紅星餐廳

营业中

休息中

到健康村探望教友，可惜他沒有時間，小人便在附近找地方吃飯。餐前麵包咬下大為驚喜，裡面居然有香草，一點都不欺場，但餐湯較為普通，蕃茄雜菜湯跟一般港式西餐廳的紅湯差不了多少，幸好趁著麵包還算不錯。主菜的選擇很多，小人叫的是煎珍寶帶子配鮮菇忌廉黑松露意大利飯。先說帶子，是厚肉的，但不十分大隻，而且只有兩顆，未算真正珍寶。可能飯才是主角吧，小人慶幸沒有要薯條，因為這碟意大利飯煮得軟硬適中，混入了忌廉的奶滑，還有黑松露，更能提升整體的食味，既飽肚又滿足。又是一次開心大發現。😄

The lunch set menu here is reasonably priced with quick service and substantial portions. It comes with soup of the day (cream or vegetable), a main dish as well as a drink. You have the option of getting your main dish with one of the following: mashed sweet potatoes, wedge fries, rice and more. The chicken steak on mashed sweet potatoes with melted cheese all over it was delicious. It also came with fried eggplant. The vegetable soup was good and the freshly squeezed grapfruit juice was chille

一年之計在於春，一天之計在於晨!早餐好重要!來紅星食早餐都係第一次。事因並不順路，食完我就要行返頭去返工。但，我真係好想來試下，今天不太趕，我諗我唔會遲到。一行入來，有侍應招呼:早晨，請坐。好快手哋順便递咗餐牌畀我。於是…煙火腿+芝士omelette 配麥多士溶化的芝士在雞蛋內再加埋雞蛋本身些未熟透的蛋液，與煙火腿碰撞一齊，十分美味。麥多士亦烘得香脆。真係份量足，好抵食。美味的早餐是一天美好的開始。只可惜，我哋成日太忙，太趕，太懶。或者，我哋要學習如何争取時間去亨受美味!

一個好抵食而又好好食嘅午餐今天去了七姊妹道健康村的紅星餐廳食lunch 餐牌上有A至S的套餐可供選擇，我點了紅酒燴牛尾，配扁意粉，另選了番茄什菜湯，先來了餐湯，很好味，酸酸地，很開胃，再來是意粉和主菜的牛尾色香味都十分有水準，牛尾炆得很淋，易咬，又很入味，特別喜歡它的醬汁，混和意粉一吃，是上佳的配搭。吃完主菜，再來一杯凍香橙茶、感覺非常滿足呀！餐廳是歐陸式裝修，環境很舒適，服務人員的招呼週到，是一間可以再來光顧用餐地點。

每個人觀感都唔一樣!對於被發配邊疆回歸的我，去喜歡的餐廳好好地食個飯,即使一個人，也自我感覺良好，感覺活着…屈指一算，都有好幾月冇來啦. 咦!有好幾個新餐喎！濃濃的蔬菜湯，熱辣辣的香草包果然不負所望，依然誠意拳拳單睇相你會估到係？尼個係意式豬仔排骨,炆。排骨肥瘦適中，入口即化，喜歡邊邊的筋肉位,難得的是即使最中間位都唔會鞋。加埋下低的焗薯及菜，份量够哂勁揪民以食為天，食飽，食得满足。或者，便是活着。應該話我感覺活着…

這是我第一次來北角明星餐廳，想不到全場應該價錢最貴的$170一份的美國安格斯牛肉眼扒（約10安士）配白松露油肉汁竟然差不多有二分一分量都是肥膏！首先其實肉質已經不算十分好！可以想像到的是刀法再好也不是容易將扒切開，而切開後看見一半啖是肉加一半啖是肥膏的確不是味兒！另外，那南瓜忌亷湯味道太淡，似加水太多果種！只有橙蜜熱飲是可以接受的或者可以說是最好的！但我要強調的是如果我是只叫飲料就直接去茶餐廳或其他冰室！我不會再來這間餐廳了！

