紅葉茶屋 (T.O.P This is Our Place) (已結業)

【紅葉茶屋】Fookdie真實食評😻呢間都係小編推介，去過旺角同埋荔枝角分店都唔錯。第一次食係喺T.O.P度經過見到諗住求其食啲嘢，點知有驚喜。⭐️海鮮四色茶漬飯 (圖一）⭐️豪華海鮮丼茶漬飯 (圖二）呢款有埋帶子就會再豐富啲！但2款都好食😆小編試過兩款湯，覺得蝦湯係好食過鰹魚昆布湯，好香同埋同啲刺身嘅味好夾平時唔係好食飯嘅小編到幾乎成碗食晒🫡 Btw 前菜我覺得麻麻，但係有朋友覺得好食😂⭐️甜品set 哈密瓜雪糕：都幾香哈密瓜味 🍈 抹茶tiramisu：推薦！可以單嗌士多啤梨乳酪: 普通，如果唔係set應該唔會嗌⭐️抹茶白玉佢係啱啱蒸起嘅白玉，配咗一杯抹茶，同埋糖漿。店員叫我哋將佢哋mix埋再倒落個白玉度，但我覺得味道一般同埋糖漿好甜，可以唔使試呢一個。值得一提嘅係之前我漏咗電話喺枱，個店員提我去攞返（top嗰間分店)，值得稱讚。

聽講呢間日本好出名 咁岩經過等既人唔多就決定食呢間我地叫左雜菜壽喜燒煱set呢個感覺一般鹿兒島黑毛一口和牛定食set一口牛上菜時候已經好香軟林林 牛味好出 唔會硬 唔錯🤍Set都會配有兩細杯蔬菜開胃同麵豉湯仲有一大碗日本米白飯🍚最後食唔哂白飯😂

在香港已有多間分店的《紅葉茶屋》，相信不少日迷都知道是來自日本鎌倉的過江龍。今次已經是我二刷到訪，洋食屋就是吃不厭～.我們二人共點了和牛肉壽喜燒定食($168）、火炙三文魚刺身茶漬飯（$148）和鐮倉紅葉茶屋抹茶提拉米蘇（$49）.🧡火炙三文魚刺身茶漬飯（$148）兩種建議食法：一是用醬油和山葵來享用的海鮮丼，一是配上熱湯享用的茶潰飯。我自己習慣先吃部分刺身，再放入熱湯，最後加一點山葵調味。.三文魚刺身共有8塊，其中一半是火炙款，頂層鋪了些三文魚籽，隨餐附上兩道開胃小前菜，賣相不錯。🧡和牛肉壽喜燒定食（$168）牛肉和配料份量算多，肉質嫩滑，不韌。壽喜燒汁濃郁、偏甜。同樣隨餐附上兩道開胃小前菜，另外還有珍珠米飯和溫泉蛋，十分豐富。🧡鐮倉紅葉茶屋抹茶提拉米蘇（$49）招牌甜品。原先想點限定版本「粉雪提拉米蘇」，不過剛好已經售罄。只好再刷經典抹茶款，還是依舊好吃呢！.來自京都的香濃抹茶粉份量綿密，搭配下層軟綿綿的奶油，入口即化，加上少女感的可愛木盒造型，難怪曾經在鐮倉掀起過一陣熱潮呢～🌸

當日突然地約左一家大細食飯，佢地有bb車囡囡2歲多，唔知在旺角邊度食我決定去呢度食，環境好，而且食物質素有保證我今次揀左饅魚茶漬飯個wasabi真係好攻鼻上餐果陣附上進食方法的menu我地每人叫的定食都好吸引好大份，一如以往的好食朋友未食過都覺得質素很好呀上菜都好快，我揀的飲品都好好飲，唔落糖都好夠莓果味有3片原片的奇異果

