網紅冰室 (已結業)

今日晏晝全到去呢間餐廳見佢主打燉蛋燉鮮奶咪理諗住入去試下入到去 成間餐廳得果兩三枱人諗住好快會有得食啦坐低左兩個字 嗌左幾次waite落order話收到但最後都係冇人嚟serve 啲waiter一係企係門口 一係坐係收銀服務態度完全唔得 幫手alert番同事唔得咩結果燉奶就食唔到 氣就食到一肚都係呢間野冇下次

地址在舊義順，唔知係咪頂咗來做，仍然keep住有好好味嘅燉蛋燉奶，之前以為義順冇咗覺得好可惜，好彩呢間餐廳仍然有幫佢哋承傳。環境比起一般茶餐廳整潔，坐得比較舒服。我們叫了常餐及肉燥飯午餐，常餐的通粉湯底非常濃，很有口感，多士及太陽煎雙蛋一般水準。肉操飯非常好味，份量及鹹度都非常適中，加了矮瓜更加有咬口咁，奶茶夠香滑，奶及茶的份量調教得剛剛好。👍🏻😊侍應服務態度非常好，唔會講完唔記得跟住行咗去，真的值得推介。

網紅冰室位於佐敦薈附近，好容易搵到。原來餐廳舊址係義順牛奶公司。今日專誠去網紅冰室買外賣，聽講呢度嘅燉蛋好出名，所以就去買返屋企食。我買咗三款不同味道，一個係燉雞蛋$30、一個紫薯燉鮮奶$38、一個薑汁燉鮮奶$38 ，外賣加$2。返到屋企之後再叮翻熱嚟食，但係都冇影響食物質素，好香好滑好好味，三款都各有特色，色香味俱全，食過返尋味。餐廳所有店員都很有禮貌，等外賣期間仲有幸見到華記！下次會試吓過嚟食早餐。

食物種類唔係太多，一般冰室都係有呢個情況，但服務算好，員工有禮貌，地方乾淨光猛，就算喺疫情情況底下地方都算寬躺，食物質素OK，欣賞通粉加啲三色豆，令一碗普通通粉，視覺效果靚好多

今日冬至公司放早，剛好俾我有時間嚟呢間新試業嘅網紅餐廳支持一下。支持係因為知道老闆娘對出品要求高，用料靚，製作認真。下午茶時間唔係咁肚餓就食一碗燉奶睇吓佢嘅質素如何。燉奶款式好多，雖然薑汁係本人至愛，但見到有從未見過嘅紫薯燉鮮奶，一於要點嚟一下。試業期間仲有奶茶送，老闆娘果然慷慨。奶茶味道相當唔錯，茶味香濃，奶嘅份量亦恰到好處。燉鮮奶上枱熱辣辣， 紫薯蓉嘅味道唔甜，啱晒我口味，而且熱度非常夠，燉鮮奶亦好滑。事實上真係無可挑剔😋回頭指數10分👍🏼👍🏼👍🏼

今日經過佐敦庇利金街，見到有人排隊，原來新開咗一間網紅冰室，招牌食品係燉蛋燉鮮奶！試咗芋蓉燉鮮奶，超級好味，不太甜，先食上層的芋蓉，好濃郁幼滑，芋頭味香濃，再食下層燉鮮奶，一個甜品有兩種口味，非常值得推介我朋友試咗佢哋自創的紫薯燉鮮奶，佢最鍾意紫薯現加埋滋潤嘅燉奶，好滑，別有一番風味，感覺食咗皮膚都靚靚。八掛下見到隔離枱食嘅餐有滿滿的牛油果真係流口水，加上小小的冰室好有人情味，地方又清潔，價錢大眾化，下次都會再嚟。