翠豐冰廳

营业中

休息中

喺觀塘做完嘢，簡簡單單食餐飯🫠見到呢間茶記都幾企理，裝潢都好新淨✨分別叫咗個是日晩餐，滋滋聲煲仔菜🥘✨整體評分:7/10✨味道:7/10✨服務:8/10✨環境:7/10✨人均消費:～$100🔻翠豐無骨海南雞 (配油飯及油菜) 跟配紅湯/白湯 +雪糕 $78呢個價錢其實已經好低，有飯有餸有菜，仲有甜品🍨無骨海南雞都好嫩滑，份量正常，今日嘅白湯係魚腥草粉葛豬骨湯😁紅湯就係羅宋湯🫠🔻薑蔥魚腩煲 $80可加$15配白飯，餐湯及熱飲 (可以優惠價升級特飲)，好似我呢個餐就加左$12配雪糕椰汁紅豆冰👍🏻👍🏻薑蔥魚腩煲上枱已經熱辣辣，魚腩好大塊，佢呢啲唔係現成魚，每塊魚塊都有骨， 佢係用新鮮魚去炸，而且個汁做得好入味，調味啱啱好，唔會話太鹹😻

呢間茶餐廳位於牛頭角，主要提供港式麵飯、鐵板餐、潮州粉麵、晚飯小炒等經典菜式，選擇多元化，店內光猛，乾淨俐落，外賣速度都幾快手，經過可以一試！下午茶時間當然唔少得叫返幾款小食，店員推介公司三文治，果然有料到，大大份，烘底麵包，配上番茄、生菜、雞蛋、芝士、火腿同午餐肉，味道層次感豐富，食完都幾飽肚吓🥪另外要咗個有手指公標識嘅吉列魚柳同生炸雞髀，兩款炸至酥脆可口，炸皮夠薄，魚無雪藏味，雞髀嫩滑又多汁，搭配滿滿醬汁嘅沙律，正呀～ 呢度有唔少潮州粉麵，崩沙腩魚蛋河比想像中多，肉味香濃，魚蛋彈牙，河粉滑溜，入口順滑，湯底鹹度適中，整體搭配唔錯👍🏻

觀塘工作的我，一向對觀塘茶餐廳情有獨鍾，一來價錢比較便宜，二來快靚正食得滿足便有力氣繼續加油上班😆！最近同事得知開了一間高質茶餐廳🍴，門面裝飾不錯， 環境座位又別緻舒服！翠豐無骨海南雞飯海南雞份量夠多，啖啖雞肉滑溜肥瘦適中，配上海南雞特色醬油真好吃😋芝士焗西蘭花🥦新鮮焗起的西蘭花🥦好多芝士拉絲起來，滋味！菠蘿🍍咕嚕肉香濃酸甜又開胃的咕嚕肉非常彈牙可口，送飯一流！📍翠豐冰廳 觀塘偉業街161號地舖

餐廳：翠豐冰廳 (觀塘)地址：觀塘偉業街161號地舖翠豐冰廳 @tsuifungcafe 最近喺觀塘工業區開咗第二間分店，新開接近2個月，裝潢光鮮新淨，以卡位座位為主，唔知喺唔喺新環境嘅關係坐都坐得舒服啲🤣佢哋主打茶餐廳冰室美食🍽，海南雞、焗飯/意粉、意大利飯、滑蛋蓋飯、港式咖哩、鐵板、中式西炒粉麵飯、小菜、酸辣米線、魚蛋粉麵等應有盡有，款式多得嚟價錢亦合理，成為咗唔少喺附近住同做嘢嘅人嘅飯堂🍚每日嘅精選晚餐都唔同，有四款選擇，除咗送老火靚湯或者羅宋湯之外，仲包埋熱飲同埋雪糕甜品🍨，比出面一般嘅茶餐廳/冰室更加豐富😍。今晚嘅靚湯喺老鴨冬瓜薏米祛濕湯，有非常足料嘅湯渣，有豬展、紅蘿蔔、粟米、薏米等；是日甜品雪糕喺本地雪糕品牌CoCoBerry嘅沖繩鹽口味，令我諗返起半年前去沖繩旅行好多回憶🧳，食完非常滿足☺️✝️干煸四季豆炒豬頸肉 $88用辣椒🌶️、京蔥、薑片、冬菇爆香豬頸肉，再加入四季豆去炒，雖然食到底有少少油，但食落真喺好惹味有鑊氣，豬頸肉嘅邊邊仲有少少脆口滋味，肉質爽嫩唔韌，撈飯食一流😋✝️黑白一口西多士 $32平時西多士就食得多，除咗兩層西多士中間夾咗花生醬之外，另外再淋上煉奶同朱古力醬

