翠園 (形點 I)

营业中

休息中

叫左個4人餐 先勿論食物質素如何 7:08pm落單 漏咗3個餸 三催四請 態度又差 經理見到你遞手都可以直行直過 個湯等到8:25未到 最後要叫佢減番個湯錢即刻埋單就唔洗一分鐘拎到出黎

6:45pm入座，問我要唔要想食片皮鴨，到我叫就話賣晒，龍躉兩食又叫我叫，甘我叫啦，點知又話全部都賣晒，想叫脆皮燒肉又話賣晒，叫個炒飯就等1個鐘，我問佢係咪落溜單，佢好意思同我講話廚房睇唔到，甘即係溜單啦，大家唔好再食啦，呢度要咩冇咩嫁

今晚切蛋糕，所以選擇了同集團的餐廳，就可以免切餅費了假日的客人數目不算多，有座地間板，還有多張隔離枱留空，非常安全的進食菠蘿咕嚕肉味道不錯，少點炸醬更好，小朋友也每次必點帶子炒飯這集團的炒飯都粒粒分明，用料亦足，帶子亦大大粒的，很好吃。一來便吃了一碗才醒覺沒拍照鴨掌粉絲煲上枱味道已經很香，粉絲的味道非常好，很快便沽清，家人說鴨掌味道亦不錯牛筋腩煲最遲上枱的菜，同樣色香味俱全，每一口牛腩的味道也充滿口腔，喜歡牛的不要錯過雜莓特飲點飲品時職員告知買一送一，半價的話太抵了。份量沒有偷工減料的，每次來都會點來喝，酸酸甜甜非常好味道還有一款浸菜，但忘了菜名，哈哈

🥢恢復晚市堂食🪑，其中光顧當然是翠園，因有信用卡折扣優惠👇🏼燒味三拼(乳豬+$10、叉燒、豉油雞)👇🏼今次的乳豬很到位，皮脆肉嫩，當然皮下有一層脂肪，不喜歡的可用餐具去掉，再將乳豬皮蘸上適量的醬，那脆脆的皮入口，再舀一口白飯相陪，wow，集「脆、惹味、香噴噴」的三元素結合，就是我喜愛的吃法👇🏼豉油雞，皮是滑嘟嘟的，雞翼和髀位當然是嫩滑，而胸肉雖不及前兩者，但👌🏼的👇🏼叉燒，肥瘦參半，又有少許燶邊，肉質是不錯的👇🏼蟶子皇炒海蝦，喜歡兩者的我有些失望，因蟶子Overcook了，海蝦的味道和質感也只是尚可💳xx卡2-3人光顧晚市有6折優惠，無論好吃或味道普通，總是有折好🥳

翠園唔係間間好，不過我就幾喜歡元朗呢一間，晚飯孖寶既豉油雞夠入味又唔太咸，而且雞肉都算嫩滑，係幾好食，加埋蔥油又比平時冇蔥油時好食左。燒味妹俾個讚佢。孖寶第二寶係上湯龍蝦伊麵，有一整隻波士頓龍蝦，肉質都結實有口感，$288實在唔算貴。清爽田園蔬，炒得係正正常常，但我好喜歡佢既材料，有好多唔同顏色，望落去已經好開心，有我最喜歡的小椰菜、木耳、馬蹄、甘荀、紫淮山... 5隻顏色，符合韓國人所講一餐要食五行顏色食物先健康既理論。

