翠棧小廚

营业中

休息中

路過食個早餐叫咗碗沙嗲牛肉麵 腸蛋多士加凍檸茶面嘅硬度啱啱好，但係成碗嘢完全冇味你見佢有色水，但係食落口同滾水淥麵冇分別冇鹹味冇沙嗲味冇牛肉味完全唔知點樣可以做到腸蛋多士就正常 杯凍檸茶都係正常嘢但係我真係唔明點解個沙嗲牛肉麵可以煮到完全冇味我食茶記嘅話 要求已經唔會放到太高因為一分錢一分貨 幾廿蚊嘢你想點啊？唔好難食落到肚已經叫合格但係如果連沙嗲牛肉麵呢個咁簡單嘅嘢都做唔好嘅話咁間嘢都好大鑊附近有其他選擇嘅話一定唔會食呢間嘢

呢間餐廳份量少得過份，下午茶炒粉麵飯都要$50一個，以為咁嘅價錢應該都有返咁上下份量，叫咗一個雪菜肉絲炆米，嚟到之後呆咗，隻碟得手掌咁細，得一碗仔雪菜肉絲炆米，幾啖都食完，仲要佢冇特登講明係輕量，作為一間做街坊生意的茶餐廳咁少份量，真係呃錢。另外在叫咗一份炸魚柳配薯條，薯條炸得唔夠，個心仲有少少淋，而且份量亦不多，另外叫咗一杯熱華田，一啲味都冇，稀過水，作為街坊絕不會再幫襯，相信呢間野好快又會轉手。