羅麥記 (V City) (已結業)

同朋友約食下午茶，今日人都幾多，所以求其揀佐一間。裝修風格比較舊香港，睇起仲唔錯。入到去發覺位置比較細，疫情用嘅隔板比較隨便本身想叫個下午茶set餐，但發覺唔夠吸引⋯ 所以選擇佐小食加兩杯嘢飲。總體食物份量較少，2人花費130左右，性價比一般⋯ 服務員態度平平，冇主動斟水，但上菜速度還算快食佐個蔥油卷同牛肉包，蔥油卷比較好味，牛肉包醬汁太鹹，總體唔算滿意，應該唔會再光顧第二次

以前嚟呢間餐廳食多數都係食早餐或者下午茶，今次係第一次試佢嘅晚餐！兩個小朋友一坐低就比枱面上邊嘅超級無敵勁大衣夾吸引住，唔好話小朋友...連我呢個大細路都覺得好特別、好攪鬼！🤪今晚試咗「避風塘軟殼蟹炒麵」，「鐵板羊架」，「海鮮焗飯」同埋懷舊「菠蘿冰」！軟殼蟹炒麵好有鑊氣，味道啱啱好，軟殼蟹又脆又香口，不過份量就少左啲👍🏻👍🏻！海鮮焗飯就普普通通，反而個黑椒羊架用鐵板上，即刻加咗好多分！真係要推介嘅就係嗰個「懷舊菠蘿冰」🍍，真係將一粒粒新鮮嘅菠蘿冰佐係冰入邊，又香又甜真係好鬼正呀！😍

中秋、國慶 難得可以連續四日放個假期 今日本來一心想收埋自己係屋企唔出街 但係屋企個糧倉又清左 焗住落樓下搵食 行過羅麥記 諗住入去求求其其食d野！點知一坐低 就比隔離枱叫既個塊西冷牛扒吸引左！ 因為塊西冷真係成塊鐵板咁大🤩再望下個餐牌 $98 嘩係唔係真係咁低食呀 而且重有三隻汁比我選擇過左20分鐘後.... 一塊鐵板咁大既西冷就放係我面前 而且上面有薯角 番茄 同西蘭花 做配菜味道方面： 黑椒汁夠辣夠野味 但又唔會蓋過牛扒既味道 囗感方面：咬落好juice 又夠諗 （少少建議 鐵板溫度比較高 叫6成 黎既時候唔會老）總結： 以$98 食到呢個質素既西冷 都算係性價比高

以前食過幾次羅麥記，屯門呢間就第一次，隔離間間餐廳都好多人排隊，得呢間冇咩人，一入到去d侍應服務麻麻地，冇咩招呼，我地兩個人叫左個焗豬扒飯，同埋雞扒芝士撈面，焗豬扒飯就正正常常，番茄味幾夠，但芝士撈面個雞扒就麻麻地，都食得出係急凍雞扒，有d雪藏味，唔多開胃，芝士撈面一開始幾好食，但係好快食到膩，但係晚餐黎講，兩個人$120埋單，可以接受。

Came here on a Saturday. Everywhere was super crowded except for Law Mark Kee so we went in. We ordered a black pepper sauce steak with rice and an eel egg rice. Both was disappointing for the price we are paying . Eel rice was ok but fish was abit fishy. The steak was the worst. Too overdone and super hard to chew. Will never be back again.

平時好少早上出街食早餐，今日起床早左，10時半已來到v city 食早餐，好多餐廳都未開門，見到一間裝修頗有香港懷舊特色的茶餐廳，就決定食里間。茶餐廳牆身掛滿香港人的生活回憶，好有親切感！欣賞完後肚餓了，叫早餐先，我地叫了1號同7號餐1號火腿仿鮑絲通粉，普通貨色，但抄蛋夠好香滑。7號英式早餐，其實唔覺得佢係英式似港式早餐多啲，雙蛋煎得剛好，但煙肉煎得唔夠香脆，蕃茄比較生，薯餅太油膩，整體來說真的一般。

自從役情之後外賣APP真係我經常會叫嘅餐飲服務今日試咗羅麥記嘅早餐都有啲偏貴大概45蚊左右而且份量都偏小質素都ok嘅不過個牛扒就太多黑椒汁囉擺埋啲蛋，火腿一齊的話全部都變咗黑椒火腿黑椒蛋，黑椒牛扒，哈哈！！下次試下叫佢另上先

羅麥記呢其實係屯門嘅V city呢就開咗好耐啦最深刻嘅相信莫過於佢搶眼嘅裝修因為呢佢係一種懷舊復古嘅7,80年代風格令人好似感覺置身於以前冰室咁今次就嗌咗常餐好適合下午茶嘅時候享用錢亦都相宜，而且配飲品，性價比較高！呢個係羅麥雞翼撈通粉配羅麥炒蛋多士另外轉凍飲都係加$3先講吓佢嘅撈通，佢哋買相呢就幾好啦食落去呢個味都唔會算太濃或者太鹹佢嘅雞翼係配瑞士汁嘅，雖然睇落好深色但係呢味道就啱啱好喎！再配一杯凍檸茶，呢個下午茶令我好滿足！

