美食薈超級街市 (已結業)

呢間其實都食過好多次，差不多每次都係食魚片頭，記憶中剩係一次食魚片頭雙拼，但就唔記得自己拼咗乜嘢😂😂😂但就一定有魚片頭😋😋———————-🐟魚是我的至愛、當然又不例外😂🟧魚片頭米粉：大大件又厚切的魚片頭、爽口彈牙、足料又夠魚味，每次去都吃魚片頭就知我有幾咁鍾意食，同埋有幾咁好味道🥰配反碟油菜，再飲杯熱檸茶，茶味香濃，簡簡單單，又食飽一餐😛————————-無厘頭的我：想鴻運當頭就去食個魚片頭😂、開心🥳⋯⋯就係咁簡單———————

今日屋企人出曬街 得番自己一個食又唔想煮 就落左尼開餐價錢公道，份量又好足夠 意粉既味道就好似細個去茶餐廳食既一樣好有親切感 勾起童年回憶 諗起以前要同兄弟姐妹share 依家大家唔係一齊住了 好掛住小時候呀

個日入咗鴨脷洲做嘢，本來仲苦惱緊「人生路不熟」放lunch冇嘢好食點知原來呢個街市已經變到好似food court咁！入面有好多間餐廳但都係統一埋單比錢，岩晒我呢啲選擇困難症hahaha可惜我自己一個嚟食，食唔倒咁多，只能嗌個咖哩飯好大份又足料，係好濃嘅咖哩雞扖都唔錯，唔會好乾好鞋有機會再入南區都會嚟試埋其他菜式！見倒間泰國菜好吸引

翻新後第一次來到晚飯點了幾個小菜同海鮮待應介紹話佢地因為鄰近香港仔可以直接攞貨 會比一般的更海鮮受推介下點了個鮑魚試試真係唔錯 食得出有鮮味而且價格也相對親民打算遲些限聚令解除後再同一班朋友試試大排檔嗎 始終都係一班人食開心d既

翻新之後第一次來食以前好驚去街市既熟食中心，成日覺得地下濕踏踏，但係又好中意大排檔既感覺所以就尼左try try野食味道唔錯 都係大排檔野 夠火候👍🏻但我最concern既都係衛生環境好好彩呢度好乾淨 無痴笠笠 污煙漳氣既感覺令人都食得放心d 可以著靚靚去大排檔食飯野食會有野cover 住 睇上去都乾淨下次可以再尼！

味道越來越好味，次次到來也有驚喜.........隔離街市買料加工，新鮮美味勢不可擋。🦆🦆鴨掌入味夠淋，口感美味無牙也咬到😋😋😋豆苗鮮綠幼嫩，以為伴菜嗎？沒有它，整碟蠔豉也膩起了，蠔豉咬口爽口夠大隻，完全唔覺係蠔豉，仿如鮮蠔。人生第一次食泥鯭，一個字「正」👍🏻👍🏻這樣的烹調方法只是一般而已，控制火喉加調味才是重點💪🏻💪🏻油鹽水沙白，湯底可以撈飯，一餸兩食😂🤣😂🤣這餐開年團拜，完美演繹！

香港仔必食店舖推介，質素保證............真心推介胡椒豬肚雞煲，一向對胡椒敏感的一姐，食過無數間店鋪，唯獨這個廚出品的胡椒雞煲，食完可以再食，雞油不多，胡椒粒粒皆見，雞滑不留口，明火煮食...........夠熱暖胃🐔🐔🐔糯米飯少黏不濕，輕輕乾身，與材料恰好，口感一流，一碗接一碗😋😋😋來一個冰鎮wasabi鮑魚........不硬軟身有嚼頭，口感一流，絕對適合飯前小食，值得一試。

今晚一家人有大有細返咗離阿媽道又唔想麻煩老人家煮，於是去咗利東邨街市食，到了看見餐牌菜色多，價錢又合理，一共點了9個餸，全部都有水準又唔油，之前有個好識食嘅朋友問我利東邨街市食晚飯好唔好食，佢問我個時我都覺得奇，咁識食嘅人應該唔會去li 道⋯⋯今晚試過至知好味，個毛血旺好出色，材料有黃鱔、牛柏葉、木耳、芽菜、鴨血、水晶粉，脆皮炸豬手😋⋯⋯好味而且唔貴。支持小店，各位街坊有機會必定要試下！

舉手叫寫嘢三次都當睇唔到，坐咗五分鐘，最後決定離開食第二間。 明明已經同店員有眼神交流都可以扮睇唔到，叫佢落單好似求佢咁。難怪咁多人坐坐下未落單就走，唔夠人就請人啦。

原來呢個街市有甘多美食，呢間係其中一間，叫大囍，食牛什專門店，當然我吳食牛，所以入去之前我會睇下有無其他嘢食，見到有我至愛吃的🐟類食物——-🐠t片頭✌️✌️✌️✌️✌️✌️叫左一碟菜心，一碗剩🐟片頭，一杯🍋既齋啡，無錯係一杯齋啡➕入🍋吳講以為係🍋茶—-其實係一杯🍋啡，咖啡味香澧，🍋夠清新，🍋啡一直都知道有，但就真係第一次飲😋魚片頭——通常大部分🐠片頭都會炸到金黃色面，賣相靚D又香口D，但呢間就無，賣相無甘吸引，但食落都彈牙爽口，係欠缺左個香口D個質感果種口感，但都好味既😊油菜就一般👌不過我望見佢D牛好靚，須然我吳食牛，但我相信佢D牛應該會幾好食😊

