翡翠拉麵小籠包 (已結業)

同屋企人黎食飯，食物質素一向有水準，不過該店員工服務態度惡劣。開開心心食飯，慘遭成為出氣袋！員工不懂得尊重顧客！您們的員工對顧客態度不禮貌，食店還好意思要收取加一？重要俾小費？本人對該集團員工訓練極失望！俾錢買難受,以後再光顧翡翠集團不會再光顧此灣仔大有商場分店。

個担担面明明叫左小辣，張單都打到明咖啦黎到既時候滿心歡喜開始分黎食點知一食就辣到飛起完全食唔到，我從未食過咁辣嘅"小辣”囉！同佢地衣著經理啲嘅員工講佢淨係比碗清湯我 勁細碗，好似飲茶啲飯碗咁，我地三個人，夠邊個問佢再攞佢話要收錢離晒譜死四十元碗，唔係咁嘅態度！、

翡翠拉麵現在好唔掂，真正的銀「絲」卷，碎哂 干扁四季豆~肉碎唔係好見，四季豆又濕又油 白飯硬服務差糖醋雞球最遲到，炸到乾哂，3/4 炸粉1/4 雞粒又貴又唔好吃，要加一仲要收茶錢，仲要係要來浸筷子的！

八月八日 (星期一)主席轉了工一個星期,是日首次去探探她每日都可以準時收工,真令人羡慕因她的午膳時間有限,一早已在此訂了枱翡翠拉麵,通常都是吃中環的分店,灣仔的還是頭一回一向水準都不錯,有點信心的生煎包外層鬆軟內裡肉汁豐腴,很香口上海粗炒只是普通貨色而且份量較少,配料也較少小籠包在這裡一向都算是中上水準皮薄而又不易穿,肉裡豬肉煙韌,肉汁亦豐富蘿蔔卷是最叫人驚喜之作蘿蔔化成幼絲,口感一流餡料是蘿蔔蓉,味道香濃外脆內滑,層次感一流連一向都不太好蘿蔔的老公仔也吃得津津有味上海炒年糕一向是我最喜愛的上海菜不過始終覺得南京路的較好質感仍算煙韌,但炒得略為乾身下次再來探主席!

是晚又到會展, 之前就在這邊晚飯. 翡翠拉麵的分店不少, 好像沙田那家就長期排長龍, 這裡沒有那麼誇張, 等一會兒就有位了. 作為其中一家入選必比登的翡翠拉麵店, 又看這分店的水準如何. 先講環境, 是擠逼的. 來得這裡, 也不會打算慢慢坐吧.蔥油乾撈拉麵: 8分, 蔥油相當香, 麵條質感對辦, 夠彈牙. 兩者撈埋一齊同吃, 是食到停不到口. 或者還比不上鑽石山那店, 但在香港來講, 已算是水準之作.菜肉雲吞湯拉麵: 7分, 相對來講, 湯拉麵就差了點點, 這裡的湯不夠清甜, 麵條當然跟蔥油乾撈拉麵的一樣對辦, 但還是更愛乾撈版吧. 菜肉雲吞大大件, 皮幾厚, 料就幾足的.蒸銀絲卷: 6分, 並不是蒸銀絲卷, 只能做到蒸饅頭的層次. 包是夠軟熟, 也夠熱, 但現在能做到蒸銀絲卷效果的店子也越來越少.上海小籠包: 8分, 皮薄, 夾上去也不會散, 咬一口, 肉夠鮮, 但湯太多了, 有點燙口, 吃的時候真要小心一點. 不過還是有水準的, 也是來這裡要叫的一味.這裡的拉麵跟小籠包也是不俗的, 價位相宜, 這個品牌, 還是有它的吸引力.

