紅橋餐廳

营业中

休息中

難得入到黎大埔，經過大埔墟見到這間紅橋餐廳，夜晚八點要等候一兩張檯，內裡座位都算擠迫，這麼細少餐廳餐牌菜式種類非常多，價錢亦不貴，場內非常多人點海南雞飯，聽到剛入座的情侶說，如海南雞飯售罄就不吃了，我想應該是招牌菜。我們二人分別點了鮮茄焗豬扒飯和西班牙帶子海鮮焗飯。西班牙汁鮮茄豬扒焗飯沒有鮮茄，只有菠蘿，豬扒略有點不夠味，汁味道都算可以。西班牙汁海鮮焗飯 為什麼會有菇，略有點怪，味道與豬扒飯一樣。總結：上菜速度快，價錢平，食物可以，款式多，下次要試海南雞飯。

我心目中第一位既蛋包飯由於我係大埔友，而紅橋位於廣福道有一間分店所以呢度係我既飯堂～已經數唔到黎食過幾多次蛋包飯了。。紅橋午餐同晚餐價錢一樣價位大約$50-$60跟餐可以選擇中湯或者西湯，再配熱飲有時好耐無飲湯都會掛住佢地既中湯～因為飲落都幾真材實料，而唔係味精既味道。。重點來了十次有八次黎，都係叫蛋包飯食！雞翼蛋包飯豬扒蛋包飯佢地定時就會轉下蛋包飯配既肉～豬扒，雞扒，牛扒，豬頸肉，鴨胸，雞翼等等都會有～每次食既肉質都唔錯，仲會配上當日指定既醬汁！。蛋包飯賣相吸引唔單止，蛋包飯飯身混合埋蛋汁食落係會有少少油，但味道的確一流，配埋茄汁簡直係人生一大樂事。我久不久就會好想念紅橋既蛋包飯每次去完旅行或者去旅行前都要黎回味下其實佢地既焗飯同意粉都好有水準如果食十餐紅橋既話，當中食八餐蛋包飯，淨低果兩次都試下佢其他餐

無心插柳的走入茶餐廳，平民價錢，有驚喜！本人愛好海南雞，見四圍的都叫海南雞飯，我都落左個order無骨海南雞飯 五十幾蚊有齊成個餐 包湯包野飲 好抵 海南雞飯有雞脾冇骨 ，好滑 真心好味過d出名既海南雞飯店個湯係老黃瓜 飲落似屋企煲個d咁足料個醬自家制 不是超市買個d 不過我申利，本人未試其他菜式，但成個海南雞飯cp值超高 有回頭大埔人之選

下午茶時段，走左去紅橋餐廳食，需要等一陣先有位。我地一坐低就即刻叫左個黑松露炒蛋牛角包同埋煙三文魚牛角包。2個餐都配薯角。薯角好厚身，而且有蜜糖包住表面，好好食。牛角包d餡料都好多，值回票價。

Lunch如果想食海南雞飯，我會推介大家黎紅橋餐廳食，因為佢D海南雞都幾滑，而且係無骨傢，幾好食咼。呢個餐仲係跟油飯添，仲幾大碗呀。午餐仲有個湯飲，而且有杯餐飲跟。

點了一份卡邦尼煙肉意粉（$37），另加$2轉凍阿華田，自己點了一份芝士火腿牛角包+薯角（$32），附送熱咖啡。意粉味道挺好的，軟硬適中，是我喜歡的。牛角包特別讚，好好吃，食材非常新鮮可口。

Didn’t expect to find such nice restaurants in the neighbourhood! The set came with a nice soup (you can either choose Chinese or western soup- western soup of the day is mushroom and cream) the omelette rice is just the perfect type of fluidy. The portion could be a bit small for boys though. And the salad that comes with the set is not too impressive- but good presentation!

踩單車到大埔就入到黎食估唔到有驚喜！同朋友食咗紅豆冰，煙春魚牛角酥配薯角，同肉醬意粉一黎紅豆冰賣相巳有驚喜，紅豆大大粒飲得出充滿椰奶花奶味牛角酥質素中上，滿有牛油香，食落鬆脆，薯角亦好夠份量意粉亦有驚喜，通常餐廳意粉會過熟會太林，但呢間真係岩岩好！

