紀文 (已結業)

平日同fd 子在銅鑼灣覓食，諗左好耐唔知食咩，行開誠品，醒起希慎有footcourt，就決定係嗰到食晚飯。行左一轉，果然都係日式野啱我口味。可能佢個位係最入，隔離排晒長龍佢都係冇人既。不過我今次試新野既勇氣就帶到間不錯既餐廳落袋啦🤣有好多款不同的野食，有咖哩飯同烏冬。頭頂都有menu。仲有關東煮食😋我今次嗌左咖哩炸蝦飯($58)，野飲可配汽水或者雀巢檸檬茶。落單後都等左五分鐘先拎得，份量都嚇一跳，原來成個餐仲有前菜同湯。前菜有醃芽菜，酸梅同蟹柳。湯係普通日式麵豉湯，有海帶同洋蔥。我自己就加左五味粉落個咖哩飯到，惹味啲呀嘛😏 咖哩材料都幾豐富，有磨菇，洋蔥粒同薯仔粒，唔算太辣。配埋我食咖哩最鐘意一齊食既醃蘿蔔，真係好好食，味道絕對比得上賣貴成倍的日式咖哩飯專門店。炸蝦有兩隻，賣相都幾好架。炸粉不會太厚，不過蝦就唔算大隻，成個飯主要都係靠咖哩黎餸🤣 不過咁既價錢食到咁既質素，仲有咁多野食，直情可以叫性價比高添。呢間仲有炸魚餅食，都幾吸引，如果係foodcourt 唔知食咩，我都幾推薦呢間👍🏻

呢日返開銅鑼灣又唔熟地頭，最唔洗諗既選擇當然係去就近既food court啦。行到最角落先見到呢間野，居然有我最愛既滑蛋豬扒飯$50個set包前菜、味噌湯、汽水，聽落係幾抵食。職員態度欠佳，點餐果時問佢有無得轉茶，佢移開個身示意我望佢身後：「無呀，你都睇到得汽水啦，我地無其他咖啦」仲有啲黑面查實答一句有定無咪得囉出餐算快，六分鐘有得拎。前菜：有蟹柳、醃芽菜同紫薑，芽菜酸酸辣辣幾開胃，紫薑唔會太酸好爽口，蟹柳好淡食落似擺左段時間。味噌湯：味道幾淡，海帶都唔多塊。今日既主角滑蛋豬扒飯，豬扒size正常，外層炸得都算脆身，肉唔韌無筋，但係偏薄唔厚肉；蛋好少，而且煮得太熟，無乜蛋汁，全部帶唔到味俾啲飯，洋蔥好生，感覺煮得唔夠耐；飯份量多到唔洗錢咁，但煲得太濕，又濕又糊雖然係平係抵食，但唔會有下次。食完隔左兩個鐘我同我有份食既朋友都輕微絞肚痛，唔知係材料擺得耐定煮食過程唔衛生

曾光顧過沙田的紀文，味道雖普通，但快餐價格算便宜，因此尚可接受這次在希慎food court見到，便再度嘗試不過，這次絕對適合用難吃來形容！！午市時間，點了滑蛋豬扒飯餐$50包了湯，前菜，主食，汽水前菜有蟹柳﹑大豆芽及醃菜全部的味道都很淡只是醃菜正常的帶點酸味味增湯，是喝過那麼多味增湯中最難喝的因其味道近乎淡如水！其實只要多放丁點味增醬就有味啊！主食滑蛋豬扒飯是最令人失望滑蛋變成熟蛋，隨意的圍在豬扒的旁邊吉列豬扒，外稔內韌，都不知是炸好多久然後冷卻了再翻熱飯也是糊糊的，沒味道總括而言，就是不會再光顧啊！！

話說今晚買咗杯珍珠奶茶，手上面拎住杯未飲晒嘅珍珠奶茶，都唔知去邊度食嘢好，就決定咗上去Hysan Place嘅food court上面搵食。今日天氣超凍，所以想食返啲有湯嘅熱野暖下，但又唔係太肚餓，唔想食太貴太飽，所以走勻成個food court睇吓邊度有又平又有熱湯嘅食物。結果行到最後呢一間最隱蔽嘅角落，來咗咁多次而家先發現有呢間日本野，俾佢嘅價錢牌吸引咗，居然一個烏冬/蕎麥麵套餐，最平只係$40就有交易，平過晒food court入面嘅其他烏冬專門店、泰國粉麵店和越南河粉店！我即刻上來openrice search下呢間食評，見冇乜劣評，同埋呢間有我喺香港好少見有得食嘅蕎麥麵餐，所以就決定試吓啦！為咗唔想食太油膩嘅炸竹輪天婦羅餐($40)，所以我決定咗買第二最平嘅自選魚餅蕎麥麵餐($43)。可能因為食之前冇期望過，所以最後俾佢呢個食物嘅高性價比帶嚟咗驚喜！比完錢後，佢話好快有，結果真係唔駛1分鐘就已經有得拎。魚餅我揀咗野菜魚餅，有少少失望係魚餅浸左入湯入面，我以為會好似丸龜咁有另外一隻碟分開上，雖然個外貌都唔係太差。幸好嘅係魚餅雖然浸過湯，但係一咬落去居然係有煙 韌嘅外皮配彈口嘅魚

