紅蔥頭

营业中

休息中

難得來一次紅磡，搵左這間在深水埗吃過的分店，之前就被份量大價錢平的美食留下深刻的印象！## 香蒜西冷牛扒當牛扒被端上桌時，醇厚的香氣撲鼻而來，讓人無法抗拒。切開牛扒，看到肉質粉嫩的內部，入口後肉汁瞬間流出，讓人感受到味蕾的全面開啟。而且還有栗米、扁豆和薯條香脆可口，鐵板的熱度保持了食材的溫度，讓每一口都充滿了熱情與活力！## 蒜片辣椒煙肉芫茜扁意粉煙肉的煙熏味與蒜香、芫茜融合，形成了一種獨特的風味，微辣味道令意粉更加刺激著味蕾，好有魅力！2人套餐除了以上的主菜還有歐陸式濃湯和雪糕兩球:芒果雪糕和雲呢拿雪糕，真是好抵食！## 心太軟甜品特價$19，要左兩份，吃了還想吃！除了朱古力心太軟，仲有芒果和cream，真是令人癡迷的甜品！當用匙輕輕切開，流出的濃郁朱古力醬猶如一股熱流，入口之後讓人沉醉於那甜蜜的滋味！## 唐揚脆脆難翼咬下去時發出清脆的聲音，這正是唐揚的魅力所在，雞翼果然好脆！

經常因為去睇演唱會前找餐廳搵野食而頭痛,朋友介紹去左紅磡置富都會廣場7樓的紅葱頭cafe med,紅磡地鐵站隔離,方便食完睇show 入到去侍應好有禮貌,面帶笑容帶我哋入場,我和朋友2人叫左蒜蓉牛扒,非常jucy,我不喜歡吃生的,紅葱頭cafe med煮到剛剛熟,不會老,簡直係perfect煙肉長通粉,D煙肉好香口芝士肉醬千層麵,我係芝士控,好甘香,我喜歡,一層層有層次感玫瑰熱情果茶,酸酸甜甜,飲完成身香噴噴,芒果橙汁又甜又有豐富維他命C,飲左身體好健康D,抵抗傷風感冒今次我哋2人吃得好開心,真係可以推介比朋友呀

碰巧在午餐時間附近看到此餐廳座位較多，嘗試過後感覺不錯，因此有再光顧。但不知是否每次由不同職員處理收費，感覺每次均有不同優惠收費準則。對所提供的優惠產生疑惑。試過數次光顧後，感覺食物以量取勝，但肉類的口感 感覺是加了很多梳打粉。羅宋湯味道感覺有種古怪味，或可能是個人口感。以紅磡午餐6-70元的價錢來說，性價比低。某次排隊取票後，眼見餐廳裡面座位有不同位置的2人枱。但可能因業務安排，見職員先不斷安排3-4人入座，讓午餐時間等待2人枱的我，等到十數張3-4人枱後，已是取票後的15分鐘。因著食物質素、收費準則和座位安排都讓我有期望落差。因此減低了再次光顧的慾望。

好耐都冇食過鐵板餐，好多童年嘅回憶，餐廳菜式同選擇都非常之多，而且性價比高，大眾化嘅價錢，我今日食咗一個鐵板牛扒餐，仲有一個羊架，仲有一個熱嘅特飲，同埋我最鍾意嘅羅宋湯，我覺得羅宋湯好有一個懷舊嘅味道，好鍾意呢個羅宋湯味道，而且都係我最鍾意飲嘅羅宋湯款式，鐵板牛扒好大塊，而且肉質鮮嫩，仲有配菜都好新鮮美味，羊架非常之嫩滑，而且容易入口，口感非常好。我推薦啊。兩個人食晚飯，都係$300左右，😋😋😋🥰🥰交通非常之方便，就喺紅磡火車站對面。。。環境好，服務又好。。。員工又有禮貌，食得開心。🥳

