紅車厘麵包西餅

营业中

休息中

在歷史悠久的街市走路，總會有一點驚喜，這次是發現了這間餅店。是經典的港式西餅店，有不同的餅點可供選擇，而這次揀選的就是真正港式的西餅：酥皮蛋撻。皮夠鬆軟，蛋醬又不會太甜，不錯。但可能因為不是新鮮出爐的時候幫襯，就是不夠熱。

平時番工聽人講呢間餅店既蛋糕好味, 今日放工 終於都去要買黎試下喇。 不得了! 見到個樣已經好想食! d芒果睇落夠新鮮，又有好多水果係面。同2個屋企人一齊食 先 五十幾蚊 平吖都! 我就好鍾意食 cream 既 , 呢個既 cream 夠多夠厚，岩岩好，又唔會甜得黎又唔會太多, 中晒我心水!水果都好甜！蛋糕軟綿綿咁，中間再有d cream同水果，口感夠！食落有種好幸福既感覺！ =)

傍晚時份, 參加完一天戶外活動後好累, 回家途經餅舖, 甜品癮開始發作  。之前都曾經幫襯過幾次去買面包, 大件夾抵食...今次不如試吓凍餅系列啦 ... 。一個箭步立即走去店門外的蛋糕凍櫃,   嘩, 好多款式呀... 諗咗好耐, 見到我和老公仔嘅至愛: 芝士餅...價錢都OK抵食, 於是買咗一件藍莓芝士餅 ($13), 一件紐約芝士餅 ($12) 再加一個芒果慕士杯 ($10), 店員用一個紙盒裝起。返到屋企, 放入雪櫃留待晚飯後享用。晚飯過後, 急不及待取出餅盒, 仔細看才發覺餅盒顏色鮮艷, 黃紅色對比強烈, 印上如店名一樣的紅色車厘子, 搶眼非常。甜品時間到啦, 我地每件餅一人一半。我首先食藍莓芝士餅, 藍莓醬酸甜度適中, 再配合濃厚的芝士餅, 反而減低咗膩的感覺。整體軟硬度剛剛好, 簡直食到停唔到口, 正 。之後再食紐約芝士餅, 芝士味同樣濃厚, 不過可能先入為主, 純芝士味感覺就單調咗D  。胃口大開, 再試埋個芒果慕士杯。芒果肉十分多, 好甜多汁。慕士較稠身及偏甜, 尚可一試。總括而言, 舖位雖小但地方光潔, 店員有禮及手腳快, 食品款式多, 好味及抵食, 下次