糖水佬甜品

营业中

休息中

之前習慣左練完歌會買啲消夜返屋企同媽媽共享,這幾次怕肥無買，媽媽有啲失落咁。今日心血來潮去糖水佬買糖水返屋企。點知見到芒果糯米糍，我諗佢都鍾意，就買左一盒俾佢食，夠佢食兩日。入到去糖水店坐無虛席，仲要坐到出門口，但店員仲係好有禮貌。芒果糯米糍一盒三個，這個同長洲糯米糍有不同之處係外面有椰子絲， 芒果又幾大片，但就薄左啲，糯米層厚薄適中，夠煙韌，依個size一次食一個剛剛好。媽媽食完後表示開心，下次要再買！

中式甜品擂沙湯圓黄糖mix 花生粒(好sweet花生增加口感)湯圓皮好煙韌，內裡芝麻餡(流心度十足)芝麻流心(滿滿的)味道略甜~腰果糊好杰身(手磨)味道好甜，有陣陣腰果香味，入口幼滑碗好深~份量足夠兩個女仔平分，由頭到尾都是糊狀，食到底有掛碗現象(無變水)，真材實料混合左腰果米漿後的糖水，(要不停攪動，避免燶底，這碗腰果糊無燶味，好香腰果味添$23可以食到花工夫做的中式糖水(感恩)p·s·個人覺得甜左d西式飲品奇妙之旅$32外表很鮮明，火龍果，芒果，西瓜(鲜甜)，椰汁味淡左小小，西米煲得剛好(軟身)，底下青檸啫喱(好清新)

同先生係深水埗食完午餐但口痕唔夠飽於是周圍搵下糖水店好少會咁早食糖水😂行下行下就見到呢間糖水佬 未食過就試一試啦！款式都算多 但見到一見到榴連飄香愛食榴連既我地立即異口同聲點左兩份點知..... 相當失望！黎到見到碗野都幾稀下，食落去係有榴連味既但就一粒榴蓮肉都無反而有幾粒芒果肉咁都算喇，問題係啲西米好似未解完凍咁 痴到一pat pat之餘仲要有冰既 同先生食左1/3已經食唔到落去😪😪真係唔會再幫襯呢間糖水店！

今日行完深水埗又攰又熱就諗住去食個糖水行行下就搵到呢間嘢，一入去，服務態度超好，有一種賓至如歸嘅感覺之後嗌咗個雪糕大明珠，真係好食到升仙。明珠口感超好，個底勁重椰汁味，雪糕可以媲美Haagen daz。十級推介，必食！又平又好食 仲可以去邊到搵

話說有日同朋友食完飯之後想食糖水，行過呢間就入咗去食。我本身好鍾意食榴槤，所以就直接叫左個榴槤飄香。點知黎到果碗榴槤飄香，只係聞到有榴槤味，入面一粒榴槤蓉都無。最搞笑嘅係，入邊竟然有芒果。我忍唔住要問下啲夥計果碗係乜嘢嚟嘅，佢哋答我係榴槤飄香，上面啲芒果係做裝飾嘅。咁叫到啦，咪唯有一試囉。一食落去，啲西米露係硬既，好似未煮熟咁。我心諗，榴槤飄香冇榴槤都算啦，連西米露都硬嘅係點玩法。之後再問過夥計，佢話呢啲係脆珠，唔係西米露😑就當係我唔識嘢，但咁樣嘅榴槤飄香我真係未食過，亦都唔敢再食！比＄33食啲咁嘅嘢真係唔知可以講啲咩好！🙄

今日諗住開開心心去食個糖水，唔食綠林走去試下新野，叫左個雷沙湯圓，哈密瓜明珠，楊枝金露配雪糕，雷沙湯圓甜到爆，跟本就係糖不甩，都成廿蚊，自己買包利川返去煮無咁嬲，仲話係招牌貨，痴線，個哈密瓜明珠食左兩啖已經唔想食，個底話係棷汁，但我覺只係一碗白水超甜既水，明珠一咬即散，無味道可言，哈密瓜口感奇怪到不能形容，楊枝金露既雪糕只能配朱古力曲奇或朱古力味，已經相當好笑，食完出黎塊面係黑色咖我真係想求佢地唔好再害人囉

