影片
营业时间
今日营业
13:00 - 00:00
星期一至日
13:00 - 00:00
以上资料只供参考，请与餐厅确认详情
食家推介
唔知有冇人同我一樣非常之欣賞港式糖水 廿零蚊大大碗真係唔係度度都搵到！仲要全部都係非常之傳統嘅港式糖水 餐牌一定會有嘅紅豆沙綠豆沙咋喳芝麻糊合桃糊 另外會有楊枝甘露今次我就叫咗碗熱辣辣嘅芝麻糊 平時見我一定會加湯圓一齊食 今次為咗減低罪惡感就淨係飲咗碗芝麻糊 雖然佢都係用粉沖 但係口感都好滑好香 入邊環境好懷舊 糖水都係用鐵皮箱保温 好友年代感
继续阅读
今日燒完嘢食，感覺喉嚨乾乾地，之後我哋去咗食中式糖水潤一潤個喉嚨。當時我哋响北角，就搵咗呢間店舖食糖水，裏面比較細，坐位有啲迫，好彩我哋等咗5分鐘就有位，一坐低就即刻叫咗以下糖水。1）腐竹薏米蓮子糖水：有腐竹味，薏米好腍，蓮子好鬆化。2）芝麻糊溝合桃糊糖水：軟滑適中3）桑寄生紅棗蓮子蛋茶：蓮子好鬆化，隻蛋有啲硬但有蛋味。4）紅豆溝綠豆糖水：豆唔夠沙，臭草味夠香，但果皮唔夠香。整體糖水唔係好甜，正常味道！
继续阅读
喺附近食完個晚餐之後去咗呢間嘢叫咗個外賣嘅合桃糊同腰果糊。點知帶到返屋企食嘅時候發現係完全冇味道嘅！乜料都冇落到淡到離晒譜。完全唔好食。全口都係澱粉。之後先發現「翠苑」原來係有兩間嘅。想食甜品嘅大家千祈唔好去呢一間，黐住同埋嗰間風扇一齊呢間翠苑係唔嚟得㗎。呢兩間都係最好唔好嚟。口感又唔得，味道又唔得。其實喺出邊啱啱望入去仲以為係粉麵舖，環境都唔好，但又勁多人排隊。😅😅😅食落去啲澱粉黐住晒個口。真係好耐未試過咁差嘅糖水。酒樓免費嗰啲仲好食啲😓😓😓話自己甜品專家，不如叫自己澱粉專家😅😅😅
继续阅读
凍冰冰嘅夜晚，食完晚飯後最適合就係食一碗暖笠笠甜品☄️北角嘅中式糖水店唔算多，揀｛翠苑🥣｝穩穩陣陣，唔怕伏～～✴️薑汁燉奶✴️質感順滑，燉奶做得夠豐厚，唔會稀冧冧，而且奶味都足夠🥛薑汁就反而唔夠辣，見到燉奶入面有薑蓉，但味道唔夠濃烈，奶同薑味比例大概係7:3～～✴️芝麻糊燉奶✴️燉奶都係一樣，不過芝麻糊份量就比想像中少，大概只有2,3羹份量🥲不過味道就唔錯，芝麻糊綿密，唔算太甜，配燉奶食啱啱好👍🏻
继续阅读
食在百味，肥甜當道！今次踩入這家店，直頭俾啲甜品圈住我嘅胃🍮。話說點了芝麻糊，濃郁得嚟啱啱好，芝麻香味層層透出，咬落去有籽籽嘅小芝麻，講真，連我這個唔太掂芝麻糊嘅人都要豎起大拇指讚好呀👍。口感仲要夠滑，絲毫唔覺得膩，這個分量食落刚刚好，簡直係犒賞自己最好嘅小決定。轉個彎，合桃糊燉鮮奶更加引人注目。好家伙，這個組合真係好正！那份滑帶嘅合桃糊，搭配得到彈牙嘅燉鮮奶，肥甜中帶點綿密，一啖啖都有著細膩滋味，冇得頂！🥛總括黎講，這間店嘅甜品真心可以話係平民價錢但高級享受。唯一啲可惜，係店員似乎急於迎接新客，我哋呢啲慢慢嘆、慢慢聊嘅食客可能就會感到啲壓力。不過食物本身夠香夠正，下次街頭遊蕩，實會再來呢家店探探。
继续阅读
您可能会有兴趣的...