羅麥記 (V City) (已結業)

食完印尼野返屋企睇左陣電視又好想食麵包 (#麵包控 可唔可以冷靜啲) 9點幾邊度仲有熱辣辣麵包食丫 於是走左去飯堂#羅麥記 食個磚頭焗豬喇 #磚頭焗豬扒飯 $85 諗住黎止下麵包癮 點知黎左個2-3人份量 Total有9塊豬扒 3碗炒飯 at least半磅麵包😱😱😱會唔會太抵食😱😱😱 豬扒軟稔唔鞋痴線有成9塊咁多 點擺落去架 炒飯底筆出黎有3碗咁多 佢既方包磚頭係密度多嗰隻麵包 好有質感唔係空氣 就算挖空中間個包仲好重 熱辣辣dor問店員拎左啲醬點黎食超正(根本黎既目的係為左個包😂) 癲左最後飽上頸麵要清埋個包 真係太好食 我諗呢個$85磚頭飯夠3個人食 性價比超高！黑洞胃2.0又extend左*****************************羅麥記地址：屯門vcity一樓11號舖

話說今日要OT,搞埋手頭上d野決定好好獎勵下自己，一於出街食返餐！羅麥記有幾間分店，主打老香港情懷，現場無論係裝修，以至餐具都有心思！鐵板餐有得揀雜扒，牛扒，羊扒同魚。不過我俾另外一種吸引住，就係牛仔骨！個人好鍾意食牛仔骨，所以唔洗點考慮就決定左啦！個汁上枱已經加左，一路都keep 住炸炸聲我點左蒜蓉汁，個汁唔係就咁溝出黎，入面加左蒜蓉粒，加分！牛仔骨就正啦！有兩大塊。個人既習慣就會食埋骨邊既筋，因為特別香口。牛仔骨腍身，有牛味，肥瘦平衡！餐包熱飲，轉凍飲加$6，特飲就十幾蚊所以我就揀左款“特別d”既凍飲牛奶咖啡，mix之前飲左啖牛奶，好香濃！加$6抵啦炸芝士雲呑有四隻，雲呑皮脆身唔油配左泰式辣醬，不過我覺得夠味唔洗點打開一半，雲呑入面既蝦好多芝士味香濃流心，個人覺得再加多d就perfect la!PS:唔洗加一

下午茶食咩好？除左大型連鎖快餐店，偶爾食個撈丁放縱下都唔錯今日就去左v city羅麥記，叫左個雞翼撈丁、蜜糖紅豆西多，同埋紅豆奶茶。撈丁個招牌醬汁好正，甜甜地，好惹味（呢款撈丁有辣有唔辣，任君選擇，食得辣嘅不妨試個🌶版，雞翼上面嘅辣粉好香，即刻令人食欲大振🙌🏻）而紅豆蓉西多，足夠兩人份量，係紅豆控必食😛最近餐廳有新fusion撈丁，有泰式蝦、韓式kimchi、日式芝麻醬蟹柳，下次或者可以再試試

其實開左咁耐都無食過 同呀口媽行行下見無咁多人等位就去食下～裝飾不在話下就係姐我喜歡的懷舊feel~懷得黎又都好整潔牆上裝飾藝術都不留餘力 寫滿滿的。嘩～好大碟的說 。超級抵食。比得上太x館的瑞士汁。😍😍😍😍牛肉也很新鮮。跟媽食飯就是需要一碟菜，媽追求的就是要消淡。其實價錢唔貴。而且份量都好大。嘩 98咪又飯又咁多件雞⋯不得之了。而且雞完全唔梅。總結大份 抵食 好岩一家大細去食⋯下次要同一家人去食❤️❤️

每次經過都被呢一間門面及內在裝潢都好有香江80年代懷舊風情嘅餐廳吸引住！咁啱響附近睇完戲，就嚟呢一間餐廳試吓！鹹牛肉芝士蔥油餅好特別，鹹牛肉芝士一向都係好好的配搭，原來配上蔥油餅會變得更加有口感，蔥油餅煙煙韌韌又有油香！其他地方吃不到。肉醬意粉不算天姿國色，不過質素尚算平穩，只係略嫌意粉韌度不足。不過肉醬焗得好吃。上面一層口口嘅芝士十分吸引，芝味濃郁！避風塘軟殼蟹炒麵，齋睇個名都知道係十分惹味！軟殼蟹十分香脆，伴著炒麵食不錯。夠香口！原來炒麵同埋避風塘香蒜夾着食都好過癮！絕對係惹味之選！呢度除咗炒菜之外仲有灼菜！淥得綠油油，好清甜！原來呢度仲新加左一啲家常小菜菜式，價錢不貴，下次來一定要試吓！人多仲可以試埋懷舊鐵板！已經唔多餐廳有得食！

