影片
营业时间
今日营业
06:30 - 22:30
星期一至日
06:30 - 22:30
公众假期
06:30 - 22:30
公众假期前夕
06:30 - 22:30
以上资料只供参考，请与餐厅确认详情
同朋友差不多完成當日嘅工作，諗住食埋午餐先返屋企，諗起嗰日係母親節，想搵個地方10個人食嘢，似乎有啲難，當時已經11點多啲，朋友查咗電話，直接打去訂12：15 竟然訂到，好彩。位置安排係1樓，要上1層樓梯，6人枱10個人坐，都ok嘅，坐得親密啲。好肚餓，就即時落單，點咗15個點心，之後加多1碟炒飯／1碟炒麵。炒飯燒麵竟然來先。點心後上，不過睇得出係即叫即蒸，起晒熱烟。瑤柱蛋白炒飯／豉油皇肉絲炒麵上枱時熱辣辣，炒得好乾身，唔會好油膩，分量仲好多，大家都覺得唔錯。燒腩仔我覺得唔得，因為個皮太硬，有脆感，但唔係酥脆，牙都要咬崩。反而我啲朋友就覺得幾好。鮑汁雞腳我無食到，不過見朋友食得幾滋味，味道應該唔錯。鮮蝦腸粉幾滑，蝦肉爽脆點心拼盤純粹覺得比散叫平啲，有4款點心，每款兩件，平日$55，假期$60腐皮卷好香脆，好亁身，好好食，我覺得係全日最出色。紅棗糕／菜苗餃我都無食，朋友話紅棗糕好軟糯，唔算太甜。菜苗餃都幾好。叉燒腸粉／煎釀茄子兩樣我都係無食到，不過賣相都幾好，茄子好大舊，幾飽滿。食食下都上齊晒啦，呢間幾唔錯。埋單計9位，每人$110都幾抵食，因為真係好飽。
继续阅读
前幾日帶左兩個北京朋友去食晚飯。點了雞煲，酸菜魚，海鮮煲。雞煲：唔錯，兩個朋友勁鍾意。佢地好快食曬，我一啖都冇食到。估計味道唔錯。酸菜魚：應該有改良過，符合香港人口味。我同朋友都覺得唔夠辣。幾好味海鮮煲：同樣地，兩位朋友瘋狂咁食，應該味道唔錯。服務可以。啲姐姐幾友善，肯俾我點完菜就跑去埋單。環境乾淨。交通都方便，門口就有巴士站去唔同地方，返九龍都得。今次睇到餐牌有翅，其實好像點，下次自己一個人再返黎試其他菜式。
继续阅读
豆瓣醬📖豆瓣醬是川菜的必備佐料，相傳范蠡 17 歲時在財主家管理廚房，財主要他把酸餿食物變成有用之物。聰明的范蠡先將長了綠毛白毛的食物用物處理，然後曬乾再用鍋炒熟，去味殺菌，加溫水攪拌成糊餵豬。後來，有個小長工與范蠡開玩笑，將這食物放在麵條里給范蠡吃，沒想到，麵條特別有味。得此啟發，范蠡用這種酸餿發毛食物創製出了美味可口的豆瓣醬。🍤 翠湖蝦餃皇大粒厚皮、材料偏咸🍄 花膠雞絲炆伊麵用料一般、夠熱、偏油，少許神奇豆瓣醬增強口感📝 知客私伙紙巾、精美無瑕嘅瓷碟花紋同餐具，對開卑路乍灣海濱長廊休閒設施、堅彌地城新海旁優美環境，大大提高咗綜合印象分。
继续阅读
呢間野嘅食物質素越黎越差，首先，啲燒豬，炸雞咸到爆，啲海鮮又腥同吾新鮮，啲龍蝦人地吾知仲以為係人地食剩，一忽忽！另外，我哋坐左好耐都未有野食，當有野食時竟然一次過岀曬所有野，完全有留空間俾人食野，一次過一堆野食上枱，請問點食？食物貨不對版，本身menu 寫有紅豆沙，點知最後佢地趕收工而上左桂花糕，hea到爆！最後，啲員工嘅服務態度真係好差，因為今次冇俾利是，啲人嘅態度即刻有變，1.我地投訴上菜太快，佢地淨係怪廚房，完全冇解釋到！2.有個短頭髮嘅西裝經理，態度爆差，佢竟然冇理會我地嘅投訴，反而係背後話返我地轉頭，背後講我地壞話😮💨😮💨3.其他經理嘅人態度都好差，佢地真係好現實，冇利是就彩你都傻，想叫佢地落單都扮睇吾到！4.間野收1030.9:50已經係度催人走，要收呢樣收個樣，又係度話要收工啦，要走啦個啲，真係冇唸到點解一間餐廳會甘，做生意都吾想，反而係甘催催催，真係好吾得，甘嘅態度真係接受吾到！
继续阅读
天氣雖然不算太凍，但氣節上都算是入冬季節，家人想食蛇宴，於是選了這間酒樓的套餐試試。門面及室內裝修都是一般傳統酒樓。酒樓空間都算幾大及濶落，不會跟其他枱太近。我們叫了這個半席羊蛇九大簋宴。菜式很快上枱，不知是否我們在晚飯較早時段入場點菜，9款餸菜都上得很快，堆滿一枱。首先是蛇湯灼生蝦。蝦的肉質彈牙，新鮮好食！然後是這個花膠燴五蛇羹。待應會幫我們分好入細蛇再食，配有脆脆片，乾花瓣及白胡椒調味。材料份量適中，湯不會太傑身或太稀，不過這個羹的湯汁有點偏咸。行運乳豬半隻。這個還不錯，皮脆，肥膏適中不會太多，下面層肉都算厚。一啖咬下不會太油太流。加添乳豬醬都OK。這味荷芹鳳片螺片螺片大大塊，爽口有咬口。荷蘭豆味道清翠，配有黑木耳，豬肉絲及黃椒片。味道不錯！蛇汁灼郊外菜感覺似普通的灼熟菜，不過我們放入羊腩煲吸收羊腩汁後再食，非常一流！👍😆黃金脆片蛇丸這個食落似肉餅味的肉丸球。外層脆口，配有甜酸醬都頗好食。古法扣羊腩這個羊腩煲的汁非常好味，很濃郁，入面的菇及荀都吸收了汁的精華，很好食，羊腩炆得不算韌，但可以再淋一點會更好。一邊食一邊繼續煮，熱辣辣的，冬天最適合不過。生炒糯米飯普通中菜常見菜式。瑤池走地雞看上都見到有啖啖肉。配有薑蔥，不錯。清蒸金花龍躉班這條魚蒸得時間岩岩好。肉質非常嫩滑，沒有過火或太老。非常好食！👍最後精美甜品是紅豆沙或西米露。我們都選了紅豆沙，煲到起沙，很香陳皮味，豆份量適中，味道都不錯。唯一是覺得蛇羹比較咸，其他都餸菜都不錯，尤其是羊腩煲及蒸魚都很好味！👍
继续阅读
您可能会有兴趣的...