今晚本身想試T.O.P入面既紅葉酒場，但係去到發現好似熄咗燈咁，話要係紅葉茶屋安排入座。過到黎先發現原來隔離無開，睇嚟暫時只做返茶屋(?) 不過入到黎都照食晚飯啦🙂今晚叫咗2樣野同一個飲品，兩個都係茶漬飯。第一個係火炙刺身三文魚茶漬飯😋依個飯可以揀跟蝦湯同鰹魚湯，我就揀咗跟蝦湯，味道會濃啲香啲。飯都有跟2個小配菜，外觀影相都唔錯。刺身新鮮，不過飯煮得有少少爛，有啲失望。但係整體都唔錯，價錢$148。另一個係豪華原條鰻魚茶漬飯🐟依個係第一次叫既飯，同樣可跟蝦或鰹魚湯，鰹魚湯味道比蝦湯會清淡啲，不過鰻魚味道都濃，所以食起上黎都可以接受。依條鰻魚都大條，無骨，食落係啖啖肉，好食😋 價錢係$188。另外叫咗一杯冰芒果百香果茶入面真係有幾舊雪到變冰既芒果，慢慢融咗後可以食到果肉。配搭百香果茶，感覺清新，唔會太甜，有驚喜☺️ $42整體用餐體驗唔差，食物都多選擇，可以一試☺️

旺角T.O.P This Is Our Place 3樓扶手電梯隔離，次次行過都有人排隊，今次見人不多就試下餐廳用QR Code落單好方便，Menu食物選擇好多，對我有選擇困難症嘅人真係揀咗好耐，每樣都想食…🙊🍲 和牛壽喜燒定食牛肉份量好多食極都有，牛味好濃郁肥瘦啱啱好，日式醬油湯底入邊另有好多料，菜、冬菇、豆腐、菇類，連埋醬汁送飯一流，加埋隻溫泉蛋全個Set好豐富🍛 藍鰭吞拿魚&三文魚刺身茶漬飯刺身好新鮮，藍鯨吞拿魚入口即溶，一次過滿足到想食刺身但又怕食生冷嘢既人，配上陶瓷茶壺的溫熱茶漬，暖暖地嘅鰹魚昆布湯，鰹魚味好清香加飯同刺身一齊食好夾🍵 抹茶拿鐵 又滑又軟綿綿嘅忌廉Cream，下邊有好香濃抹茶味道，好邪惡但超開心 甜品都有好多選擇，因為全個餐都好豐富已經食飽飽，唯有下次再試甜品 💕

中意食牛肉但唔想次次都要打邊爐先食，行街街個時見到一間外觀唔錯，個價錢都接受到既餐廳就試吓。-牛肉壽喜燒定食（128）係咁多款主食最吸引到我同朋友仔既，所以大家一齊叫e款。入面好足料，牛肉食極都有咁，而且肥瘦都岩岩好，又唔會好多根。雖然唔係入口即溶，但牛味好濃郁。汁底係日式醬汁，加埋送既溫泉蛋超非常送飯。鍋入面仲有少少蔬菜、冬菇、2大塊豆腐、洋蔥同菇類。女仔黎講係好飽。-食飽食唔到甜品，下次會想試下

📍紅葉茶屋 (T.O.P This is Our Place) (旺角)旺角彌敦道700號T.O.P This Is Our Place 3樓309-310號舖餐廳正正就喺2樓一上3樓嘅扶手電梯口-黑麻油濃厚豚骨湯拉麵一般 拉麵缺掛湯力 -特盛黑麻油濃厚豚骨湯拉麵唔係好知特盛係指邊樣…都係一般 拉麵缺掛湯力 -溫泉蛋卡邦尼烏冬 卡邦尼意粉食得多 卡邦尼烏冬第一次食幾有創意 加分-抹茶雲石紋芝士蛋糕唔抵食 好細件見到雲石紋係抹茶 但食落無抹茶味 ...只有芝士mousse嘅味道-士多啤梨朱古力新地好奇怪😂明明叫做士多啤梨朱古力新地但個雪糕係哈密瓜 士多啤梨到底指旁邊嘅生果定啲醬呢？😂-冰蜂蜜薑紅茶-雪糕抹茶拿鐵🌟 整體用餐體驗🌟🌟餐廳味道( 3/5):正常水平
🌟餐廳環境( 3/5):舒適 光線充足
🌟食物服務( 3/5):QRcode落單🌟食物抵食( 3/5):唔係抵又未去到貴

