翠苑餐廳

营业中

休息中

終於趁陰天去咗翠苑餐廳，試咗幾款咁傳説中既經典菜，老實講，呢啲滋味真係簡單得嚟又正！海南雞飯，雞肉滑得黎皮脂油亮，食落口感麗質，蒜蓉醬油一淋，哎喲，香！湯品呢，清鮮得嚟料又足，蘿蔔啖啖肉，暖笠笠正！牛腩飯，講真我無乜期望，但牛腩炆得掂，牛筋軟綿綿，將醬油基嘅湯汁嘅滲透晒入每一啖肉嘅纖維裏面。七彩大雜扒呢度，食肉獸嘅樂園，雞扒牛扒火腿扒一次過滿足，齊齊煎得外脆裏軟，淋上洋蔥汁，爽！其中，啱晒我口味嘅係滷水乳鴿，佢哋既乳鴿好似得特別照顧咁，每一啖都好食得兜巴脫筋，脆皮配滷水香滲味，真係點都頂好食！伴隨住，酸辣鳳爪無骨、入口即化，飲品嗰陣點咗凍奶茶，冰凍過後，清新解膩。寫到呢度，我肚仔又開始嗌交，下次再去我一定要再揾幾樣新嘢試，翠苑，你等埋我啦！👀🍴💫

呢邊比較少去D, 要搵間可以坐到既餐廳食lunch , 搵下搵下於是就入左呢間餐廳食, 地方都算乾淨既,又唔算迫~之後揀食咩就揀左咖哩雞飯,熱檸檬茶,個中湯味道都算OK又有材料, 又唔太覺有味精.咖哩雞飯, 就係有好有唔好既地方, 睇份量呢個咖哩雞係算大份, 而且咖哩都唔算太水狀,味道正常.不過唔好既地方就係d雞唔夠熱...有部分係凍凍地, 不過d雞又係熟既... 唔知係點解整到咁...呢個真係失望...食飯最緊要夠熱... 呢餐打哂折因為d雞唔夠熱, 咖哩部份都只係暖... 唔平均...熱檸檬茶正常茶記味道總結黎講...雖然係普通餐廳但都希望食物要熱上比客人食~

3月6日揾食肥華，為了尋找美味的跟餐紅湯，就同靚媽專誠由鑽石山搭車到石硤尾，呢間茶餐廳食佢哋個是日晚餐，及品嚐嗰個跟餐羅宋湯，最先上枱嘅羅宋湯，果然無令肥華失望，保持上佳水準，足料，好味，稀杰適中，最主要係夠熱，在同類型茶餐廳，肥華認為呢碗紅湯，係手執牛耳，至於主菜嗰兩件牛扒則份量十足，粒扇貝亦算可口，配埋意粉，餐茶，和一杯充滿七十年代，情懷嘅啫喱做餐後甜品，加上咁嘅消費價錢，呢個晚餐係，平，靚，正👍👍👍👍

同女朋友來吃晚飯，一位短髮服務員態度極差，點餐送餐都好唔耐煩！我們點的鐵板牛扒飯，上餐之前好似在問要不要切，我們在說話就聽唔清楚她說甚麼，隨後就好差態度的講“佢地都唔答我”，果陣我才反應過來同我們說話，之後態度一直很惡劣，好似欠佢錢並且都唔係第一次咁樣，之前來食嘢佢都好噁心。嚴重影響用餐心情，避雷這家就對了不過除咗呢個服務員，其他人都好好講嘢，唔知佢有乜問題。。。我都從來不給差評的，這次真的有被噁心到，她值得這個差評！！

由聖誕食到元旦，銀紙係咁散，靚媽同揾食肥計計数，再預知一月份起碼有兩三餐，肥華巳舉手應承請同事，朋友的宴會，靚媽向肥華口頭勸喻不要再大飲大食，留番啲子彈過年，為免激嬲老婆1月2日，肥華特別帶靚媽到此店，食佢地個是日晚餐，衹須$78元就有一碗材料十足又美味嘅羅宋湯，再加上一款份量十足主菜，另單尾再有餐茶和什菓啫喱做甜品，此店呢個是日晚餐可說無懈可擊，加上此店舖面廣闊，顧客坐得舒服，員工服務態度亦比一般茶餐優勝，所以靚媽對今個西式晚餐大表滿意🤩👍🤩👍🤩👍