呢間位於紅磡嘅係食高級鐵板燒，我覺得價錢好唔錯我哋嗌咗個鐵板燒㗎牛扒真係超級大嚿配上薯條我哋仲嗌咗鴨胸意粉同埋蕃茄豬扒飯份量真係十足佢哋有前菜忌廉湯配上兩塊蒜蓉包，然後亦都有雪糕我哋嗌咗芒果味同埋雲呢拿味我覺得好唔錯仲有得嗌飲品添我哋嗌咗凍奶茶同埋橙汁呢間餐廳其實環境唔錯好有懷舊嘅西餐餐廳風味價錢適中CP值完全係不得了，我覺得如果可以再食嘅話，我都會特登嚟食㗎又容易搵得到環境又近服務質素又高唔使等咁耐

經典焗飯，鐵板餐經典懷舊裝潢，環境闊落舒適已經值得加分而家香港仲有鐵板餐嘅餐廳少之又少而呢度就仲有呢種鋸扒情意結，真心如果鋸扒冇鐵板我寧願食其他，喺我嘅尋尋覓覓之下俾我搵到呢間正野主菜：鐵板香蒜西冷牛扒配薯菜經典洋蔥墊底，令牛扒有洋蔥香味，肉質鮮嫩Juicy多肉汁，有鐵板3成熟都可以，唔鍾意血淋淋就5成啦～配埋［巴薩酒醋燻鴨胸意粉］意粉有酒醋嘅香味，仲夠乾身，配上燻鴨胸都唔會感覺好油膩，女仔口味都啱食。跟餐仲有嘢飲同蒜蓉包，食飽飽走人！好味指數👅：3.8👅

早排去咗懷舊西餐廳「紅蔥頭」食Dinner🍽️紅磚牆🧱大木枱🪑同古董燈飾🕯️滿滿情懷氣息☺️.深海帶子拼醬燒汁牛柳🥩牛柳粉嫩香軟，肉味濃郁🤤沾上醬燒汁味道更佳👍🏻帶子鮮甜軟嫩💯底下有唔少薯蓉🥔以及配菜🫛🍅.黑松露蟹籽帶子黃金意大利飯🍚表面有蟹籽🦀蔬菜 、帶子🐚意大利飯Creamy，軟硬適中🇮🇹飯粒間加入粟米粒🌽增添一股爽甜感😋帶子加咗好多松露醬🖤.凱撒先生沙律🥗沙律加咗巴馬臣芝士🧀麵包粒🍞煙肉🥓都幾大份😌.羅湖宋湯配蒜蓉包(2客)🥣羅宋湯加咗唔少蔬菜🥬🥕🧅同牛肉🐄酸辣開胃😛加上脆卜卜蒜蓉牛油法包食🧄🧈🥖.凍玫瑰花茶熱情果🍹清香玫瑰花茶🌹加上酸甜熱情果，意外地幾夾😳.熱奶茶🫖

星期五下午茶時段，黎到紅磡轉巴士，因為肚餓，就行入黎呢蹶商場搵下有咩食。呢個商場感覺好頹廢，行行下見到有紅蔥頭，心想好耐以前喺太子食過好似OK，就入黎懷念下。呢到點單都幾得意，要自己拎張紙填，每樣食物都會有編號，如果唔識字或者唔識睇繁體中文的人就比較麻煩。既然要自己落單，都唔明點解會收加一...烤雞肉羅宋湯加齋啡 $49加一以為叫呢啲基本野無死，點知一見到食物顏色就嚇左一跳，我會用「好似中毒」黎形容。呢個顏色就好似果啲過晒期嘅羅宋湯，味道就好同外表好相符。啲雞肉碎濕濕，令人懷疑唔知邊度切剩...杯咖啡好普通。餐具就幾污糟，好彩呢日我自己有帶餐具出街。好少去紅磡呢頭食野，好彩唔洗再黎幫襯...