我7:00PM去到大有商場諗住食小籠包。因為女友未到，我就先行攞位。當時店裡店外都水靜河飛，接待處只係分別有兩位客人等緊位。我同接待處位職員講我要兩個位，諗住坐低睇定餐牌等女友。點知職員話未人齊唔入得！真係ｏ咗咀！店內勁多吉位，因為咩原因要個客企係出面等呢？在我之前有一位女士亦係被拒門外，超慶咁打俾親友訴苦。對於咁無理嘅「服務」，我接受唔到囉！即時轉地點食第啲嘢。

今晚同老媽子一齊撐枱, 決定去灣仔既翡翠拉麵小籠包再度一嚐8:30p.m. 到逹, 環境都幾大, 地方十分整潔, 服務也很好~~菜色方面, 今晚我地一共叫了五個菜,燻魚 -----> 味道我十分喜歡, 但可惜d魚肉十分之”un”, 而且有很多骨呢~~四喜烤夫 -----> 味道一食之下咸了少少, 成個餸也有些過濕, 而d配料不論毛豆, 雪耳, 定係荀全都是淡而無味的~~~上海小籠包 -----> 這個幾好, 皮簿肉香, 有湯汁~~~上海炒年榚 ----->又係咸左少少, 配料一般, 菜有渣, 而主角年榚, 汁雖然是比較咸, 但卻是完全無味的~~~蒸銀絲卷 -----> 這個我最喜歡, 清清的, 但卻有一絲的麵粉香氣, 和一點點的甜味~~~這鋪會否再去??答案是:不會了, 已不下在這鋪食了多次, 水準真是每況愈下, 由其是燻魚, 真的令人有點失望, 總括黎講, 雖然所有菜式不算難吃, 但以如此的價錢來衡量的話, 真的一點兒也不值再回來呢~~

有d上海餐廳gei酸辣湯麵會好「結」，好難食但係翡翠拉麵小籠包geii酸辣湯麵就是品質保證！酸得黎唔會太酸辣得黎唔會太辣個味arm arm好=)另一介紹係依個雞餃湯d湯好有雞味！唔似味精湯！很值得試！

放假既灣仔真係靜到鬼咁難得放假當然去一D平時LUNCH TIME 排隊排到爆既地方歎下啦入到去十張檯空左七張同女朋友叫左:一碗酸辣湯拉面 (小辣)一碗擔擔面 (小辣)一籠小籠包酸辣湯拉面 - 用料算足, 味道則剛好擔擔面 - 花生醬同麻油都幾香小籠包 - 一籠四隻，皮薄而不易穿勝在整體平均 性價比高!

雖然係星期六,但由於5點幾就到所以唔駛等位,本來以為冇咁早開竟然唔係,而且入面已經有人進食當中. 見到一堆侍應圍住一個人企相信應該係進行緊briefing, 有得坐窗邊位的卡座位,沙發非常舒適,空間也夠大,旁邊還有其實裝飾品,比時代下面個間有氣派多了~又想食麵又想食其他,於是唔同種類既食物都叫左好多.同時間上台就連侍應都覺得誇張+懷疑我地是否食得落~小籠包:店名話明呢樣明顯係精心之選,呢度小籠包當真做到皮薄餡靚,一咬爆汁效果為之一絕!山煎包:同小籠包一樣爆汁 但反而覺得失色左因為煎得唔夠香底唔夠脆~但都算ok鎮江淆肉:老一輩通常都鍾意食,鍾意個層jelly口感,但我覺得唔加醋就唔好食蘿蔔絲酥餅: 呢度做既大大件,但入面餡料絕無花假,而且非常入味+存熱非常長時間,只是外表色澤缺乏,因為冇掃層蛋漿春卷: 雖然香口 料都入味,但因為平時食得太多春卷所以冇乜特別家鄉小黃魚: 可以話必食,一上台炸蒜香除之撲鼻,小黃魚外皮香脆可口,魚身雪白軟熟..簡直係齒頰留香!水餃:同京菜館食的相似,一啖一口,非常平平無奇...30$ 6粒有點貴叉子燒餅: 同京菜館的差天共地,外表色澤雪白,不像平時見的金黃此其