喺北角想搵間中午時間都可以坐得舒舒服服，有得訂枱，餐廳環境似一間酒吧，食物水準合格，呢間都係一間好選擇。麵包外脆內軟，仲係任食，菠菜忌廉湯，飲得出用心煮。皇帝蝦天使麵，賣相已經贏哂，好濃味，只係我個人唔太喜歡汁多到好似湯浸咁，一路食，成咀唇都係汁，有點膩。意式雞扒意粉，賣相吸引，味道濃，份量適中。鐵板什扒跟意粉，份量夠哂大，花心兼大食嘅人最啱，好懷念倒汁落鐵板嘅聲音同煙，真係好有童年回憶，牛扒過熟，豬扒入味，雞扒、腸同煙肉合格。

有冇d餐廳係你肚餓就會諗到呢？或公司附近，或屋企附近;或大街小巷，或哪一個有回憶的角落……在鰂返工好幾年，已熟哂周邊的大食小店。但論回頭幫襯次數最多嘅就係街尾的紅星。佢都係我在公司肚餓時最多諗到嘅餐廳。已過午餐時間，餓到前胸貼後背…一坐低，已有熱辣辣自家製麵包食。我鐘意個包果種煙韌感覺。我女友說:洋蔥清湯係湯清，味濃郁😍燜豬仔排骨，燜？真？三大枝骨，而且係勁厚身的size.係好容易落刀的，肉質嫩滑。雖然不及醬燒烤骨咁香口，但不失為另一種嘗試。唔錯慢煮牛肋條，腍和綿係我朋友總結出來的。我哋食飽飽，好滿足。亦都對得起今日辛苦的自已啦!點?我有故事，你有冇酒？一齊？

莫名其妙，做左獨行人。莫名獨行，莫名低落...咁，無論如何都要開飯㗎。在萬能openrice的指引下，來到尼間紅噹噹Red Star.……坐在近門口位置。眼見餐廳並不大，裝修典雅，幽暗水晶燈高高掛，而小巧壁燈與玻璃鏡相映相連。幾靚，幾舒服。餐牌好多選擇，頭昏眼脹的我求其揀個填飽肚算數。但……但……的確畀到驚喜我件豬（走汁），其實我已唔得係佢屬ABCDE或F餐，無所謂啦，最緊要係味道如何？兩面都煎到金黄金黄，甚至有d d脆皮感覺，切開，食一啖，滿口甘香。再食，油而唔膩。好正。👍👍👍 都話食能e百病，雖然莫名獨行，但也莫名溫暖。他日，他日會帶妳或你同行。

難得假日當然要睡個懶覺 起身個陣都成10點半 附近仲有得食早餐ge 當然就係成日去ge紅星餐廳啦呢度附近唯一早餐到11點半 又可以食得飽我地都係order我地ge＂常餐＂F餐我個個雞扒大大塊之餘 唔想食烚旦都可免費轉其他做法！ 我就換太陽蛋，另一個就煎熟蛋 仲要多士大火 麻煩友就係我地 但都照我地要求做重點係假期佢地都好忙，但都keep到好服務 冇得頂呀

有人說:周圍去飲飲食食係一種生活態度而揀邊種生活態度要似乎好唔好彩啦!周圍去喎，梗有中伏的機會。今日，啟程新年願望:但願今天不中伏咁特别嘅日子，梗係要飲返杯慶祝下。朋友們揀咗餐飲免費升級紅、白酒。我揀左啤酒。首先，要講的是尼個香草麵包。淡淡香草味，麵包咬落唔鬆散。好實在的感覺。配油醋正正好（我已忍唔住添加咗）西冷牛扒配燒汁牛扒周邊燒得略為熟左d，中間尚好。但一d都唔鞋口，牛味較濃、厚加拿大牛柳配鮮菇汁拎上來時我著實畀嚇一嚇，尼個睇賣相兩個字:好得7成熟，煎得啱啱好，切開，裏面好滑嫩、法國春雞配青胡椒汁好有雞味，雞肉好滑。青胡椒汁輕輕微辣。估唔到夾雞都幾好味。一D都唔怪雞餐牌選擇有够多，今日仲有特别餐食添。尼下慘，如何選擇？讀完又讀，最後敲定西冷牛 加拿大牛柳及原隻法國春雞。寫到這裏，其實，我回味緊。也同家人傾掂再殺落去試其他嘢食。不過我未講完，仲有甜品原味芝士味，跟餐+15蚊。濃郁芝士味 抵 抵 抵這是我的新年願望，但願不中伏。我想講，新年第一天我哋冇中伏

