翠苑餐廳

营业中

休息中

呢幾日落雨 屋企人都無去街市買餸！一於貪方便落翠苑食番個lunch❤️快靚正 CP值勁高~BB燒乳鴿🍴上枱勁熱啦啦仲勁香🤤🤤肉質嫩之餘咬落去仲有油脂架🥰皮脆肉嫩 絕對值得一試😎😎玫瑰豉油雞 (例牌)豉油雞真係超好味🥰個層滑嘟嘟既雞皮🤤加上熟度剛剛好的嫩滑雞肉！ 真係送飯一流🍚鐵板肉眼扒🍴一上枱真係wow一聲🤤勁大塊勁足料🙆🏻‍♀️肉眼好冧身👍🏻 而且價錢便宜 CP值極高！！跟餐仲送迷你豬仔包同飲品啊🥤食肉獸可以一試 hahahhaa ❤️

我朋友搬咗去石硤尾住都幾個月，今晚相約到他家參觀新屋之外，一起吃晚飯敍一敍，我都常常坐車經過石硤尾，見到翠苑餐廳🍴，但重來未試過，朋友今晚就係帶我到翠苑食，普通茶餐廳，有什麼食🤔，餐廳空間寬闊，見到好多街坊幫襯，粉麵、小菜、燒味、鐵板、西餐、潮州打冷都有，想食乜嘢都有👍👍大腸、鵝腸、豆腐三拼 $98潮州打冷好耐冇食過，鵝腸爽脆、大腸同豆腐滷得入味，份量十足😋😋韭菜豬紅 $50豬紅入味，韭菜嫩、超大份😘😘麵豉醬蒸黃𩶘䱽魚 $104 包白飯餐湯新鮮黃𩶘䱽魚，用麵豉醬蒸，蒸得啱啱好，送白飯一流🥰🥰

石硤尾係一個純住宅區，佢唔似其他區有商場或者office，區外人入黎九成唔係探朋友就係去JCCAC行市集，基本上一定唔會因為食野而入黎。所以哩區嘅食店都係做街坊客多，今日行完JCCAC諗住食埋個tea先走，見倒翠苑夠大間又多位，就求其食哩度廢事搵。如果區外人入黎翠苑可能會有啲唔慣，因為佢係冇人帶位，反而係好似Food Court或連鎖快餐店咁自己搵位坐，而區內人都好熟架步，所以你會發現食食下可能有人企喺你附近等位。不過翠苑個店面都幾大，所以其實唔難搵位。哩度嘅定價同其他茶記差唔多，不過野食就幾多款揀。常餐($51) - 哩度個常餐最特別係本身已經配左半塊奶油脆豬，沙嗲牛麵如果轉出前一丁或者烏冬就另加$6。火腿奄列正正常常，唔會煎得太老。奶油脆豬係我食茶記其中一樣最愛，哩度唔洗加錢就有啱晒我。沙嗲牛麵係用肥牛而唔係用牛肉，有五大塊好足料，另外仲有金菇，沙嗲湯好濃味惹味。西多士($24) - 西多係另一樣我食茶記必點嘅野食，因為平日返工都唔會食倒，下午茶雖然有西多，不過係配黑白練奶，食西多我都係鍾意傳統口味，所以就散叫。佢地個西多熱辣辣，只係放低左一陣，塊牛油已經自己融左，糖漿就自己落嘅。

今日嚟石硤尾呢邊搵朋友，順便一齊食餐飯，而佢就帶咗我嚟呢度，一開始冇太高期望，點知食物都唔錯喎。環境方面，餐廳大，座位好多，雖然係茶記但唔會好逼夾，卡位好多坐得舒服。同朋友嗌左幾個小菜食。呢度嘅小菜，同埋煲仔餸都會奉送一碗白飯、例湯。例湯方面，原本以為送得嘅都會普普通通，點知好大碗之餘，仲要好足料，好大舊豬骨！真係有肉唔係得骨頭，飲落都唔會係加咗味精嘅感覺，值得讚👍🏻《椒鹽豬扒》$80豬扒炸得酥脆，好香。份量都幾多，食落啖啖肉，而且唔會乾。《西蘭花炒花枝》$90花枝嘅份量好多，抵食。柔軟得黎保留到些小爽口嘅感覺，口感唔錯。《重慶麻辣雞煲》$90估唔到喺呢度食到嘅雞煲都咁有水準，炒得好香，放足辣椒同洋蔥片，但食落又唔會好辣好辛苦，味道剛剛好。《焗葡國雞飯》$62餸同飯原來係分開嘅。呢個葡國雞就正正常常，略嫌椰香味弱左小小，勝在同樣都係份量多，抵食。 總括嚟講，估唔到屋村樓下嘅餐廳都幾有質素，下次有機會嘅話一定會再食。

