綠色煮意

营业中

休息中

自己本身係火炭做野,聽同事講有間新開西餐廳,所以就book枱試下!一入去餐廳環境燈光舒服,餐廳很細心有個露台可給客人食煙。食物賣相同味道也不錯,誠意推介豬手。set餐也不太貴合理。值得大家一試

話說想去另一間食lunch，但點知佢冇開，落鬼咁大雨仲邊有心機走去另一度食吖！好在save低咗呢間，即刻走過嚟食，下午2:30，仲有set lunch食，太好了。裝修簡約，牆上掛滿世界各地嘅畫，幾舒服紅酒牛肋條配香草飯 ($98)大概有4條牛肋條，有啲邊位係連住肥膏，所以肉質唔會好韌，好易咬開而且入味濃郁；個香草飯睇英文係pesto risotto，但上菜嘅係撈咗啲香葉嘅普通米飯，失望咗，仲諗住係pesto醬添。不過啲汁撈飯食都唔錯嘅牛油果煙肉釀雞胸 配 香草意粉 ($108)有驚喜，先將雞胸肉切開，入面釀牛油果蓉，外層用芝士及煙肉包住，外脆內軟心好有層次；意粉入面加入色彩繽紛嘅雜菜，感覺上冇咁寡，味道上感覺真係有pesto sauce，不過唔夠重手，可以落多好多sauce都得！唯一要挑剔嘅係檸檬茶入面嘅檸檬苦苦哋，否則環境食物都不錯，可以一試

自從愛上去CAFE, 呢度差不多係我第一個竇, 事關環境舒服, 地點較偏遠唔會人迫人, 雖然而家星期六晏晝實FULL 場, 仍KEEP到水準, 食物質素相對岩岩黎既時候仲提昇左(價錢相對都係貴左), 但勝在物有所值!初來時老闆以自家水種菜為主打, 會帶客人去佢地後面種菜既地方參觀, 呢度亦有炒咖啡豆的地方, 所以呢度既咖啡都好唔錯架!隔左一段時間無黎(因為個地點真係好吊腳)沖咖啡位小姐好似換左人LU, 好彩都沖得唔錯, 但想讚返以前個位小姐, 佢叫我有興趣試飲冰滴, 竟然俾哂3隻我地試左鍾意邊隻先點, 真係好細心, 試飲我以為超市先有, 原來CAFE都有!哈哈而家呢位小姐都好好, 見我朋友爸爸唔太鍾意第一隻手沖咖啡既味道, 特登沖埋另一隻俾佢飲, 不另收費, 好貼心。講返野食, 一直以健康為主, 以前黎都係食沙律多, 但當時既調味同款式都比較單調, 但賣相已十分吸引因朋友爸爸返港, 想試下香港的手沖咖啡, 於是帶佢地黎試下, 而自己都因一段時間無黎一直搵機會黎。經過咁耐後, 今次黎到發現多左好多MEUN, 而且味道方面仲好左!4個人叫左4個SET SHARE:雜菜雞扒意大利包-呢個推介

$138可以食肉眼扒(薄)沙律+湯+飲品不過有時都試過塊趴煮到太熟，有d鞋，但整體ok，個湯真材實料，飲品都ok煎三文魚扒，真係好好味，一d都唔腥，可惜太細份，本人唔夠食 😂如果可以有兩塊就差五多喇ha...係火炭百幾蚊一個lunch有d貴，但味道ok值得一試

呢度個佈置係用「海」做主題，出面仲有個露台，種咗好多綠色植物。南瓜湯幾清甜，沙律係用佢哋自己種嘅水耕生菜，加埋芝麻醬，食落酸酸哋，都唔錯。香草烤雞胸漢堡，麵包夾住雞胸、生菜、洋葱、番茄同芝士，食落有一陣陣香草味。薯角唔似係用油炸，不過都幾好味。佢哋仲跟咗一細份酸菜，感覺無咁漏。

早一日打去book枱， 唔係walkin相信一定無位。去到門口感覺不錯， 簡約入去坐下已安排的位置（說了要梳化位）， 朋友還沒來， 看看四周餐廳不是大， 約可坐三四十人左右， 不算太窄， 只可惜外邊種滿水耕菜的平台不能進入， 可能怕人手多弄壞吧。餐單方面有中等 至貴價的， 是日午餐 及 Chef Special , 我和朋友分別選了 C & F 另加$10餐湯先來餐湯， 今日是粟米薯仔忌廉湯口感幼滑， 但份量太少， 我兩啖都喝光了這是我的 - 什椒意大利瓜茄汁長通粉份量足，女仔也吃得飽，味道適中不會太酸， 好味朋友的 - 牛油果煎雞胸沙律配檸檬醋汁 減肥的最佳之選，菜是自家種的很新鮮呀 不過個檸檬油醋汁，只見到油， 沒有檸檬香和醋的酸， 失色點餐茶， 朋友叫了咖啡 ， 普普通通我+6 叫了坊間少有的短笚咖啡不錯， 泡沫豐富香濃而不苦澀， 推介！整體來說是間食品質素高的地方， 當然價位也不會低， 偶然一次還是值得的

