紅蔥頭 (已結業)

相約友人於朗豪坊，原本都冇諗住入去 Cafe med 度食... 但朋友手機冇電，一度失去聯絡。到再次聯絡返朋友既時候，原來佢已經係 cafe med 了。 羅宋湯: 同朋友 share 左個羅宋湯，都唔錯，蕃茄味濃，但某程度上係落左足夠既茄膏，並唔係落左足夠既蕃湯而令到佢夠味囉﹗不過，佢都落左唔少菜搭夠，所以都 ok 既。 羊肉卡巴: 論味道，佢係做得好好﹗烤過既羊肉配上沙律醬同埋粟米等蔬味，效果係出奇地好。估唔到既係，粟米既甜味係可以提升了羊肉既口感，同時又減到了羊的羶味，值得一讚﹗可是，佢個卡巴就好似唔多「正宗」，感覺上似 panini 多 d ~ 而且個皮太硬了。 蜜汁燒豬仔骨: 本身個豬仔骨燒得略嫌乾了一點，所以唔夠肉汁。不過，佢既「蜜汁」卻有效地補救了這不足。佢既蜜汁非常香甜，黏身但卻沒有粒的感覺... 我同朋友都忍唔住將手上的卡巴點汁食囉﹗因為我地只有兩個女仔，所以只叫半份... 而佢半份既份量對我地黎講係岩岩好的。 蟹籽帆立貝意粉: 有幾粒大大的帆立貝，而且是好新鮮的。白汁幾特別，唔會好似一般食肆咁，一係太重奶味，一係杰得滯，一係只得芝士味。佢個汁質地 creamy，有

同個衰人誤打誤撞咁黎到呢到.見個2人餐都幾好.所以就入左去食喇,打開個餐牌都幾多野選擇,不過大多數都好似係意粉,我地懶得去諗所以都係叫左2人餐,同埋2人餐好似幾抵羅宋湯 好濃好好味呀!好想飲多碗!蒜蓉包 麻麻地喇,冇咩蒜蓉味既之後有焗青口同沙律俾你揀,我地要左青口青口 普通冇咩特別,反而伴菜個d薯蓉我就覺得好味BBQ蜜汁燒排骨 好大條呀,我覺得幾好味,不過冇咩肉,伴菜既薯條熱辣辣都好味蕃茄雞胸墨汁意粉 好好味呀,佢加左d蒜1齊炒,好香口芝士蛋糕,黑森林蛋糕 冇咩特別,不過有蛋糕做甜品令到成個餐好完滿凍檸茶,橙汁 正常既味道,凍飲唔洗加錢食到好飽,不過服務就一般,幫我地落單個個侍應講野好快,我完全聽唔到佢講咩,但佢個樣又好黑面,所以我都唔好意思問佢講咩,食食下見到佢地出面個d枱會點蠟燭,好浪漫,我都想坐出去2人餐$188,再加一,都幾好味

雞胸墨汁意粉不錯,味道有層次.雞胸鮮嫩有彈性,番茄汁煮得好味,配上黑色的墨汁麵,睇見都想食.令我對意粉改觀ps平日係xx客食到我驚(尤其是外賣)真係好想試下其它款式.朋友食的帶子擰檬牛柳都話不差今晚被安排坐外邊位置,點了燭光,可惜今晚唔係同男朋友來,否則...浪漫極了,下次必定再來.

　　大雨既天氣之下唔再係條街周圍行搵餐廳 , 朗豪坊又多人間間餐廳都要等好耐 , 我同岩岩放工既表姐係太肚餓既原因就唯有將就一下揀左呢間黎食返個下午茶 , 最重要係成個場咁大人手得幾個根本就唔夠服侍客人。焗蜜汁去骨雞腿飯下午茶餐 $36 ~ 我個人覺得芝士配蕃茄味道係有少少怪既 , 不過表姐就覺得接受得到 , 只係雞腿實屬普通貨色 , 並唔係特別好食 , 侍應放低個飯既時候就已經話轉頭比返把刀佢 , 但係結果到埋單個陣都仲未拎到過黎 , 好彩我一早叫佢唔好等把刀食左先ja , 唔係咪餓死...芝士焗西蘭花野菌意粉下午茶餐 $36 ~ 話好食唔係特別好食 , 好普通既芝士意粉囉 , 而且芝士味道又唔夠香濃 , 4棵西蘭花加埋d雜菇 , 意粉有d硬煮得唔夠腍。

同朋友一行4 人黎到聚一聚…叫左唔係好多野，menu 亦都唔係好多選擇。食左 d 咩唔重要，因為好行貨兼且唔好食，反而要一提既係﹕bbq rib﹕好乾好乾，唔知雪左幾耐，舊骨超大條，好唔好食，完全無肉汁，真係第一次食咁難食 ribs！焗飯﹕茶餐廳焗飯，飯係無處理過，就咁舖白汁芝士焗一焗就算，不知所謂，一般家庭煮婦都整得好食過佢。openrice 都有咁多好評，大家真係…

