羅勒印度餐廳 (海光街)

营业中

休息中

終於有機會試這間米芝蓮推介的餐廳, 每次見到都有大量食客在門口等候, 今日一早預約, 來到不用排隊就可以安排進入午膳餸菜份量不算多, 比預期小。,咖喱不是很辣，沒有太重香料味, 味道適合香港人口味。烤餅每人有2塊，食後都非常飽肚。芒果乳酪有點偏甜這個是午膳餐牌, 只適用平日中午時段, 我們一行3人選擇了雞肉, 咖燴蝦及咖啡魚, 並選擇了印度烤餅和芒果乳酪。這是餐廳內環境, 地方不算大, 有點擠迫, 但餐廳不到12:30就坐滿食客, 還有約10個食客在門外等候。

之前經過已經見到個餐牌，覺得好吸引，而且價錢合理。今日就同朋友一齊去試，行到門口已經好有印度風情。十二點左右去到吾洗等位，服務生都好有禮貌我揀左特色印度烤肉料理，配凍檸檬茶。份量都幾好，有三個小菜，仲有咖哩角，有烤餅又有飯一定飽！朋友就揀左瑪拉沙羊肉配烤餅(唔記得左影)我個人都幾中意佢個羊，不過份量就細d，男仔可能會吾夠食之後我加左杯芒果乳酪，酸酸甜甜奶味不太重，感覺幾好。不過味精好似重左小小，食完好口乾，不過不失

有一部份香港人在XX元朗，X登等等成日投訴受到南亞人種族歧視，而新聞亦經常都有南亞人以暴力歧視香港人嘅新聞。但估唔到連去南亞人開設嘅餐廳都疑似受到種族歧視。我唔知係佢哋嘅態度不嬲係咁還是只係對香港人有差別，呢啲由大家決定好耐以前有同事話呢間野好食，本應都唔想去，但同事話好就應酬一下佢。嗰日係中午，入到去一個疑似老闆物體嘅印度人同啲印度侍應黑口黑面，但親眼見到佢哋對住啲白人同外賣嘅印度人就笑容滿面。嗰啲食物全部都係醬料，反而主菜太細件，冇味道，成餐飯非常難食。嗰啲飲品冰多個執，甜到不得了。嗰個乜嘢薄餅套餐我懷疑係食緊麥當勞麥樂雞的六款醬汁。如果羅勒嘅印度餐就係代表印度食物，咁廣東菜一定比印度菜優勝一億倍。買單嗰陣時個印度婦又係黑口黑面，找錢又係黑口黑面，一句多謝都冇。本人俾佢嘅態度激嬲，所以用極之唔耐煩態度去攞返啲散紙，佢表情好驚訝點解只係留低一毫子，本人用廣東話同佢講咁嘅服務仲想問我攞貼士。可能我啲語氣比較嚴厲佢就冇咁黑面。本人只是對佢哋態度不滿，絕對冇歧視佢哋嘅種族點解成日去有南亞人嘅餐廳都受到良好對待，希望處理移民申請嘅入境處關注一下呢個南亞移民逆向種族歧視香港人嘅現象。本人以前亦

Everything is plain. Food is not bad but also not special. Good place for dinner for those who nearby.I was there twice with different friends. They actually enjoy their meal but I always a bit stricter on Indian food.Also the restaurant is a bit hard to find.

點解呢篇食評嘅標題係「感覺很正宗嘅印度餐」？因為我未去過印度😜餐廳充滿印度色彩嘅佈置、印度店員及食客、再加上十分美味嘅印式烤肉、咖哩及薄餅。環境氣氛及食物質素都很好，而價格亦合理。餐廳位於商場內，門面裝修也充滿印度色彩。餐廳內佈置也滿印度情懷很喜愛掛在場上的畫有香料味道嘅鹹味Lassi $36每次也點Cucumber Raita$35, 中和辣味Seekh Kebab $98 沒有羊腥味但偏乾的羊肉串餐牌上沒有的Buttura$40 , 店員說這是印式早餐的包香港人熟悉的Garlic Naan $28

好少堂食。今次係第二次。同事生日。嚟過生日咖喱行正套餐（行政商務套餐)。唔好睇佢樣樣少少，食哂都好飽肚。有辣有唔辣，係最抵食的。（用左手定右手呢🤔🤔）話到食咖喱，至啱係飲啤酒或者芒果乳酪請埋壽星公，都係每人九十文。大家都讚好抵。壽星公都讚：有英國印度餐味道呢間羅勒相比北角鋪細d, 大家要坐得親密d.但呢間食物較正宗，北角鋪就走fusion方向。服務，我個人覺得親切（因為識呢位經理朋友👳‍♀️）

