美心MX (樂悠居) (已結業)

公司同事生日~我見美心出左一段時間ge布丁狗仲有現貨，二話不說即買啦，雖然有D同事唔識欣賞!不過生日果位好中意，咁就perfect啦~布丁狗100%似，又靚又好食，入面是芒果慕絲，不會海棉蛋糕咁太假又冇味，岩晒女仔~缺點當然都有~就是太细...得一磅......6-8人已經分好小哈哈, 我們成12人分

焗豬: 好多醬汁好開胃，有番茄味，好味，不過食晒會好heavy好重罪惡感。 表頭料好足(如圖)，番茄新鮮，菠蘿好正好多汁，酸酸甜甜咁，十分開胃!!芝士都好多架，快餐店焗豬最抵食! 豬排正正常常啦，都幾大塊同鬆軟。 overall, 抵食!!

前日(19-6-2016 Sun)晏晝同老公落荃灣擺低o野後又搵o野食,由於大前日o係廸士尼食o個兩餐都係肉多,所以呢日要多菜,但菜….o係香港好似好難有多菜o既食肆,唯有齋舖,但如果我o地食o既份量唔多,又唔會唔好意思?算吧啦,睇吓呢o度又有冇菜食.行入o黎睇,見有$37.00或$39.00 o既大廚小菜有菜食,於是決定要呢個,是日款式係杞子小雲耳上湯浸時菜,配白飯,是日靚湯/奶茶/即磨咖啡/汽水,然後自己再揀一款小菜.由於我好耐冇食西檸雞喇,老公就揀o左呢個.咁我去搵位,佢買o左都幾耐至有齊o野.睇吓杯奶茶,竟然有冰振奶茶,老公話呢個叫做原味奶茶,要加$9.00. 咁貴?我先飲吓,點原味?茶味都係淡淡地,口感係滑o既,就算擺入冰水o度都唔夠凍.然後我o地開餐喇,睇見碗飯乾乾地身,但幸好食落又唔算好乾,不過老公都係要右少少湯食.個杞子小雲耳上湯浸時菜,見到時菜係娃娃菜,成個菜都係清,唔係話特別清甜,而且都只係微暖.而西檸煎雞呢,味道對版,酸甜味o岩o岩好,外面仍脆,好彩係正常水準.抵食係2.7分

前日(4-6-2016 Sat)晏晝同老公行完一陣落大雨,適逢又有啲肚餓,又咁o岩走入避雨o既門口係美心MX(似足拍戲),原本想穿過去搵o野食,但老公話不如o係o度食埋.啊,咁我睇吓有咩同佢share食,見到有$21.00o既燒鴨湯瀨,我即刻兩眼發光,好耐冇食我鍾意食o既o野喇,一於要呢個,同買杯汽水.汽水要$6.00,都唔算好貴,攞齊又同老公開餐.燒鴨俾o左鴨胸位,啖啖肉,正.冇多餘脂肪,味道濃;湯o既味道都係一樣好夠味,而瀨粉粗滑,係穩陣之選. 味道: 4.8分服務:好好,收銀同俾食物o個個亞姐都好有禮貌,只係等燒鴨湯瀨就等耐o左.

星期日都好多餐廳都爆滿，等位無一小時都唔洗入去坐。我這樣懶當然諗到去美心MX到食喇！只要早些去到就不用怕沒有位。盤菜人人都吃過，更加是一班人吃，可是我得二人，加上我身邊的朋友要吃牛扒，看見美心MX竟然照顧客人口味，想出迷你盤菜，流口水的我，點了海鮮盤菜，雖然迷你，但好多料好入味，有蝦有帶子有菇有菜有魚有蜆有肉，仲配埋一碗白飯，全部我ㄧ人吃光，太好味喇！有機會大家可試下。而牛扒煎到八成熟不過不失，酥皮湯焗得不錯，如果配用忌廉湯就更好。

同老公係美心食晚飯, 其實覺得美心已經愈黎愈唔好食, 但因落雨關係, 唔想行咁遠, 7:30pm左右都唔算太多人, 我同老公都鍾意鋸扒, 就order左2份西冷牛扒 ($53@), 唔多想飲酥皮湯, 但又唔比轉其他飲品/湯, 見到做緊夏日特飲推廣, 加配$9.5, 轉配$6, 問佢如果想飲係加配定轉配, 佢話係加配, 咁算啦, 照飲酥皮湯, 驚喜之處係西冷牛扒終於大返, 有手掌大, 之前食過一次只係大過BB手掌少少....而且都幾好味, 但原來成份扒餐得塊扒係好食, 佢既配菜有半條栗米同薯條, 食落都係霉霉地, 薯條唔脆, 懷疑係翻炸又翻炸, 栗米就收哂水, 最後到酥皮湯, 見外形都焗得幾靚.....點知金玉其外, 敗絮其中, 一拎隻湯匙吉開個酥皮, 表面係一層好厚既橙色油, 我真係忍唔住即刻拎相機出黎影低佢, 要寫食評  而且勁稀, 一D 都唔CREAMY, 相信係溝稀左, 唔通呢個就係唔比轉其他飲品既原因?  

