紅茶冰室

营业中

休息中

【驚喜炸炸炸物】 唔太餓，避開午市食個Tea。我見下午茶有炸雞脾一定會試試，因多數得炸雞翼；今次都叫左炸雞髀，幾似生炸，金黃外皮咬下簌簌作響，肉汁在酥脆麵衣下保留著。😋配餐的薯皇令人驚艷，粗切鎖住薯香，外殼焦脆如薯片，內芯卻保有綿密濕潤感，顛覆茶記薯條總乾硬的宿命。 驚喜來自魚柳包，厚切魚柳裹著薄脆炸漿，搭配酸香醒神的沙律醬與鬆軟漢堡包，邪惡卻停不了口，朋友一陣就吞噬左。奶茶茶膽醇厚帶炭香，無加糖都好飲，檸茶酸甜比例恰好，兩杯飲品都展現港式茶記基本功。

本身食物質素係keep到，但d人真係好無品，我成日去，但成日俾說話語氣我聽，態度惡劣，真係嬲。總之唔去好過去。仲有，廁所長期都濕笠笠，想扇死人咁，廁所門又難推。

我同老婆嚟食下午茶，叫咗一個茶餐加個蛋撻，佢話唔service我地，要至少每人一杯嘢飲。呢間餐廳嘢食係幾好，奶茶好飲，但係呢間餐廳真係好冇良心。連最基本嘅禮貌都冇。

成日經過都見到好多人係門口排隊下午茶時段入去食個tea睇menu見到野食都幾多種類價錢就少少偏貴最後揀左焗芝士腸仔肉醬意粉一上枱已經見到賣相好吸引！芝士份量好多焗出黎既色水好靚好有食慾本身諗住下午茶份量應該好細 點知一啲都唔hea!意粉都夠乾身 可以掛到肉醬如果腸仔份量多啲會更perfect最後都係食唔哂值得一提既係生意都幾好 keep住好多人食而且服務態度幾好食得好舒服

《紅茶冰室》放假一個人出街食，通常都係去紅茶冰室沙嗲牛麵+丹麥酥+炒蛋 必食推介不過減醣中粉麵飯都🙅🏻‍♀️🙅🏻‍♀️今日就叫左個午餐- 蒜蓉雞扒薯菜+羅宋湯雞扒炸得好酥脆，份量都好多，係好飽肚嘅一餐👍🏻

菠蘿炒飯D菠蘿太大粒了，俾我有種自大高奧的感覺，建議可以再細粒D，或者磨成粉，每次只取5g，以香氣取勝，免去食客口中突兀的感覺，另外廚師可以改名叫pineapple或者唔好紅茶冰室，改叫菠蘿冰室，這樣就不用入貨菠蘿，以達到折生開資，把這筆高昂的菠蘿費用用於改善環境丶員工培訓丶食材種類增加，不是更好嗎？以上為個人消費後發表的建議（見圖），不代表任何菠蘿立埸，望老闆接納見議，聆聽更多外界聲音。祝 生意興隆Kwong

今日去過佐敦偉晴街嗰間紅茶冰室食嘢,order咗嗰set lunch及一個下午茶餐魚柳飽餐,嗰set lunch 就ok ,但係見到嗰魚柳飽餐就一肚氣,嗰魚柳飽裏嗰塊炸魚柳邊個都會好唔滿意,因為塊魚柳嘅size比例喺嗰飽嘅1/3,乜依家啲炸魚柳來價好貴咩！我都係做餐飲業㗎,個餐$44嗰塊魚柳細到風大啲都吹得起,$10成本都唔使,咁都拎得出去俾人食,你哋覺得慚愧嘅咩！食水咁深,有報應㗎！

外賣一份下午茶B餐魚柳包，裏面冇芝士炒蛋，魚柳都好少，得兩三件細魚柳組成…. 真係好差!!! 服務員態度都唔友善，好冇禮貌。 💢💢💢 真係唔好再幫襯佢哋，助長歪風!!!!

早上十點九去排隊，期間門口無人理，只見入面經理樓面全部係度執餐，有枱都唔放人入。等待期間，有啲人直入坐無人嘅枱無人理，繼續由得守規矩嘅人呆等！期間有問侍應收銀反被呼喝，要客人繼續呆企，只可以講不專重客人，永無下次！

之前有凍檸茶失手都算，今次真係有冇搞錯！外賣自取早餐，份炒蛋居然夾住咗一條好明顯係體毛！認真噁心！以前食過有頭髮，蛋殼，雜物都算，居然今次體毛都有，真心唔知可以講乜！

服務態度非常差，晚餐塊日式雞扒係生嘅，同啲員工講，佢話佢打份工嘅咋，一路食，一路烏蠅飛，冷氣一路滴水，個女經理一路做一路鬧啲客冇耐性，唔識體諒佢… 總之係貼錢買難受啦。

今晚叫了脆皮蒜蓉雞扒飯,,,食到最後先發現雞扒有1/3都是生的,,,,,,,,唔係少少生 係成part都係生肉!!!!!!!!!!!!!!!!!!!同佢講 佢只係話換比你啦一句對唔住都冇講過!!!!!!!!!!完全唔覺得有錯咁!!!!!!!!!!!!!我都食左一大半,你換過份新既比我有咩意思??????我應該都唔小心食左生既部分落肚佢仲好意思收我錢!!!!!!!!!!!!!!!!!!!其實之前經常幫襯已經覺得食物質素愈黎愈差上次叫既黑椒牛肉炒意粉燶哂都好意思比人食D意粉仲要燶到硬哂食完第2日個肚即刻唔舒服,又屙!!!!再上次叫既雞扒飯 個雞扒好細舊又鞋又唔熱組過埋今次之後唔會再幫襯

今日遲左，冇得食早餐，食返常餐金寶豬扒湯通粉，丹麥酥加炒蛋個湯好飲 ，濃郁，豬扒夠淋，小朋友都食到，通粉唔會太淋，炒蛋有落奶，好滑至鐘意飲熱檸蜜，紅茶唔洗加錢，其他茶餐廳要加錢，好抵。第一次試吉列豬扒咖哩飯，份量好足夠，夠2個人食，加9蚊轉特飲水蜜桃紅茶，好多水蜜桃，有茶味，夏天飲一流個豬扒完全唔會炸得太乾，而且份量都好多下，個咖哩汁有驚喜，微辣，唔係粉溝出嚟個種，仲有薯仔係入邊，都好入味，撈飯一流，成碗食曬。

同普通茶餐廳唔同，紅茶冰室早餐嘅多士，用牛油丹麥多士，唔係普通牛油方面，雖然卡路里好高，但好好味！今日幫襯沙嗲牛肉公仔麵，正常水準，但略嫌沙嗲醬太多，沙嗲醬有好重嘅蒜蓉味，的確惹味👍🏻

叫咗兩個早餐，竟然冇分湯。。。15分鐘後拎到返屋企，啲麵發晒漲淋晒🤢🤢勁難食！！啲湯俾啲麵吸晒，搞到得啲沙嗲牛肉有味，另外個炒蛋同多士就不過不失咁。一天的開頭食到呢個早餐真係心情都差埋，食左幾啖食唔落掉了。。。被迫浪費食物。。。