美心西餅 (皇后大道西)

营业中

休息中

一般... 個包話就話係蕃茄包, 個色都紅紅地, 不過一d都食唔出... cheese唔會好多, 不過唔似車打芝士, 似其他普通cheese... $6都覺唔worth, 食das gute/breadtalk好過

今日買左個家庭裝朱古力包, 真係勁大個!!我覺得幾好食wor,有d朱古力卷住卷住, 唔會話好甜得黎又夠朱古力味!!仲有係真係好大個, 我竟然一個人食晒<<家庭裝>> 既包, 呢個又真係好味過東海堂o個個

其實我想知美心係唔係定時定後又update下d歐陸西餅?我唔係成日黎, 不過黎親都已經唔同左, 試左個係朱古力blueberry同蛋白拿破侖之類,今次d拿破侖有d硬... 冇之前咁脆!!不過都可以接受! 但係已經冇左之前好好味o個個魔鬼蛋糕啦!

呢個包都出左好幾個月,不過呢間分店冇餅房, 包既選擇亦唔多,所以都係咁岩見到先可以試...個樣好吸引, 有d 糖霜係面, 食落好似牛角包咁, 牛油味比牛奶味勁香,不過都有幾濃奶味, 其實面頭唔加糖比較好,因為已經夠甜同埋食既時間搞到我一身都係...

媽媽買左比我食, 佢仲同我講有個hello kitty 樣貴幾蚊囉, 好有趣,唔太好味... 因為有少少硬, 口感好差, 紅豆餡唔夠細滑同唔太甜... 以前好似好味d

今日帶小姨甥去公園玩,肚有d 餓就去美心買包食.我地買0左2個包,一個係朱古力狗仔包,$5.5一個,另一個係鴛鴦果占包,5蚊個.小姨甥極鐘意食朱古力狗仔包,除0左外形討好,我諗味道都好重要.我都試0左d,覺得包夠鬆軟,朱古力醬餡唔會太甜,份量都夠,會食到停唔到口,小朋友就最鐘意拎住隻耳仔慢慢食~個果占包都几得,自己食哂一個都几大個,一邊係提子jam,另一邊係橙jam,上面有d糖粉,甜甜地,jam就酸酸地,食完飽飽地又唔太滯,唔錯~

今日買0左個粟米煙肉薯仔包,我覺得絕對食得過~呢款包外形討好得意,真係成個薯仔咁~就咁睇,會以為個包身好硬,點知食落口完全兩回事!個包超軟熟,好香包味,入面0既薯蓉餡同煙肉都好夾,份量諂算多, 唯一係粟米唔多覺看~但我覺得呢款包都好唔錯了~

之前試過吞拿魚肉鬆包,覺得好好食,今次就試下就咁肉鬆包又點先食落口,麵包比夠乾身同硬d,冇吞拿魚0個款咁鬆軟,肉鬆都係0個種味,份量都几多,成個包入面都塞滿哂~ 但今次冇蜜糖,冇吞拿魚,冇紫菜,感覺齋0左d,而且食下食下都几乾...我都係鐘意食吞拿魚肉鬆包多d,貴5毫子,但好食好多~

見大家咁歡喜個鮮果盒,今日返工前又買0左個鮮果盒食,不過今次食芒果味.芒果味賣相都几靚,上面舖0左幾片厚芒果肉,個盒變了圓形,內裡的配料基本上同鮮果盒一樣.食時,我先用小叉食芒果先,一食....好酸呀...唔知係咪芒果唔當造...酸到...於是咬一下個餅皮,點知....好硬...今次試真d,中間0個層真的如各位所講係忌廉而非吉士,其實配埋蛋糕層同忌廉,d芒果0既酸味都可以蓋到,唔會酸到入唔到口,但個盒真係好硬...希望可以改善...相比之下,我覺得鮮果盒好少少,因為d雜果冇咁酸~

我都食過鮮果盒呀!我食過什果同芒果, 我就鍾意食什果多d~貪佢多幾款生果食ma~我覺得個tart好硬, 冇左蛋糕果層重好,因為我鍾意食有咬口既野,所以我覺得好好食~mami就話太硬唔好食bo

見到大家都發表對鮮果盒既睇法,我都想分享一下…本來無諗住買鮮果盒,因為見佢同以前既fruit tarts差唔多,但係就要$9(比以前貴一蚊),點知阿媽買左番黎,咁既然買左就梗係食啦!食左什果盒同芒果盒,差唔多,係形狀同果唔同,什果盒正方形,有士多啤梨,蜜瓜,蜜桃,提子,芒果盒有三片砌得好靚既芒果。撻皮淋左少少少,唔係太好食,皮內有蛋糕同忌廉,蛋糕唔多,忌廉就多,不過個忌廉又無平日個d咁寡但係又唔係吉士,都ok既!如果係吉士就更加好啦!什果盒有道唔好,就係提子有核,如果係咁,我寧願唔要提子,食得我好麻煩!芒果盒好味d,但係我好貪心,想要多d芒果呀!話時話,我幾鍾意d 撻有一層朱古力隔住架!

其實點解要加一層朱古力醬呢?!係因為層朱古力醬可以阻住水果d水份滲係個撻底度~ 唔使整到腍晒~

今日試0左個鮮果盒,我要雜果味,9蚊個.個盒都几大件,好多水果,唔講罐頭水果,新鮮0既蜜果士多啤梨同奇異果都几好食.個盒其實係一個撻底,上面加一層朱古力醬,再加一層薄薄的蛋糕,蛋糕上面舖一層吉士醬,用黎鞏固d水果.個盒底可以做舷厚d,因為而家好薄,都冇0左餅底個質感.加朱古力醬去整實個餅底有d畫蛇添足,唔加仲好.不過個盒仔係几好食0既,下午茶時間食一個,甜甜地清清地~都几好呢~

我都feel 呢隻「栗子焗餅」好唔掂, 我諗d 栗子蓉連半茶匙都無!

今日0係度買0左件栗子焗餅返屋企試.外表睇落都几靚,餅面再灑d糖霜都几吸引~而且3.8一件唔算貴.食落口...極到失望...栗子得極少0既2小條,其餘部分都只係蛋糕....成件都係普通蛋糕加d糖霜0係面,再zit少少栗子溶0係面...美心咁大間西餅舖,唔係小小蛋糕款式都諗唔出,要搞d咁0既款式出黎嘛...