紅茶 (已結業)

有幸食到是日午餐限定既「香辣乾炒牛河」，真係一試難忘～🤣🤣之前食過普通乾炒牛河，已經係好食。今次呢個加強版，簡直係出色！🤩香辣就係分別加左：香葉->九層塔（羅勒）辣-> 紅色辣椒仔完全令味道昇華，越食越開胃，2樣味道加埋令牛河錦上添花！！ 廚師好嘢！呢碟係近排食過最好味既乾炒牛河😋😋如果可以加入日常餐牌就好了午餐㨂左白湯，係華露夫忌廉湯～同普通忌廉湯不同的是佢加左火腿，洋蔥絲&椰菜絲。我朋友就叫左焗咖哩魚飯，一樣都好好食，不過相對冇焗既咖哩飯就比較滯，如果細食就唔好叫呢樣了。haha

星期六 有節目，去旺角走走逛逛，順便去健身中心運動，噢！黃昏時分，特別肚餓，快 快梳洗沖涼，趕及6:00 前下午茶 時段 😀先睇吓餐牌 ...超級喜歡 😘 愛吃雞翼脆炸雞翼配薯皇或沙津 $39（奉送咖啡或茶）兩大隻雞翼🤗炸 .！，確實非常脆脆，尤其係皮，滋味😋勁香囉吃得滿足😋厚切薯角 ，皮脆肉厚，份量多，足夠飽肚點少少茄醬，增添味道餐飲： 熱檸檬水，加少量糖，醒神開胃完美的一餐，飽飽啦，回家了，下次再嚟，bye

紅茶近年越開越多，雖然價錢並不便宜，但其質素的確有保證我認為常餐是茶餐廳最基本要做好的，而沙嗲牛肉麵可謂常餐的代表沙嗲牛肉麵配炒蛋多士炒蛋這個餐本來配奄列，但我喜歡炒蛋，所以轉了做炒蛋。炒蛋滑嫩，口感非常豐富多士多士鬆厚，而且烤焗程度剛剛好，牛油滲透平均沙嗲牛肉麵牛肉嫩口，沙嗲味濃，公仔麵的軟硬度亦剛剛好熱華田熱華田正常發揮紅茶除了常餐，其餘的午餐亦都不錯，而且每日款式不同我亦特別推介紅茶的蛋撻和菠蘿包，每天都會有數次新鮮出爐

與友人到旺角shopping 後，友人想去紅茶吃菠蘿油，碰巧tea time時間有些口痕，便去試試。食物方面，我們叫咗菠蘿油配紅豆冰餐和新鮮出爐酥皮蛋撻茶餐。菠蘿油嘅包面係脆皮嘅，蛋撻真係要等佢出爐，新鮮熱辣辣咩都好味道。服務真係激死人👎👎👎，話說我哋坐咗喺入門口左手邊卡位。卡位上面係黑板，佢哋應該每段時間會更改餐類別。而個黑板在兩邊背對背嘅卡位之上，另一邊客人走咗，佢哋開始改寫餐牌。當時，我坐喺另一邊卡位感覺到不自在，我開始提示寫嘢嗰位員工，粉筆嘅份會跌落我度，甚至食物上面，佢望都到唔望吓，就話:「冇㗎！冇㗎！」 我手袋就正正係黑色，啲粉就灑在我手袋上面，我立時😡起，表示對店員不滿，佢哋真係當d客傻㗎？！我與友人立即要求轉位，事件才平息。有合理邏輯思考嘅，都考慮下個客人食緊嘢，除非係用水筆寫板，否則粉筆點會唔散粉一地？

有食開啲態度麻麻，都係久唔久食一次。啱啱黎到搵位(兩位), 朋友遲到咗10分鐘被安排喺樓上坐 (有樓上樓下)之後突然間過咗5分鐘, 侍應過黎叫我落去坐話我未齊人要坐下面 (?????) 上邊下邊有咩分別？可以叫我等齊人先比位我， 唔明樓上樓下有咩分別？ 之後又串串共講句”我頭先叫你坐樓下你唔坐咋嘛!”好啦，到落單嗰時...嗌食物名係唔知咩嚟嘅，要嗌Number！其實佢哋都冇心返工，連公司餐牌有咩嘢食都唔又食過彌敦道同埋通菜街, 兩間態度都係差，彌敦道嗰間好少少🤏 可能係公司特色

其實都係因為見5點鐘就黎無堂食咁岩經過見到諗住求其快手食完就算，點知都有咁的經歷。。。其實都知茶餐廳的服務質素係點，但唔會未至於連基本禮貌都無！呼呼喝喝對d客人完當人地好似人地係狗咁看待，唔淨只本人附近幾台客都係咁的情況，我唔知係佢地諗住趕收工定趕住開始6點做外賣，真係食澳牛都無咁差，基本上請我都未必再黎，本人都做開飲食業，如果以今時今日咁的情況，呢d員工都仲可以生存到的話真係祝你地公司好運🤷🏻‍♂️

星期六, 有節目注意健康, 堅持抽空去健身中心,  運動之後, 下午茶時間了, 找間餐廳坐坐休息一吓，當然😀重點就是食😋小時候, 以為菠蘿包真的有幾片菠蘿 ?受大眾歡迎的菠蘿包,   好耐無食啊呀 !   即管試試夾住惹味芝士，我的至愛之一😋煎蛋及番茄🍅材料豐富脆皮菠蘿包 ，特別滋味無窮再來杯冰凍餐飲 凍檸檬水、少甜 少冰爽呀！舒服 解暑 🤗埋單$37 芝士煎蛋 菠蘿油開心 滿足 ,  see you ,  bye