去到朗豪坊搵野食, 見到紅蔥頭個門面都 okay, 價錢都幾合理, 又唔駛排隊等位就試0下啦, 待應 A 見到就問我幾多位, 之後叫我等一等. 唔夠十秒, 待應 B 走黎問企得較遠0既人要兩位, 就即開張號碼抽俾佢. 我0係正正前面就當正我透明咁, 再重施故技再開多個號碼俾另外兩位! 之後呀待應 B 至問我幾位, 火都黎埋攤開五指問佢要個號碼, 佢就問都唔問就俾0左五位0既抽我... 之後我直接同佢講返件事, 因為佢呢個 mistake 要我等多十幾分鐘, 佢仲可以當唔明白咁一句 sorry 都冇. 乜做待應做到佢禁蠢0架! 怒火未下之際都入到去叫野食. 本來就叫一飯跟野飲, 再叫一個意粉同埋前菜0既. D 野黎0既次序剛剛好調轉晒.凍檸茶: 唔算好甜, 都可以勉強合格香腸磨菇茄汁意粉: 呢個算係唔錯, 個汁都幾好入口, 不過甜0左些少. 我諗炒意好食過焗意.香草忌廉龍利飯: 哇, 呢個好唔掂! 個樣就好睇, 不過個汁好甜, 好似奶醬撈飯咁! 個魚就幾夠熱, 不過冇味! 食完覺得好滯! 本來仲叫0左前菜: 半份 BBQ 豬仔骨, 不過等0左三十五分鐘, 乜野都食晒, 催0左兩次都

本來打算去食滿記點知行左幾層都未搵到~趕時間既情況底下見到紅蔥頭既下午茶餐牌下午茶免加一.又醒起曾經係op見過關於卡巴既唔少好評~於是決定入去一試點左雞肉卡巴, 友人嗌左炸雞翼+薯條等左一陣終於送離 雞翼薯條一般而已迫不及待試卡巴~咬落去皮烘得脆脆地入面有沙律醬同配料生菜,蕃茄等予人健康既感覺侍應既服務態度算唔上頂好但總比其他既黑口黑面離得好總括離講味道唔錯~有下次不過下次想試意粉多d xpp

試後想好好輕鬆一下，兩個人來到朗豪坊的紅葱頭吃晚餐。由於是閒日，且時間尚早，才七時左右，剛到餐廳的時候，幾乎只有我們倆，然後侍應們站在一旁聊天，有點奇怪，不過服務也好，也主動過來落單了。是第二次來光顧，覺得這店的餐牌也不錯，有意粉、焗飯、鐵板餐等等，不乏選擇，價錢也頗相宜。我們點了一個蒜容汁什扒鐵板餐和蕃茄奶油陏魚螺絲粉。餐廳的環境一般，設計比較簡約，坐位算是舒適，裏面燈光充足。個人覺得裏面應該比起外面好坐。不過晚一點人多了，有點兒吵。先來的是跟餐的羅宋湯，和上次一樣，同一個長長的碗盛著，看起來很有趣。羅宋湯有點兒辣，但味道不錯，跟隨的蒜容包也很好。也許是因為那時候客人比較少的關係，湯喝到一半，鐵板就來了。什扒鐵板餐(好像實名亞美尼堅甚麼甚麼的...)賣相不錯，有雞扒、豬扒、煙肉和火腿，拼好在一個圓圓的鐵板上，挺吸引的，侍應送到過來，才加上蒜容汁，聽聲音就覺得該很熱了。意粉是分開上的，在另一個碗裏。扒類和意粉的份量都頗多，一般食量的人都應該會吃得頗飽的，而且鐵板的味道令人滿意，意粉就稍為煮得軟了一點兒。蒜容汁相對於意粉來說有點少，但意粉又不好乾吃，這有點兒麻煩。友人點的是蕃茄奶油陏魚螺

唔知食咩好,男朋友就話食紅蔥頭實在太肚餓!無睇餐牌就入左去~下午茶既話,價錢比較貴左少少`服務態度唔錯,亦都坐得幾舒服叫左一個煙鴨胸天使麵同埋天使麵無想像中咁好食~好少汁食落有d乾身~不過味道其實唔算差~又幾大碟~焗薯皮等左好耐,應該即整~我地食晒個麵過多陣先到~第一眼望落去有d怪,但食落口好食喎!香口,味道又好~$30左右~食過真係想食多個!推介

好朋友18歲生日, 選了紅蔥頭. 首次光顧, 故提前一小時訂位, 順道放下預先買下的生日蛋糕. 接待員十分細心, 跟我們說要收$50切餅費. 我們思考了好一會兒, 接待的侍應也沒有不耐煩. 值得一讚入座後立刻看MENU. 價錢尚可接受. 散叫的由$40-$70不等; SET DINNER則約$70-$80. 我們分別點了: 羊扒意粉 : 我點的. 沒有腥味. 份量剛剛好 雞肉扁意粉 : 個人認為比較乾. 白汁海鮮天使麵 : 不好海鮮的我也忌不住吃了好幾口! 白汁很好 鴨胸意粉 : 鴨胸份量略嫌少. 但整品也是美味的吃完正餐, 到了蛋糕玩節. 侍應體貼地拿來餐具, 抵讚!是之生日飯每人用了約70元. 這樣的環境, 也算物超所值!唯一要批評的是嘈吵了些

