紅茶冰室

营业中

休息中

自從改左返學時間. 家下每個星期一都要係學校附近搵食. 我終於第一次黎紅茶啦. 平日返學見到門口排晒長龍. 心諗係咪咁好食呀? 本身已經係同學食飯的聚腳地， 今次join埋佢地一齊. 可能六點時間還早. 唔算長的人龍等左五分鐘就入到場. 由於同學們都未有咁早到. 所以跟店員講可唔可以由window seat 搬去比較遠的位置. 可能同學黎慣. 佢地話門口的姐姐一般態度普通, 但裡面的還可以. 膽粗粗問完比我地轉位. 然後重話裡面好凍. 見到佢地的反應我地都鬆一口氣. 是日無小菜. 一睇到小菜部份. 店員就走埋黎話無小菜跟手就收左個餐牌. 然後選左好抵食的晚餐. 估唔到有湯, 有餐包. 有主食.有野飲. 重要唔駛加一. 湯佢寫係板度係白湯但原來都可以要紅湯. 問左店員紅湯辣唔辣時. 佢話只係酸唔辣. 但係天啊... 辣到我流眼淚(一個完全唔食得辣的人會有咁的反應). 跟住主菜可以跟飯, 意粉或者薯菜. 一見到薯菜重以為係炸薯條. 點知居然係焗薯. 我後悔到一個點叫左意粉. 不過意粉分量真係無敵大. 一個女仔基本上都係食唔晒. 反而焗薯比較適中.個主菜係豬扒, 牛扒加煙肉. 煙肉就係好一般

想买面包，问哪个是招牌，白了我一眼，我有点尴尬，说你态度可以好点点吗，我感觉你没尊重我。她直接啪的一下把窗关了，背过身走掉了。我惊呆了。香港人这样做生意的吗？我很伤心，要是能拍个视频就好了，但也不想威胁他们。自己判断吧。

尤其是門口收銀，銀髮女子，以為大晒，成日黑面，辛苦咪唔好做，見到佢個樣都唔想食，成日鬧人，只有大陸才會排隊，根本一文不值，衞生差，品質差，價錢不合理，大把茶餐廳更好，無謂要受這些氣

不明文規定每人最少要叫一杯嘢飲，當你叫得少的時候（今次我和朋友兩個人，一個餐+菠蘿包、蛋tart)待應會逼你叫嘢飲，最後沒有叫就黑面，仲俾說話你聽，態度極差。雖然食物味道好，但也不應以這樣的服務態度對待客人。眼見很多國內遊客慕名而來，因只點招牌的香港特色食品而被黑面和用廣東話抱怨，遊客其實感受到你的態度。很快你們的名字會因出名服務差而閒名全國。中肯點講，菠蘿包和常餐是好吃的，特別是常餐的丹麥包，有誠意，希望待應們不要拖累整間餐廳。

我真係唔想其他人遇到同樣嘅遭遇，所以我好忙都抽時間分享呢次可怕經歷。當日點餐後，打算開始抹餐具發現自己忘記帶紙巾唯有禮貌地問女侍應拎兩張餐紙女侍應表現得非常不耐煩，用食指指住枱上面的餐紙再大聲質問我:你枱上面咪有餐紙囉，點解仲要我去拎俾你？當時我嚇到講唔到野，坐左係度，不知所措。然後，鬧我的女侍應女待應突然好惡咁拎左兩張餐紙叫我拎住，於是乎我戰戰兢兢咁好快喺佢手上拎咗兩張餐紙。當我以為已經完結，點知女侍應繼續大聲鬧我:都唔知咩人黎，要用咁多紙巾做乜…(繼續重複，下刪五十字)已經落咗單，不過食物未到，唔想浪費食物，所以匆匆忙忙食咗幾啖就走咗。食物一般，忌廉湯鹹到飲唔到

每到午餐時間這間餐廳一定排長龍，不過餐廳地方大所以很快可以入座，不過這次不是分享堂食，而是食他們店的包包，麵包有很多選擇，我選了就食紅豆菠蘿包買的時候個包熱辣辣，而且菠蘿包個皮好酥脆，一啖咬落去啲紅豆餡好多呀！我覺得紅豆菠蘿包做得好出色，食得好滿足三個字～好好味

第一次去食，食物還可以，環境一就般，但員工服務態度差，尤其收錢個四眼女人，大約50幾60幾歲，超級冇禮貌，找錢時嘴渺渺，又唔望人，仲大力擲啲錢，好似唔想找咁，唔會再幫襯😡🤬

红茶冰室經常有位都不比客人入座，可能要客人在外排隊，幫手制造墟冚塲面，等路過又未決定食邊間的客人跟著排隊入內進食。不過這間冰室的老闆是認同及接受員工對客人態度差，定唔知道自己的伙記對客人態度差呢！今天只想求奇食個晚餐，入座時巳經晚上8:40pm, 加上4点才下午茶，所以3個人打算叫2個晚餐，1個小炒-凉瓜魚柳，但待應話無小炒供應，所以就食住餐先，待應忽然來催促我們要再下单，因為每人都要叫一個餐，是最低消費，於是便求其叫個波蘿包红豆冰餐，待應話沽清，於是又要再睇吓餐牌先，這時候巳聽見女待應在附近大聲駡唔通10人來坐叫1個餐都得呀！真是氣上心頭，索牲叫多個晚餐打包算了。9:10 pm 待應竟然通知所有客人Last order, 9:20 pm 催促所有客人要埋單，所以我忍不住問待應餐廳收幾点？待應話10:20pm , 仲有成個鐘才收工，咁快要客人埋單跟著就見到待應取出地拖來拖地，清潔。（趕客）可能餐廳太好生意，加上近日多了遊客幫襯，員工都唔想做咁多，唯有少幫襯，或者唔再去啦！