今日經過深水埗，見到糖水佬間甜品店有糯米糍賣，佢地既糯米糍加左椰絲上面。我就買左3款：麥提沙味，榴槤味和花生味回家吃。我最喜歡係榴槤味，入口有榴槤香滑味道，好食。花生味就一般，口感都唔錯。至於麥提沙就有新意，入口時有椰香味，咬左兩下就有麥提沙感覺，口感唔錯。不防試吓

話說呢好中意食甜品糖水的我，經常收工的時候糖水店都收咗，知道深水埗呢間收3點，就梗係山長水遠走嚟食喇 但用餐經歷就如圖，你可以話我經歷算好嘅😾 綠豆沙會落臭草，常識吧！(好吧，我接受唔到囉)事因臭草過量，唔係佢錯嘅！ 之後就轉咗紅豆沙，(應該係紅豆湯適合d😂)仲要係淡茂茂👎🏻簡直係有色無味嘅仙水 好，第三碗，冇錯，你哋冇睇錯，我一個人一晚嗌咗3️⃣碗糖水。我心諗，中式可能唔係佢哋強項姐，轉西式ok吧⋯⋯最簡單的芒果西米露，真係冇乜難度，都係睇圖西米一舊舊咁想點？問老闆，佢答得輕鬆，係啊，因為佢係西米撈阿嘛，所以西米會咁㗎。(鬼唔知阿爸係男人😒)我可能之前食嘅都唔係西米露囉⋯⋯都算，我懷疑我叫咗檸檬西米露囉⋯⋯酸到都唔係我阿媽嘅女了！！！ 總之我個人食後感，大家可不用理會😑

與糖妹短聚，找食店吹水。綠林和此店分別都有約10位客人，為方便乘港鐵，故選此店。印象中此兩店約有20年歷史，價錢牌反映第二代甜品格局。佳佳代表第一代，專賣傳統中國糖水，或稱港式糖水。第二代兼賣啫喱，布甸等西方甜品。還有果汁，果奶，果冰。種類很多，與第四代酒店甜品師傅出身店舖（如甜入心），突出新意甜品不同。為了保證質素，糖妹吃燉奶養顏，我食燉蛋則因為招牌標示此是招牌食品。糖妹妹說合格，頗滑，有奶香，但太甜，是現代女士大忌。第三代如松記通常會少糖，以迎合女士和注重健康人士。燉蛋同樣很甜，蒸得時間稍長，減少滑溜感覺。價錢約為澳洲牛奶的一半，不可苛求。為了吃傳統燉蛋，大家可以一試。

很多年都沒有到深水埗大夥兒吃飯，大家意猶未盡，當然要吃過糖水才能完滿。同行友人介紹了這家糖水鋪。我們一行八人，見到店內已經全滿，但門口有兩張圓枱，剛好坐到八人，不用想了，馬上坐下。 甜品的款式很多，有傳統的，亦有生果及雪糕類的，價錢相宜。 想了一會，又在網上參看了其他人的食評，雖然氣溫只是攝氏14度，還是吃凍的吧！ 小妹點了榴槤飄香($33)，賣相沒什甚麽驚喜，不過份量足，榴槤味都頗香，但有點美中不足是為何用芒果肉而不用榴槤肉呢？覺得有點格格不入，另外，除了西米外，還有一些大粒的脆珠，都頗有口感。 小妹覺得這個榴槤飄香還是不及滿記的，尚有進步空間。

糖水足料，但有d甜，如果無咁甜會仲好食，但係都係水準之作另外，坐位較一般糖水舖闊落，而且周圍都好乾淨，感覺良好。至於服務，服務都唔錯，態度幾好，而且可能人唔係好多，至少唔會不幾比人催我地走，可以好舒服慢慢食

我同我老婆係深水埗收工 去食碗糖水姐 入嚟叫左一碗熱豆腐花 一碗熱香芋西米露 一嚟比碗白雪雪 有蛋嘅香芋西米露我 我好禮貌咁問左句 唔係應該紫色咩香芋 換嚟嘅係一個好無禮貌嘅啊姐鬧我 話我唔識嘢 有蛋係正常 無芋頭係因為煮熔左 我心諗我食咁多間都未試過 香芋西米露係咁 。都算喇 碗熱豆腐花仲精彩 暖都唔暖 莫講話熱 。同佢講唔熱 佢又答我正常 話呢個時間係唔熱架啦 我真係唔知咩係唔正常 咁我哋話咁要轉碗熱嘅紅豆沙 佢衰格到話我老婆玩嘢叫完唔食折X墮 。講真有冇芋頭有冇蛋 我當自己鄉下仔唔識嘢 冷熱感覺個人化都好 你無理由無禮貌到咁囉 總之就係無禮貌到死 大聲夾惡無禮貌 粗口橫飛 差差差