侍應該態度麻麻!!我同我老公去食，我到達先，入去時以為佢地未開舖，因為個經理召集晒所有人圍埋一堆，對佢地作出訓示，唔明點解唔可以開舖前或收工後先訓示，有客係到咁做，到客搵人時又要打亂佢地。(訓示左起碼廿分鐘)，不過訓示沒用的，之後熊度依然唔係太好。最最離譜既係，我地ORDER左兩個餐一個鐵板肉眼(好鞋，同個日式汁好難食，好甜，跟餐既意粉好乾，又凍)個餐湯我地要左白湯，個湯一舊舊的又唔熱一個鐵板牛柳，我老公個鐵板牛柳食到D肉味有D變左，就請佢換，佢就問你要返呢個定轉，咁我地諗住都係個D貨，就轉左西冷。呢次個肉無變，不過D味都煮得麻麻地，舊肉又韌又鞋，唔知點解舊肉有好多肥膏。到埋單時因為我地都唔係好記得個價錢只係記得平D，就問個侍應，佢就應我地減左，咁我地就出門口，見到個餐牌，係平十蚊，計返佢又無減到，就去問個經理，一問佢已經擺出一個唔耐煩既樣，跟住話同你CHECK下，CHECK完出黎話，因為我地師傅試過D肉無問題，不過你話有問題我地換俾你，所以會收返完價咁你之前又唔講，埋單時個侍應又話減返!!其實十蚊我真係唔想係到慢慢拗，不過佢地既態度同誠信好有問題!!

各位好! 小弟是第一次寫食評想不到第一次寫的，理由竟然不是因想推介餐廳…這件事發生在星期一(4月14日)，在旺角朗豪坊的『紅蔥頭』。我與女友及朋友們共5人，在晚上約7時進去。進去後跟女待應說了想要暖水後，便換了一杯熱水來，要我們自行弄成暖水。之後在吃飯當中，請她們再加熱水，她們都說好，但全部都是像黃鶴一樣，一去不返，沒有為我們加熱/暖水。這也算了，在吃飯途中，5人有4人先order凍檸茶，結果到最後的那人點了涷咖啡也來了，那4杯也未到，再問待應，他們也要互相問一輪才知道….而且最後還要問多我們一次點了什麼….後來看一看，為我們下飲品的那位女待應，不知到哪裡去了，去了別晚飯???更離譜的是，弄好了4杯飲品，那高的男待應，兩隻手圍住4杯涷檸茶再加1小杯糖漿到我們的枱，倒了差不多半杯糖漿在我們的袋上。更特別的是他看到後，放低野飲後便說：『記得抹返乾佢』起初以為他會馬上拿濕紙巾或乾淨的濕布來，但他沒再回來我們的枱。沿途其他待應及經理(那天上身穿恤衫，常常都站在帶位處的人)一定看到，而且其他待應也有看到並在竊竊私語。結果我們自己當然要馬上抹，經理看到後，便沒再行近我們的枱。後來我們抹了差不多幾分

朗豪坊紅蔥頭意粉幾好試過卡邦尼及鴨胸意粉差唔多食完至影相兩個意粉各有風格卡邦尼好有芝士香味好快就食完鴨胸意粉賣相好靚見到好開胃鴨胸煎得好野味一流水準推介!!

和朋友到朗豪坊找地方食晚餐,看見紅蔥頭,但可能是6:45左右,人客比較少,有位坐下,看到餐牌上有廚師推介,鵝肝牛仔扒餐,(餐1),便order 2 客 7成熟.當餐湯送來時,飲品也即到???我們說o物唔係食完主食才上嗎而且由凍奶茶改左凍lemon tea.於是便退左先,等食完主菜才上.主菜的配菜有白蘿白;薯條但全是凍的過份左少少吧.我請他們幫我把菜加熱,等了5分鐘,鵝肝到啦,這次到鵝肝及牛仔扒冷了,唉,135十加一,所換來是冷盤,在大家....也不會吧!

同友人見面，想搵個好坐既地方傾計食tea...我未食lunch，呢度既選擇就啱我Tea有細份既如厚多士、西多、薯條等小食亦有大份D既如意粉、飯等結果我們兩人叫左一個意粉+一個厚多士加4個大洋有餐湯同蒜蓉包，個湯不過不失，個包就好差...睇個樣都知，完全冇蒜蓉味個茄汁吞拿魚螺絲粉唔錯 D汁剛剛好，螺絲粉唔會太淋奶油厚多士呢個唔多得，好韌好鬼難切，多士中間唔夠軟熟，而個皮邊又唔脆咖啡，雖則話係即磨，但咖啡精如我，都唔抱咩期望。一飲就飲出品質唔好，一點咖啡味都冇可取既係都算好坐，唔會好嘈，見到有兩枱6-7人傾計，如果同友人搵地方傾計都係唔錯既地方