美心皇宮 (綠楊坊)

营业中

休息中

不嬲都好少特登去呢一區食飯，但因為屋企有長輩生日，方便家人所以去咗荃灣食飯。不嬲美心皇宮比我嘅印象都係以快打快，食完就走，未必講求太多嘅服務，但今次好特別，可能係荃灣，比較舊區同埋多老人家，呢度更有人情味，服務亦都比我想像中好，啲嘢食亦都有水準，尤其是個炒飯，真係炒得好好味，俾我都會再嚟。唔係好記得張菜單，因為全部都係姑姐發板，而佢比較鍾意清淡，同埋叫嘅每一樣餸都好啱佢嘅口味，大家都話如果要再嚟荃灣都會食佢。

今日放假得閒，約左外國返來朋友去飲茶，諗住去美心皇宮應該唔失禮，果然無令我地失望，由一入門口既知客小姐已經好好招呼，笑容滿面又親切，今日都算天氣麻麻又落雨，不過等左一陣，好快就有位啦，到裏面食野，落單快上菜快，無漏單，個個staff 都好好service ，無水又會自來加，唔洗我地叫，野食就正常水準，外國朋友喜歡食蝦餃，點左兩籠，又真係好大隻喎， 真心覺得連鎖店有咁既服務好難得，算係有驚喜添，下次帶朋友飲茶一定會再黎～

早兩日。 帶個內地朋友 嚟e間酒樓試下。 因為該地方樓下已經是黃崗巴士站。 約人超方便。 嘩原來依家仲有推車仔點心㗎 好得意呀好有特色仲有啲懷舊點心添啊 好似芝麻卷。薑汁雙皮奶啊 鬆化雞蛋散。全部都好好食。 值得推薦

飲茶食物都係好普通，想講下整個消費體驗。綠楊美心多人就係荃灣人都知，所以我地今次用foodgulu拎飛，因為過左先人齊所以都等左一陣，入座安排不錯。設計華麗但燈光偏暗。食物都係普通點心冇咩好講，相中係炸雲吞，汁另上仲有蔬菜，都幾特別，但係雲吞粒蝦呢，就細到點心有得推車仔幾傳統的

從未食過咁差的片皮鴨，$338/隻，貴都算，質料竟然可以差到想唔到。全程唔見佢表演過片皮，切定攞出來擺左唔知幾耐，都算。麵粉皮又厚又乾又唔熟，都忍佢，但可以凍到好似冰皮月餅塊冰皮咁款。同尊貴既經理，侍應反映話凍，佢竟然可以借左聾耳陳隻耳，當人無到。鴨肉簡直係擺左n年，又凍又油。想食最差既片皮鴨，黎美心酒樓，你無揀錯~

上個月16號………… 我同媽咪中午出咗去荃灣綠楊坊間美心皇宮飲茶，見到佢今次張點心紙轉咗「秋季系列點心」。D 魷魚煙韌度適中，豉油配料十足，味道非常好。呢個係我最鍾意嘅甜品，每年踏入秋季就有得食。糖水入面有完整一隻雞蛋，另外配上蓮子， 味道非常入味。

今次黎食，水準下降很多。牛肉球實的的、本來是小點，勉強加個冬菇變大點。鳳爪柚皮未煮淋、叉燒腸的叉燒並非叉燒味，甜甜怪怪的、粉果皮厚，白色⋯並非半透明沒有花生，比街邊小吃店還要差⋯而且座位排得超逼超辛苦，後面坐了個肥姨姨我連坐都有困難⋯不會再去⋯

荃灣有許多酒樓食肆，最有名和歷史悠久，算是美心皇宮了。荃灣區老街坊，都非常喜歡去飲茶吃飯的，由早到晚都非常爆滿。環境也不錯，因前身是凱旋戲院原故，可以保留了大堂，加上水晶燈襯托，感覺非常光猛和華麗，最重要是推車隻買點心的，好懷舊，姐姐招呼也不錯，好有禮貌。每次來都必定吃北菇牛肉球，柚皮鳳爪，帶子腸粉。北菇牛肉球是有三隻北菇的，是上乘材料，配牛肉吃，感覺好有特式。特別喜歡吃柚皮鳳爪，別的酒樓做不到它的口味，鳳爪不會淋身，有口咬，柚皮吸了醬汁後，非常入味。帶子腸粉，師傅整得好鮮味，不會好淡口的。

今日同屋企人陪婆婆去荃灣美心皇宫飲茶。我哋叫咗：味道還可以，味道唔算太濃，老人細路仔都啱。真係顧名思義，正一「蛋散」，味道完全唔掂。口感好實、好硬，完全唔係以前食嗰種蛋散。