首先被具有特色香港情懷的裝修吸引一打開餐牌 主要是港式美食亦有新奇有趣的fusion菜式下午茶套餐價錢非常實惠這次點了牛肉芝心蔥油餅卷 有芝士流心的感覺 蔥味很香 餅卷少許煙靭 吃下去不肥膩另外咖喱軟殼蟹面包磚頭飯也是出色之作 有飯又有包分量足夠兩人食軟殼蟹炸得很香脆 飯也有拌了咖喱汁 這個很重要haha咖喱汁不夠也可以問店員另外再取唯獨咖喱的味道不是很惹味 算合格分數另外還有三款配搭的磚頭飯很想全部都試一遍😂😂😂

位於V city的當眼處，有着好的地理因素，可是這裏唯一一個優點就係裝修，佈置得有點舊式茶餐廳嘅特色，座位也不會太迫之外，其他食物嘅質素個人真係覺得麻麻地，價錢也不便宜，食過一次，唔會再想來食多次。今次點了蝦多士，賣相唔得，多士又厚又吸哂油，而且好燶，食完有點想嘔的感覺。而避風塘乾炒牛河，牛肉很多，但整體非常重口味兼太辣，完全蓋過乾炒牛河原來的味道。比較冇咁差的是焗牛脷意粉，份量都唔少，但也算不上好吃。

我點咗個紅豆冰粒奶茶，但嚟到跟圖完成唔同甘我就好奇問下員工點知佢好灰氣答我話(咪係紅豆囉你睇唔到咩沉澱落去你自己去撩下佢咪見到囉跟住就轉身走咗去)嘩, 大哥要比38蚊呀如果係杯凍奶茶溝幾粒紅豆我使鬼甘去叫咩，就係見到圖咁得意先叫啫重要我受你d甘員工氣一定冇下次以後都冇😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠😠所以唔怪之得隔離左右食店超多人幫襯排哂隊，甘我見到呢間嘢又冇人排隊又有位所以先入去食😠早知我情願幫襯左右店排下隊等好過甘受氣🙄😠😠

本來唔想食呢間 不過呢個商場其他餐廳要等位 午市得呢間只有5成入座率 友人趕時間 就谷住食左叫左個普通既常餐 蕃茄豬排通粉 配多士炒蛋蕃茄湯 唔錯 有一般茶記既質素啲豬排 就唔得 好硬身 好薄 成個餐最失敗既就係豬排 食肉獸表示食得唔滿足 因為真係硬到咬唔落 所以無食曬 多士幾脆 查埋牛油比你 幾貼心炒蛋都ok 幾滑幾香多士配埋炒蛋一齊食 幾好食奶茶 茶味較重 茶底茶香濃價錢比一般茶記貴 餐廳裝修係扮舊式 扮得好新穎 總結 無選擇之下可以試下 但專燈食或者回頭就不了

晚上6:45到達，餐廳只有兩三枱客人，6:50已經點好菜（因為單據有時間），點了三個普通小菜，怎料等超過半小時也未有，於是催侍應...如是者催了起碼三次，已經等了45分鐘，終於來了一碟蒜蓉菜心及兩碗白飯，另外兩碟依然未見蹤影，於是又再催....同一時間，隔離的兩三枱客原來也和我們一樣，不停追....真的不明白，究竟是沒有人手？沒有食材？抑或沒有煮食用具？只有兩三枱客人，但竟然所有人都在呆等！直到大家不耐煩說要取消，食物就很快上枱。我想大家如果光顧，可以嘗試用這方法，應該可以減少等候時間！又或大家嘗試幻想自己在食法國菜，改變自己心態，可能在等候期間會減少暴躁。老實說，食物味道不算差，但同樣地，價錢不算便宜，時間也多一倍，而“懷舊“的賣點也只僅在裝修上，和食物無關...我實在不會再光顧。

下午茶餐同一般茶餐廳完全冇分別，今日經過食咗個下午茶，炸魚柳同炸薯條，價錢吾貴，比較大眾化，不過食物都好一般，環境裝修還可以，如果大家諗住行完街休息下，食小小野都可以選擇。

有日係商場行到肚餓，老公話帶我去一間餐廳食嘢，黎左呢間叫羅麥記即餐廳。入面餐廳裝修充滿六，七十年代風格我地點左個滑蛋叉燒飯同XO炒腸粉，出面比較多炒蘿蔔糕，但炒腸粉真係比較少。但我印象中細個嘅時候食過1,2次，而家食反充滿左回憶。XO炒腸粉炒得好有鑊氣,好似大排檔食既小炒甘好味。裡面有好多叉燒，同以前食既炒腸粉有d唔囉，唔會單只有腸粉滑蛋叉燒飯滑蛋做法同出面餐廳唔同，佢引用左蛋包飯形式。用雞蛋包位d飯，但可能下午茶關係配料較少，而且價錢比較貴。