另一餐生日飯, 由於有訂檯, 晚上6點半準時到達直入 5個人 order 左以下食物1) 鮮茄蝦仁窩巴 ($72) - OK啦~~ 不過不失2) 煎鮮肉窩貼 (約$20-25) - 食個陣小心O的, 太大啖咬落去肉汁飛晒出來. 另外應該係即煎, 夠脆而且好多湯汁, 正! 3) 蒸及炸銀絲卷各一條 (約$12-14一條) - OK啦, 不過要問至提供練奶 4) 百頁結烤肉 (約$60) - 我無食, 不作評論5) 瑤柱XX炒飯 (約$70) - 唔係好記得正確名稱, 類似用五穀飯炒, 都幾好味, 但份量偏少.6) 蔥油餅 (約$20) - 好味, 蔥唔會太多, 但份量似乎又縮左水, 唔夠呀!! 7) 清炒聿百 (約$60-70) - 無咩特別, 可以啦8) 烤夫 (約$40-50) - 唔知點解會係熱o既, 以前間間鋪頭都係凍食, 扣左少少分 另外叫左白飯, 豆漿, 再計茶及加一, 埋單約 $460服務唔錯, 我地張檯係角落位, 伙計好識做適當時候走入來沖茶! 食物整體上算唔錯, 有機會一定再光顧! 下次要試酸辣湯, 蔥抓餅

我星期六下午吃過雪菜肉絲拉麵, 好重味精, 但幾好味.跟住又食左個高力豆沙. 這個甜品就太差了 . 不知雪了多久, 外皮炸過後已經實實的, 但內裡的丁點豆沙還是凍的. 食物味道還是可以的, 一般餐廳水準, 環境不錯, 價格算合理. *** 但 ***我吃完後肚子狂攪, 又狂放屁. 我以為是自己腸胃不好. 所以今天星期一下午又再幫襯.今天吃了一碗炸醬拉麵, 好味. 又叫左個清炒津白, 都好味. ~~~~ 但~~~~~好可怕的是, 我吃完之後又狂攪肚, 2 小時後就嚴重肚瀉. 我都無吃過其他東西,~~~~ 無咁啱呀?! ~~~~ 食兩次，　兩次個肚都狂攪肚. 今次重疴得咁勁.呢間嘢, 唔該叫食環署檢查化驗下食物細菌含量有無超標啦!唔好損人健康, 重要使錢睇醫生!

大有廣場裏的環境很舒適，傍晚去人並不多，服務員的招呼很周到。這裏的菜肴各家分店差不多。小籠包皮算薄，也有湯汁，口味可以過關。拉面種類巨多。要了份炸醬拉麵，麺的口感很一般，不精到，但湯料拌得很可口。不管是單人吃個快餐，還是數人聚堆吃飯，都是不錯的地方。

水煮牛肉拉麵 變 煙蒂煮牛肉拉麵 翡翠拉麵小籠包是我其中最喜愛的午飯地點, 她們的尖沙咀, 灣仔以至新加坡店我都是常客.她們的酸辣拉麵, 小籠包, 手抓餅都有高水準, 尢並是她的]水煮牛肉拉麵, 其庥辣湯水更有四川風味, 是我的至愛. 今次在灣仔的煙蒂煮牛肉拉麵, 令我很矢失望, 全店由樓面至經理都只想我 order 其它食物. 至電到她們 office 的回應是不知原因而無發跟進及不會跟進, 如此對食品衛生不重視, 如何貴為米之蓮一星食府.

Before our Art Jamming lesson began, we decided to gather at Wanchai for a quick lunch first. Having no idea on what to eat, we decided to pick one restaurant randomly at Tai Yau Plaza and so here we went to Crystal Jade.1) Beancurd with Preserved Egg $40The Beancurd looked delicious but not as meticulously prepared as Shanghai Xiao Nan Guo Cuisine's. The Beancurd was icy but the texture was not particularly smooth. Taste wise the beancurd itself was tasteless but was delicious when go with the