媽媽旅行在即，又是忙著執拾行李的時候，所以我們都是在附近vcity吃晚餐，吃完可以直接回家，非常方便。羅麥記 基本上是我家經常光顧餐廳之一，因為它的主食和小食多樣化，又夠本土風味。我超愛羅麥記的炒粉麵，皆因它鑊氣十足，很少在大排檔以外的地方吃到。我忽然想吃辣，所以來一盤避風塘牛肉炒河。酥脆的炸蒜與辣椒跟河粉 一起炒過，蒜香濃郁，河粉除沾染辣椒與炸蒜外，本身吸附鹹香的豉油，好不滋味。牛肉超豐腴鮮嫩軟滑，經炒過後帶咬勁。媽媽每次來羅麥記一定會吃兩樣東西，一是西檸蜂蜜配乳鴿仔，另一樣是雪糕紅豆冰。這裡的乳鴿仔咬下第一口時真的停不下來，肉質鮮美多汁，外皮酥脆，吃得過癮，吮指回味這好滋味。媽媽所以愛雪糕紅豆冰，全因甜蜜蜜的紅豆搭配清涼的椰汁冰與綿密的雪糕，一瞬即逝的味道，就如初戀般的滋味，可能因為爸爸從前跟她拍拖的時候經常喝紅豆冰關係?我則喜歡紅豆冰粒粒奶茶，喝起來有著奶茶的芳香，紅豆飽滿，口感細緻，入口即化，整體不甜膩，味道十分合拍，超好喝。Xo醬豬頸肉炒翠玉瓜相當出色，翠玉瓜鮮甜爽脆不在話下，xo醬將豬頸肉拌炒得香氣四溢，帶點油脂的豬頸肉非常惹味，下飯一絕。

一家人假期去屯門行街shopping， 發現屯門一個商場入面有間餐廳， 裝修都幾特別有七八十年代嘅色彩。除咗裝修特別之外，連張餐紙都好有特色， 好似兒時玩嘅康樂棋， 如果你係70至80後嘅話你一定好有親切感。至於食物方面，中餐西餐都有好多選擇。 肉醬意粉， 好味呢個雜扒餐份量都ok，食肉獸啱曬 ，不過可能炸得太乾， 冇乜肉汁。估唔到呢隻麥sir乳鴿咁有水準皮脆肉嫩，值得推介避風塘軟殼蟹炒麵好正!火車頭雪糕小朋友最啱唯一美中不足嘅就係食唔到羅麥汁牛河，希望下次早啲嚟冇快賣曬喇!

行完街又係時候搵食，來了羅麥記，好一陣無黎食啦，掛住佢啲懷舊feel，好多打卡好位呢張餐紙好搞笑，第一次黎食個陣拎左張番去玩～快快落完單，好一個大衣夾。蜂蜜鮮牛奶（$28）＆奶茶仔溝咖啡妹（+$6）自己點的撈丁唔包飲品，加普通飲品都唔平，索性叫杯特飲仲抵，要左杯蜂蜜牛奶，香滑的鮮奶加上蜂蜜的清香，甜甜地好飲。朋友叫左杯凍鴛鴦，啡味同奶茶味都唔錯，幾滑。鴛鴦蟹蛋沙律（$28）叫了一份小食試試，餐牌上的圖片很吸引，實物來到亦不差，滿滿的蟹籽將蛋沙律讓番入隻蛋度，好味。豬頸肉阿芝芝士撈麵（$53）豬頸肉有四大片，厚切的，肥滋滋口感不錯，丁麵煙韌有咬口，仲有個好正嘅芝士汁，稀濃度剛好，完全黏在丁麵上，好好味呀羅麥雜扒餐（$108）朋友係食肉獸，一睇餐牌已經話要食雜扒餐，完全無諗其他。呢份雜扒餐犀利囉，一條司華力腸，一片煙肉，一塊牛扒，一塊豬扒，同兩塊雞扒仲有少許薯條同配菜，真係超級多肉呀！朋友話係靚肉黎，食落無渣，同無乜鬆肉粉，真材實料喎，不過佢慊個黑椒汁唔夠，下次要叫多汁，哈哈，食完好滿足。門口呢個影相位次次行過都有人自拍，個懷舊風又真係幾正嘅。食物同價錢都ok，環境又搞笑，下次相試下甜品，

響屯門嘅新商場，留意到呢一間茶餐廳好懷舊feel，裝修好特別，而且食物都幾得意，就同屋企人去試吓晚餐。門面已經充滿一陣八十年代懷舊風。除咗固定有嘅食物之外，仲有一個期間限定新嘅餐牌，係蜜糖系列。頭盤點了大蝦沙律西多士，大蝦肉厚又爽甜，配上沙律醬好開胃，下層嘅西多士一點都不油膩，麵包夠韌夠香。點了新餐牌上的蜜糖燒乳鴿，我個人認為係今餐最好味的一道菜，乳鴿醃得入味，有陣陣的滷水味，外皮炸得香脆不油膩，皮上少少蜜糖，香甜惹味。因為前菜已經很多，主菜單點一個焗豬扒飯，沒點有麵包磚那個，飯底炒得很香，豬扒味道一般，始終茶餐廳的豬扒用鬆肉粉醃過，但茄汁味道也很好。整體算不錯。檸檬茶茶味香濃，值得一讚。菠蘿冰也香甜美味。火車頭雪糕造型很可愛，有朱古力士多啤梨雲呢拿三款口味的雪糕，夾著Oreo 餅食，大人小朋友都喜歡。羅麥記裝修特別，食物水準不錯，令人感覺有懷舊風，侍應反應也快，服務也很好。