今天三個大人，一個小朋友去美心飲茶。下午茶2:00pm開始，我們1:45pm去到門口，知客剛剛開始派下午茶飛，取飛人龍已經好長，前面排了約20人，我們四人枱排第12張。2:00pm 門口知客準時叫mic入座，我們都要等到2:25pm才能入座。枱與枱之間比較迫，因為有好多姐姐推住點心車來往，好開心可以即時攞到熱辣辣的點心。開了壺水仙後，立即叫了叉燒腸，因為美心叉燒出名幾好食，所以叉燒腸常常好快賣光。今天。一試，腸粉皮比較厚，但係好滑，叉燒好多。牛雜好味，有牛肚牛腸蘿蔔一齊炆。牛雜炆得好入味，蘿蔔好甜。但牛腸好多肥膏。鴻圖伊麵，就是蟹肉蟹黃伊麵，蟹肉好多，伊麵不會過稔。下午茶粉麵一律$78，抵食既麻蓉包不是好多酒樓有得食，所以要叫來試試。三個包麻蓉餡好少，包皮厚，有粒小咸蛋黃，麻麻地好食芋角有豬肉餡整體茶葉好香，點心普通，勝在樣樣夠熱。侍應都快手，落單沖水都好快有人招呼。推點心的姐姐有禮貌，逐樣告訴我們車上有什麼，又笑笑口等我們决定要什麼點心。門口穿粉紅色衣服的知客，就比較不耐煩，客人問入座問題，沒有耐心解答。

之前係美心食肆食飯，有張$300 coupon，今晚2個人食晚飯就用埋去啦.....家鄉炒米粉......超好味.....米粉唔會太硬，又夠乾身.......配料有叉燒/蛋/蝦/魷魚.......口感豐富.....燒腩仔.....少少熱，皮不是好脆......偏瘦.....不推介....金華荷香蒸雞.....雞肉幾滑，最正是啲磨菇，吸晒雞同金華火腿既香味.......牛車水鹵什錦.....樣子超吸引.....豬手夠腍；粉腸沒異味；仲有滑滑豆腐墊底.....只是鹵水汁有點咸.....失色了！減了$300 coupon......都是補佰幾蚊，超抵！

今天補祝父親節到這裡喝吃早茶，點了幾籠點心。比較出色的是牛雜，非常入味，沾一點辣椒油簡直一絕另外點了燕窩蛋撻、燒賣等點心味道一般，不過不失。較為失望的是蠔油鮮竹卷，味道怪怪的。

咁大 個女 第一次嚟荃灣美心皇宮，簡直大開眼界，未見嗰啲枱可以咁逼，啲位咁窄，食物垃圾，隻雞又鞋，條魚又鞋，啲糖水又甜到食唔落，，員工垃圾，有冇雇員再培訓計劃啊態度垃圾，倒瀉橙汁，一身都係。講一句「唔關我事」推卸責任，仲喺度賴呢樣賴果樣，連做人最基本嘅禮貌都無，做咩服務性行業呀！連唔好意思都唔識講，sorry又唔識講，返咩工啫，返下幼稚園先啦！連細路仔都識嘅嘢冇理由大人唔識啊？如果嗰杯係熱茶咁點呀？又頼隻匙羹啦！

環境ok, 係食物差一些.今次坐閣樓, 由於要坐Lift嘅關係,較少點心車會上來呢層, 但有柯打紙方便食客. 如果坐窗邊,可以望到樓下.紫菜卷, 水準同其他分店一樣, 好味之作雞絲春卷, 外面脆內硬, 好明顯炸起咗好耐, 返咗風...美心皇宮必點項目, 蟹肉伊麵$35, 冇沙田大會堂嗰間咁好食, 湯較清, 麵較煙韌, 蟹肉略少. 不過不失啦.薑蔥牛柏葉: 冇薑蔥味, 紅蘿蔔絲薑絲都冇, 淨係食到好似有啲沙茶醬味, 好明顯唔係嗰講樣嘢龍蝦湯鮮竹卷: 嚟到見到個汁傑到好似固體咁, 但食落味度又ok, 三條嘅鲜竹卷仲有個 龍蝦湯汁 瑤柱珍珠雞: 不過不失, 每一件珍珠雞內中間都夾有瑤柱絲同有汁肉粒, 係美心皇宮必點項目, 但係都係沙田美心大會堂好食D.總結, 作為一個美心皇宮粉絲, 會定期去唔同分店食嘢, 最喜歡沙田大會堂分店, 環境、招呼及食物, 都係咁多間最好, 至於今次荃灣呢間就勝在方便, 地鐵站隔離. 大家路過不妨一試, 但係記得用Apps遙距攞飛, 好多人㗎!

星期六，與朋友慶祝生日，叫左半席，好多野食，好飽之前訂左位，不用等。片皮鴨 好咪，但麵皮不夠，鴨皮多肥膏小炒皇, 有少少咸，但都好味唔見得咩湯。。。。味道一般，一般酒樓果啲貨仔一鴨兩食，涼瓜鴨肉。都偏咸少少，鴨肉太大舊。食唔晒所以打包走，可以加燒肉再煮。蟲草花菜苗，所有清晒哩個我覺得怪怪地，但我啲朋友話好食炸得幾好，入面有臘肉鮑魚冬菇生菜，個汁太。。篜鱔，味道幾好，但太飽。。食唔晒。。紅豆糕 yummy