觀塘間紅茶每日食飯時間都超多人排隊 自己都食過幾次 今次去旺角呢間紅茶 試下佢嘅下午茶 餐牌選擇眾多 我地叫咗個「招牌芝士流心西多士」同「豬扒包伴薯皇」西多士真係超級邪惡👻 用芝士取代花生醬黎做夾心 做法較新穎 切開後芝士真係慢慢融出黎 正😏 不過我對面果位人兄就鐘意食傳統嘅西多士多啲🤣

#牛扒早餐 ⭐️⭐️⭐️⭐️如果你係#奶茶控 ，經過見到呢間冰室你會好想好想入去試，無論佢個名，還是佢個裝修，都完全係我杯茶😂今日終於經過決定食個早餐先，嘩！咁早已經有咁多人！⭕️佢地設計都係以紅茶做主題⭕️奶茶係有水準既茶餐廳奶茶⭕️佢地面包係丹麥果種好邪惡⭕️有西式同港式既早餐選擇⭕️食物水準都幾好感覺唔係hea果種❗️座位唔算寬敞，不過有放板間總括來說，佢係一間算高質既茶餐廳，大家都可以放心一試。

因為疫情問題…現在開始有點緩和現象…就親呢個原因，又親 happy Friday, 咁我就約左真係好耐好耐無同朋友岀街食個 dinner，去左 MK…當然有好多既選擇，咁我哋就去左呢間紅茶既餐廳內食個 dinner， 入去不用等位…唔錯…有得可以坐耐少少，咁我哋就坐低後叫左 焗黑椒西冷牛扒飯，芙蓉蛋飯，菠蘿包，熱朱古力…十分鐘左右…全部到齊…真係幾快手…先試一試菠蘿包…皮脆可口，包就幾軟熟。而我就食左焗黑椒西冷飯…都幾濃味…加上重口味朱古力《《《必試

話說紅茶我已經食過十幾萬次，佢雖然係一間普通冰室，但食物絕對唔普通，可以話出色，無一次令我失望今次又係路經旺角，就即刻決定黎嘆個常餐加蛋撻，我最愛既肥仔組合常餐沙嗲牛麵香濃，牛夠軟又多，太陽蛋無野好挑剔，再配埋丹麥多士，正到飛起而紅茶蛋撻真係我長期都好掛住，特別係新鮮出爐嘅時候！酥皮搭埋流心蛋液，諗起都想食，不過蛋撻係高熱量肥仔食物。。。所以都只可以半個月食一次唯有睇相回味住先，但我發現我無影到蛋撻相，因為次次一嚟到就即刻食😂相都廢事影

茶餐廳係源於香港🇭🇰同最能代表香港🇭🇰嘅飲食文化，經過半個世紀，菜式同裝潢亦隨住香港嘅變遷而轉變。香港亦多咗好多現代茶餐廳，甚至係大規模啲嘅連鎖茶餐廳，而紅茶冰室就係其中之一。喺旺角想食茶餐廳，見到佢好顯眼嘅招牌就入咗去。佢地最出名係芝士流心西多士，有一大片牛油喺面，上碟仲已預先淋好糖漿，高卡路里但真係好好食：芝士又真係流心，一切就流晒啲溶咗嘅芝士出嚟，芝士控點忍到另外叫咗常餐，份量幾多下，豬扒好大塊，juicy有肉汁，易咬，不過湯底就冇咩味；但係多士係厚厚一整塊，冇諗過煲餐都係全塊，仲要係Denmark toast唔係普通多士（好似白方包嗰啲），幾抵食；最推介炒蛋，幾滑又有蛋汁。招牌芝士流心西多士 $28常餐 $49- 金寶豬扒湯公仔麵- 嫩滑炒蛋、香酥丹麥多士- 凍檸茶

旺角信和出面地鋪-紅茶面包比佳記更好食，我成日經過都會買佢嘅叉燒包、芝士鐽！但佢今日賣包果個姐姐態度差勁👎⋯⋯簡直幫公司趕客！忍唔住要即刻寫評語公告天下！希望佢只係一日心情唔好，唔好成日係咁！

喺旺角咁多間茶餐廳同冰室入邊如果你叫我揀邊一間最好食我一定毫無疑問推薦 《紅茶》首先，店舖環境乾淨裝修亦都好靚唔會有一種好想快啲食完就走嘅感覺第二，食物質素高過好多茶餐廳。呢碟沙嗲牛肉麵嘅沙嗲味好濃郁牛肉嘅份量都好充足我每一次想食沙嗲牛肉都會返返去紅茶第三，佢嘅bakery都意外地出色呢個菠蘿油簡直食過返尋味每次食完都會掛住佢最後post埋朋友食嘅咖喱牛肉飯唔好意思賣相好似唔係太好但係佢都係品質保證好好食廢話唔多講，你食過一次就知如果叫我喺旺角揀一間最好食嘅茶餐廳我一定係揀紅茶

《紅茶常餐》$49金寶湯豬扒通粉•配嫩滑炒蛋加香酥丹麥多士🍞每次食塊豬扒都好大塊好厚🙊好少常餐會見到甘大塊豬扒!!啲蛋炒得好香好滑 但係最正係丹麥多士！好邪惡但好夠牛油好軟😛係抵食嘅☺️