影片
电话号码
24589923
营业时间
今日营业
09:30 - 21:00
星期一至日
09:30 - 21:00
以上资料只供参考，请与餐厅确认详情
員工態度極差，成個lunch都係咁串人，唔想食完一肚氣建議食另一間1. 我同家人一行6人，員工送餐時遞個飯去枱正中間ga凌空位置(位置係睇唔到個飯係咩)，問我哋xxxx飯係邊個叫，我哋未聽清楚佢講咩飯，未有人反應得切，我妹見無人應就話可能係佢，員工無啦啦串我妹係大小姐，然後好態度好差咁扔低個飯。其實你放低個飯喺枱面講底係咩飯我哋自己會認頭，喺呢度食飯都無要求要有咩服務2. 比錢時佢行埋黎一輪咀講d飯既價錢，邊個飲咩就幾$，聽唔清楚價錢比少左幾蚊，黑口黑面伸大手板同你講唔夠，比返夠之後到佢找錢又再串一串你。自問一直都係有禮貌既人，我哋叫野食都係唔該前唔該去，見佢未寫完都係逐個叫，但就無啦啦成餐飯比佢串，我哋都唔知發生咩事，員工姨姨可能更年期我哋住附近食咗好多年，但近年員工態度真係極差，唔想再幫襯
继续阅读
次次lunch個陣經過都見到好多學生哥幫襯所以我終於都搵到機會食下嗌左咖哩汁雞扒腸仔飯咖哩汁好惹味 好香 唔會辣 最重要係多汁唔怕食到最後得白飯雞扒炸得好juicy 都幾大塊腸仔就係普通雞肉腸成碟份量真係大份 好飽肚仲可以加少少錢仲有杯野飲除左咖啡奶茶檸水仲有珍珠奶茶個d台式飲品揀我揀左巨峰提子 ，原來本身會送椰果最後埋單都唔使$50真係好抵食😋😋😋😋😋😋唔怪得咁多學生幫襯喇！! 糧尾首選呀😂😂😂
继续阅读
#搞串個pantry#屯門碼頭 🛳️一帶嘅屋苑商場入面收埋咗好多食店🥢，我哋上次都介紹過一間街坊餐廳🏡。今次就去另一間，試下佢嘅嘢食點樣啦🥳。舖頭主要賣港式 #碟頭飯 🇭🇰，而餐飲全部都係特飲🍹，好特別。我哋嗌咗🔴沙嗲肥牛米線($38)，同埋🔵茄汁豬扒煎蛋飯($38)。舖頭係街坊小店嘅風格，而且食飯時間🍴都幾多附近嘅街坊幫襯。沙嗲肥牛米線🌟🌟米線🍜煮得幾滑，口感幾好😛。而且平時煮沙嗲嘅係滑牛，不過而家換咗肥牛🐮，牛味同油脂味更加重😍。而沙嗲湯🥘一般般，可以再濃郁啲，加埋蔬菜🥬偏向硬身，同埋冇癖到菜嘅味🤨。茄汁豬扒煎蛋飯🌟🌟茄汁係茶餐廳碟頭飯現成嘅茄汁🥫，味道正正常常。而煎蛋全熟嘅蛋🍳，冇咗最吸引嘅蛋黃，不過味道正常😗。豬扒比較薄身🐷，而且食落乾同埋硬啲，麻麻哋🧐。
继续阅读
話說今日去食下午茶碟頭飯，見佢餐牌寫$40，收錢就同我講收$46！問返佢佢先話今日係假期，但係我唔見佢有寫假期會收貴啲！其實呢，如果你假期會收貴啲，寫返清楚啦好嗎？講真，$46喺呢個商場大把選擇，仲要好食過你！碟飯仲要係唔熱嘅，無下次！
继续阅读
3點鐘諗住入去食個下午茶，雞亦紅薯粉，珍奶，到俾錢時見到係正價收費43元，問下阿姐就話：你叫咩我落咩囉，下午茶冇紅薯粉架！真係好嬲，其實講多句啫，話俾人知下午茶餐唔叫得紅薯粉咪得囉，為賺錢，唔老實，好唔得囉！
继续阅读