真係朋友呢。已光顧四，五年了。公司function 都揾佢。外賣都會送芒果乳酪，邊等邊飲。鰂魚涌食咖哩，非呢間莫屬（雖然附近的確得一間印度咖喱，但好味。可尋回大英帝國口味。）星期六OT到九點，突然想食咖喱，雖然不能啤一啤（因為明繼續OT），但真係好想咖喱一番。今次一人前，但叫左二人前份量。外賣冇所謂，剩左咪第二日食，反正OT日子有排未完結。芝士菠菜，瑪莎拉雞雞，samosa, papadon, naan, 印度飯。果然係二人份量，剩一半，但冇理由叫一款加個飯，好似個人大碟咁。工作已經好辛苦啦。好食好味道好朋友一回事，不可不提，有時間下厨的話，M&S個印度系列都一樣充滿印度風情，係我食過最正宗英帝國印度ready make食品。此終，好多咖哩款式，都係因為英植民時期，為合英人口味調煮出嚟的。（推介Korma 同Tika Masala.唔知係咪用錯地方推介）

有親戚住鰂魚涌,雖然離我地好遠,不過一個月點都會黎一次,因為真係幾熟既親戚放假既鰂魚涌都幾靜,好似死城咁,不過依然有D餐廳係照樣營業,值得敬佩上星期日就去左羅勒印度餐廳,同親戚食飯,因為可以唔駛係屋企煮黎食食左個胡椒餅,好脆口,咸咸地幾好咬另外叫左支紅酒配襯,幾好食印度炒飯,飯底好香,不過咬落去比我地中式粉飯脆好多,口感好得意天多羅烤雞,雞肉好滑,味道好出,有小小印度香料,所以味道好香另外食左個鐵板烤魚,魚肉好滑,好爽不過個味反面唔太濃,而且好大份下,食完已經好飽不過要早D去,如果唔係夜晚走會好靜

星期1公司唔想太夜收工,但工作多真係無辦法,8點可以離開公司已經算係一大樂事,放工後人都精神好多今次同同事去左公司附近食晚餐,LUNCH附近好多人,夜晚真係唔同曬.舒服好多黎到羅勒印度餐廳,依個商場夜晚好多店都關曬,都幾靜下可能星期一晚,唔算太多人,可以輕鬆搵位首先食左個印度咖哩同薄餅,印度咖哩好夠味,味道好香濃雞肉好滑,而且入曬味,幾好食配埋印度薄餅一齊食會好味D另外食左2隻咖哩,不過都唔夠依隻味咁好食,但2個人食已經好飽甜品係印度雪條,雪條好硬身,入面有D粒粒,好有口感不過要等佢暖返D先好食,如果唔係太凍啦印度奶茶估唔到幾香,而且唔會太甜,味道幾得意聽日又要努力返工啦

剛剛家人去了羅勒印度餐廳吃晚餐,  一進去已經覺得一陣熱風吹過來坐下來之後感覺好焗空氣完全不流通. 問他們冷氣開了沒,  他們說已經開了我已經即時想走.  無奈家人想試一下印度菜我只好留下我們點了兩個一人套餐, 點完餐之後我頂唔順走出街抖抖氣.  發覺街上竟然比店裡清涼................晚餐來了 我爸點的咖哩雞吃起來跟大家樂沒分別, 我點的羊肉又乾又硬像柴皮一樣....................這樣的價錢 這樣的環境 我強烈推薦各位去大家樂會食得開心D 起碼唔會成身汗又驚俾佢焗暈

星期6公司都要開OT,註定今個月無運行,無計,經濟差,公司要搵多D客,所以自然要做多D野做到大慨5點度,頂唔順啦,跟住同事都話走,我地就一齊走去食飯星期6附近無咩野食,因為間間都關曬門最後都係係附近餐廳食穩陣D,唔想行太遠去左羅勒印度餐廳,好肚餓要快D食野星期六仲開門既餐廳,係依頭算係難得首先食左印度薄餅,印度薄餅好香好脆,一上枱仲係好熱黑松露味道真係好香,陣陣松露味飄過黎烤雞熱辣辣出場,令好肚餓既我地醒神啦雞肉好滑,好香,咬落都幾多肉汁.感覺唔錯另外食左個咖哩雞,印求咖啡室既香味好獨特,同其他地方既完全唔同咖哩汁香得黎好滑,撈飯食好正最後飲左個芒果特飲,味道唔太甜,食完咁多咁強烈味道既野,解喝一流食飽飯終於可以返屋企啦