今日有時間就出左去食午餐🤓經過見到間以前食過嘅餐廳，今日去回味下😋過左午餐最多人嘅時間所以冇乜人，安排我一個人坐張四人枱幾舒服😍坐低自己點餐，叫左個豬扒拼魚柳伴燒汁（$62）走燒汁🤓套餐配牛油法包、餐湯同熱飲，法包想走埋牛油，但侍應話已經搽好曬走唔到😢嚟左主食先再嚟前菜同餐湯😯薯條熱辣辣，應該有翻炸過但偏鹹🥺本身都食翠玉瓜同紅蘿蔔，有些少青草味😢而且啲菜嘅水上碟整淋左底嘅薯條，非常可惜😢魚柳同豬扒都頗油，但肉質軟嫩正常🙌🏻質素一般，下次未必會再encore😢

餐廳名字：紅蔥頭(紅磡)餐廳地址:紅磡都會道6號置富都會7樓757-759號舖前菜是經典的羅宋湯。😍這纈清湯以一汁百味著稱,口感清淡可口,極富食前開胃作用。配上嫩脆的蒜蓉包,外層脆皮咬下去香氣四溢,清新可口。 😋😋唐揚脆脆雞翼🐥這道家常小炒以香脆為主,將雞翼上覆一層薄脆的煎餅皮,外酥內嫩,一口咬下脆脆滋滋的,焦香撲鼻。😋🥳🥳小鐵板牛肉粒🐮新鮮牛肉鋪在小鐵板上以高溫快速煎熟,表面金黃蓄滿香油,肉質微嫩多汁,,簡單直接。😍😍😍鐵板雜扒餐🐷🐔豬扒與雞扒一起放在熱鐵板上快速翻炒,各種食材交錯融為一體,濃縮各種香味於一盤,分量足又開胃提神。🥰🥰黑松露蟹籽帶子黃金意大利飯🐟新鮮帶子拌以黑松露而成的肉香海鮮飯,濃鬱可口。少有保留硬度意大利飯！😋😋#hkfoodie #foodiegram #香港美食 #性價比餐廳 #紅磡區 #西餐 #餐廳 #生日飯 #hkig #hkfood #hkfoodblogger

今日經過紅磡整完啲嘢，去咗呢間紅蔥頭嗰度食嘢，主打港式西餐，有唔同嘅招牌焗飯或者鐵板餐等等，間唔中都想食呢啲港式西餐，真係香港人嘅Comfort food🥹鐵板牛柳吉列魚柳講到港式西餐，冇可能唔叫鐵板餐，除咗有一般嘅雜扒之外，我最鍾意呢度有牛扒配吉列魚柳，再加埋黑椒汁超級正，肉質鮮嫩多汁，搭配上吉列魚柳，外層香脆，內裡魚肉滑嫩。蜂蜜味BBQ燒豬仔骨排骨醃製得非常入味，外層烤得微焦，肉質滑嫩。甜蜜的蜂蜜味道與BBQ醬的煙熏味相互融合，帶來咗獨特的風味，而且配菜亦都非常多，唔會食唔飽🥒🥒法式香草牛油焗田螺另外嗌咗呢個小食，焗田螺，田螺肉質鮮嫩，焗至香氣四溢，本身跟咗薯蓉，加埋一齊食非常之好食，另外本身薯蓉都係鐵板上，所以下面有啲脆脆地更加好食🔥

以前喺附近讀書嘅時候，都成日嚟呢間餐廳。估唔到疫情之後佢仲喺度，今日咁啱經過，咁就一於嚟睇吓啦。估唔到佢嘅價錢咁多年來都冇乜加價，晚餐60幾蚊已經有扒有湯，真係非常抵呀。我就叫咗個牛扒薯條，牛扒要咗五成熟。估唔到佢嘅牛扒質素都非常高，絕對唔會因為平就比唔好嘅食材，或者份量好少。而且薯條份量都好多，而且全部都係新鮮炸起，外脆內軟真係好好食呀。佢嘅牛扒煮嘅時間啱啱好，食落好有牛味，而且非常嫩滑。而我朋友就叫咗個焗蕃茄雞飯，估唔到又係份量好大。而且朋友話蕃茄食落酸酸甜甜，溝埋芝士真係好開胃，而且雞肉食落都好嫩，同埋份量充足，食完絕對好飽。呢間餐廳又平又抵食，希望最近就算經濟唔好，佢都可以繼續經營落去啦。如果咁啱離開附近睇演唱會，都好支持大家嚟呢度試吓呀。