📯這樣的間隔真的不錯，能安心地進餐🙂🤝有朋自遠方來，指名要吃翠園的鐵板叉燒，從前這款食品是必叫的，每次都沒有失望，叉燒肉質軟嫩，即席淋上蜜汁，落在熱燙的鐵板上，像跳舞似的情景，當然引來不少手機的拍照聲，但，物轉星移，它的質量已不復當年，可能因為豬肉的價格不斷上揚，未能選取優質的肉🔰鐵板叉燒️🐖♨$88，肉質普通，不軟淋，且某些位置有點嚡🔰金沙䱽魚球🐟$198，咸蛋黃漿包著魚肉，有微脆的質感，但要快吃，魚肉質地ok。個人覺得漿粉和炸功還有進步的空間🔰欖菜帶子蟹肉炒飯$128，好吃😋，合我的胃口，欖菜份量剛好，惹味但不鹹，又有健康的秋葵粒，還有愛吃的帶子

第一次幫襯外賣長腳蟹，話4斤起，佢地話有隻4斤10兩，開頭仲比隻蟹我睇，生生猛猛，諗住ok, 等足50分鐘，見佢出來只用個細細紙袋已經心知不妙，攞出來睇，嬲到爆，隻蟹是冰凍的（根本就似解凍出黎比人客）比A4紙大小小（附圖）重量輕飄飄，完全唔係之前佢攞出黎個隻，點會50分鐘蒸完隻蟹又雪到咁凍呀？經理仲講大話，話係正常！最慘是晚飯時間，浪費左差不多成個鐘，最後無野食！咁大間連鎖店，居然用呢種手法呃人，可恥！

剛前晚食晚飯的服務很差1.上餸好慢,放餸即走，碟邊好污糟。2 .多次遞手協助視如不見，職員不想做態度出唒來。3.職員同職員溝通,大聲嘈係到鬧。令到客人好不舒服。4.睇番留言呢間服務態度差原來一直都係。5.食物質素正常的。一定無下次。

點心質素OK但份量少，變相加價义燒包一籠只有兩個而且偏細海蜇螺片只有少量海蜇糯米雞細咗30％腸粉偏細條蝦餃丶鮮竹卷丶夢蔔糕正常椒鹽豆腐好味服務態度麻麻，可能因為是假期full house

有個著西裝嘅男人應該係經理，態度差。落單俾點心紙時，佢直接搶過去咁。大半個鐘都未上一個餸，問佢係咪冇落單，點解咁耐。佢答：“頭先咪幫你落咗囉 ”問佢點解咁耐，佢又話即叫即蒸。點知啲點心得一啲啲暖，呢啲叫即叫即蒸？等咗個幾鐘先上得兩樣菜，人又唔係多，搞咁耐？

今早到翠園飲茶，被知客安排入座一側的餐檯。期間完全沒有任何服務員前來招待，即管我們已賣力遞手，但來來往往的服務員依然裝聾作啞，當你無道。💩無奈之下唯有起身搵人，結果一開口就被大大聲鬧「邊個叫你坐個度架！個度我地唔負責架！」真是令人感到委屈又錯愕，安排你坐呢個位，然後鬧你坐左佢安排既座位，真係玩曬。🙂隨後被安排轉檯，服務員一路黑面篩樣一路帶我去新檯。我一落座即刻落單左一份＄38十一點前套餐，當時十點五十分交單，都仲趕得切，唔想再同佢計較。結果到左埋單發現，套餐所包含得兩份食物是分開落單，合共價格由＄38變為＄71，問佢原因仲大條道理話遲左落單，一查發現我交單之後過左成十幾分鐘先同我落單。😠😡🤬講真，你入單過左時間係咪應該同翻個客講聲尊重翻個客呢？今時今日呢種服務態度都真係已經好少見。🙂🙂仲有就係，個兜洗碗水，真係由頭擺到落尾，d服務員行來行去都完全唔會過來幫你收走。我翻到去睇翻，原來翠園都係美心集團，明曬，難怪入面d人有曬大集團氣焰，成個集團ge水準保持得好好，貫徹始終的惡劣。呢間野，永遠blacklist。🙃🙃🙃完。🙃