因為工作關係, 需要晨早來到陌生的屯門, 我和同事約好在V City 等便一起去食早餐, 我們在商場的"食點"四圍兜搵食, 只有L1樓的羅麥記咁早開, 我們決定在此食了裝修都係以懷舊為主客人唔係好多, 但我地坐低無耐便陸續有客人來食我地叫左最有茶餐廳味道的沙嗲牛肉米配炒蛋火腿多士, 炒蛋剛好軟滑, 沙嗲牛肉味道好好, 有少時食的味道, 而奶茶茶味濃但不會太澀 總括來講, 以這個價錢食早餐都算合理, 而且勝在鄰近西鐵不用走出街外, 撞岩我今次又紅雨, 這裡真的好方便!

今晚難得媽媽共膳，當然要去特色的餐廳。媽媽挑選了羅麥記，就是喜歡它的懷舊感覺。餐廳供應頗多懷舊食物，置身其中，猶如帶領我回到八十年代。西冷牛扒餐牛扒7成熟，肉質鬆化，配上蒜蓉汁，提升味道的層次。磚頭焗白汁芝士海鮮飯麵包經挖空後，內里放滿海鮮及炒飯，海鮮款式甚多，有魚柳，大蝦，青口及帶子。面層再鋪滿芝士及白汁，份外滋味。火車頭雪糕裝飾得很像火車，由3款雪糕及oreo 餅製成，很有心意的甜品。凍奶茶奶味香濃，亦富有茶味，不算太甜，喜歡奶茶的不能錯過。

羅麥記由最初開到而家，我都成日幫襯，因為佢啲食物質素係可以keep住個水平，同埋都多食物揀今日lunch我又揀咗呢間食啦最吸引我嘅係佢啲撈丁系列，其實今日想食泰式黃咖喱大頭蝦撈丁架，可惜職員話已經賣晒咁我唯有叫其他嘢食啦，就係我每次來食都會叫嘅羅麥雞翼撈丁，佢有辣有唔辣架，啲雞翼整到好入味，肉質又爽，最緊要啲面一啲都唔淋，之後叫咗個金牌嘅磚頭焗豬扒飯，限量供應架，果然名如其名，塊豬扒真係好似磚頭咁大塊，係我覺得數一數二嘅焗豬扒飯last叫咗個美綠牛奶包,外面康到好趣，中間吾止有花生醬，仲有一粒粒嘅花生係入邊添，加埋美綠一齊食，我有啲食到停唔到口

衹是一個芝士撈可以等足20分鐘，由於用膳位置在水吧對面，清楚見到員工各種偷賴情況。廚房師傅响午市還有閒情跑出廚房門口按電話。侍應送餐為名但聊天為實。本來食物水準已經很一般，再加上員工這種態度，真的很難讓人想再次光顧

今曰無拿拿多左一日假，禁我就入左屯門探我細侄女，探佢之前係V city行左一陣，見有D肚餓就睇下有咩食，羅麥記個裝修幾特別，幾懷舊咪入去試下。入到去就叫左個羅麥汁牛河同一杯紅豆粒粒粒奶茶。牛河上面D羅麥汁咸中帶甜，撈埋D河粉食都幾正，牛肉好滑，係牛河之中，佢係我心目中都排頭三位。紅豆冰粒粒奶茶，上面真係有三粒由紅豆做成既冰，係出面真係搵吾到，奶茶中帶點紅豆既香味同甜味，就算D冰溶左都影響吾到紅豆既香味，真係有特色之如仲好好味。

舊式香港茶記一直都係最鐘意既格局之一好想揾返當年少少個同爸爸媽媽一齊去茶記既情懷於是晚餐就去左舊式香港茶記裝修既羅麥記感受下昔日先羅麥雜扒餐 $108份量都OK的, 豬扒, 牛扒, 雞扒, 司華加腸都齊全, 扒既味道都OK既, 但司華加腸就過淋, 估計係淥耐左, 而且食完覺得性價比真心好一般, 同一般快餐店的質素都差唔多, 但價錢就比人貴左差唔多一倍避風塘乾炒牛河$68上枱已經感受到D碟牛河唔可以話熱既, 最頂龍只能夠話係暖, 碟野完全無鑊氣都算, 食落口似係應該三四個鐘前炒定, 之後我地叫左就叮返上枱比我地食, 完全冇諴意可言, 而且唔夠味, 差總結羅麥記既裝修的確值得一讚, 但食物完全唔可以同舊時港式茶記比, 如果大家想要視覺上感受到舊式港式茶記既話我推薦大家去但如果大家仲想係味覺感受埋香港舊式味道既話, 我就不會推薦