翁記潮州粉麵

营业中

休息中

男友以前住西環，佢話呢間D麵好好味，細個成日同D朋友去食，就係咁佢有日就帶o左我去食，真係唔錯，但夏天去食就會食到成身汗，因o個度無冷氣=.=，不過食到熱騰騰o既時間，飲返支氣水，又另一種享受!

我以前住係西環個陣就去呢間食店食麵，食左十幾年了. . .講真，呢度價錢好大眾化，特別係牛腩麵，都係八個半一碗，個牛腩....又腍又香，唔似出面個d又硬又難咬，翁記個牛腩加左好多香料仲有專爐長期煮溫呢個牛腩，唔似出面個d都係放入器皿度用水煮。雖然呢度無冷氣，但係平丫麼，唔好要求咁多. . .PS:特別推介呢度辣椒汁，呢個唔係咁辣架，咸咸地，加落係麵度，一流！！我都食左三碗牛腩油麵@_@\"\"\"

以前讀書日日lunch都係佢...呢間係分店.總店係創業對面行入去對巷唔講唔知,我男友以前咁岩都係住西環,同我一樣日日都係食翁記大~果時食開$8.5一送麵..會食牛腩/魚蛋河+底+菜~平到震!!要一讚的是辣椒油/醬..我以前唔食辣,少少辣都唔得,佢隻辣椒醬係咸多過辣..我每日食少少,一日比一日多...最後係用辣椒醬撈麵..你都唔話唔爽~~咸咸地辣辣地...超好味~家陣諗起我都流口水....但係你地唔好期望咁高啵..始終都係9蚊碗麵~~但係好過出面10蚊果d質素~食左幾年...日日坐底唔使嗌,老闆娘已經知我想食乜~果種親切感真係好懷念~推介:牛腩,大腸,蘿白~

係既, 真係幾平, 8, 9 蚊不過會食唔飽, 點都要+底野食就一般啦....Fishball就唔太ok很腥...!