星期1公司好多野做,做到8點先有得收工,真係慘.好在有同事一齊食晚飯,先令人覺得無咁灰心今次我地2個人食飯有傾有講,開心好多不過我地都驚去得遠可能D餐廳都關門,所以近近地係樓下食算啦去左樓下商場食印度野2個人,可以食多小小野,所以叫曬3種咖哩食,咖哩羊肉好夠味,羊肉一D都唔騷,咖哩又唔算好辣,幾夠味咖哩牛就辣小小,不過D肉幾滑,配個飯食會幾好食咖哩豬就普普通通,個汁同D肉都唔太特別另外食左個鐵板燒既雞肉,印度香料令個雞好香,好吸引,肉質好滑希望下次食飯唔駛咁夜啦

突然收到友人傳來的相片, 原來她今日去了太古城中心的 “LEGO Cities of Wonders”, 單單睇相都知場面墟冚, 吸引了大批LEGO迷, 友人正正是其中一位。她收穫豐富, 話要向我show下她戰利品, 順便齊齊吃餐飯。我當然不想走入迫到迫唔入的太古城中心, 還是要她來我家附近吧!要她拿着大包細包走來好似有點衰, 所以我就負責動腦筋諗吃什麼, 話晒我是這裏“地頭蟲”。知她喜歡吃火辣和香口之物, 又喜歡芒果, 相信這間餐廳必定能滿足她的要求。餐廳比較隱蔽, 要走到小商場最入處, 雖然不起眼, 但它實際來頭不少, 是2102-2017年的米芝蓮指南推介餐廳, 勁!小商場門外已看到餐廳的餐牌和燈箱, 走到餐廳門前, 除了貼滿各款餐牌外, 還掛滿印度的吊飾, 滿有印式風味。走進內裏, 燈光柔和, 不斷播放着印度歌曲, 好輕快。餐廳正方形的格局, 靠牆均設有一排長沙發座配四至六人枱, 而中間則有四人枱和八人枱, 地方不算大。細看餐牌, 部份菜式附有相片, 亦分門別類, 很清晰。分別有小食、配菜類、湯類、印度炭燒鐵板餐、特式雞類、特式羊類、特式海鮮類、廚師介紹、咖喱素食、印式烤餅、飯

今天朋友帶我試新野「印度菜」我真的從未嘗試過正宗的印度菜，真係有d期待😋餐前小食 - 這個餐前小食是免費的，薄薄脆脆點他們秘製醬汁一起吃很惹味。咖哩角(3 件) - 外形特別的咖哩角，皮比較厚，裡面的餡料是薯仔蓉，青豆，洋蔥都是素，咖哩味很香不油膩。Fish  Curry (Masala瑪沙拉）- 魚很腍咖哩味濃郁，綜合很多不同的香料味道，咖哩很稠密下飯或和烤餅一起食很不錯😋Chicken (Bhuna印度香辣）- 我以為會很辣但只是微微香辣薑黃粉，茴香，肉桂，洋蔥，大蒜…令咖哩層次複雜，香氣洋溢👏🏻Naan 特式烤餅 - 烤餅外層酥軟，不用點醬也美味無窮Mango Lassi 芒果乳酪 - 芒果乳酪香氣撲鼻，帶點點酸味很醒胃Fresh Lime Soda 青檸蘇打 - 青檸蘇打清新無比令胃口大開

今日難得黎到鰂魚涌經過見到有間印度菜既招牌因為好想食咖哩就入左去😋😋入到去先見到係米芝蓮推介而且環境裝修好有風味入面廚師 侍應都係印度人黎好似去左印度咁😆我叫左個炸雞同勁辣咖哩雞2個都好好味 一上檯熱辣辣😛咖哩雞都夠辣落單果陣侍應都好細心提我地 very spicy 🌶 再叫左個無骨烤魚同印度烤餅好香好新鮮 唔腥連朋友唔鍾意食魚都食左好多個烤餅好脆好夠味最後再叫一杯mango lassi超有印度風味 又唔會太甜完結呢個滿足既晚餐