紅葉餐室

营业中

休息中

當日嚟到有卡位店員剛用布求其抹過,都唔緊要,食得茶餐廳眼不見就乾淨；但見檯面同張卡位櫈仲有食剩食物既1粒2粒,當日午飯時間店員都好忙,老公就行出門口放餐具檯面取了紙巾諗住再抹下張檯,有個呀姐喺門口老遠好大聲話：我地唔供應紙巾㗎！我話攞紙巾抹檯你張檯仲有污糟,佢話可以叫佢地用布嚟抹檯.OK,其實行埋嚟講下次唔好自己攞紙巾或者貼住不要自取咪得囉,洗唔洗老遠咁大聲話我地?後尾另一位女侍應拎水杯匙羹又夾住5張紙巾一齊拎嚟(其實我唔需要咁多佢地呢啲紙巾囉🙄,初時見成檯紙巾仲怪錯老公拎人地咁多張所以先比呀姐話,原來唔係）我數返我老公拎左3張嚟抹檯(佢拎時諗住拎一張冇刻意數）後尾呢個大聲呀姐行過叫佢落單佢扮聽唔到😒講返食物,炒蛋凍既非常難食,碗麵一般正常,係杯奶茶啱我.嚟食物時擺低已經大大力,午飯時間店員比較忙又閔憎呢種茶餐廳受氣既氛圍,香港客人已經要包埋.OK!今次再有新嘢,咁我以後真係唔再幫襯,香港繼續維持咁既服務啦,元朗區逢星期六,日假期已經靜左好多,大家心知肚明.其實服務好啲唔介意貴,但如果出街食品質咁參差又咁受氣,難怪啲客人北上消費！凍晒既炒蛋捍衛紙巾扮聽唔到落單既呀姐

朋友話，最近紅葉俾小紅書吹捧到打卡食店咁，我唔知元朗呢間紅葉係咪一樣啦。兩點入座即刻有位，夏天冷氣夠涼，加分吖。午餐set平均54蚊，下午茶餐set平均45蚊，諗諗下我揀咗個歐陸全日套餐，即係好似all day breakfast 咁呢，有煎雞扒，茄汁豆，滑蛋，沙律菜，仲有個丹麥多士，唔洗食咁多澱粉質嘛。個set嚟到，雞扒嘅肉都嫩嘅，滑蛋真係好滑，塊多士細細塊，阿姐仲幫我搽定牛油，沙律菜有落胡麻醬，加分，估唔到又幾好食。

晚上9時才吃晚飯，可能晏了一點，餐廳內沒有太多人客，冷氣非常充足，我點了一個全日豬扒公仔麵餐、晚餐B餐椰汁咖喱魚柳焗飯。其實茶餐廳來講已經不錯，服務及衛生方面也不錯。

而間野幫襯左好多次，位置好方便，食物選擇比其他茶餐廳豐富D，味道亦唔差，岩岩開個陣都幾好，係餐具成日有漬，話係洗碗公司問題，會反應下喎，結果都係一樣，之後都係自己洗自己抹算。之後每次去都可以見證半間舖唔係漏單就錯單，唔知係長期企收銀紮頭髮載眼鏡，聲音沙啞個位阿姐落單有問題定d員工寫單有問題，定係因為得一部機落單，收銀再加外賣既問題，d員工不停嗌嚟嗌去，左問右問，個阿姐又長期好燥底，最長試過等左20分鐘先發現漏單....等位又係無規律，外賣同等位都塞曬係門口，次次個位阿姐都問邊個先，手寫張飛俾人都仲要問，其實門口左右兩邊區分下外賣定等位條隊咪得囉成間野個環境好嘈又好亂，等到份岩既食物嚟都已經無mood食，希望會改善下啦。