今日在非繁忙時間來到眼見一間烏冬店 價錢中等便去試試 點知一試就中伏個staff係完全無人係我後面排隊既時候 用超急趕而無禮貌既方式對待 諗住算啦 見佢display食物都靚靚仔仔 平平地照食點知一坐低 杯野似叫走冰佢比多冰我 「小食」 幾條大荳芽無口感 兩舊姆指長既蟹柳極硬 好似食緊手指餅咁一試個湯 伏味更濃。 完全係超市買 20蚊兩碗既出前一丁既 豬骨味味精包多油版 更有趣既係佢可以做到味精味濃而無豬骨味 誠意比超市買即食拉麵 更差 雖然價錢唔貴 我都無expect佢係一蘭既品質 但至少都應該有丸龜既日本風味 實在教人失望不可一 不可再 紀文，慎入順帶一提 行過門口有既香味係黎自格離鋪 小心中伏

去完誠品, 找點小吃, 記得這間日本小食店。 吃關東煮, 行東京築地, 有誰沒有吃過紀文的日式魚丸魚餅???是魚丸一哥!!!日本手製炸魚丸, 有6款可揀: 枝豆, 洋葱, 辣絲, 菠菜, 粟米, 洋蔥, 冬菇。 價錢很抵食, 20蚊有8粒! 以上各1粒, 仲可以encore 2粒!!!挑選後, 店員會為你再炸熱, 再配2款甜及微辣醬, 再自行灑上七味粉加添唐辛子美味, 再以碟上， 找個位置, 坐來慢慢品嚐歇歇腳, 這20蚊紙,實在花得抵! 魚丸輕炸後熱辣辣, 外表炸得微脆, 咬開像拆禮物般, 不同款式口感, 魚丸肉質不會死實, 內軟可口! 個人推介3款, 椒絲: 點點微辣, 正好配合魚肉有對比的味道特別香枝豆: 咬到卜卜脆枝豆, 有口菠菜: 菠菜佈滿整顆魚丸, 不同味道傳統日本風味小吃! 讚! 另有其他魚餅, 面類烏冬, 未試過, 下次再品評!

又係食高質food court既時候😌️咖哩豬扒飯 $54 依個係set黎 $54包飯包飲品包湯包餐前小食😶️咖哩偏辣 豬扒都算係咁啦雖然淋左咖哩汁既豬扒林左但其他位都好脆🙃️好大碗 性價比高 抵食😉️絕對會encore🙋🏻️

身為哈日族嘅我，除左鐘意食sushi，仲有鰻魚飯(其實樣樣都鐘意，好似SHOPPING） 所以今日就去左銅鑼灣行街，但今日因為又係好熱，又懶得行，所以去左HYSAN嘅food count食飯。 一去到真係花多眼亂，有韓國菜， 美國菜， 日本菜， 等等。而最吸引我嘅係即入口即融鰻魚飯，於是我就情不自禁咁叫左。 但重點係佢唔貴，好似$7x個韓式拌飯都要$60，如果要咁比較，佢cp值都幾高 好啦，終於到我食啦，鰻魚飯加上了部分日式小食，豐富了本身的lunch set，而鰻魚都有兩大塊，份量都幾足夠。 而味道都算厚實，也有鰻魚的香味，品質都叫中上，算是比超級市場急凍的鰻魚好一點點了。

前日(13-3-2015 Fri)同男友去完婚紗展後,行o黎希慎買o野兼搵佢朋友,行完買完食下什茶,佢朋友推介食呢間同炸雞,原本我想食炸雞,但男友話我唔舒服,唔好食炸雞,於是佢聽佢朋友話,o係紀文買o野食.佢用$58.00買o左豆乳關東煮烏冬,餸係好多種魚蛋,一個福袋同一件冬菇,重有啲漬物,蟹柳.飲品係凍檸茶.我o地分一半食,魚蛋都正常冇問題;有件魚餅裡面就有幾多餡,幾好食;長條形o個件裡面有墨魚;白色一片o既就好似海棉咁軟腍腍;男友話福袋入面係年糕,但我唔係好食得出.而淡湯話係豆乳,我飲真啲,開頭覺得似魚蛋湯,但飲落又唔係,味道清清地,幾好味o既.至於漬物同烏冬,都中規中矩,冇乜問題啦.由於呢o度係food court,所以環境同衛生都唔計,而抵食係2.5分

After waking up in the late afternoon after working a night shift, I just wanted something fast and filling. So I went to Hysan's food court and realized I never tried this place before.Kibun serves various rice, udon or soba sets. They have Japanese fish cakes available as well. Prices are not expensive. Kibun, I realized, is the same name as the fish cakes and fake crab sticks you get at the frozen food section of the grocery store. I wonder if they are the same group?I ordered an oden udon wh

晚飯時間黎到銅鑼灣, 都知幾難可以慳到錢上到foodcourt睇下有咩平平地既野諗住隨便食餐之後見到呢間日本野好似望落都不錯, 價錢仲好吸引 (相比起foodcourt其他鋪位), 就一於試下啦!我同相公一人一個套餐: 滑蛋吉列豬扒飯套餐($48)同秋刀魚套餐($39)套餐包左味噌湯, 飲品, 飯同前菜一份滑蛋睇相都見到其實熟到炒蛋咁, 無哂蛋汁, 吉列豬扒呢就無皮肉分離的問題, 不過呢就唔夠脆相公話下次唔會再食呢個餐。個秋刀魚飯睇落係咪好吸引呢! 相公見到即刻搶左少少黎食!個汁好好味, 秋刀魚一點都不腥而已份量好大! 呢個價錢我同相公都一致同意好抵食!前菜的味道一般結論係$39的秋刀魚套餐係銅鑼灣黎講都已經算好平, 咁既質素好抵食!未食完相公已經話下次黎一定要再食呢個餐!