此店位置不易找，與朋友特意嚐嚐有機菜式。前菜分別選了雜菜沙律和洋葱湯，主菜點了芝士煙肉意大利包配薯角及雞扒沙律，配熱香草茶。我與友人都嚐到此店的沙律菜，新鮮爽甜不苦，種類令人滿意，加上少許醬料，更添美味。洋葱湯所用的洋葱份量豐富而滲出洋葱真切的味道，所以調味料不多，能吃出食物本身的鮮甜美味。芝士煙肉意大利包所配搭的芝士、煙肉、蔬菜互相暉映，麵包香脆，挺美味的。薯角亦外脆內軟，不油膩。而雞扒沙律，雞扒做得幼嫰香軟、不上火，沙律菜用上多種蔬果，當中吃到多種菇類和蜜柑，十分健康，又有驚喜，沙律的用料配搭豐富得宜，令人感到滿足。熱香草茶是濃濃的Rosemary，本人挺喜歡，喝下感到輕鬆舒暢。是清淡健康之選，但對本人而言，價錢稍貴。

大家認識水耕菜嗎? 因工作關係, 部份同事們曾來到這間餐廳上工作坊認識水耕菜, 並品嚐過它們的午餐。雖然我並沒有機會參加是次工作坊, 但要好的同事們一邊品嚐這裏的水耕菜和咖啡, 一邊也想起我, 當時還決意帶我來一趟慶祝生日, 雖然火炭對我來說相當遙遠, 從來都不想踏足的地方, 但有那麼好的同事, 當然有多遙遠都不怕, 必應邀出席。餐廳位於火炭工業中心樓上, 老實說相當隱蔽, 地面已難尋, 一出升降機門, 還要走了幾個轉才發現它, 若不是同事們引路, 我必定找不到。餐廳門面光猛, 以湖水藍為主調, 牆上貼了不同時段的餐牌外, 還有不少有關餐廳的報導。甫進內裏, 全店以湖水藍和蘋果綠為主調, 牆上掛了色彩繽紛的油畫, 還有有關海洋的擺設。右邊和中央預設多個四至六人枱, 分別有梳化位和普通座位, 而左邊則是一個開放式廚房, 台前放了兩個水耕菜箱。走到盡頭有一個放滿兒童圖書的小書架, 還有一個小露台, 擺放了不少盆栽, 原來隔離還有別一處用餐區, 但因裝修中而沒有開放。餐廳除了用餐外, 還有出售不少食品和咖啡工具, 如黑醋汁、海鹽、蘋果果醬、意粉、咖啡豆、咖啡沖壺等, 還有新鮮水種沙律菜、有機

雖然居住於新界，但火炭嘛~ 工業區為主，所以真的從未去過。咖啡控的我，慕名跑到離火炭15-20分鐘路程的綠色煮意，認真覺得自己是瘋了吧?! 位於火炭環球工業中心，一路走過都是車房，地方不算難找，但謹記要在二樓平台經過落貨區，就會到咖啡館。藍莓芝士蛋糕蛋糕是以紐約芝士蛋糕為藍本，蛋糕較為軟身，入口輕巧，芝士味不算特別濃郁，所以應該不會胖吧(笑~)。冰滴咖啡比較特別的是，咖啡師給了我兩款來品嚐，由我來決定那一個國家較為合我口味，才給我端一杯大的來。冰滴咖啡一般為淡，反而這裡是濃厚的感受到咖啡豆的完整味道，水份調控剛剛好。非常貼心的一句!

