綠冰室小菜館

营业中

休息中

一條友等老婆成粒鐘，冇嘢做搵嘢咬，茶餐廳就最啱攞嚟打躉磨時間！求其入咗間茶餐廳未食過，最好就試吓佢啲炒嘢，趁佢下午茶時段仲有幾分鐘就完嗱嗱聲嗌咗一個豉椒牛河。5分鐘就嚟晒嘢飲同嘢食，一嚟到就覺得個份量超大已經超出咗我預計嘅下午茶份量，炒出嚟啲顏色又靚汁又多，牛肉又唔會靭，配料都好足。唔會食到有炒到燶味（試過食炒河炒到燶咗一餅嘢 🥹）總括嚟講CP都OK高

Oh my lord! The price here is crazy! I don't know how they manage to run the restaurant, the price is so cheap! The restaurant is even in TST.Just like every HKgers, you would like to wait till 2pm for tea set when you visit a local ice house,  for an money saver option, but you don't need to do it here, because the food is so cheap already, but of course you could wait too if you want to save even more.Look at my chicken leg curry rice , the chicken leg is not tiny, and they are not stingy on p

牙仔約咗人飲嘢，諗住是但搵啲嘢食呢個係即煮叮叮餐，可以揀出前一丁，辛辣麵，通粉等等，佢哋嘅餸選擇都幾多，係雞扒豬扒雞翼，炒蛋煎蛋等等，佢哋會分開上，所以麵嘅湯就唔會影響到$46 acceptable

上網睇冰室小菜館主打平價抵食, 入到去午餐$58個 只算正常同抵食差好遠!坐位一般茶記格局小小迫~椰香咖喱牛腩飯$58加入左椰汁嘅咖喱係特別香口而且能夠中和了一點咖喱的辣度~牛腩入晒超香嘅椰香咖喱味道配埋薯仔同洋蔥，一流 ！唔太食辣嘅朋友都可以試下~冰室小菜館地址 :尖沙咀寶勒巷3-7A號萬事昌廣場地下9號舖電話號碼:21521104營業時間星期一至日07:00 - 00:00#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #尖沙咀美食 #午餐 #午市套餐 #性價比 #上班一族恩物 #冰室小菜館 #椰香咖喱牛腩飯

冰室小菜館一向出名大件夾抵食，因為買外賣唔知食咩，咁啱經過尖沙咀分店，諗住試吓，返到屋企先知原來加咗價。買咗6個餸，我極度懷疑尖沙咀分店嘅廚房佬係唔識煮。5:30打去落單，叫我四個字後落去拎，唔知係咪下午茶時間冇咩人叫廚房嘢，落到去個外賣已經出咗，所以返到上樓已經得返微暖。叫咗煎封䱽魚，四隻鮑魚仔，豉椒炒蜆，一隻乳鴿，椒鹽腰果鮮魷，白灼蝦。有食開嘅朋友仔，都應該知道白灼蝦出晒名抵食。我自己都食過其他幾間分店，全部都有質素，今次第一次食到差唔多全部都係霉嘅，半斤入邊得兩隻叫正常，不過冇辦法，買得外賣都唔會打返去同佢講。乳鴿，唔知點解可以黑到好似燶晒咁，好彩食落去叫正常，只係外觀唔好睇。豉椒炒蜆同埋椒鹽鮮魷真係難食中嘅難食，豉椒炒蜆落得太多水，個底都唔似係汁，淨係得啲油，啲肉同埋啲殼全部都分開，基本上我可以直接夾走晒啲殼，淨係喺個底度摷返啲肉出嚟，仲要靭到不得之了，更加唔好講個味道，都唔知食緊咩，我仲專登睇返張單自己係唔係叫豉椒。椒鹽鮮魷先犀利，個廚師竟然將啲腰果都沾粉，所以叫外賣上到樓就林晒，仲要食落去一啲都唔似椒鹽，基本上都唔知自己食緊咩。煎封䱽魚其實整得幾好食，不過最奇怪係豉油竟然唔

📍尖沙咀 冰室小菜館📍位於鬧市裏面嘅茶餐廳小菜館，唔想食貴嘢可以考慮呢度，啲嘢食性價比都高。👍🏻干炒牛河 $58鑊氣十足！仲可以俾你揀少鹽少油，感覺好似健康啲，但唔影響個味，炒得好好食，抵食！👍🏻冬紅豆冰 跟餐加$6椰汁味太重，表面嗰個cream有啲甜，其他都正正常常幾好飲。👍🏻豉汁涼瓜炒牛肉飯 $62

食左呢間幾個月一個星期都有1,2次大部份都係QR code 落定去到有得拎次次都係茄牛通加炒蛋炒蛋控第一次有間可以替代住澳牛又咁近既茶餐廳開心🤣🤣最正嘅係可以選兩份炒蛋唔使一定要揀腸仔餐肉火腿又有得擇麥包一份炒蛋一份蔥炒蛋食完滿足哂蕃茄湯底都好濃食完冇口渴，有時夜晚想食重會賣哂有一晚叫左咖哩牛腩咖喱唔錯，牛腩份量都多次次中午去都一定爆場可見好唔好食附近嘅人最清楚🤣🤣🤣禮貌就一時時忙起上嚟咁多人都可以體諒雖然餐牌都係普通茶餐廳嘢但其實幾食得出用料同味道都有落心機平民價錢嘅飯堂希望可以一直保持啦