星期日放假，就在家休息無出街，到了晚上家裡沒有煮飯，所以便出去晚餐。行出去大埔墟尋覓有咩好野，最後就選了紅橋餐廳。我們不用排隊，坐下就點了2個晚餐分別是A餐和B餐餐湯叫左中湯，但很失望味道很鹹，很重味精椰香紅咖哩海蝦燴意大利飯，賣相很有意式風味，但飯過份硬，口感不好，味道還可以啦蛋包飯配一字骨，本身B餐是跟鰻魚的，但是賣完了，所以就轉了跟一字骨，一字骨賣相和味道都很好最後，餐飲叫左熱檸蜜，唔明熱飲點解要加$3整體來說，這家餐廳一般，服務一般和食品質素有待改善！

已經食過幾次下午茶 今次決定要推介比大家今次order 左白酒忌廉汁蟹肉意粉忌廉汁唔會過份膩 入面配有洋蔥同雜菌 意粉亦軟硬適中 下午茶$40 份量剛好另一款係煙三文魚牛角包配薯角牛角包好酥硊 入面配有蕃茄生菜 再有芝士係面 好fresh 再配有蜜糖薯角 粒粒都有蜜糖 同好脆 另一款係黑松露炒蛋配牛角包 非常有黑松露既味道 亦係配蜜糖薯角 下午茶$35配飲品好少西餐廳會有高質素價錢又抵 呢間絕對值得推薦 平時餐廳外亦有好多人等位 值得去食

而家出街食個下午茶，閒閒地都要$30-$40，講緊既係普通茶餐，食好少少既cafe西餐廳，要碼要貴多十幾廿蚊，味道其實都差不多。今次去左紅橋食個下午茶焗飯，四十幾蚊包凍飲，價錢同大xx差唔多，茄茸芝士煙肉醬雞扒飯，個名夠哂長，焗飯裏面確實係食到蕃茄茸，少許煙肉碎，但芝士不多，雞扒比手板細少少，肉質鞋鞋地，食落口除左有陣茄茸味，完全食唔出佢係一塊雞扒，味道非常一般，飯其實煮得唔錯，唔會一pat pat。

焗飯是我最愛既食物之一，廣福道的所有焗飯餐廳我都幾乎試過，今次試試這間紅橋。放工後都已經是下午茶時間，午餐及下午茶都可供選擇，而午餐則比下午茶多了一個湯，價錢午餐$50，下午茶約$40，本以為午餐會大份一點，原來都是一樣的。忌廉湯只有湯，甚麼都沒有，平時在外面飲湯都有幾粒粟米，少許煙肉，這個湯只落了點忌廉，味道不錯，質感夠滑。焗雞扒飯蕃茄汁係有蕃茄蓉，煙肉碎，飯夠爽口，可惜雞扒不新鮮，好重既雪肉味午餐要$53，味道一般。

上星期同男朋友入左大埔，佢話呢間餐廳唔錯，又有我鍾意食嘅卡邦尼意粉，甘就一於試下佢🤗🤗我地嗌左一個卡邦尼意粉同一個腰果羅勒白汁意大利飯。我個人比較欣賞意大利飯，因為卡邦尼意粉相對濃味和咸左少少，但意粉嘅質地係我鍾意嘅，比較硬身，有咬口。而意大利飯男朋友話比較似係意大利食，相對正宗，我亦覺得質感是在一般餐廳吃不到的，飯的質感軟硬適中，白汁亦不會太漏。這晚的晚餐總共才一百二十左右，價錢便宜但有質素，晚餐不錯之選的餐廳👍🏼

呢間餐廳每隔幾日就會轉一轉個午餐餐牌，非常適合我呢D唔中意成日都食同一樣野嘅人，咁就可以揀下唔同野食。咁今次就有得揀忌廉汁蟹肉意大利飯、煙鴨胸蛋包飯、海蝦意粉、煙三文魚長通粉、焗豬扒飯。我地就揀左焗豬扒飯同埋煙鴨胸蛋包飯。咁$50仲包埋一個南瓜忌廉湯and飲品，算抵食。焗豬扒飯都好大碟，十分抵食而且番茄味好足，幾正幾正。豬扒仲好大塊至於個蛋包飯亦都好...大碟，而且係好好食，個蛋就非常滑，好好食。整體黎講幾抵食

在11/6/17。下午16:07落單，區區一隻只6吋大的牛角包 要在16:32分至上枱，足足等25分鐘。個包皮仲要濃黑的 難食落口，想換但心諗又要等多25分鐘，唉...當跌左錢算 無下次。廚房咁速度點做茶餐黃金時段。 呢間紅橋餐廳好像是第二次幫襯 印象中之前食早餐是難吃的，但事隔咁耐，今次連下午茶餐都係難食，仲要等咁耐，沒改善過不待止，仲要退步，再一次失望。 咁既內部質數，與其他在廣福道同類茶餐廳比較，高低立見。