露 芒果布甸 同埋貪個名得意叫左杯糖水佬奇妙之旅全軍覆沒 竟然無一好食完全唔知點解會咁多人去食講講楊枝甘露 芒果西米露 同芒果布甸 芒果都係酸既 得糖水甜味既芒果汁係無正常芒果味 得個死甜 合埋眼食既話真係以為自己飲緊碗間中食到酸果肉既甜汁 唔知自己食緊咩 呢三種只係配料上有唔同 再分細小小講就係西米露就煮到痴埋一堆 布甸係細個食過超難食個隻假味布甸咁 想講好小糖水係可以令人食凈 但呢間糖水佬做到最後講埋呢杯成為抬上眾人注目既糖水佬奇妙之旅都係有酸芒果肉 有放大版西米 椰汁 奇亞籽 最底有層青檸味啫喱呢樣就西米過淋 椰汁味道差 連青檸味啫喱都可以偏淡 無一樣野做得好

今晚飲飽食醉整返個糖水！深水埗好處就係食飽行2步就有甜品店，地理位置方便，今次食糖水佬比較下!價錢可以啦，不過又唔算平雜果小丸子，本來以為d水果會切到好細舊，原來都幾足料，但係就唔係時令水果所以哈密瓜同西瓜都唔夠甜但個芒果汁就好甜，小丸子就好q彈，ok 唔錯。渣咋，呢個我朋友點既，好多唔同豆類，隻味有點似紫米露，營養價值高，落埋椰奶又香又滑，幾好。最唔好食就係呢個哈密瓜西米露，哈密瓜唔甜之餘個西米露好甜，過多糖水同埋唔夠椰奶，好稀身，不喜歡。。。

今日閒日，同朋友仔食完晚飯咁啱經過哩間糖水鋪，見餐廳光光猛猛，企企理理，就喺門口望咗兩眼，順便望吓個餐牌，哩個時候企門口嗰位妹妹仔就好落力咁推銷而且好有禮貌外加笑容燦爛！於是乎就決定行入去試一試，入到去有卡位坐而且坐位舒適，落單出餐時間唔算太慢，可能因為閒日唔係特別忙嘅關係。點咗個什果黑糯米同雪糕楊枝甘露配搭芒果味嘅雪糕，第一眼望落去啲生果大大件，雪糕又大大件，食落仲好新鮮果味十足整體用餐感覺非常好，簡單啲黎講哩間鋪的確稱得上為老字號，最重要嘅係啲甜品足料又抵食又有內涵畀到人用心製作嘅感覺，支持老字號糖水鋪下次會再幫黎幫襯題外話：餐廳老細的確請到個好員工，餐廳出品如何出色都好，都必須要有好員工嘅全力推銷先會有生意，希望哩間糖水鋪長做長有啦