美國燒扒屋 (已結業)

今早叫咗個黑松露鮮菌炒滑蛋，送上來變著奄列煎蛋咁樣？問餐廳服務員唔係叫著嫩滑炒蛋嗎？她就話係咁㗎啦！師傅係咁炒架啦！你唔鍾意食呢樣換第樣啦！呢啲就係所謂嘅服務啦⋯⋯哎！香港服務行業真係令人擔心哦🧐🤨🤨😫

叫左個 雜扒 就畀咗其他扒我 叫咗個車打芝士漢堡 追咗一次唔理我 第二次話就冇包 都唔緊要 最大問題係人手不足 隔離枱個職員又倒瀉啤酒 冇包又唔出聲 搞到我等咗半個鐘 肚餓到死 嚴重差評

We were hungry after going for a run in the sports field nearby, so we just randomly picked this restaurant as the place looked pretty decent from outside compared to other restaurants in the mall.  When we looked at the menu, we all had the shocked emotion on our faces - the prices OMG...  $20 for a tea set with a drink?  Are you for real?  These prices still exist in Hong Kong nowadays?We were so unconvinced that we had to ask the waitress to double check and as expected, the waitress probably

尋日同男友行完山，又攰又餓，本身諗住食陳_記，但又係多人到爆。 去到禾輋商場，見到呢間，有鐵板燒，望落ok 入咗去食。 坐底叫咗嘢食先再 open rice下，發現喊多過笑，心感不妙。 不過都坐底又叫咗嘢食，都照食架要，都唔係咁差啫。幾位侍應都好後生。 坐低無耐，我將d 刀叉擺晒落一杯熱水到浸一浸，點知重得濟，將成杯水倒瀉咗。 無發生要自己出去拎布抹嘅情景，侍應都好幫手咁拎布黎抹，都無黑我面，之後都有再"針" 多杯水俾我地。嘢食都好快黎，我叫咗雜扒餐加蒜蓉汁，正正常常啦，不過d 菜配料係凍架，d 汁睇落唔吸引，好似d 嘔吐物咁，不過食落 ok架。

一家人諗住去食晚飯,一行6人去到門口,個哥哥仔叫我地等等,咁就等啦!點知遲我地幾分鐘的另外10人,有張飛不特止,同一個哥哥仔仲同佢地講等一、兩分鐘就有位!我地即刻問佢我地到先,點解佢地有位先？阿哥哥仔竟然有個做高官先可以諗到同理解到嘅回答：「佢地10位喎!」OK,你赢!我地想同經理了解下,點知另一個哥哥仔就對住我地講:「X你老母」呢間野未來除咗平都無乜特別,今次之後我就唔會再去!

極唔衛生倒左d野飲落客人個飯度用紙巾抹返叫你繼續食仲要一句sorry都冇講叫佢換過唔想食個比佢抹過既飯佢話:用紙巾炸喎太過份啦態度又差.衛生又差已經唔係第一次囉

今日去開沙田禾輋邨，到下午茶時間就去禾輋商場睇下有咩野好食喇，之後就幫襯左呢間餐廳。睇完餐牌，最後叫左餐牌上店長推介既咖哩牛腩飯同美式炸薯皇。洗野嗰時唔小心倒瀉左杯水， 竟然冇侍應過嚟同我抹，最後我自己走去問返個侍應攞毛巾我自己抹。😑先上美式炸薯皇，如果以呢個價錢來講既話算係好抵食。之後就黎店長推介既咖哩牛腩飯喇，如果以男仔黎講真係唔夠食。因為真係得好少飯，不過都唔緊要啦，心唸牛腩好食就補返數啦。點知。。。。。我睇一睇得兩舊好細嘅牛腩，加兩舊好大既薯仔，重要個咖哩汁好特別，我咁大個仔都未試過食過咁難食嘅咖哩牛腩，所以呢間野真係無下次。🤮 🤮 🤮

今次係我唔記得咗第二次定還是第三次黎呢間位於禾輋商場裡面一間餐廳叫美國燒扒屋，一坐低睇餐牌，就叫左一個精選牛扒蛋包飯，加一杯忌廉焦糖榛子咖啡，隔左一陣，我叫既野食就黎哂啦，咁第一眼見到杯飲品，好大杯，味道都唔錯，但好奇地見到個蛋包飯，我感覺好有趣，蛋包飯外面有塊牛扒，雖然個蛋包飯個配搭怪怪地，但係味道都算係唔錯，值得可以試下既