行完黃金，振興完經濟，就要去醫下嗰胃。朋友識路帶我嚟翠苑餐廳， 原來仲係總店。門口睇落細細，但內裏寬敞， 乾淨企理。望下餐牌先選擇超多，中西式都有。 鋸扒，焗飯，小菜，茶餐，應有盡有。奶醬多士煉奶同花生醬厚厚一層，多到滿瀉，甜甜地又有花生粒咬到。紅酒雜菌牛扒配薯菜忌廉湯55蚊有兩大片軟淋的牛扒，配上燒過的雜菇紅酒汁，特別開胃。性價比高。焗雞扒飯配羅宋湯雞扒燒過有焦香味，配上熱騰騰的炒飯底。好味。朋友同我同樣覺得，咖啡同奶茶特別濃郁。

今日lunch係呢度食，叫左個🌸椒鹽豬扒，外面炸到卜卜脆，入面邊雞肉嫩滑，配埋椒鹽辣椒一齊食，正😋仲叫左🌸滑蛋炒蝦仁，雞蛋炒得好嫩滑，有好多蝦仁喺裏面，仲有香菇同洋蔥配合，餸飯超好味，仲叫左🌸西蘭花炒帶子，帶子都幾大隻啖啖肉，西蘭花好清甜，讚👍🏻👍🏻😋食飯前仲有送咗碗例湯，我揀咗中湯和西湯，兩款湯都好多配料😋❤️👍🏻喺茶餐廳緊係唔少得凍奶茶同凍檸水🧋總括嚟講都唔差，叫咗咁多嘢食都係二百幾蚊🍲

今日去完石硤尾南山邨影相打卡📸，行完出嚟附近唔係好多嘢食，但大大個招牌見到翠苑餐廳，就你啦...唔使諗。 今日突然好想食鋸扒，呢度有好多鐵板餐可以選擇。 正當我猶豫緊食牛扒定雞扒，老公話唔使煩，一於食什扒啦，咩都有，啱晒我呢啲為食妹，咩都想食啲，有牛扒🐮、雞扒🐔、牛脷、煙肉🥓、火腿、腸仔、雞翼，有4種汁可以揀，$119 大大份，加$10有飯或意粉，夠抵食。 鐵板餐仲送羅宋湯或忌廉湯，個羅宋湯好濃味，好多蔬菜，又有大大舊牛尾，除此之外，跟餐仲有一個迷你牛油豬仔包，不過其實都唔太迷你，攤開都成隻手掌咁大，個豬件包很香好脆。 老公揀咗個紐西蘭西冷扒（$123），個扒都好大塊，幾稔，薯菜份量都幾足夠。 跟餐當然有埋餐飲啦！

👦🏻喺石硤尾做完嘢，揀咗間開咗好耐嘅茶餐廳食lunch。平時搭車成日經過，不過係第一次食。價錢唔算特別平，但食物質素幾高。而且環境寬敞，非常好坐😄。🥢雲吞麵 $36大地魚湯頭味道溫和清甜。麵質彈牙冇鹼水味。雲吞大粒飽滿，口感爽彈而且鮮味濃郁😋。🥢酥炸雲吞 $58呢個同湯雲吞一樣咁足料，非常有驚喜！雲吞皮香脆唔油膩，餡料同樣鮮甜彈牙。配埋泰式辣醬味道好夾😚。🥢油菜 $22翠綠清甜，份量唔少😌。