上個禮拜六（25 號）…… 同屋企人去咗附近商場形點一間翠園飲茶。入到去，坐咗一陣都冇人埋黎開茶，舉手叫啲綠色衫嘅侍應，就叫極都話：「等陣……轉頭嚟」，不過就轉極都未黎。最後……都係由啲黑色衫嘅經理埋嚟開茶、開位。開咗位之後，我哋見到酒樓新出咗呢個新嘅推廣：加拿大龍蝦 🦞🦞🦞（ 可選擇上湯焗或蒜蓉蒸）而且可以另加 $28 配伊麵或米粉我哋選擇咗「上湯焗加拿大龍蝦」，而且另加配咗伊麵。蘿蔔糕煎得好香，兩邊都有少少燶燶哋，食落去味道好好。糯米好香，入面有 D 肉，配搭得非常好。用咗欖菜同豆豉嚟蒸排骨，味道配搭得好好。p.s：整體嚟講食物係非常好嘅，畀我之前來光顧時更加好。不過……員工服務就有待改善，特別係酒樓樓面淺綠色制服嘅侍應，同埋廚房入面嘅傳菜員，以上兩類員工…… 大部分工作速度極慢，只係帶個驅殼返工。

中午到翠園用饍，叫了奶黃包、海蜇、傳統腸粉和傳統糯米雞。奶黃包挺好吃的，可惜海蜇非常地鹹，腸粉又冷，而放糯米雞的籠子竟發現小強！當下立刻食慾不振，賣單走人，絕不再次光臨海蜇太鹹腸粉不熱糯米雞夠熱，但有小強，衛生情況不佳以前到此用饍時，食物質素良好，環境也舒適，吃得甚高興。但近來食物變得參差，食物種類也少了，價錢又偏貴價，CP值實在低。防疫措施做得不錯，幾乎每張檯之間都擺放了膠屏幕，令吃客可以比較放心吃飯。可惜食物衛生和質素的參差令人不禁卻步。希望未來有改善。

夜晚晚市就食過幾次，平日黎翠園食點心就真係第一次估唔到點心水準有中高水平，可惜服務真係差甘d三個人叫左四樣點心再加個青菜先評蝦餃，應該有四粒，但屋企人太肚餓已夾走一粒入面蝦夠彈牙爽口，係皮唔夠薄身dd, 但都已經唔錯叉燒腸明顯見到餡多皮薄，勁靚入面叉腸又唔會太肥，依個係意外驚喜～好食奶皇包入面有軟心，蛋黃味夠出，又係好好食鳳爪做得好，個口感同個汁都要好鳳爪唔會太淋身無口感，而且汁唔會太濃太淡本身我地落單個陣，侍應已經問係咪得四樣，我地話五樣，佢發現自己睇漏左碟菜，甘佢即場圈住，同再confirm 五樣野點知我地食完上面四樣點心，等左陣都未有菜黎，就主動追單，另一侍應話佢催下點知再過多十分鐘都未有，就叫第三侍應che k 清楚有無漏單，點知真係漏左，即時落番，五分鐘內就上到第二侍應根本無幫我地check, 去到第三侍應先發現漏單甘大集團犯依種錯誤，真係接受唔到，而且午市都係得一半人。。。成個感覺勁差

一家人黎飲茶應該開開心心，但食物太耐，服務質素似茶餐廳，一位著西裝疑似主管？經理？既男人態度唔太友善，當食物由超過40分鐘仲未上台時，我地叫呢位西裝經理幫我地睇下，距有d不理不睬的態度，其後已經過去一個鐘 食物仲未有，於是叫左另一位姐姐服務員幫我睇下，如果無落單就直接賣單，但姐姐回應話 ：你等多陣好無？好快有.呢個就係要等一個鐘既蟹子蟹肉伊麵，麵有d淋，但味道可以。另外仲有一個粥一直無黎 原來無落單 所以我地唔要了，叫賣單都等左半個鐘，最後好好笑，隔離台特然高呼叫員工：我張信用卡呢？未比返我！證明一切 所有野都好慢好耐。