早兩日有兩個朋友仔約我呢個中佬食晏晝飯。我就喺美孚做完嘢，晏晝就要去大埔區而佢哋就響會展，晏晝分別要去屯門同埋馬鞍山。我哋不約而同都諗起餐廳最好嘅地點，就係交通極之方便嘅紅磡。今次食嘅餐廳就係位於紅磡置富都會嘅「紅蔥頭」嘞，即係火車站隔離果個商場呀。我諗近年有去過紅館睇演唱會嘅觀眾當中，都有好多人幫襯過呢間餐廳，因為佢性價比夠哂高嘛。講番今次先，我兩個朋友都叫咗「廚之推介」嘅午餐。一份係「白菌牛扒配薯菜」，另一份係「蒜蓉雞扒配白飯」。兩份都會包埋「是日歐陸濃湯」、「牛油法包」。而我就嗌咗一份「烤美國安格斯漢堡伴炸薯條」。講番啲嘢食，其實都幾有質素。牛扒唔會靭，有肉香。雞扒更加係煎得好香。漢堡配料做到足，唔係粗製濫造之作。飲品方面，我哋叫咗三杯凍飲，包括玫瑰花茶熱情果、士多啤梨橙汁同埋芒果橙汁。三杯都重果味，唔會太甜，夏天飲真係透心涼呀！

今天光顧下午茶叫了一客雞抓飯加凍咖，標價51，食物質素沒有問題，但卻要多收10元原因如下： 1. 加一務服費5元，2. 週末餐牌加5元，雖然確實有相關條款，然而位置是在餐牌的底部並不顯眼，其實有變相加二取巧之嫌。 更離譜的是點餐紙頂部有寫午市/下午餐時段學生有優惠但到付款時卻說只有在下午茶時段落單午餐才有優惠，這算是什麼語言藝術!?雖然本港生意難做，但商業手法卻使人感到被騙相當不好受。特意提醒大家光顧下午茶要小心。

今日有啲事情要去紅磡處理，搞搞吓估唔到咁快就天黑🌃諗住順便食埋晚飯先歸家🍴見到置富都會有唔少食店，就入嚟睇吓。最後揀咗紅蔥頭，因為見佢晚餐價錢唔貴，而且有卡位揀😆⭐️鐵板西冷牛扒🥩$155連餐湯、牛油法包同餐飲牛扒夠厚，唔會太肥，都唔會有好多筋，肉質柔軟⭐️芝士焗肉醬千層麵$79，加$6仲可以有餐湯同牛油法包成個千層麵係連埋盤，一齊放入焗爐，所以上枱嘅時候熱辣辣千層麵有滿滿嘅白汁鋪面，芝士份量適中，味道濃郁，而且非常飽肚，一個人食唔晒🤣🤣🤣如果佢中間塊麵皮可以薄啲就更好啦⭐️法式香草牛油焗田螺🌿$50意外地佢嘅薯蓉份量好足夠，薯蓉好幼滑，忌廉香滑軟綿，好好食👍🏻田螺肉質飽滿，醬汁做得唔錯，可以掛到喺個田螺度⭐️自家製心太軟原價$42 依家做特價$29好少餐廳甜品有心太軟揀，而且佢做到流心效果，個皮係脆卜卜，入面嘅朱古力係暖暖哋🍫如果佢隔離係雪糕唔係忌廉就更好啦😆以晚餐嚟講，紅蔥頭價位算低，而且座位寬敞，環境舒適，如果冷氣可以再大少少就好啦！🌬️