清爽嘅一天從早餐開始～ 返工前嚟咗呢度買早餐帶返公司食, 餐牌上款式選擇多, 早上主要提供三文治類、包類、湯麵類🥪秘醬豬扒脆豬個包好鬆脆, 裏面搽咗牛油🧈, 豬扒外皮金黃酥脆, 咬落去好嫩好juicy, 一啲都唔乾身, 加埋蕃茄片🍅、生菜🥬, 仲有沙律醬嘅獨特風味, 整體味道更加豐富！🥪炒蛋治鬆軟嘅方包夾住嫩滑又有蛋香嘅炒蛋, 份量唔多, 但做早餐就剛好！🥪鹹牛肉三文治三文治夾住鹹牛肉, 肉味香濃, 食完有飽足感！

約咗朋友去觀塘聽講座，開始時趁有時間去食個快飯，行過見到呢間翠豐冰廳個門面都幾sharp，見佢款式多又唔貴，所以就入咗去試吓 😛翠豐無骨海南雞飯海南雞份量都好多，成份雞夠撈晒成碗飯，啖啖肉好滋味，雞肉肥瘦適中，而且非常之嫩滑，少少鹹配埋海南雞嘅醬油，非常之正 😋蔥花蝦球滑蛋蓋飯朋友好鍾意食雞蛋類嘅料理，見到有牛乳炒滑蛋蓋飯呢個系列，即時心心眼話要叫嚟試吓 😍 個蛋好香濃好滑，蝦球非常彈牙，仲要勁鮮甜 🤤 有一刻我真係想搶咗佢個碟嚟食 😂另外都叫咗個蠔油生菜，諗住食得健康啲，飲品就叫咗齋啡同埋鴛鴦，齋啡都幾 ok ，飲落都舒服；朋友話鴛鴦好香好滑，奶香味重 👍🏻 值得一題提係呢度環境都唔錯，一入門口有棵樹，入邊以綠色為主，估唔到快食冰室都可以坐得咁舒服 🫶🏻

加班晚上來到公司附近的翠豐冰廳食晚飯，晚市都算人多，觀塘晚上一向人流較少嘛。掃一下qr code睇下食咩先，好多野揀，最後鎖定點晚餐，因爲佢有湯有餐飲仲有甜品好抵咁。⭐晚餐A 燒汁鴛鴦扒拼台灣腸配薯菜工作太辛苦想食點肉，就揀左A餐，黎到真係好多肉🤤兩大塊扒厚切，仲有條腸添。雞扒有雞皮，煎得香脆好正，豬扒不過不失，台灣腸甜甜地幾好食。主食揀左薯菜，黎到居然有半盤薯角，份量勁多啊😍炸得脆口熱辣辣，好正。⭐熱檸茶 & 羅宋湯跟餐有餐飲同餐湯，餐飲要左熱檸茶，茶香無苦澀。餐湯有中湯或西湯揀，要左羅宋湯，好多蔬菜夠足料，酸酸地幾好飲。⭐公司三文治遲來的同事後加了一份公司三文治，有生菜、蕃茄、蛋、芝士、火腿、午餐肉等，半瀜芝士再加上烘底麵包，又塗了牛油同沙律醬，足料好味，正宗港式美食呀🤤⭐雪糕晚餐仲有雪糕送，開頭似為係一粒雪糕糯米滋個類，原來有一杯Coco berry，是晚係菠蘿椰子味，有驚喜喎😘餐廳地方大幾好坐，食物有水準，係高質茶餐廳😆

