綠林三記甜品 (已結業)

oh..食完強記又食下糖水...重遊依度,都係冇變呀..老媽子叫0左durian pancake,我食0左一啖,我就知我同唔度依個pancake做朋友..我覺得好似食緊生蒜頭咁囉!!!大車車的q版mango撈,幾好呀..有dmango點子的東西,食落好fresh..係大車車的建議下,我叫0左燉鮮奶..幾好的,好香奶味..

呢間野係勁平,6蚊碗就有雙拼既糖水我地都係食雙拼為主其實都幾好,不過有比較下就差過綠林小小lu

昨晚食完晚飯見個肚有空位同傻鬼打完機就去填埋個空位先. 叫左個至q芒果"lo"及一個什果涼粉. 個芒果甜品就唔係太多芒果啦, 不過總算芒果係甜啦, 而個涼粉就有好多好多鮮果, 涼粉都唔錯. 2個甜品都可以填滿我地個肚.正正.最後叫多個什果涼粉及豆腐花加黑糯米回家俾家人食.

有日本人過開呢頭,見口行行咪就走入去叫左杯鮮揸奇異果汁囉, 點知佢地既手法好鬼唔老實, 只係用左一個奇異果再加大量糖水混埋而成既一杯"糖水汁", 非常難飲.我相信其他既果汁做法都會係一樣, 仲要買成15蚊, 真係搵鬼幫襯咩.....

三月十一日(星期六)晏晝放左工有事到旺角, 瓣完要事后, 想食糖水就去左呢道. 其實MK都好多選擇, 但我見呢度咁多笑臉食評所以去試. 雖然地點係唔多就腳, 但因為我鍾意行路所以對我黎講冇乜.我地二人叫左: 熱薏米腐竹x1, 老姜蕃薯x1,涼粉豆腐花. 我既薏米腐竹幾好呀, 夠熱, 不過有少少失望囉, 因為煲得太爛,其實只係本人口味問題.仲有真係甜左少...男友個凍豆花佢話好味呀, 不過我冇試. 最後encore既蕃薯糖水, 好多蕃薯好足料, 糖水又夠辣, 呢個我會推薦!!6蚊一碗, 食咁多都唔駛廿皮, 廿蚊可能去第二度都食唔到一碗糖水, 第日去老鴨我都黎呢度!

見好多笑臉食評,剛好有事經過這裡,就試試這裡的紅豆沙是否我杯茶.order了熱的紅豆沙,看樣子真的是舊式糖水,味道對我來講是稍甜及沒有原粒紅豆的口感,但食味也不錯.$8/碗不貴.走的時候看見有位伯伯吃湯丸,個買相唔錯,有機會會試下.還有這裡的環境幾乾淨.

同班波友打完波食完飯，就去搵糖水吃。去得松記太多，冇晒新鮮感，於是就去綠林三記，因為這也是食糖水的好地方。老實講，這裡的糖水比起松記的還是輕輕差少少，但仍屬高水準。價錢就平好多，$6一碗糖水，兼且味道唔錯，絕對食得過有餘啦！所以各位如果見松記太多人的話，不妨行多幾步去綠林三記試試。

食完山東餃子，過黎食埋糖水先返屋企。我要涼粉黑珍珠＄６，朋友要了凍緑豆沙＄６，見佢食得好好味，不過我冇試一啖，因我不太喜歡緑豆沙，佢話唔錯，好過石磨坊添，而我的涼粉黑珍珠仲係咁好味，又大碗，底食。成半年冇黎，水準仲keep到，不過比起以前多左好多人幫趁！

如無意外，呢間綠林係新鋪。但我個人認為呢間比舊鋪仲好味。本身呢間每款糖水都好有資素，首推傳統糖水，全部都只係$6，去杏花樓食碗紅豆沙都要廿蚊，呢度夠食三碗，仲要好味好多。我格過價，舊綠林平均每款貴綠林三記兩蚊，大家唔嫌遠，可以行多五分鐘試下呢一間。

綠林三記甜品---超正+超抵的糖水舖!上星期日飲食兵團又出動!食完車仔,四人食糖水,綠林好似唔憂做,年假到初十三@o@, so撞左去綠林三記,叫左……1)蜜瓜西米露($12)2)椰汁香芋西米露($6)3)芝麻糊($6)4)椰汁黑糯米($6)5)糖不甩($6)超抵,簡直難以致信!!!又大碗又香又好味~值得有下次!Durian//mango pancake只售$12,比滿x的$23平成倍!汗!

外賣了四款糖水:芝麻糊豆腐花、蕃薯糖水、熱西米露、白果腐竹糖水。若單純以質素而言,不算十分驚喜,但以這樣的價錢及份量,已屬超值。但可能個人口味問題,覺得糖水太甜了!

今晚約了幾個朋友出來食飯，之後大家再到這裏食甜品；我們叫了海帶綠豆沙和老姜蕃薯糖水。海帶綠豆沙- 綠豆沙煲得好腍，唔會太甜，味道都算唔錯，而且價錢這樣平，真係好抵食。老姜蕃薯糖水- 姜味唔夠濃，蕃薯幾多，算幾好。價錢這樣平，不能要求太多。

31-10-2005 1039食罷煲仔飯及食完蛋糕後，GT先生帶我地遊花園式的行路般到達這裡，真係鬧鬼佢，不過一見到佢最怕既“青色怪物”，個心笑住咁串佢，哈哈！如圖所示，在中間的四舊青色怪物不用多說，由左上向右到左下向左的甜品如下：涼粉芒果西米露、芒果湯丸露、杏仁露加椰汁、芝麻湯丸、西瓜西米露、楊枝甘露及哈密瓜西米露。我沒有試佢地既糖水，反觀我個青色怪物冇上次泛后咁濃味，可能已經過左當造季節，不過已是不錯了。但不喜歡青色怪物老友當然又係度問候我全家，鬼叫同我一齊食野咩！呢度唔係乜出名地方，又不近地鐵站，但勝在多選擇，都值得一來的。

食完三上日本料理, 貪吃的我們就行兩步黎食糖水. 朋友要左芝麻糊($6) 加湯丸三粒($4), 我要左西米露加豆腐花($6). 先講西米露加豆腐花, 西米露係椰汁芋頭, 有好香既芋頭味, 仲有一粒粒少量既芋頭tim, 好真材實料. 豆腐花食到有豆味而且夠滑, 好好~~!!試左d芝麻糊加湯丸, 芝麻糊幾香, 湯丸係芝麻餡, 都幾膩架, 哈哈menu上見到有好多糖水, 有熱or凍既, 最貴都係涼粉或黑珍珠, 都係$12, 好平喎~~~下次要試多d先~~

同女朋友想食糖水，想起這間平糖水，就同女朋友係太子拍拖行過去。晚上11點，舖頭7成滿，坐落叫左碗紅豆沙同女朋友最愛的椰汁黑糯米。紅豆沙煲到起沙，好暖胃，黑糯米好有口感，幾viscous，very tasty ! 平靚正!