翠苑餐廳我諗住喺石硤尾嘅朋友對呢間餐廳到一啲都唔陌生，因為呢間餐廳開係石硤尾好多年，而且可以話係石硤尾最大嘅茶餐廳，佢哋入面啲菜式🍱包羅萬有，中式🥢西式🍴噏得出都有。紅酒🍷雜菌🍄肉眼扒🥩拼豬扒🐖$70：估唔到一間街坊茶餐廳都有扒房質素嘅食物，個紅酒🍷雜菌汁非常之香，肉眼扒🥩質素出奇地高😋，冇咩筋，而且好滑，豬扒就正常味道。個扒餐仲要跟餐湯同嘢飲最後仲有甜品送，舊式扒房就係咁樣，竟然喺茶餐廳可以食到一模一樣。羅宋湯🍲：同出面真係唔同，又大碗又足料，甜酸味適中，好耐冇飲過咁傳統嘅羅宋湯🍲。忌廉湯🫕：好滑好creamy，仲有好多蜆肉，好好飲。日式燒鰻魚炒飯🍚$74：估唔到咁大碟，鰻魚粒超多，而且炒得好乾身，粒粒分明，粒粒金黃。潮州蠔餅🌮$68：炸得非常之金黃，而且好多蠔仔，好香脆，配埋魚露簡直係絕配😋。重慶麻辣雞煲🐓$98：個麻辣雞煲🐓用瓦煲上，風味十足，麻辣香而不辣，啲雞好滑一啲都唔鞋，仲吸收曬成個麻辣味嘅精髓，剩係d汁都夠我餸飯。總結：食咁多樣嘢加埋都係三百蚊左右，真係超級抵。😋😋😋😋😋

屋企人今晚冇煮飯，落咗樓下間餐廳食晚餐。餐廳選擇好多，有小菜套餐，鐵板扒餐，潮州打冷，湯粉麵套餐等等。我地叫咗2個鐵板扒餐，1個紐西蘭西冷牛扒，1個紐西蘭羊扒。鐵板扒餐套餐附送羅宋湯或忌廉湯，迷你牛油豬仔包同飲品。仲可以加$10跟飯或意粉。~~迷你牛油豬仔包食落好香脆，好香牛油味。~~鐵板扒餐份量好多，好大件。西冷牛扒食落肉質嫩滑，唔會乾。配埋個蒜蓉汁，好正。羊扒食落冇膻味。個鐵板都好夠熱，keep到d温度。D薯條份量都幾多，炸得好脆口。見到隔離枱食潮州打冷，都好吸引。下次要試下先。

住石硤尾一定會去食翠苑餐廳🤣因為價錢較親民同位置方便🤓今日叫咗馳名海南雞飯🍚佢會跟一個餐湯 個例湯超級正 好足料有齊蘿蔔 雪耳 豬骨 粟米😍好鮮甜好好飲😋而海南雞雖然唔係脾位 但都好嫩滑 加上塊皮嘅油脂一齊食好好食 恰到好處！牛腩飯🍚牛筋同埋牛腩好惹味唔靭 好容易咬得開又入味！七彩大雜扒☑️係食肉獸之選 有雞扒牛扒火腿扒煙肉雞翼腸仔牛脷薯條！分量十足 所有肉類都好軟熟夠juciy 配埋佢嘅洋蔥汁😍好Perfect！入面仲有埋薯條 真係非常之飽肚呀！鳳城水餃🥟水餃大大隻 足料又爽口！

晚市時段打電話叫外賣，個晚市收銀聽我電話，自己落單唔夠快，遇著有人現場埋單，要放低電話，一拎返起個電話就調返轉頭話個客講得慢，張單取消左。本身係熟客仔，如果咁樣以後真係唔再幫襯，你唔同個埋單客等陣先，做緊外賣單？！我之前落去落單外賣自取時，午市收銀個小姐好好客氣有禮貌，就算打電話去要等陣都唔會調返轉頭怪個客落單慢，更何況係晚市收銀自己聽唔切手腳慢，真係火到黎，你手腳慢關個客咩事？咁樣做生意架？而家因為呢位收銀以後絕不幫襯！

諗住反工前黎食個晏去到食客好多可能多人既原因環境比較焗黎到餐廳都係想舒服食餐飯食到有啲身水身汗🥲食物本身冇咩問題但唔知係唔係佢地抺枱塊枱布冇洗過張枱硬係有臭味散發出黎🥲而家疫情間可以希望衛生做好啲😟

當日因為探嫲嫲經過石硤尾同男朋友好肚餓, 好想試一試真正的健康又有營養高蛋白質食物,所以同佢試一試他們精製的滷水乳鴿。good這款乳鴿特別之處比我以前喺大酒店食更加入味更加好。首先乳鴿採用幼嫩乳鴿bb, 新鮮..☺其次配上特製的滷水汁真係入味三分。配上佢哋特別泰國師傅整嘅酸辣鳳爪。而且係已經去骨,真係大人同細路都咁喜歡。配上凍飲凍奶茶可謂完美。而且鄰近地鐵站行過嚟真係唔到十分鐘一家大細都happy😊