強烈見議大家要吃菜類食物，非常新鮮！因為在餐廳外面的露台，就有自家種植的食材，在餐廳的另一間房，食客是不能進去的，也是一個溫室般種植著菜類，可想而知，食材新鮮不用加農藥，自然就好味。沙律前菜是一定有的，你只要考慮Main course 還要不要有菜的成分。這次朋友點了蕃茄意大利粉，即是有蕃茄，有菜類，所以很好，有鮮味，蕃茄很甜 （不是加糖那種）。我叫的魚就很普通，周街都食到，我最喜歡吃的便是我碟中的配菜。就算已經很飽，我可以放棄舊魚塊，也要吃薯仔。最後加了些錢叫個特色咖啡，因為見他們有個勁咖啡機。又會幫你咖啡拉花，證明不是普普通通的咖啡。可是我其實不太懂飲，所以不評價了。離開前特別一提，要看看門口木架上面有什麼是日精選生果，沙律，蔬菜，可以買回家，立即就做出好味沙律或菜式，重點是一定平過出面聲稱有機的菜。

今日去左火炭嘅綠色煮意。 由火炭地鐵站去足足要行15分鐘先會到，仲要火炭尾，唔係特登去係唔會搵到嘅。 餐廳位於工廠大廈二樓，一出lift就會見到。 餐廳入面嘅裝修冇乜特別，不過勝在啲凳幾舒服。 餐廳出面仲連住個露台，種番啲香草咁。我叫左磨菇意大利飯配帶子($95)，要沙律。沙律係3分鐘後就送到黎。 沙律菜好嫩好新鮮！雖然蘿蔔、生菜、小蕃茄同洋蔥都唔係咩特別嘅食材，但勝在夠新鮮，所以好甜好好味。喱度嘅菜係溫室水耕、即叫即摘嘅，所以好好味，上面只要少少芝麻醬點綴就已經好足夠。 我嘅磨菇意大利飯配帶子($95)就等得比較耐喇，係前菜之後10分鐘先有。 佢個賣相好唔錯呀。意大利飯唔會太腍，仲食到一粒一粒，咬落仲係硬身嘅，口感好好。加上有幾種蘑菇粒混合左係裡面，口感同味道都好豐富。 個sauce好濃郁好creamy，不過個人本身唔太鍾意咁奶油嘅食物，所以食到一半就覺得有啲滯。 個帶子我稍嫌過熟，另外，外層再煎香少少會更加好。不過，整體都覺得好滿意。

有時食腻了一貫豪華裝修，倒模餐廳、有時搵吓細店，意外可能偶有驚喜為了覓食有時我都會走訪工廈，印象中火炭已經是第三次．．．近期發現再大賣點便是自家培植的水耕菜，聽聞工厦內自行培植?室溫? 地方? 絕對吸引廚娘 首先聲明如果你不是該區工作者，你要有著心理和生理準備由火炭鐡路站，出發行程約需時15分鐘、等同由旺角行至油麻地尾佐敦頭(但沿途不設shopping center)癮藏於工業大廈，又靠近火炭尾位、不是專誠．．可能一世也摸不到二樓梯門一開，已很容易找到沒有太特別裝修，簡簡單單貼近自然舒服之感覺店子門外已清晣分明寫上午市，下午茶及晚膳看清先入座是消費者應有之權益由於工廈環境較大，更利用地方用作自家咖啡烘焙室另一單位便是，飯後經同意更參觀了溫室水耕場全餐廳內以藍白色作主調，刻意擺放了一個無菌環境BB培植箱沒有金魚下換來的是新鮮蔬菜．．飯後再訪鄰舖培植水耕菜，才知道此BB培植箱是可以選購約價HK$2500. 衛生關係，只有隔著玻璃門、參看門內羅馬菜BB 一排又一排，加上燈光照射下、心情也好像括然開朗職員告知約25日即可食用而且嫩口非常．．戶外開揚露台區也有種上一些植物好了是時候入正題，

雖然地方比較偏僻，但餐廳環境都好好，露台仲種左不同的花花草草餐牌每個禮拜會轉，有新鮮感。沙律的汁是莓汁，好特別又同沙律好夾，我好推薦。佢的湯都好飲，不過有D少。我叫左5成熟的羊架配薯菜，羊架好有水準，好好食。總結黎講，我好推薦大家去依間新店食

新店推薦!!!最喜歡義大利菜了，火炭美食搜尋之旅~~~這間在工廠大廈的神秘餐廳果然沒有叫我失望，平均每個人一百不到，可以吃到咁正的義大利菜真的不容易!首先是餐湯，有蘑菇湯和南瓜湯任選，餐具可愛別致，兩塊小麵包和雞片鮮葉有心機地漂浮在湯面之上，南瓜湯香濃不膩，蘑菇湯口感特別，菇味鮮明。最近做promo老闆送我們每人一份蔬菜沙拉，有機蔬菜的新鮮爽嫩意料之中，番茄醬的味道出乎意料啊！哈哈這需要食客自己試下咯~正餐我們點了意面，飯和三文治，反正一共四個套餐，除了羊扒個人無愛沒样一份啦!朋友吃到好開心，主動招呼認識那幾位廚師，哈哈，不知道下一次是什麼菜單，好期待喔！