平日下午茶最喜歡黎紅星 又靜又抵食 大大份加埋一都係37蚊！ 唔飲嘢可以簡湯飲 滿足你全部願望哈哈哈湯可以簡是日餐湯或雜菜湯 我簡左雜菜湯 湯都好濃郁 料都夠足今日叫左個吉列豬扒配炒蛋多士吉列豬扒即炸熱辣辣 肉不乾 唯一覺得有d燶炒蛋好滑 重點係好多 完全食唔使午後 一個人 嘆個下午茶 聽下音樂 發下呆 幾好⋯⋯

總有一個人食飯的時候，有d攰。心諗，不如去紅星稍作休息下。順便e下肚仔先。可能星期六嘅原因，店內並不是太多人。懷舊音樂！有禮貌，有笑容的侍應睇下，我一個人的午餐吧……沒有肉的菜湯啱哂我尼d扮健康的人，，好多菜紅酒雜菜燴牛尾，酒味不算太濃，但牛尾燜得入味及够焾。其實都有一段時間冇來，但令人開心嘅係幾次嘢食都畀人滿足的感覺。再加上舒適的環境，真係尼附近不可多得的食嘢好去處。希望紅星keep住嘢食水準同友好服務。

係呢頭住咁耐竟然冇發現有呢間餐廳，可能平時好少行內街，今晚係係附近工作的朋友相約一起黎食，聽講呢間餐廳好得意，晚餐同午餐的menu一模一樣，同樣價錢食兩種氣氛因為朋友說平時黎食lunch時間會比較趕，因為餐廳幾乎日日爆場係夜晚食飯時間比較鬆動d因為早到，所以係佢門口影左相 門口把超級大遮幾得意 遮內仲吊住一盞馬燈 夜晚感覺餐廳好浪漫 燈光比較昏暗 應該好適合情侶約會我地一行五人聚會 一坐低就會送上自家制麵包點義大利黑醋同橄欖油 好少係出面食到咁ge麵包 多數都係牛油麵包 幾有心思 我喜歡！重點係麵包可免費添加 一食完侍應就過來問你要唔要加麵包即使食唔到好多麵包 都覺得好有親切感！真系好少餐廳會做到咁講到主菜部分啦我就order 左呢個厚切豬扒 本身係鐵板 但侍應都會提醒話可以用碟上 我不想整到成身味當然選擇碟上 但呢一份餐真系等好耐 差不多20分鐘到 我一度以為係漏單 但一上檯見到咁厚真系o咀 重點係好味又唔鞋 讚其他朋友都分別叫左佢地個三文魚同雞扒 都覺得十分抵食同好味呢間餐廳我會一來再來！好味又大塊，重點係唔貴！！！氣氛又好

好耐好耐之前食過一次紅星，個次用餐經驗實在麻麻，所以之後一直無再去。今日有同事提議紅星，好啦，比次機會你。12:40pm左右時未算多人，店員問我地1:15pm還枱得唔得，實話得架⋯⋯⋯Menu比以前多選擇！未order已經放底麵包同問我地要咩餐湯，可能想加快我地既用餐速度？！紅湯好濃郁，西芹味較突出。麵包則普普通通。最後揀左厚切去骨豬扒，都等左一段時間先上菜。豬扒確實係厚切，大件，唔韌，西梅燒汁微酸。成件事好飽，我唔應該配意粉，女孩子們絕對食唔哂！餐飲唔記得影相，熱鮮橙蜜，一杯熱水然後自己加蜜糖同鮮橙片幾塊！檸蜜就飲得多，橙蜜真係第一次，特別，唔錯，值得一試！食完已經1:40pm，好彩無比人趕走！對紅星改觀啦，可以再來。橙蜜一定要試！