路經禾輋商場，見到呢間餐廳有個12蚊嘅下午茶餐，嚇咗一跳！簡直唔敢相信，香港咁高物價，居然仲有啲咁平嘅下午茶? 於是抱著戰戰兢兢嘅心情， 入去食佢最平嗰個下午茶餐 ~ 鴛鴦脆飽。入到餐廳， 環境有啲擠迫，都是一般茶餐廳嘅裝修。我驚中伏，對個下午茶餐唔敢奢望，餐茶點咗最保險嘅熱檸檬茶。食物上到枱，非常有驚喜，估唔到食物嘅外型唔錯， 包係豬仔包，切成兩半，一邊搽朱古力醬，另 一邊搽奶油，雖然份量唔多，但都ok夠。個包雖然唔係好熱，但個皮都脆脆地。望吓杯檸檬茶，竟然有三大片檸檬，簡直出乎意料之外。以12蚊呢個價錢，食到個咁嘅下午茶，我已經覺得非常超值，唔敢奢望更多，希望餐廳繼續努力， 諗多啲平價款式，仲有唔好咁快加價，等我食多幾餐

今日午餐見間間餐廳都爆，得呢間有位咪去試下。叫左個焗豬，同事叫左二個牛排意粉，牛扒上來得以前nokia手機3210咁大，都心知不妙了，等我焗豬上來仲大鍋，得條骨，肉個位俾人cut左切口整齊，大佬呀你覺得豬扒大塊你都係一開二，唔會圍住舊骨切走哋肉呀，賺錢都要講良心，今世唔來

好可怕，個仕應係飛塊鐵板過嚟，鐵板牛扒係全熟，甚至老先攞嚟，少許生的餘地都冇。。。其實好耐冇食過，諗住帶少許希望再去食，但好似十年如一日咁，如果係食肉獸(單純想食肉)，我諗都滿足到佢地。起碼飲品同12or嘅牛扒份量上都唔錯

可能本身無帶位服務 入到去要自己搵位態度一般舉手幾次 侍應經過扮睇唔到（要大叫唔該）叫左雞扒蛋包飯 雞扒都唔錯但個蛋包飯食左兩啖食唔落 超級咸試左朋友既忌廉湯 都係咸（好重味精）餐具冇人refill 拎左番來仲要係隻隻都有跡整體感覺都好唔掂🤦🏻‍♀️已blacklist建議如果真係想試 最好淨係食扒但份量都係偏細 一定唔夠正常份量

叫咗個雞扒蛋包飯，賣相還可以但一食到落口之後首先個蛋係完全入唔到口好似食咗一茶匙嘅鹽個蛋咸到不得了都算啦啲飯仲要係凍嘅難得出嚟食餐晚餐竟然中伏又唔係好忙喎..大家小心

星期五晚上大約八點，餐廳大概只有一半人，一入去見無人招呼就自己搵位坐。落單時侍應一句說話都無講過。眼見只有三位侍應做緊野。牛扒鐵板，屋村餐廳算係咁，價錢又平。不過，個侍應上菜個陣啪一聲放塊鐵板落我地張枱，勁大聲，好似發脾氣咁，嚇到我彈起身，隔離枱都望到呆左。 之後見個位侍應行黎行去上菜動作係超快，應該係人手唔夠，多野做，但都唔洗咁對我地囉好驚架，塊鐵板熱辣辣。。。個雞翼乾曾曾好難食。。個白汁蜆就普通啦，熱少少好啲石鍋鰻魚飯就有啲驚喜，咁大條鰻魚，有兩條，不過石鍋超熱，搞到個飯底燶晒

今日踩完單車，又攰又餓，知道新城市一定勁多人，所以唯乖乖地求其食間就算，見到呢間都幾多人食，又平，所以就呢到啦！成個扒餐，基本上得薯角係食得人，餐湯咸左小小，宜另一個餐，都唔算太難食，都可以食晒既，意粉不會太淋，蕃茄味都適中，豬扒新鮮炸，不過係油黑左點，同冇豬味