員工服務態度極差，嗰日我朝頭早去食早餐，明明好多吉位，佢問我幾多個人我話兩個之後佢叫我出去。唔明點解咁多位唔畀人坐。入到去仲要吩咐人坐邊度，又唔係多人。我同朋友喺度諗緊食乜嘢嘅時候係噉過嚟催落單。好似催命噉。一直喺度問落得單未呀。我話未佢仲話仲未落單呀，唔明咩態度，真係畀咗錢食嘢仲要受人氣。之後我另外一個朋友嚟搵我哋，噉佢唔係好肚餓就冇叫嘢食啦，點知個員工又行過嚟話乜最低消費一定要叫嘢食。我嚟過幾次都冇聽過話咩最低消費。問佢邊度話有話最低消費佢話黐咗喺門口。之後我個朋友咪叫咗嘢食囉，行出門口睇嘅時候根本就冇話咩最低消費。我個朋友想搵返嗰個員工理論，點知搵唔到人。係咪心虛唔敢出嚟。見到其他食評都話員工嘅服務態度好差，噉唔想服務人哋就唔好出嚟做服務行業啦。諗住好地地食個早餐點知仲要俾人激。唔理解呢啲行為。

先唔評論呢度啲食品，都係一般茶餐廳水平，呢啲價錢一定唔會有高要求。但係啲服務員，無論外賣，收錢，落order的，都係嬲左一村人，面口說話都係令人不快，可能多人做到嬲猪猪掛

Lunchtime趕時間諗住嚟快快食一餐，見好似都算好評多就入咗紅茶冰室。入到去話一位，個阿姐求其指咗我埋一邊，我再問附近個阿姐究竟想我坐邊個位，佢嘖咗一下之後就好串咁話呢度有一個位，呢邊有一個位，你坐其中一個咪得囉。我食lunch雖然趕時間都唔打算貼錢買難受，直接拍枱走人算數。之後上openrice仔細睇返啲reviews先發現佢哋不嬲都係服務奇差，油麻地附近咁多茶記冰室唔洗揀佢呢間垃圾，千祈唔好中伏。

呢間紅茶冰室下午茶芝士炒蛋魚柳包伴沙律真係好好味㗎！魚柳好新鮮，炸到好鬆脆好好食。芝士炒蛋味道都好正，啱啱好彈牙。沙律清爽，配料都好新鮮。啲服務員都好熱心，好有禮貌，令人好舒服。總括黎講，呢個芝士炒蛋魚柳包伴沙律真係好推介呢碗沙嗲牛肉公仔麵真係好好味啊！麵條彈牙有嚼勁，同埋個湯底好香濃，啲沙嗲味道好突出，令人一嚐就愛上。啲牛肉都好嫩，肉汁都流出嚟，真係好好食。啲份量都好足，食完之後真係好飽足。總括黎講，呢碗沙嗲牛肉公仔麵係一定要試嘅

今日又嚟食晚餐,今次呢個晚餐仲抵食,雜扒餐👍🏻一大堆扒😍咁多嘢,想肥死人咩😆好彩我醒,帶定食物袋尼,拎走一半🤣🤣仲有值得一讚嘅,係今日個湯,終於唔鹹啦!之前唔知做乜,呢幾個月嚟食,次次都好咸

差唔多每次做完facial都會走嚟食,呢個超抵嘅晚餐!👍🏻自從我發覺佢近排個凍奶茶,唔好飲之後,我就轉咗飲熱嘅,果然熱嘅正常好多🤭🤭除咗覺得覺得個湯咸咗之外,不過個湯咸已經唔係一日半日嘅事,係幾個月前已經唔同咗,但其他都係好好味仲有之前寫食評嘅時候,睇過人哋啲食評,個個都話佢哋服務態度唔好,但我近呢兩次去,又發覺啲侍應,服務態度好似好咗好多,唔知係唔同咗人,定係畀人投訴得多,太多好咗呢,不過點都好,起碼叫有進步呀🤭🤭希望佢哋可以keep住態度都繼續好落去啦！

呢間舖頭個晚餐真係好抵食,就算分店嘅都係一樣,不過近呢幾個月某啲嘢質素好似差咗,就係杯凍奶茶(茶淡咗好多)同埋個湯(好咸),奶茶如果飲熱飲都仲好啲,如果凍飲完全唔好飲,唔知係咪換咗茶葉,不過為咗食佢晚餐其他嘢,我都照樣幫襯佢,但以前嘅佢,真係樣樣都好好食,就算係個餐包都好食嘅,唔知係咪換咗師傳,希望遲啲會改善啦🙏🏻其實我嚟呢間餐廳最主要係因為佢晚餐嗰個汁,我到而家都仲覺得好好食,個扒都好好食👍🏻不過我今次去食,佢個賣相就麻麻地,以前真係好靚好似人哋酒店咁樣,希望佢個湯同埋杯奶茶可以改善一下,咁我就食得咁開心啦🙏🏻