綠林三記甜品 (已結業)

黎過幾次…之前唔覺得特別…平平地咁食下囉......上次黎係半年前既事...點知..半年後..竟然有咁大進步...一行四人,叫0左:1.mango pancake2.糖不甩3.擂沙湯丸4.什果黑糯米5.燉旦6.楊枝金露7.什果涼粉食0左太多野..講唔曬咁多..淨講我最中意0個幾款..個mango pancake d皮比以前薄0左,好正...個cream好香,唔膩,不過d mango唔夠sweet…糖不甩好熱,個甜味arm arm好,加d芝麻&白糖,食落好香,又軟綿綿咁…燉旦…熱的,夠滑,香口,好有旦味,顏色自然,應該冇加色素…個黑糯米好正呀^-^ , 凍既..d糯米煮得arm arm 好,有好多生果…40% of 碗糖水係生果黎ga…加埋d椰汁…好香…but唔太甜…總括黎講…以咁平既價錢食到咁既水準…係超值…唔怪得知咁多人幫襯..

其實都黎過e間野幾次了~不過e+先出post~一般凍/熱糖水都係$6,真係抵到爛,搞到我次次都食2碗咁濟........重點係,d甜品ge味道又真係ok wor!又唔會太少份量~所以覺得幾抵食囉!!!D豆腐花+ any others($6) ←推介,因為d豆腐花整得幾好~~~不過試過涼粉豆腐花,甜淡不太平均~~~除左$6果d,其他野都試過幾款啦,大致上都不錯!食完又唔會趕你走,d野食又勁快黎~~~不過唔食煙ge朋友要小心揀位!

蕃薯糖水$6,雖然甜左d, 但份量夠,絕不欺場芒果pancake 好似$12, ok 啦..糖不甩$7, 好甜, 係芝麻餡, 甜上加甜, 下次唔叫

係深水土步大既人我諗無咩人唔識緣林啦,,好耐好耐以前when i am so small 亞媽帶我去食既唔係糖水係早餐..係我印象中幾好食架..可能後其無咩人去所以只做糖水啦..我好鍾意佢地既湯圓&糖不"luck"..入到去就會聞到好香既湯圓味道..食落口皮薄..都ok既!我第一次認識&食到糖不"luck"就係此鋪啦!當時好多鋪頭都未有lee樣野賣架!lee到d糖不"luck"唔同許留山個隻白雪雪既..係片糖黃色..所以好有味架!!

綠豆沙+涼粉($6)~~ 綠豆沙好大朕陳皮味~~椰汁西米露+豆腐花($6)~~豆花都滑~~又夠凍~~夏天食好正~~至q芒果露(差唔多名)($15)~~大西米+芒果+刨冰~~呢個麻麻地~~都係中式糖水好食d~~多數都係$6~~兩溝都一樣價~~不過交通就唔係咁方便~~

我有半年沒有到綠林吃糖水，記得上一次3、4個月前，這時推出暖烘烘的糖水，我記得南瓜馬蹄露，到現在進入夏季，推出豆腐花布甸，好正！都係9蚊！(是次太多選擇，不知選那一檥)

4 點零鐘行到身水身汗,入左去呢間糖水店食碗糖水消消暑,呢間店d冷氣相當足夠,一入到去感覺十分爽!地方亦幾乾淨,叫左個凍芝麻糊豆花$6,芝麻糊過甜及稀,反而豆花頗滑!但咁既價錢提供咁既環境,已屬超值!

雖則質素唔係好好，但不論凍熱定雙拼都係六蚊碗，呢個真係無敵價！店舖裝修都算新，唔係好大，人流亦唔多，坐落唔迫都幾舒服。今晚試o左綠豆沙拼豆花，女友就要西米露拼涼粉。兩碗都係一part 得一part唔得:綠豆沙有香草味，又有海帶，有少少起沙，唔錯！豆花就無味之餘又完全唔滑～西米有口感，幾煙韌；涼粉就太腍而且冇涼粉味，比起罐頭出品還要差～咁下次係咪應該叫綠豆沙拼西米？

此店門外有banner大肆宣傳糖水$6碗。芝麻綠豆沙，綠豆有起沙，味道不是差，但又不覺突出。榴槤班戟($12/2件)內的榴槤雖算甜，但份量很少，而且cream的份量卻太多。

呢排成日都去呢度食糖水, 因為實在太抵食啦, 六蚊碗糖水, 就算兩溝都係, 當然有d就貴一、兩蚊喇, 但都係便過其他糖水舖, 最緊要係質素唔錯, 雖然唔係話好食到曉飛, 但以咁既價錢食到一碗唔錯既糖水, 真係幾抵, 講真如果價錢便但質素差就一定要out喇, 好似我地最近成家人食完晚飯, 我就帶左佢地黎呢間食糖水, 八個人一人一碗, 另外仲叫左其他野, 好似「芒果班戟」等(唔記得點寫), 埋單都唔駛一百,(好似七十幾), 好鬼抵, 上次去「綠林」都要過百蚊, 所以係抵食, 唯一係唔係幾就腳, 咁惟有慳錢唔慳腳骨力喇~~~