經過觀塘呢間新開嘅 翠豐冰廳叫咗兩個熱門菜試吓外賣牛乳炒滑蛋蓋飯配雞扒🍳蝦滑粟米煎肉餅🌽等嘅過程唔使好耐，15分鐘左右就可以有得拎走，包裝好好，就算有飲品有湯拎到返屋企都無倒瀉👍🏻蝦滑粟米煎肉餅，配咗飯，湯，飲品🥤蝦滑彈牙🦐配鮮甜粟米煎肉餅，加上沙律菜🥗營養均衡菠蘿冰足料，好多果肉🍍牛乳炒滑蛋蓋飯配雞扒，奶香味十足嘅滑蛋🥚配鮮嫩多汁嘅雞扒🤤自己喺屋企煮真係煮唔出呢啲功夫👨🏻‍🍳下次有時間要去餐廳坐低，好好試吓佢個鐵板餐，因為一路等外賣一路聽到鐵板喳喳聲，好吸引啊🤩

晚上到觀塘海濱長廊逛逛，打算先在附近吃罷晚飯才散步，行至在巧明街與偉業街交界看見明亮的霓虹招牌~「翠豐冰廳」，原來是新開業茶餐廳，嘗嘗新店舖也好喎！ 先嘗小食吉列魚柳伴薯條~香香脆脆魚柳和薯條蘸沙律醬吃，逗起食欲！   翠豐無骨海南雞~我們將油飯轉白飯，飯量頗多可以分享，海南雞皮爽肉滑，下飯特別開胃！ 崩沙腩撈麵~崩沙腩肉味香鮮，腍滑可口，腩汁撈起彈牙幼麵非常美味！ 追加蠔油芥蘭一碟，十分腍甜！  白牛及黑牛~兩頭牛，令人冰涼又醒神！

見新開，食飯多個選擇，本來雙贏。點知遇著個黑面侍應，都幾無癮。坐底都9:30am ,入到去吉位大把，侍安排我坐單人卡位。點知一坐底就覺得凍，原來頭頂有幾把風扇。天氣岩岩轉涼，冷氣加風扇真係頂唔住，見窗邊有位就調過去。侍應呀姐就好話我調位。同佢解釋凍，問佢風扇可唔可以唔熄，又扮聽唔到。然後”那翻揸沙”話多人要搭枱，我應佢好呀，多人未搭。再問拎杯水想話好忙，叫我自己斟，望天花又唔見自助水吧字眼。有客入真係想叫佢搭我枱，人地見半間吉位，睬你都膠，真係小家到死。其實都過左繁忙時間，洗唔洗咁執著砌磚式安排座位？我食完十分鐘都閃人啦，唔洗做咩！？講番個早餐，其實麻麻地。隻蛋又唔係即煎，食落凍既。除左牛肉奄得入味，其他野賣相，味道一般以下。間野留番比隔離酒店，貪方便食個飯既客吧。

下午茶特價時間路過見人小小一於搵個靚位坐低試吓。豬頸肉炒烏冬 （下午茶餐）大約等咗約10 分鐘，炒烏冬首先上台，第一個感覺係份量小咗啲，不過熱辣辣明顯係即叫即炒加番哂分，烏冬入口尚算亁身及有鑊氣，唔錯。跟餐熱奶茶合格蒜香牛柳粒炒飯（下午茶餐）再等多約10 分鐘之後到碟炒飯上枱，明顯又係即叫即炒，米係用日本米系，粒粒飽滿，有鑊氣又唔油，唔錯唔錯。跟餐檸檬茶合格綜合係一間認真做的茶餐廳，希望能夠一直保持水準。