糖百府 (已結業)

　　我們早來，裡面空位不少。隔壁一如以往的擠滿了等位的客人，我至今還沒有嘗過那家米芝蓮一星，真的那麼吸引嗎？　　我第一次光顧這店是來吃其招牌雪花冰的。如今天寒地凍也就沒有這種意欲。合桃芝麻糊 等時我就想像店方會排成太極模樣，然後在兩邊各點一點。然後我想：那兩點可以弄得很圓形嗎？想不到是真的芝麻和合桃，哈哈。味道就很一般了，以中式糖水來說都算做得差，芝麻和合桃的味道都很淡，又偏稀，一般中式糖水店會做得比較出色，滿記的合桃糊也很濃。糖不甩 我我實在太耐無食，竟然傻到問老豆：入面有無餡架？老豆： ...... d餡係出面 =.=出面的花生粉有個名堂，叫唐寅粉，除此之外還有幾種選擇。唐寅就是店名「糖百府」的雙關語「唐伯虎」吧！外面的粉味道香，配搭軟糯的湯圓，正呢！不過這不是一道難做的甜品。花生粉應該也只是來貨。下次再來還是食返雪花冰好了。新式甜品店有一間比這裡出色很多。

小妹近來非常熱衝於食心太軟。繼紅螞蟻同Sugar Mama呢2間甜品店之後，今次去左糖百府度食甜品。糖百府既西式甜品唔知大家又有無食過呢?無既就等我推介俾大家啦。首先當然唔少得既就係我最愛既心太軟。焦糖燉蛋又係my favourite。面頭個層脆卜卜既焦糖加埋下面滑滑既燉蛋。都係忍唔住大叫再一句好好味啊。3.6奶凍。淡淡既奶味好吸引。如果去糖百府食甜品就要食呢個先，如果唔係食完其他d甜品太甜就唔會食得出佢咁好味。焗香蕉金寶。食一啖熱既香蕉，再即刻食一啖雪糕。一熱一凍既對比，實在令人驚喜。當然有敏感牙齒既就另計啦。XD焗蘋果金寶。介紹完西式既甜品，又係時間講下d中式甜品啦。呢個紫米露我d friend個個都好鐘意。我就比較鐘意咋喳喇。入面好多料。跟住又講返糖百府既招牌雪花冰啦。今次又試新野，呢個係薑汁冰。個感覺極有趣呢。因為食冰既時候你理應會覺得凍，但由於佢係薑汁既關係，你又會feel到有種熱既感覺係你個喉嚨度。個感覺好難形容，但真係好得意。無謂講咁多，你地去試下就知啦。

冰底幾好, 味道都濃郁, 質感真係好似食雪糕咁, 不過配料太細粒, 而且又食唔出咩味出來牛奶冰+榛子糖漿 (好似楓糖漿咁, 唔係幾食得出榛子味) +粟米片+愛玉凍+焦糖布丁粒抹茶冰+焦糖漿+朱古力樹皮+咖啡凍番石榴冰+七色彩針+芒果醬+蜜瓜+百香果魔豆 (其實係爆爆珠

食完飯之後,同朋友一齊到旺角糖百府食甜品.......叫左個mango楊枝金露....勁多mango!雖然d料好多,不過d mango就有少少酸.......之後又食左個冰冰,好好味!!!唔記得左叫咩名...不過我係選左個牛奶味.....嘻呵....因為佢太多冰冰比你選,又可以自己選擇不同既配料.....眼花撩亂.....嘻嘻.....over all is good!!!

我和朋友們慕"糖百府"的名而來，品嚐我們的飯後甜品。點了好立克和朱古力味雪花冰，我們一致認為這是我們吃過的雪花冰之中最好吃的呢!尢其是好立克味雪花冰，新口味，甜而不"漏"，超好味。另外，雪花冰的配料配搭得不錯，不是每一間甜品店可以做到的，我就試過一間，配料都是些人工色素製品，破壞了雪花冰的味道，所以，糖百府的雪花冰真的做得不錯啊!

之前次次都係食冰..今次試下其他野~叫左蓄薯糖水同糖不甩 (配秋香)蓄薯糖水 - 過得去la..糖不甩 - 好"煙"韌, 好好食~唔同平時係其他地方食果d!下次去除左食冰多個選擇啦! 又有幾個唔同粉可以選擇~唔錯

一向去開旺角火車站附近果間鋪，但次次都無位要排長龍。今次同另外3個朋友行完街熱辣辣好想食凍既甜品，佢地先話原來呢度都開左間糖百府 (已經一段時間.....)，再睇MENU原來好多地方都開左新店。呢度位置偏僻少少所以少d人，我地9點零鐘去到唔使等位就有得食喇。我地點左個芒果雪花冰同士多啤梨雪花冰share食。之前食過其他甜品店的雪花冰，但都係覺得糖百府的雪花冰最幼細同滑，軟綿綿d sauce又多選擇，同埋我最鍾意自己揀唔同既配料，岩哂我呢d咁貪心既人。我最中意乳酸味軟豆，一咬爆開酸味味好正呀！

又去糖百府 (之前去開黑布街果間, 終於識路去廣華呢間..哈), 今次想食夏日限定的西瓜冰。西瓜秋香 ($38)： 配有涼粉、蜜瓜、水晶珠、泰國黑珍珠。味道無我想像中咁”西瓜”(可能唔係好甜果隻)….哈哈, 不過都好好味, 好fresh的感覺, 係消暑的好幫手。 友人都係要西瓜味, 不過就自選配料 ($37)：士多啤利生果、青蘋果凍。除青蘋果凍外, 其他都好味。夏天的來臨, 睇嚟都會成日去食”冰”…呵呵。好彩早嚟一步, 剛剛有位, 我地一坐低就勁多人, 亦開始要等位。