今日放假同媽咪去食lunch😶‍🌫️天氣實在太熱啦 梗係去屋企附近食嘢啦🥵其實我地不嬲都係食開翠苑 不過就通常叫外賣多😗實在太熱落去涼下冷氣🤪我地至愛泰式無骨鳳爪😚估唔到呢度原來有得食酸酸微微咁超級開胃🤩$60黎講份量都幾大仲叫咗熱狗同薯條🍟隻熱狗都幾巨型 薯條新鮮脆卜卜 仲要冇燶邊😙紅燒BB乳鴿😛$58 皮脆肉汁嫩滑 雖然細細隻 但係都幾多肉 值得叫🤣七彩大什扒$116 呢個餐包埋餐湯、迷你牛油豬仔包、飲品🥳 有煙肉牛扒火腿豬扒…..太大兜🤣巨人餐 食肉獸一定中意食👅呢碗中湯不得了 勁足料❤️‍🔥❤️‍🔥❤️‍🔥入味又好飲

中午和朋友去到樓下附近的餐廳食中午飯，入到餐廳不用等位，環境乾淨，坐位闊落，叫左個黑胡椒咸牛舌飯加熱奶茶，咸牛舌厚身厚肉，有咸香味，味道唔差，牛舌有3大塊，加埋杯香滑熱奶茶，已經好飽肚，埋單50$到，仲有例湯跟，性價比都算高！

星期日去開石硤尾一帶，又唔熟路嘅情況下，就揀咗間門面有LED 燈嘅翠苑餐廳幫襯。一入去，職員已主動幫手搵位，由於午餐時間，人流較多，所以安排我哋二人坐在圓枱，由於對於冷氣風位，職員知道後叫我哋先坐一陣，轉頭便換咗卡位搭枱。職員服務態度不錯，加上餐廳內佈置了不少聖誕裝飾，仲有個1比1會有歌聲同會喐嘅聖誕老人，可以話有誠意。但有樣要改善嘅地方係抹枱嘅布，職員一抹後就出現一酸臭味，好明顯係抹布唔乾淨。講返食嘢先：1. 奶醬多士，落單後超快上枱，鍊奶同花生好多，但塊麵包唔脆，應該唔係即烤2. 焗芝士石斑飯連餐湯熱飲($68)，飯底炒過再焗，有誠意，但石斑無味應該喺不知名雪魚柳。而餐湯叫咗忌廉湯，內裡有魚肉，但有好多細魚軟骨，感覺一般。焗飯食到尾有飯焦，食落似煲仔飯多D整體嚟講，茶餐廳職員有禮貌，如果能夠定期更換抹布會更加好。

見天氣凍凍地..又深夜接近零晨..在朋友家樓下就腳茶餐廳..這好在營業到凌晨1點..可以放工食下野傾下計𢵧左個甜麵醬腩仔肉煲仔飯加$18油鴨脾上餐時熱哄哄..倒上鼓油..炸炸聲..食煲仔飯就是要享受這種感覺

周不時經過，無一次想入黎食，結果今日下午茶終於一試。在總多選揀之中，我揀了豬扒包，價格其實都幾貴，見寫住葡式，貴多幾錢...豬仔包食落去趣口，拎上手熱熱既，算做到水準。豬扒還可以～飲品我揀左紅豆冰，唔使額外收錢，平均餐既價格👍🏼👍🏼👍🏼紅豆冰有椰香味，紅豆算大粒