今年我只是吃了一次一人一鍋,當晚想找一個靜的地方食飯.出門口上openrice查.就選了呢間美心.由我5點45分.吃到7點15分,人流也沒有增加.我坐左4人梳化位.相當舒適.如果我當天吃客飯.我一定選一人一個電視位.服務,由收銀至樓面也不過不失,幫我點完火後.根本沒有再同店員接觸.不要說快餐店沒有服務.我試過去某地區.某間連鎖快餐店.服務比酒店還好..我有幾年沒有光顧美心MX .服務較遜色.但衛生卻不俗.一人一鍋.醉雞,牛肉56元.加餃子18元.飲品6元...共80元.吃完我竟後悔.客飯平一半,可能更飽.牛肉薄至透光,幸好不肥,肉味也濃郁.也帶少少脂肪香味.但此份量小朋友也不夠,醉雞亦相當入味.雞肉亦有淡淡酒香味.肉質亦嫩滑.餃子肉味是有的,但放在湯內立即散開幾邊.差!而菜有黃葉.幸好種類也多,其餘的只有雪贜丸類.冬菇,味道平平無奇.埋單80元也貴.個爐又煲極都末滾,如果一人食一人一鍋是福音.如果2人如此品質的火鍋.不如去酒家任食更好.

腸仔.又唔似煎.又唔似炸...只可以講好醜也是肉..煎蛋.都唔會有咩寄望但個塊明明係多士..如相看見..只係一塊乾D既麵包.前係羅宋湯通粉..通粉偏林..唔算好食....湯底一舨.離不開都係味精.後面奶茶.好唔得.入口個下.已經有D難頂..再飲多口認證..真係想嘔.奇怪的茶味 之前飲都唔係咁.只可以講大集團的出品.一般都係絛無靈魂的..

其實返工附近都無咩食店選擇....唯有不斷.又不斷地幫襯大集團....煎蛋火腿通...食落比較油膩..火腿無煎咁滯唔香口..湯底就普普通通...可能味精湯....其實簡簡單單一個通粉唔會有咩要求..但係.最要改善既係個通粉本身真係(.林patpat )..放佐入口.都幾難唷落去......美心既奶茶.今次質數一般...茶味比較澀口....唔夠滑身...亦無茶香...由於經常幫襯..所以比較分得出每一次既分別...好似無標準咁..質數唔隱定.

久不久便會有機會到美心下午茶, 今天路過楊屋道這間很新很寛敞, 感覺非常好, 絕不似其他美心般擠迫人多, 當然有時時間是無可避免的人多,而我也相信這位於工廠區的美心平日的下午一定是水洩不通.. 幸好今天是星期日呢!我有兩點可稱讚這間美心, 除了環境舒服, 透光度高, 座位多外, 另一點便是食物的份量.. 這間美心是我到美心以來師傅最不吝嗇的一間, 事關每一碗麵也是滿得連湯水也差點不夠泡浸, 相反有些美心的一碗麵可能只有幾條, 湯就很多!- 是日的西多士不錯,中間真的有花生醬, 認真度過於很多茶餐廰!- 大碗瀨粉無投訢, 雞脾夠入味!- 奶茶比其他的美心好- 公司三文治材料十足, 薯條夠脆夠熱如果再有機到這區想吃快餐, 這美心是一個不錯的選擇!

今日在這裡吃早餐, 踏入店內, 已經不少人, 不到一分鐘, 突然有更多人進來, 收銀處都出現了人龍, 好在我都搵到個位坐. 可能附近是工廠區, 所以感覺上好似去了工廠飯堂.我揀了腸仔, 太陽蛋, 炸菜肉絲湯米, 厚多士及熱奶茶. 其實食物都係普通嘢, 但我就是喜歡樣樣都有一些, 感覺不會太單調, 口感可以多元化D. 用了報紙剪下來的coupon, 便宜了$2, 仲抵過去茶餐廳食.厚多士只烘了一邊, 不過麵包本身算是香軟, 所以我仍然覺得味道唔錯.炸菜肉絲夠味, 米粉份量都足, 整體是okay. 腸仔有煎過的香味, 熱熱哋, 唔錯, 而太陽蛋己經唔熱, 味道不過不失. 熱奶茶味道都幾濃吓, 但微微有點苦澀, 不過是可以接受的.雖然樣樣少少, 食完晒整個餐, 都飽肚的. 不過若果想慢慢嘆早餐, 這裡環境不是太理想.

2010年1月7日 ( 1 ) 新店---午餐今天要到荃灣辦事，午餐時段，一個人獨自來到樂悠居新開的美心快餐店用膳，餐廳門前罷放著(午市套餐)餐牌，選定後，往買票，選擇了雙餸飯，(１)咕嚕魚(２)雙東炆豆腐，套餐售價是28元，然後...到在餐櫃前...輪隊取飯，但輪到取餐時，侍應臨時說...Sorry 雙東炆豆腐沽清，沒辦法啦，臨時轉了番茄肉片，餐飲要了熱奶茶。熱奶茶：淡淡的茶味，不苦不澀，順喉好飲，唔錯喎！咕嚕魚：炸魚柳配合酸甜，也開胃好味。番茄肉片：奇怪的是整碟餸，都找不到番茄，全碟都是肉片，只看到茄汁配上洋蔥的肉片，真是不配名的菜，味道也只是一般。幸好飯底烹煮也不錯。