大約一年前左右拜訪過此店，今天故地重遊。雖然外面排隊的人少了，但慶幸的是水準依舊。我跟我朋友分別點了：芝麻花生糊($19)：端上來時表面是一個完整的太極圖，並有芝麻和花生碎作點綴，跟平時馬馬虎督的把兩者混好是天壤之別。賣相端上來時很好，心思值得一讚。入口並非水汪汪，有糊狀。另外很香芝麻和花生味。牛奶秋香($30)：看他湯匙搯下去十分綿密，沒有冰粒出現及過硬已搯不開的弊病。他說很好。看配料芒果很大顆，顏色並沒有不新鮮的暗啞，值得一讚。除了這裡的主打冰，糊也是一個不錯的推介。

貪lee間人冇咁多...等一陣就有位啦!!食飽飽...唯一容納得到的就係雪花冰啦~~今次叫左2個...5個人share1. 好立克冰: 我鐘意食LEE個呀..都幾好味!! 好香好立克味2. 綠茶冰: LEE個我麻麻地啦! 雖然都係好濃郁既綠茶味..不過就係濃得制..感到有少少苦~總體來講...水準冇下降都OK的~

曾在「糖百府」的總店和各間分店中吃過多款不同味道的雪花冰，好像石榴秋香、薑味秋香、杏仁秋香、朱古力秋香等，這次來到這間從不曾幫襯過的分店，也試了一款之前從未試過的味道----「宇治金時」。其實宇治金時這個怪難令人明白的日本名字，說穿了，還不是紅豆綠茶的意思。不過想當年，當自己第一次去日本旅行，接觸這個特別的名字的時候，還真的想來想去也難以明白「宇治金時」的意思呢！說回這次試的新口味雪花冰，綠茶的味道難免帶一點苦，不過加上煉奶把苦味中和後，再輔以作為配料的蜜紅豆、口感煙煙韌韌的小丸子、味道略為清淡的綠茶凍和椰果等一起吃，味道雖仍不及石檔秋香般清新或者薑味秋香那麼獨特，甜中帶點苦味的雪花冰仍算得上頗為可口，作為一道飯後甜品，都不錯呢！說到底，「糖百府」這家以雪花冰打出名堂來的甜品店，始終仍是雪花冰的一哥，各款雪花冰的質素都有保証，它的地位暫時還未有第二家賣雪花冰的店舖可以威脅到它，難怪它的分店愈開愈多，生意愈做愈大了。

「無動全城」過後,與幾位友人來這裡吃甜品......由於極口乾,所以先來碗楊枝甘露,味道不錯,可惜是完全不夠凍,友人的腐竹蛋糖水棄用了雞蛋,選用了鵪鶉蛋.....淨望的話,腐竹煲的頗溶,味道應該對辦的吧?吃完自己的,叫來這個共享...宇治金時--雪花冰是綠茶味,綠茶味是有的,但可以再濃一點,紅豆永遠是綠茶的最好朋友,兩者產生的化學作用,簡直無可匹敵.尚有小太子及椰果,不過我沒有吃.冰內還有綠茶凍,未知是太細碎,還是味覺有點錯亂,我可吃不出有綠茶味呢!(查實是精神有點錯亂)雪花冰以外,中式糖水的水準也不俗,是不錯的選擇.港式的其實也不差,要注意的是溫度,不夠凍的話,真的會吃得不夠爽呢!

Passed by this shop many times at nite, every time I see long line up. Tonite, we passed by again, and because it's raining, there's no line up... what's more, there is a parking space right in front!! So, went in there to try:1. 紅豆茸豆腐花Tofu Fa was very tasty, and not sweet, but the red bean was a bit too sweet for me. However, it has some 西米 on it and they are very crispy. Very tasty and good feel! If the red bean is less sweet, it would be perfect!!2. 芝麻糊＋核桃糊 + 'tong yun'Very tasty. Good b

一班朋友間唔中都會去食下雪花冰,入口即滆,可以解到一時之渴呀 個人會比較鐘意番石榴/朱古力底, 前者清新, 後者濃郁 每次都只會叫個冰底+自己想要既配料, 絕對唔叫佢SET左個D, 因為覺得唔抵! 最鐘意加朱古力片, QQ之類增加口感, 讚!!一個人食成碟就要食得好趕, 好快滆 ~ 試過兩個人食就唔係好夠喻, 諗住叫多個花生糊share就剛剛好個花生糊黎到時已經好水(花生甜水), 食落就好開粉feel...難食到... 睇黎佢地d中式糖水都係唔得, 專心買棉棉冰算啦

5/4(一) 9pm陪太子到女人街及波鞋一帶巡察後,緊隨意旨到"糖百府"嚐甜.點了宇治金時$35及鴛鴦糊$19.宇治金時--綠茶綿綿冰質感細緻軟綿,入口的溫度是牙齒及牙肉可接納的冷度.含綠茶清香及牛奶香的綿綿冰甜意剛好,配以小丸子,綠茶凍及紅豆食之,這就是教追隨者神暈癲倒的誘因!鴛鴦糊--合桃及芝麻糊以太極圖案的姿態出場,兩糊的水準不怎麼樣,花拳繡腿之作!服務方面,侍應的手腳尚算勤快.若不,門外的人群將不勝負荷!