早餐午餐下午茶都食過，食物都👌，晚餐就第一次食，近來真係忙到求其食D嘢，而家先知咩叫做忙，希望忙多一排就正常反啦😂晚餐，吳使唸———-🐟🐠🐟🐠😂😂😂😂😂😂😂😂😂😂😂茄子燒肉🐠腩➕青紅蘿蔔粟米🐷骨湯➕白反➕🍋茶=73元價錢平，食物不太差，服務都算合格紅蘿蔔🥕粟米🐷🦴🥣——-味道都ok，飲到零味精👌茄子🍆燒肉🐟腩——-味道不過不失，🐠腩都有好多件，不過燒肉就硬左D😅熱🍋茶——-吳記得影，但我覺得呢度既🍋茶味道幾濃郁，好飲😋整體食物都不是太差，味道可接受😊😊😊

莉莉子今日去左jccac活動，了解本地漫畫家既創作同辛酸，石硤尾村算是一個比較舊既社區，但當中除左舊有建築好似屋邨之外，好多新興既設施（好似jccac)就係好既例子🤓🤓今日完左jccac同一班本地畫家傾完計後，就去左附新一間叫翠苑，原本莉莉子遠睇以為係「翠園」🤪🤪點知原來搞錯左。翠苑其實同一般茶餐廳冰室差唔多，提供既食物款式亦好大路。正值下午茶時間，莉莉子點左個「芝士焗石斑意粉」。等左大約10分鐘已經上枱（焗野算幾快）。芝士味好濃郁，表面焗到金黃色脆脆地，雖然未有拉絲效果，但都算唔錯

當日帶屋企人去託管，男朋友擺低個小朋友 我自己一個人去食茶餐。心情已經唔好 加上服務態度奇差。服務態度就是愛理不理🙄最大問題係野食唔好食。最搞笑係晚餐冇得選擇。亦即係代表做人冇得選擇係最可憐。於是點左個晚餐嚟食。最大問題係好多油，消化得唔好。令到大脾都粗咗。

尋晚一個人食飯，唸住收工向附近食埋先返屋企，點知就中伏。本身坐下來睇到有人食煲仔飯，咁我見餐牌，都幾好既價錢，咁就叫啦。點知黎到個煲仔飯又少豉油，臘味又少，最衰係賣單要81，我即場話我食個煲仔飯喎，跟住個收銀仲寸寸共，係呀臘味飯加熱飲田嘛態度又差、食物又差

今日難得收早，可以同老公食晩飯，我諗唔到食乜，就比老公話事啦！佢話上次同d波友踢完波食過個扒餐又平又正想再去食，好啦！就下佢啦！我地係石硤尾站落車，沿途見到d學校，新公屋，環境幾好，我未行過尼頭好大鄕里，之後入到舊區，好街坊feel，終於到達尼間餐廳，好大間，旺角尖沙咀區無可能見到，可能尼頭租比較平！好闊落，環境都ok淨潔，尼個area只係1/4左右，可想而知舖面真係好大，誇張坐低卡位睇menu，好多選擇，有扒有小菜，燒味，粉麵，連潮式打冷都有老公鎖定尼個扒餐，吹漲，不過又真係平咼，66蚊乍我就選擇困難，左諗右諗，最後老公話不如叫焗豬扒蝦球飯，佢想食炒飯底，咁好啦！就埋佢貪心鬼先講餐湯，羅宋湯好正好足料，仲好大碗，忌廉湯都好大碗，老公話好滑好好飲個扒餐好大份，牛扒豬扒都好林，薯條分量好多，啱曬我，但我覺得個汁味道怪怪地焗豬扒蝦球飯用炒鍋上，上枱時熱辣辣，兩隻大蝦兩大塊豬扒，炒飯底份量好足，味道好好最後仲有個啫喱甜品尼間街坊良心餐廳，值得推介大家試試

是地道HK奶茶味，香濃好飲！凍鴦也好飲！午餐、下午茶夠大碟，質素不錯！豬扒雞扒會好大件，其實細食的人會好飽。現在好少地方有好飲的奶茶了，所以我喜歡到這裡吃，茶又好飲，飯又大碟。