繼上個月食完串燒之後, 今次揀左食小菜!一行四人放工即刻出發, 呢間餐廳係小編之前食過覺得好食, 再叫埋啲同事去試餐廳位於鴨脷洲利東村, 搭地鐵係利東站落車, B出口一出行大約3分鐘就到!為左唔使等位, 早幾日已經訂左位, 訂位個陣重訂左刺身拼盤同海膽蟹膏壽司!一去到餐廳老闆就推介我地試下長腳蟹, 話好新鮮好正, 既然老闆極力推介, 我地就即管試試雖然預訂左啲刺身, 由於公司同事同小編都比較大食, 所以再叫左啲小菜餐廳會按人數去俾適當嘅份量, 當然如果想食多啲可以早啲同餐廳講啦, 刺身非常新鮮, 海膽好甜冇臭味, 長腳蟹啖啖肉, 老闆果然冇介紹錯九肚魚同鮮魷炸得好好, 炸漿唔會太厚炒蜆好惹味又冇沙, 全部都有肉, 唔會得啲嗀鵝腸夠味又夠爽口!鱔都好好味, 有啲豆卜墊底, 索晒啲汁, 好好味咕嚕肉係小編至愛, 酸酸甜甜又唔會太多汁都要叫個菜平衡下嘅, 同事話好食, 但小編比較重口味, 覺得可以重味返小小就Perfect啦!大家都食到捧住個肚走, 講定要再嚟試其他野! 餐牌入面重有串燒, 水煮魚同好多款小菜, 真係要約埋多啲朋友嚟試!**建議大家訂位, 如果想食刺身拼盤記住要預早訂定**

行山又再次一等再等，delay 粒幾兩粒鐘己屢見不鮮，救命。再戰玉桂山前醫飽個肚，我唔敢食太多，行行下山如肚痛或想去廁所就好麻煩喇。原來依度係美食廣場黎喎，多間食店但一站式收錢嗎？菜色真係包羅萬有、五光十色，連游水海鮮都有喎﹗不過我這位新界北真係無幾可走到黎港島南呢，無奈。行山團十幾個浩浩蕩蕩坐大檯，一二三四五六七都係沙嗲牛麵，還有幾個食個靚靚海南雞飯先，大家似乎知道要持久戰喎。其實路程不太長，只是計劃等到黃昏先回程啫。突然咁大張單，我地又麻煩，幸好白頭叔叔不慌不忙一一解決，依然保持良好態度，好好啊！太陽蛋沙嗲牛肉出前一丁，即煎太陽蛋暖笠笠，不會凍冰冰油淋淋，蛋白焦香蛋黃甘甜整隻豪氣地啪入口，一氣呵成正到痺。沙嗲牛肉超高質，直迫中菜水平！嫩滑鬆化牛肉片，彈彈不韌充滿肉汁。沙嗲香甜惹味，調得清爽不濁，堅美味！湯底濃濃，讓爽滑麵條撈上沙嗲汁捲著嫩牛齊齊吔，不得了呀﹗最後淋上辣椒油作點綴，香香辣辣，迅間全部消滅，我想食多碗呢﹗

一行二十人一家大細合家歡👨‍👩‍👧‍👧👨‍👩‍👧‍👧.....浩浩蕩蕩去到利東街市，叫左刺身、菠蘿炒飯🍍、串燒🐷🐮🐔、春卷、咖哩炒蟹🦀......樣樣好食😋😋，最估唔到咖哩炒蟹拍得住九龍城X姐，春卷脆卜卜，串燒既肉有口感，仲有海南雞.....滑口好味道，飲品又有特式🍹🍸，汽水係我至愛玻璃樽🥤，啤酒樣樣有🍻🍺🍻🍺，連黑啤也有......要乜有乜，應有盡有🥢🥢

天氣清涼，約了三五知己行玉桂山，其間友人肚餓，走進了美食薈超級街市，內裏包羅萬有，有港式、日式、泰式，二點幾仲仍然係一條長長的人龍.  我們當然照排隊啦. 好彩人流好快. 等左一陣就有呀.粉麵沒有套餐，飲料是以正價支付，兩者加起來的價錢跟市區差不多。極濃郁沙嗲牛肉炒河，色水均勻是好鑊氣，好炒功的證明。其實食沙嗲牛肉炒河是店方推介的，因為他們今天有河粉。的確，河粉好靚，入口味道足而且煙韌。鵪鶉蛋燒賣，以為呢道點心只會?傳統茶樓先有，原來都可以?度搵到架！味道方面相當好，夠熱而且食落啖啖肉，蛋味香噴噴，價錢方面同普通燒賣一樣，真係抵丫沙爹金錢肚，金錢肚煮得有嚼勁但又不難咬，唯沙爹味夠，正!熱奶茶，見佢色水好似好正咁喎海膽雙龍丼，有海膽、三文魚子同大蝦。配料新鮮，海膽味唔強烈但帶甜無腥味；三文魚子卜卜脆，甜甜地，唔錯；大蝦量唔少，入口軟滑，以數十元質素來說，認真交足功課。