今日係立法會選舉公怖大日子，非建制服派有好成績，令我地十分興奮！ 仲要超區亡國興入唔返去，涂謹申險勝，唔慶祝點得嫁！ 我同鍾意食甜品既Yanky去左深水埗食完麵之後， 去食糖水。 我記得以前嚟糖水佬都幾迫下，有啲舊。 今次嚟就裝修左, 光猛之餘，有不同的馬賽克和高雅的牆。 我叫左楊枝金露加雪糕。 楊枝金露甜度剛好， 西米煮得通透，夠煙韌，而且有粒粒爆爆珠，很爽。 芒果味夠濃，仲有芒果粒添。 另一位主角：雪糕，叫了朱古力加雲尼拿味。 朱古力味有細細的朱古力碎， 雪糕的奶味極濃同很滑，連埋楊枝金露食，增添其香味。 Yanky 就食左雜果涼粉。 生果幾新鮮， 切成粒裝，有西瓜，火龍果， 蜜瓜，哈蜜瓜，菠蘿同椰果等。連埋啲花奶食， 連啲生果都顯得滑同多汁。 這裏的甜品，我很喜歡，今日，仲食得開心，因為這裏的電視不停loop住投票結果， 今次的結果尚篇滿意(當然人力同社連多2席仲正啦！) . 所以今晩的甜品更曏好味！

雖然店名帶點「麻甩」的感覺，但原來鐵漢也帶柔情的、體貼的一面。燕窩雪蛤膏 $138自古以來，女生都愛美，也十分注重養生。不知不覺又踏入十月，喺時候要進補一下。步入秋季，皮膚容易面對乾燥和缺水的困擾，在食療方面，我會考慮清潤滋補的湯水去改善問題。平日都只是食木瓜燉雪蛤膏，第一次吃燕窩燉製的補品，十分矜貴！用湯匙輕輕攪拌，真的見有一絲絲的燕窩～雪蛤本身吃落無味，但調味剛好，甜度剛好，不是死甜，且有豐富的營養價值。另一方面具有補腎滋肺的功效，好適合滋潤一下夜瞓又捱夜的人士。什果黑糯米 $27 店柔主打是渣渣，但對黑糯米真是十分有興趣，吃落好軟綿綿軟軔，又有嚼口，好好味！重口加入大量的椰果，這合甜品可以兩個人share！珍寶香蕉船 $39難怪會叫珍寶，因為雪糕超大球，揀左曲奇和雲尼拿兩種口味的，不會好易溶，而且雪糕好濃味！這隻船除了裝住巨型的雪糕球，還插住支特色的紙傘，別具特色！底下的香蕉熟度剛好，分成一半，與友人齊齊share!還有其他水果，如菠蘿、火龍果、哈蜜瓜和蜜瓜，每款都十分甜又多汁，超滿足！伴碟的椰果粒粒好有咬口，溶解了的雪糕混在一起，更好吃！

今晚我們喺深水埗桂林街食完韓式海鮮鍋之後去咗「糖水佬甜品」食甜品！我們叫咗冰花燉蛋燉得都幾嫩滑，蛋味亦幾香濃！生磨芝麻糊湯圓嘅芝麻糊好香滑濃郁，芝麻湯圓亦好煙煙韌韌！木瓜大明珠嘅大明珠係珍珠奶茶嘅黑珍珠「透明版」，口感好煙韌彈牙，而木瓜亦好香甜！椰汁星洲喳喳煲得好粉好腍身，加埋香甜濃郁嘅椰汁一齊食，令到味道更加芳香！菠蘿豆腐花嘅豆腐花都幾滑溜，配上清甜嘅菠蘿一齊食，感覺都幾特別，味道都幾清新！曲奇雪糕西米露第一啖食落去軟滑嘅西米，配埋香甜嘅雪糕，而且有粒粒曲奇，令到層次感相當豐富！