同男友行街行到攰入咗餐廳，打開menu發現選擇都幾多！刺身丼飯、壽喜燒、卡邦尼烏冬😋叫咗和牛壽喜燒同茶漬飯。和牛壽喜燒有驚喜，湯汁好甜，牛質軟稔👍🏻👍🏻跟餐味噌湯幾濃味～不過甜品方面，男友堅持試食香橙tiramisu 😦😦😮‍💨,一試便知。。。🤢味道酸酸地又唔太似橙味，反而似檸檬，的確唔太夾creamy嘅tiramisu… 男友食完畀2分大家可以唔洗試～ 下次我會試抹茶味tiramisu 🍵體驗應該會比較好

係旺角行街行到好攰，附近商場又冇位坐，想揾個安靜啲嘅地方休息下都冇。🥲咁唯有是但揾間餐廳食少少野。點知就係呢間餐廳食咗一個好伏嘅甜品。。。-💔鎌倉紅葉茶屋抹茶白玉白玉完全冇彈性，又唔軟身，比平時食開嘅湯圓、小丸子之類都難食好多。白玉本身好大粒，又得麵粉味，配料好似好多，但其實冇乜味，亦唔係好配啲咁硬嘅白玉，要點好多糖醬先食到。對啲白玉非常失望。-可能咁啱我坐咗係餐廳最凍個位，真係凍到要着住厚外套先頂得順。

Top呢個商場比較細食肆要上比較高嘅樓層平時唔會特登入呢個商場搵嘢食但今日行過有啲肚餓入左呢間叫咗壽喜燒牛肉鍋同埋鰻魚茶漬飯個人覺得份量適中上菜嘅感覺都良好擺盤都靚味道OK

經常係TOP行街經過呢間餐廳但一隻都冇入去食過🤣上個星期就同朋友入咗去食，原來餐廳嘅位置都幾大下枱與枱之間都幾闊落🤍而我就叫咗牛肉烏冬，牛肉嘅份量都幾多而且湯底係壽喜燒🤭完全係我嘅至愛！

今次係第一次食，成個用餐體驗都幾不錯。首先，食物質素都是不錯的雖然沒有十分好食但完全對得住價錢🤍另外，店員的態度都很好，問咗佢幾次問題都耐心解答我哋😊再者，餐廳環境好舒適，好適合同朋友傾偈。

🍱煙三文魚定食👍🏼👍🏼👍🏼- 配個三文魚嘅汁超好味，甜甜哋鹹鹹哋，最後有剩倒埋落飯度撈嚟食- 兩碗仔開胃菜都好好味.👍🏼👍🏼- 麵豉湯唔會太鹹，幾好味- 塊三文魚幾嫩.👍🏼- 個白飯係珍珠米，但唔算好香- 個煙三文魚個底有啲太燶，食落會苦苦哋- 沙律菜配沙律醬，但都係有啲太乾，有一半撈咗配三文魚嗰啲汁食. ps. 最後飲緊麵豉湯時，有店員見我已經清哂其他嘢所以成盤收走咗但我飲到最後其實需要筷子𢳂啲昆布上嚟😂而當時舖頭仲有位唔算爆最後無奈食唔到啲昆布，希望以後唔好咁急收走餐具

行完街同朋友想穩個地方坐下飲杯嘢見到依間好多位坐 環境夠大 所以就入咗去食我哋兩個人叫咗碗拉麵 一杯巴菲 仲有碗丸子拉麵有啲貴 $108 份量唔多 味道一般般雜果巴菲$68 我同朋友都覺得幾好食丸子🍡$68 我個人覺得麻麻地雖然丸子係幾Q彈，但唔太值$68，抹茶丸子同原味都ok，紫色糯米丸子太甜