本來同朋友想食火鍋周圍無位，見佢有位就試下。點知有驚喜……鐵板餐$38+飲品$10豬扒。雞扒。中翼。腸仔。火腿。各1件同粟米粒跟飯／薯菜今時今日食個早餐都$40，但偏偏呢個晚餐先$38重有好多抵食海鮮$38半斤灼蝦$58／蒸魚飯餐 唔係雪魚，係新鮮魚

今日早上要去尖沙咀送件貨比個客，約咗10:30 ，諗住嗱嗱臨送完就可以去食個Brunch，點知搞搞吓都成11點幾，心諗邊度仲有早餐食，行吓行吓見到冰室小菜館嘅早餐去到12點，二話不說，即刻嘟code 衝入去，如果唔係到lunch time就會好多人。-沙嗲牛肉通粉配炒蛋薯餅 熱奶茶 $37牛肉夠腍，勁多通粉，沙嗲好夠味！炒蛋的確夠滑，而且好香蛋味，薯餅炸得好香脆，奶茶茶底香濃。如果你好重視侍應嘅服務，千祈唔好嚟呢間，因為佢哋冇乜禮貌，熟客除外！

位於寶勒巷的冰室小菜館，每晚都很多人光顧，佢哋嘅常餐、鐵板餐同每日的$38晚餐都非常之抵食，其中鮮魚套餐最平$58起另外半斤蝦$38好幾款特價海鮮都非常之新鮮抵食，今晚帶同長者來食晚飯，老人家吃得很開心，其中晚餐麻婆豆腐飯就並不是一般廣東菜的味道反而是麻辣四川味，感覺很一般失去了吃慣熟識的味道，裡面環境很光猛衛生不錯我們來的時候比較人多最後面有張卡位，但唯一缺憾是燈光下有把風扇不停轉動使下面的食客眼睛很辛苦不停閃動，我們後生都還可以但長者就比較辛苦，跟服務員說過可否關掉風扇，始終裡面有冷氣關掉一把不會有太大影響！但個男人服務員態度就很劣話唔可以喎！風扇唔可以隨便熄你覺得辛苦就唔好坐入嚟👎熄把風扇好有禮貌問吓你唔需要這樣態度呀？整體來講食物價錢大眾化態度需要改善。

服務員態度, Fiona 態度非常好👍👍👍,有酒店水準.我在十月一日,在綠冰室食晚飯海鲜,食物水準都👌海班馬,白灼虾,芝士龍虾伊麵,清蒸沙巴班,鮑魚,扇貝,聖子兩食,虾多士,奶醬多.可惜部分聖子有沙,但就非常滿意Fiona 的服務.

主要因為電視介紹雙腸熱狗🌭️ 專誠光顧。$20 茶餐推出嘅雙腸熱狗🌭️ 好味、抵食👍🏻另外咖喱薯仔炸脾飯，貪平試食，呢碟就普普通通，吾係特別出色！（可能個汁未係香濃我喜歡果類） 環境係OK，唔會太迫，座位好多，吾使等位！ 落單掃枱面QR code亦好容易操作。我見其他食客叫炒麵個賣相都👌🏻，所以我會再嚟試！題外話：冰室老闆一定是神徒，全程播ANSON LO 歌曲、職員件衫都係粉紅色🤌🏻 一路食一路聽歌，好舒服😃

收銀呀姐特別西之外 🙂🙂🙂樣樣都幾好 白灼蝦超抵食👍🏻👍🏻👍🏻早餐重有薯餅揀 🤭 好多款式，但呀姐真係令人唔想再幫襯🫠 。。。好矛盾。。。少有既尖沙咀平靚正之選。。。

Ice Restaurant is a cha chan teng we go to a lot whenever we're in the Mong Kok area as we find their food decent with good portions and inexpensive prices. That is when we were surprised to find a branch in Tsim Sha Tsui. The restaurant here was much larger than the Yau Ma Tei branch and it was a lot brighter. On one wall it said they have branches in To Kwa Wan as well. Wow. Expansion!Menu is English and Chinese. There is no 10% service charge. Their first branch in Yau Ma Tei is in Chinese on

週末在尖沙咀提早吃晩飯，想試朋友介紹平靚正的冰室小菜館週六日也有提供下午茶，時間由2-6PM價錢由$28至$42不等，$28的咖喱薯仔雞髀飯，超值飽肚的選擇5時多不用等位，直接入內，見有二人卡位，又有四人座位，侍應姐姐慷慨地招呼我們坐四人坐位QR Code 下單點食物點了半斤蝦($38)，下午茶餐的脆炸大雞髀($28)，魚餐配白飯($58)(豉汁蒸深水泥鯭)白灼蝦半斤($38)，數過約有15隻，蝦鮮甜，蘸辣椒豉油，帶出鮮味下午茶餐~脆炸大雞髀大大隻炸得金黃香脆肉嫩有汁，平靚正$12加配的餐蛋麵餐肉微焦有煎香，蛋9成熟配湯麵剛好，麵質不抱期望，反而有驚喜，爽口，軟硬度剛好豉汁蒸深海泥鯭蒸魚有豆豉有蔥，火喉剛好，深海泥鯭肉緊緻，鮮甜有魚味魚餐有一碗白飯和飲品($58)，飯白雪雪，軟綿綿，撈豆豉魚汁，食到一粒米都無得剩餐飲凍檸茶少甜(加$3)，冰和檸檬量都不少，不錯; 另加($6)配了特飲，雪山朱古力鮮奶，忌廉綿滑，但朱古力未夠香濃。埋單: $145，價錢平靚正，出品用心，服務有禮，想食茶餐，又想食海鮮，不錯的選擇供參考的餐牌